Беларусь будзе заключаць з Афрыкай дарожныя карты
© Sputnik / Алексей Покровский
Падпісацца
Раней прэм’ер-міністр рэспублікі раскрытыкаваў МЗС і членаў урада за экспарт з афрыканскімі кантынентам, які знізіўся.
МІНСК, 29 вер – Sputnik. З краінамі Афрыкі трэба фарміраваць канкрэтныя дарожныя карты, заявіў начальнік галоўнага ўпраўлення Азіі, Афрыкі і Лацінскай Амерыкі МЗС Беларусі Ігар Белы пасля нарады ў прэм’ер-міністра, перадае карэспандэнт Sputnik.
Нагадаем, раней у пятніцу кіраўнік урада Раман Галоўчанка заявіў, што экспарт у краіны афрыканскага кантынента асеў, і даручыў распрацаваць канкрэтныя крокі для яго росту.
"Гэта нарада – вельмі важны крок, мы змаглі скаардынаваць тыя крокі, па якіх мы будзем працаваць на афрыканскім напрамку", - сказаў прадстаўнік знешнепалітычнага ведамства.
Паводле яго слоў, работа з Афрыкай мае сістэмны характар, яна ажыццяўляецца праз апорныя пункты – беларускія замежныя ўстановы. Цяпер у краінах кантынента працуе пяць дыпустаноў Беларусі. Яны знаходзяцца ў ПАР, Егіпце, Кеніі, Нігерыі і Зімбабвэ.
"І ў бліжэйшы час, я спадзяюся, мы будзем пашыраць нашу прысутнасць", - падкрэсліў Белы.
На ўсё ёсць прычыны
Што да паставак тавараў і таго, што Беларусь можа прапанаваць Афрыцы, то гэта залежыць ад геаграфічнага становішча краіны, наяўнага выхаду да мора, а таксама ад стану эканомікі ў той ці іншай галіне, удакладніў дыпламат.
"Калі прааналізаваць сітуацыю з пастаўкамі нашых тавараў у Афрыку, можна вылучыць асноўныя напрамкі – медыцына, адукацыя, харчовая бяспека, сельская гаспадарка, прамысловая кааперацыя", - адзначыў прадстаўнік міністэрства замежных спраў.
Шмат перагавораў
Цяпер афрыканскія краіны займаюць усё больш месца ў міжнародным парадку дня. Аб гэтым сведчаць рэгулярныя візіты на вышэйшым і высокім узроўнях, а таксама актыўнасць беларускіх камерцыйных структур.
Паводле слоў Белага, за апошнія тры месяцы кіраўнік МЗС Беларусі Сяргей Алейнік прыняў удзел у трох міжнародных мерапрыемствах і правёў больш як 20 поўнафарматных сустрэч і перагавораў з прадстаўнікамі афрыканскага кантынента. І не ўсе гэтыя сустрэчы былі ініцыяваны беларускім бокам.
"Прадстаўнікі афрыканскіх краін былі зацікаўлены той прадукцыяй, якую мы выпускаем. І нават з нейкім захапленнем гаварылі аб той палітыцы, як мы супрацьстаім санкцыйнаму націску ў гэты цяжкі час", - расказаў дыпламат.
Як павялічыць экспарт
Ён растлумачыў, што найперш неабходна працаваць з тымі краінамі, "дзе нас чакаюць".
"Гэта асноўная задача. Гэта значыць, мы павінны прыехаць у гэту краіну, сустракацца на максімальна высокім узроўні і фарміраваць канкрэтныя дарожныя карты, шукаць канкрэтныя праекты, якія могуць быць рэалізаваны. Пры гэтым, зацвярджэнне гэтых карт павінна ажыццяўляцца на ўзроўні ўрада або кіраўніцтва краінай – тады будзе практычны вынік", - сказаў на заканчэнне Белы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Лукашэнка рад, што Афрыка вызваляецца ад каланіяльнай спадчыны
Лукашэнка запрасіў прэзідэнта ПАР у Беларусь
Лукашэнка разлічвае на новы ўзровень сувязей Беларусі і Зімбабвэ
