Чалавек з газетай

Чаканне і рэальнасць: што вы шукалі на нашым сайце ў 2015 годзе

219
(абноўлена 12:01 05.01.2016)
Пакуль усе СМІ аналізуюць, чым сёлета жылі краіна і свет, Sputnik аддаўся рэфлексіі і прааналізаваў, што шукаў чытач на нашым сайце. Супадзенні з жыццём краіны нязначныя.

Алена Васільева, Sputnik

Дэманструючы высокі ўзровень эгацэнтрызму, карэспандэнты Sputnik напрыканцы года вырашылі аналізаваць не сітуацыю, у якой Беларусь падышла да сустрэчы наступнага году, а самае дарагое, што маем — сябе і сваіх чытачоў. Цягам году Sputnik намагаўся трымаць вас у курсе падзей у краіне і надышоў час прааналізаваць, ці таго вы ад нас увогуле чакалі. Аказалася, што на беларускамоўнае агенцтва чытач ускладае асаблівыя чаканні.

Інструмент даследвання — статыстыка liveinternet. Прааналізуем пошукавыя фразы, з дапамогай якіх вы нас знаходзілі, і падвядзем вынікі "чакання" і "рэальнасці".

Чаканне: "кароткі змест "Сымона-музыкі".

Рэальнасць: прагулкі па Мінску з Марціновічам, Бахарэвічам ды Глобусам.

Як вы пражылі з намі гэты год
© Sputnik
Як вы пражылі з намі гэты год

З бясконцай прагай ведаў і флэшбэкаў, да нас траплялі вучні сярэдніх і старэйшых класаў. Аналізуючы пошукавыя запыты, карэспандэнты Sputnik здолелі скласці досыць падрабязны план школьнай праграмы па літаратуры:

  • "сымон музыка кароткі змест"
  • "знак бяды характарыстыка герояў"
  • "якую назву мела першая друкаваная кніга Скарыны"
  • "параўнальны аналіз аповесці знак бяды з аднайменным мастацкім фільмам пташука"
  • "прэзентацыя або фільм пра уладзіміра караткевіча для вучняў"

Пакуль Sputnik намагаўся трымаць чытача ў курсе актуальных падзеяў сучаснай літаратуры і распавядаў пра Глобуса, Бахарэвіча ды Марціновіча, чытач шукаў у нас кароткія зместы Быкава, Шамякіна ды Мележа. Мы абяцаем у наступным годзе не расчараваць чытача і напісаць пра Мележа.

Чаканне: "эроціка, порна".

Рэальнасць: уцёкі праз акно тралейбуса.

Як вы пражылі з намі гэты год
© Sputnik
Як вы пражылі з намі гэты год

Тут зазначым: на беларускамоўнай версіі нашага сайта ўцёкі дзяўчыны сабралі ўся праз акно тралейбусаго толькі 33 прагляды. Нашыя рускамоўныя калегі сабралі на трэнеры па фітнесу амаль… тры тысячы прагладаў. Відаць, беларускамоўнай частцы нашага грамадства ўсё ж патрэбная іншая эротыка.

Чаканне: "барбі" і "Маршал Жукаў"

Рэальнасць: Таццяна Караткевіч

Пра што мы пісалі ў 2015 годзе
© Sputnik
Пра што мы пісалі ў 2015 годзе

Вось так аднымі аператыўнымі навінамі пра выбары мы перакрылі абодва вашыя пошукавыя запыты. Нам дагэтуль невядома, чаму вы шукалі ў нас "Барбі" і "Жукава", але атрымалі адну Караткевіч, "кандыдата ў спадніцы", да якога "народ яшчэ не падрыхтаваны".

Чаканне: БНФ

Рэальнасць: БНФ, ЛДПБ, КПБ, БХД і "Гавары Праўду".

Пра што мы пісалі ў 2015 годзе
© Sputnik
Пра што мы пісалі ў 2015 годзе

Урэшце, цягам году нас, з большага, цікавіла, чаму распаўся "Ляпіс" і які новы бестселлер прэзентавалі ў Логвінава, але ж напярэдадні выбараў разам з усімі беларусамі нас ахапіла прага актыўнай грамадзянскай пазіцыі, і мы распавядалі вам пра выбары. Прага скончылася яшчэ да наступлення поўначы, і мы зноў зацікавіліся музыкай і кніжкамі.

