Сцены Старога і Новага замка ў Гродне

Рэканструкцыя Гродзенскага замка разбурыць каралеўскую рэзідэнцыю

642
(абноўлена 16:44 15.06.2017)
Стары замак у Гродне можа моцна пацярпець, калі праект рэканструкцыі ўнікальнага замка будзе рэалізаваны, лічаць спецыялісты.

Праект рэканструкцыі Старога замка ў Гродне выклікаў шырокую дыскусію ў грамадскасці. Спецыялісты ў адзін голас заяўляюць аб тым, што праект ненавуковы і можа прывесці да страты помніка.

Sputnik вывучыў праблемныя пытанні аднаўлення гістарычнага помніка разам з кандыдатам гістарычных навук, навуковым супрацоўнікам Інстытута гісторыі НАН Беларусі Мікалаем Волкавым.

Адзіная арыгінальная каралеўская рэзідэнцыя

Гродзенскі замак — гэта адзіная арыгінальная мураваная каралеўская рэзідэнцыя, якая захавалася ў Беларусі. Прычым у Вільні каралеўскі замак адбудаваны, але гэта не арыгінал. Варшаўскі замак быў разбураны падчас паўстання супраць нацыстаў у 1944 годзе. Зараз замак адбудаваны з нуля і гэта копія. Беларусь мае арыгінальны замак, які не мае аналагаў нават сярод суседзяў.

Мікалай Волкаў тлумачыць, што праблема палягае у тым, што навуковае абгрунтаванне праекта рэстаўрацыі па прызнанні аўтара Уладзіміра Бачкова было зроблена ў 1990 годзе. Прайшло ўжо 27 гадоў, а навуковая база не абноўленая.

Большая частка яго праекта скапіявана з даследаванняў польскага навукоўца міжваеннага часу Яраслава Вайцэхоўскага. Ён быў першым даследчыкам замка ў Гродне і натуральна ў яго ёсць памылкі ў даследваннях.

Беларускія архітэктары, якія рабілі праект рэстаўрацыі, не ацанілі крытычна яго працу і адсюль паўстала мноства грубых памылак.

Праект рэстаўрацыі Гродненскага замка аўтарства Уладзіміра Бачкова
© Photo : Николай Волков
Праект рэстаўрацыі Гродненскага замка аўтарства Уладзіміра Бачкова

Рэстаўрацыя ці фікцыя

Любы даследчык павінен працаваць з крыніцамі. Гэта аксіёма навуковай дзейнасці. Да нашага часу дайшлі чатыры інвентары замка, якія і з'яўляюцца асноўнай крыніцай па гісторыі Гродзенскага замка.

"Архітэктар Бачкоў і яго калегі не працавалі з крыніцамі і не ведаюць моў. Напрыклад, яны скапіявалі памылку, якую дапусціў пры апісанні брамы замка Вайцэхоўскі. Так, у адным з нямецкіх планаў XVIII стагоддзя напісана, што брама мела два паверхі. На падставе гэтага даследчык вырашыў, што паверхаў было тры, бо ў Польшчы першы паверх не улічваецца. Пры дэтальным вывучэнні нямецкай крыніцы робіцца зразумелым, што паверхі ў ёй улічваюцца разам з першым ад зямлі", — распавёў спецыяліст па мілітарнай гісторыі.

Памылкі ў праекце Уладзіміра Бачкова
© Photo : Мікалай Волкаў
Памылкі ў праекце Уладзіміра Бачкова

Інвентары таксама апісваюць толькі два паверхі, атрымліваецца, што праект Бачкова цалкам абсалютная фікцыя. Па гэтаму праекту да брамы далучана рэнесансная балюстрада, якая ўвогуле цалкам з'яўляецца фантазіяй архітэктара.

"Мы маем натуральную падмену працы з крыніцамі творчасцю. З боку Нёмана Бачкоў прапануе ўзвесці чатырохпавярховую вежу, што таксама з'яўляецца спробай архітэктурнай ідэалізацыі збудавання. Тым часам, крыніцы апісваюць на гэтым месцы трохпавярховую вежу, на версе якой была Алебастравая зала з трыма вокнамі. Згодна з праектам рэстаўрацыі там ужо восем вокнаў, што не адпавядае інвентарам", — падкрэслівае Мікалай Волкаў.