Чаканне: "як па беларуску декабрь"

Рэальнасць: рускамоўная прамова Святланы Алексіевіч.

Пра што мы пісалі ў 2015 годзе
© Sputnik
Пра што мы пісалі ў 2015 годзе

Мы ведаем, як па-беларуску "декабрь" і спакойна адносімся да тых, хто гэтых ведаў яшчэ не спасцігнуў. Пра праблему білінгвізму, што ўсім баліць, карэспандэнт Sputnik здолела пагутарыць са Святланай Алексіевіч напярэдадні адлёту нобелеўскага лаўрэата ў Стакгольм і таму яе рускамоўную прамову мы ўспрынялі без роспачы.

Чаканне: "канцэпцыя смерці аўтара"

Рэальнасць: канцэпцыя аўтарскай неўміручасці

Пра што мы пісалі ў 2015 годзе?
© Sputnik
Пра што мы пісалі ў 2015 годзе?

Канцэпцыя смерці аўтара Ралана Барта больш не актуальная, гэтым годам мы адсвяткавалі юбілей са дня народзінаў Уладзіміра Караткевіча ды раз-пораз намагаемся даведацца пра падрабязнасці жыцця сучаснікаў. Якая ўжо тут смерць аўтара, калі ягоная асоба цікавіць нас часам болей за творчасць.

219
Тэги:
2015 год, Bel.sputnik.by, Беларусь
Тэмы:
Вынікі-2015 (5)
Гандлёвы прадстаўнік Расіі ў Беларусі Юрый Залатароў

Гандлёвы прадстаўнік Расіі патлумачыў зніжэнне тавараабароту з Беларуссю

23
(абноўлена 18:24 07.04.2021)
Крызіс сусветнай эканомікі ў сувязі з пандэміяй каронавіруса закрануў усіх удзельнікаў рынку. Якія невідавочныя прычыны паўплывалі на ўзаемны гандаль дзвюх краін, расказаў эксперт.

МІНСК, 7 кра – Sputnik. Беларусь у мінулым годзе заняла чацвёртую пазіцыю ў рэйтынгу нашых гандлёва-эканамічных партнёраў, сказаў у мультымедыйным прэс-цэнтры Sputnik гандлёвы прадстаўнік РФ у Беларусі Юрый Залатароў.

Паводле яго слоў, у статыстыцы дзвюх краін назіраюцца адрозненні ў выніковых лічбах па ўзаемнаму тавараабароту. Па дадзеных ФМС, у 2020 годзе ён склаў 28,5 мільярда долараў. Паводле інфармацыі Белстата, ён дасягнуў адзнакі ў 29,5 мільярда долараў.

Вядучыя партнёры ў гандлі

Пры гэтым расійскі гандлёвы прадстаўнік растлумачыў, што кіруецца ў дадзеным выпадку матэрыяламі беларускай статыстыкі.

Юрый Залатароў канстатаваў, што ўзаемны тавараабарот у мінулым годзе знізіўся на 17,3%. Тым не менш, Расія засталася для Беларусі асноўным гандлёва-эканамічным партнёрам, на долю якога прыпадае 47,9%.

"Беларусь таксама з'яўляецца для нас вельмі важным гандлёвым партнёрам і традыцыйна ўваходзіць у топ-5. Па выніках 2020 года Беларусь заняла чацвёртую пазіцыю ў рэйтынгу гандлёва-эканамічных партнёраў Расіі, пасля Кітая, Германіі і Галандыі", - адзначыў ён.

Пры гэтым на долю Беларусі прыпадае каля 5% ад усяго гандлёва-эканамічнага абароту расійскай эканомікі. Цікава, што ў мінулым годзе беларускі экспарт у Расію знізіўся ўсяго на 4% і склаў 13,1 мільярда долараў. У той жа час расійскі імпарт знізіўся на 25,6% да 16,4 мільярда долараў.

Знізіўся аб'ём гандлю

"Па выніках года адмоўнае сальда для Беларусі склалася ў памеры 3,3 мільярда долараў, што значна менш за паказчык 2019 года, калі адмоўнае сальда склала 8,3 мільярда долараў", - нагадаў Гандлёвы прадстаўнік РФ.

Вядучыя пяць пазіцый расійскага экспарту ў Беларусь:

  • нафта і газ - 6,1 мільярда долараў,
  • машыны і абсталяванне - 2,8 мільярда долараў,
  • металы і вырабы з іх - 2,1 мільярда долараў,
  • хімічная прадукцыя - 2 мільярды долараў,
  • харчовыя тавары 1,4 мільярда долараў.

Паводле інфармацыі расійскага гандлёвага прадстаўніка, зніжэнне аб'ёмаў адбылося ў першую чаргу па такіх пазіцыях, як сырая нафта (больш за 3 мільярды долараў), легкавыя аўто (380 мільёнаў долараў), чорныя металы (190 мільёнаў долараў), прыродны газ (60 мільёнаў долараў), рухавікі і генератары (60 мільёнаў долараў).

Вядучыя пяць пазіцый беларускага экспарту ў Расію:

  • харчовыя тавары - 4,2 мільярда долараў,
  • машыны і абсталяванне - 3,7 мільярдаў долараў,
  • хімічная прадукцыя - 1,6 мільярда долараў,
  • тэкстыльныя вырабы - каля 1 мільярда долараў,
  • металы і вырабы з іх каля 940 мільёнаў долараў.

У сваю чаргу беларускі экспарт адчуў зніжэнне па такіх пазіцыях, як грузавыя аўтамабілі (амаль 400 мільёнаў долараў), чыгуначныя і трамвайныя вагоны (60 мільёнаў долараў), масла сметанковае (каля 40 мільёнаў долараў), запчасткі (каля 50 мільёнаў долараў).

Пандэмія, нафта і методыка

"Асноўныя прычыны зніжэння ляжаць на паверхні. Перш за ўсё гэта памяншэнне паставак расійскай нафты ў Беларусь у мінулым годзе, калі ішоў працэс узгаднення і асабліва пацярпеў першы квартал", - канстатаваў Юрый Залатароў.

Паводле яго слоў, калі у 2019 годзе з Расіі было пастаўлена 18 мільёнаў тон нафты, то ў 2020 годзе ў цэлым на беларускі рынак было пастаўлена 16 мільёнаў тон сыравіны, з іх расійскай нафты - крыху больш за 15 мільёнаў тон.

"Дастаткова каварную ролю адыграла неспрыяльная санітарна-эпідэміялагічная сітуацыя, звязаная з пандэміяй, і закрыццё меж. Актыўнасць па лініі бізнес-супольнасцяў у нас знізілася", - нагадаў ён.

Пасля чаго растлумачыў, што яшчэ адной прычынай зніжэння тавараабароту сталі асаблівасці методыкі ўліку дадзеных аб знешнім гандлі.

"Значны аб'ём гандлю паміж Расіяй і Беларуссю ажыццяўляецца цяпер у нацыянальных валютах. Калі казаць аб долі плацяжоў у расійскіх рублях, то па экспарце тавараў з Беларусі - 42%, калі казаць пра імпарт - 48%", - сказаў Юрый Залатароў.

Пры гэтым ён звярнуў увагу, што дзве краіны сутыкнуліся з тым, што ў 2020 годзе расійскі рубель да асноўных валют знізіўся на 19%, а беларускі рубель - на 22%.

"Менавіта ў гэтай плоскасці ляжыць падзенне вартаснага тавараабароту. Адбылося падзенне расійскага і беларускага рублі да валют. Аб'ём вартасны у нас заўсёды разлічваецца ў доларах", - патлумачыў гандлёвы прадстаўнік.

На яго думку, трэба глядзець не толькі на вартасныя аб'ёмы тавараабароту, але і на фізічныя ў дадзеным выпадку. Таму што пры падзенні кошту адбыўся рост аб'ёмаў узаемных паставак.

Цалкам анлайн-прэс-канферэнцыю глядзіце на Sputnik.

Чытайце таксама:

23
Тэги:
эксперт, Гандаль, рынак, каронавірус, пандэмія, Эканоміка, крызіс, Беларусь, тавараабарот, Расія
Журналіст, тэлевядучы, публіцыст Анатоль Васерман

Васерман назваў умову мірнага ўзаемадзеяння Расіі і Кітая з Захадам

30
(абноўлена 10:12 18.02.2021)
Да якога супрацьстаяння могуць прывесці свет нарастаючыя палітычныя, эканамічныя і каштоўнасныя супярэчнасці паміж Расіяй і Кітаем з аднаго боку і калектыўным Захадам з другога - свой прагноз агучыў палітычны аналітык, вядомы інтэлектуал Анатоль Васерман.
Вассерман назвал условие мирного взаимодействия России и Китая с Западом

Ці будзе прорва супярэчнасцей паміж цывілізацыямі разрастацца далей, прывёўшы да самых сур'ёзных наступстваў аж да канчатковага разрыву, альбо ёсць надзея на нейкі іншы шлях, які дазваляе цывілізацыям мірна суіснаваць і канкурыраваць?