Рэалізацыя дадзенага праекта рэстаўрацыі — гэта спроба з дапамогаю фальсіфікацыі ўсіх запэўніць, што замак так і выглядаў.

Недарэчнасці, дапушчаныя ў праекце Уладзіміра Бачкова
© Photo : Мікалай Волкаў
Недарэчнасці, дапушчаныя ў праекце Уладзіміра Бачкова

Навуковая дыскусія немагчыма

Мікалай Волкаў распавёў, што "два гады таму ў Гродне праходзіла навуковая канферэнцыя прысвечаная праблемам гродзенскіх замкаў. На ёй прысутнічаў Уладзімір Бачкоў, і я прадставіў сваю крытыку перад ім, спадзяючыся на дыскусію. Падчас канферэнцыі Уладзімір Бачкоў нічога не адказаў на заўвагі і не пракаментаваў, хоць гэта была крытка разгромная для праекта. Стала зразумела, што аўтары праекта не гатовыя да навуковай дыскусіі".

Спецыяліст прыгадаў, што яшчэ ў 2015 годзе зрабіў публікацыю матэрыялаў з мэтай арганізаваць навуковую дыскусію у пісьмовай форме, але адказу не дачакаўся.

Інстытут гісторыі быў вымушаны пісаць ліст з усімі заўвагамі ў Міністэрства культуры, бо яно замаўляла праект рэстаўрацыі замка ў Гродне.

Міністэрства культуры запрасіла на пасяджэнне Уладзіміра Бачкова з яго камандай і прадстаўнікоў Інстытута гісторыі. Бачкоў фактычна выклаў сваю старую пазіцыю, натуральна дыскусіі ніякай не было, ўсе засталіся пры сваіх меркаваннях.

Напачатку 2017 года на праект рэстаўрацыі былі выдаткаваныя грошы, але ж памылкі ўсе праектныя засталіся, бо нічога не было выпраўлена.

Рэканструкцыя Гродненскага замка Паўла Татарнікава па матэрыялах Мікалая Волкава
© Photo : Мікалай Волкаў
Рэканструкцыя Гродненскага замка Паўла Татарнікава па матэрыялах Мікалая Волкава

Бутафорыя замест каралеўскага замка

Гэта ўжо сістэмная праблема, бо рэстаўрацыя адрываецца ад помніка і існуе сама па сабе. Плануецца разабраць прыбудову да брамы, якая адносіцца да пачатку XVII стагоддзя, але рэстаўратары лічаць яе чамусьці малакаштоўнай. Прыбудова проста перашкаджае іх бачанню аднаўлення замка, і таму яе вырашылі разабраць. Гэты цалкам памылкова, бо будынку ўжо 400 гадоў, і ён з'яўляецца помнікам архітэктуры сам па сабе.

Сёння у замку захавалася аднапавярховая галерэя, дзе хадзілі каралі, а аўтары праекта прыдумалі другі паверх і хочуць яго збудаваць. Праблема зараз у тым, што першы паверх не можа вытрымаць другі, і таму каб яго збудаваць, трэба гістарычны першы паверх разабраць, фактычна помнік будзе знішчаны дзеля пабудовы бутафорыі.

Праект рэстаўрацыі з усімі памылкамі хутчэй за ўсё будзе прыняты, бо чыноўнікам важна асвоіць выдаткаваныя бюджэтныя сродкі.

"Зараз ідзе назапашванне новых ведаў, адкрываюцца новыя крыніцы, якія паказваюць, што праект памылковы. Але ж аўтары не хочуць адмаўляцца ад праекта, таму што яны выдаткавалі шмат часу і сродкаў на гэты праект. І ў гэтым зараз асноўная праблема", — акцэнтуе ўвагу гісторык.

642
Тэги:
замак, помнік, рэстаўрацыя, Мікалай Волкаў, Гродна, Беларусь
Тэмы:
Рэканструкцыя Старога замка ў Гродне: аднаўленне ці знішчэнне? (13)
По теме
У Гродне прайшоў баль у стылі XIX стагоддзя
Кніга Сэксуальная рэвалюцыя ў Савецкай Беларусі

Нудысты і калектыўныя шлюбы: як ішла сэксуальная рэвалюцыя ў БССР

138
(абноўлена 10:24 08.11.2017)
Прафесар БДУ распавёў шакуючыя факты з гісторыі БССР у 1917-1929 гады.