"Тэарэтычна мірная канкурэнцыя магчымая, але ў дадзеным выпадку галоўнай перадумовай для мірнага суіснавання можа быць актыўнае ўзаемадзеянне, класічны прыклад - калі англасаксонская цывілізацыя і злучаныя дзяржавы Амерыкі пачалі выводзіць свае вытворчасці ў Кітай, былы тады рэгіёнам з вельмі таннай працоўнай сілай. Гэта было добрай асновай і для мірнага суіснавання", - разважае Васерман.

Праз такое вывядзенне вытворчасцей у свой час наладзілася вельмі цеснае ўзаемадзеянне паміж англасаксонскай і кітайскай цывілізацыямі, а затым да яго падключылася яшчэ і заходнееўрапейская цывілізацыя, "але вельмі хутка па гістарычных мерках (усяго за некалькі дзесяцігоддзяў) Кітай набраў такую ​​моц, што стаў далей развіваць ужо і навуку, на якую абапіраецца вытворчасць, і цяпер міжцывілізацыйныя рознагалоссі зноў усплылі на першы план", адзначае аналітык.

Такія міжцывілізацыйныя рознагалоссі не абавязкова стануць супярэчнасцямі, мяркуе эксперт, але яны цалкам могуць імі стаць. Напрыклад, сярод некаторых ключавых каштоўнасцей англасаксонскай і рускай цывілізацый ёсць прама супрацьлеглыя, такія ж ёсць і ў кітайскай цывілізацыі.

"Ці атрымаецца развіваць далейшае гаспадарчае ўзаемадзеянне так, каб яно перакрыла гэтыя супярэчнасці, не бяруся прадказаць, хоць і спадзяюся на гэта", - рэзюміруе Васерман.

Чытайце таксама:

30
Тэги:
прагноз, Кітай, Расія
Фантан - любімае месца ўсіх дзяцей

Зноў аранжавы ўзровень: спёка ў Беларусі захоўваецца

24
(абноўлена 16:19 20.06.2021)
Дажджоў сіноптыкі па-ранейшаму не прагназуюць, у некаторых раёнах з-за спякоты забаронена наведванне лясоў.

МІНСК, 20 чэр - Sputnik. У дзённы час у пачатку тыдня на большай частцы Беларусі максімальная тэмпература паветра дасягне +33 градусаў.

Захаваецца спякота 22-23 чэрвеня, чакаецца малавоблачнае надвор'е, пераважна без ападкаў, вецер будзе дзьмуць умераны і паўднёва-ўсходні, паведамілі ў Белгідрамеце.

Сіноптыкі раяць не забываць асноўныя правілы паводзін у спякоту, асабліва для пажылых людзей: не выходзіць з дому без патрэбы падчас максімальнай сонечнай актыўнасці, абавязкова апранаць галаўны ўбор і браць з сабой ваду. Знаходзячыся на вуліцы, можна часам заходзіць у крамы або гандлёвыя цэнтры з кандыцыянерамі.

Надвор'е ў Беларусі ў пачатку тыдня

У Мінску ў панядзелак ападкаў не чакаецца, тэмпература паветра ноччу да +18, днём паветра прагрэецца да +32C.

У Брэсце невялікая воблачнасць, могуць прайсці кароткачасовыя дажджы (іх верагоднасць сіноптыкі ацэньваюць у 5-10%, тэмпература паветра да +32C, такое ж надвор'е чакаецца і ў Гродне.

У Віцебску без ападкаў і да +33C, а вось у Гомелі сіноптыкі не выключаюць дождж, тэмпература паветра да + 32C. У Магілёве невялікая воблачнасць, таксама магчымы кароткачасовы дождж.

Чытайце таксама:

24
Тэги:
Дождж, сіноптыкі, Беларусь, Аранжавы ўзровень небяспекі