ГРОДНА, 8 ліс — Sputnik, Іна Грышук. Ці быў сэкс у Савецкай Беларусі і да чаго прывялі рэвалюцыйныя ідэі аб тым, што шлюб і сям'я — галоўныя ворагі на шляху будаўніцтва камунізму, высвятліў прафесар БДУ Аляксандр Гужалоўскі.

Гісторык распавёў Sputnik аб самым вялікім сэксуальным эксперыменце, які разгарнуўся пасля 1917 года. Сваю новую кнігу пад назвай "Сэксуальная рэвалюцыя ў Савецкай Беларусі" прафесар прэзентаваў у Гродне.

Эксперымент па знішчэнні сям'і

"Гэтая кніжка не пра сэкс у тым сэнсе, у якім шмат хто чакаў яе ўбачыць. Я не распавядаю пра сэксуальныя тэхнікі, якія былі ў 20-я гады мінулага стагоддзя. Я гісторык. Мяне цікавіла тое, як улада паспрабавала выкарыстаць самы моцны чалавечы інстынкт і што з гэтага атрымалася", — патлумачыў у пачатку размовы доктар гістарычных навук.

Па словах Гужалоўскага, 1917 год стаў не толькі годам палітычнага перавароту. Практычна адразу ж у СССР пачалася так званая сэксуальная рэвалюцыя. Ужо ў снежні 1917 года Уладзімір Ленін падпісаў два дэкрэты, якія дэкларавалі права жанчын на сэксуальную рэалізацыю, а мужчын пазбавілі права кіраваць сям'ёй.

Праз год з'явіўся Кодэкс аб шлюбе. З аднаго боку, царкоўнае вянчанне страціла юрыдычную сілу, а з другога — максімальна спрасцілася працэдура разводу: каб разысціся, дастаткова было напісаць заяву мужу ці жонцы.

Новая савецкая ўлада падтрымлівала ідэі марксізму аб тым, што сям'я — гэта адна з найважнейшых перашкод на шляху будаўніцтва камунізму. І яны мэтанакіравана пачалі змагацца з ёй.

Профессор БГУ Александр Гужаловский на презентации книги
© Sputnik Инна Гришук
Аляксандр Гужалоўскі вывучае гісторыю Беларусі за савецкім часам

"Усе пагаджаліся, што сям'ю трэба знішчаць. Таму што гэта было буржуазным, варожым. Але мала хто ведаў, што будзе замест яе", — удакладніў Гужалоўскі.

Калектыўныя шлюбы і свабодная любоў

На старонках моладзевых газет і часопісаў абмяркоўвалася такое паняцце, як "калектыўны шлюб". На думку лідараў беларускага камсамола, ён створыць новую жанчыну, якая стане "свабоднай палюбоўніцай, грамадзянкай і маці". Акрамя таго, агульныя жонкі і мужы дапамогуць сфармаваць абыякавае стаўленне да інтымных пытанняў.

Укараніць у жыццё новую форму сужыцця прапанавалі ў так званых дамах-камунах. Пад адным дахам яны маглі збіраць ад чатырох да некалькіх сотняў чалавек. Напрыклад, першая моладзевая камуна ў БССР была створана пад Мінскам у 1919 годзе, яна налічвала каля 500 чалавек. Ідэі калектывізацыі тут давялі да крайнасці — елі з аднаго посуду, па чарзе насілі вопратку.

Часцяком у іх агульным былі не толькі заробленыя грошы і ежа, але інтымныя забавы і дзеці. У 1928 годзе беларускае радыё агучыла мадэль сэксуальных адносін: "Мужчыны і жанчыны могуць вольна сыходзіцца і разыходзіцца. Гэта справа іх пачуццяў".

З часам з'явілася новая палавая мараль, а любоў і рэўнасць прызнаваліся буржуазнымі пачуццямі, якіх не павінна быць у камуністаў. У 1925 годзе прайшоў суд над камсамольцам, які раўнаваў каханую жанчыну да іншых членаў ячэйкі.

Профессор БГУ Александр Гужаловский
© Sputnik Инна Гришук
Прафесар БДУ Аляксандр Гужалоўскі на прэзентацыі кнігі

Каханне па-сяброўскі

У лексікон увайшло паняцце "каханне па-сяброўскі". А на камсамольскіх сходах сур'ёзна абмяркоўвалася, ці могуць камсамольцы карыстацца паслугамі прастытутак. Гужалоўскі апісаў вечары ў Магілёўскім медыцынскім тэхнікуме, галоўнай мэтай правядзення якіх былі менавіта любоўныя ўцехі.

Свабодныя адносіны і легкадумнае разуменне шлюбу прывялі да таго, што камсамолец мог праз два дні пасля рэгістрацыі шлюбу патрабаваць развод, таму што маладая жонка пудрыцца і робіць макіяж, а значыць, апынулася мяшчанкай.

У тыя часы актыўна ўкараняліся ідэі аб тым, што жанчына павінна нароўні з мужчынамі ўдзельнічаць у будаўніцтве камунізму, таму яе трэба вызваляць ад хатніх работ і выхавання дзяцей. Народжаных у камунах малых планавалася выхоўваць калектыўна ў яслях і дзіцячых дамах. Абмяркоўваліся пытанні, ці можа жанчына забраць уласнае дзіця з калектыўных ясляў, калі пакідае камуну.

Савецкія нудысты і "Прэч сорам"

Разбурэнне традыцыйнай мадэлі сямейных адносін прывяло да з'яўлення самых розных сэксуальных эксперыментаў. На старонках газет стогадовай даўнасці можна прачытаць нататкі аб шматжонстве, калі мужчына лічыў нармальным мець жонку і палюбоўніцу. Яшчэ адзін герой таго часу паспеў ажаніцца 13 разоў.

Але больш за ўсё шакавалі свецкае грамадства акцыі грамадства радыкальных нудыстаў "Прэч сорам". Яны лічылі, што з'яўляцца на публіцы аголенымі — гэта праявы дэмакратыі і роўнасці.

Як распавёў Гужалоўскі, свабоду нораваў паказваюць успаміны Якуба Коласа, які летам 1924 года знаходзіўся у Маскве. Ён напісаў сваёй жонцы наступнае: "Штаны купляць не буду, можна і без іх. Я бачыў шмат такіх, хто ходзіць галышом, толькі самая сярэдзіна трохі прычынена".

Мінскія змагары з сорамам не адставалі ад маскоўскіх, яны зрабілі выклік грамадству яшчэ ў 1921 годзе. У самай культурнай частцы гарадскога саду ў Мінску яны наладзілі нудысцкі пляж. Распраналіся на алеі і плавалі ў Свіслачы. У адной з газет сцвярджалася, што на гэты факт ніхто не звяртаў увагі.

Больш шакавальныя карціны назіралі жыхары Віцебска. Чатыры камсамолкі і камсамольца пасля антырэлігійнага сходу адправіліся галышом гуляць па вуліцах горада.

Росквіт прастытуцыі
У Мінску аднавілі рэвалюцыйную абстаноўку 1917 года
© Sputnik Станислав Андросик, Сергей Пушкин В Минске восстановили революционную обстановку 1917 года

На фоне аслабелых нораваў у новым савецкім грамадстве квітнела прастытуцыя, а колькасць жрыц любві з кожным годам павялічвалася.

"На панэлі з'явілася новая катэгорыя прастытутак — разведзеныя жанчыны. Парадаксальна, але гэтаму спрыяў новы Кодэкс законаў Беларускай ССР, які юрыдычна дазваляў мужчыну пасля разводу забраць усю маёмасць. Жанчыны заставаліся без працы і з дзецьмі на руках", — адзначыў Гужалоўскі.

У 20-я гады існавала тры групы прастытутак. Самую масавую прадстаўлялі вулічныя жанчыны, якіх прадавалі суценёры, забіраючы большую частку грошай. На другім месцы былі супрацоўніцы падпольных бардэляў. А ў элітную групу ўваходзілі эстрадныя артысткі, маладыя сакратаркі, якія маглі не толькі задаволіць фізіялагічныя патрэбы мужчын, але і дапамагчы бавіць іх вольны час.

Толькі ў 1927 годзе было раскрыта 446 бардэляў. А сярэдні заробак прастытуткі ў Мінску складаў 100 рублёў у месяц, у сярэднім адна паслуга каштавала 40-50 капеек. Для параўнання: рабочы заводу зарабляў ад 70 да 120 рублёў.

На аборты ідуць, як на паломніцтва

Як патлумачыў Гужалоўскі, новыя ідэі вольных адносін неўзабаве пачалі даваць свае негатыўныя вынікі. Бо яны прасоўваліся ў практычна неадукаваным грамадстве. І галоўнымі ахвярамі сэксуальнай рэвалюцыі сталі жанчыны. 1917-1929 гады сталі часам ўсплёску гвалту, абортаў і з'яўлення пазашлюбных дзяцей.

У Мінску адкрылася выстава Ленін'17
© Sputnik Станiслаў Андросiк / Аляксандр Шурмелеў

Вучоны адзначыў, што Савецкі Саюз стаў першай у свеце краінай, якая афіцыйна дазволіла рабіць жанчынам аборты без абмежаванняў. Штучнае перапыненне цяжарнасці ў медустановах афіцыйна дазволілі ў 1920 годзе. Рашэнне было вымушанае, паколькі ў краіне не было кантрацэптываў.

"На аборты ідуць, як на паломніцтва ў Кіева-Пячэрскую лаўру", — апісвала працу актывістка адной з медыцынскіх камісій.

Медыцынская статыстыка БССР паказвала, што колькасць абортаў пастаянна расце. У 1925 годзе на 100 народжаных у гарадах дзяцей даводзілася 42,6 абортаў. Яны рабіліся ў дзяржаўных бальніцах без анестэзіі, але бясплатна. Шырока практыкавалася і падпольнае перапыненне цяжарнасці і самааборты. Да адказнасці часцяком прыцягваліся гора-спецыялісты, якія рабілі няўдалыя аперацыі з дапамогай верацяна, цвіка і іншых прадметаў і прычынялі шкоду здароўю жанчын.

Многія мужчыны і жанчыны ішлі на забойства нованароджаных. Першыя — каб не плаціць аліменты, другія — каб не выхоўваць нежаданае дзіця. З'яўлялася ўсё больш маці, якія наўмысна пакідалі дзяцей. У 1923 годзе ў БССР было знойдзена 400 падкідышаў.

Як завяршылася рэвалюцыя

Пасля 1929 года сэксуальная рэвалюцыя завяршылася. Па рашэнні Іосіфа Сталіна, таварыства пачалі вяртаць да стабільнай сям'і і шлюбу, а палавая распуста была ўключана ў спісы злачынстваў. Неўзабаве фрывольныя тэмы цалкам зніклі са старонак газет, часопісаў і кніг.

138
Тэги:
БССР, сексуальная революция, БДУ, Аляксандр Гужалоўскі, Беларусь
По теме
Як злучаны Лютаўская рэвалюцыя і гісторыя самагонаварэння на Беларусі
Гісторыя савецкай цэнзуры: адна няправільная літара коштам жыцця
Алена Анісім

"Таварыства беларускай мовы" ўзначаліла дэпутат парламента

32
(абноўлена 10:59 30.10.2017)
Ранейшы шматгадовы кіраўнік ТБМ Алег Трусаў захаваў за сабой пасаду ганаровага кіраўніка арганізацыі.

МІНСК, 30 кас — Sputnik. Новым кіраўніком "Таварыства беларускай мовы" імя Францішка Скарыны стала дэпутат Палаты прадстаўнікоў Алена Анісім, якая да нядаўняга часу займала пасаду намесніка старшыні ТБМ. Такое рашэнне было прынята на XIII з'ездзе ТБМ.

Анісім была адзіным кандыдатам, і большасць дэлегатаў яе падтрымала.

Ранейшы шматгадовы кіраўнік арганізацыі Алег Трусаў загадзя заявіў аб жаданні пакінуць пасаду і сканцэнтравацца на развіцці беларускамоўнай адукацыі.

"Планую заняцца навукай, абараніць доктарскую дысертацыю, а таксама больш увагі і сіл надаць праекту "Нацыянальны ўніверсітэт". Гэта мой асноўны напрамак дзейнасці ў рамках ТБМ", — распавёў Sputnik Трусаў.

Пра неабходнасць стварэння Нацыянальнага ўніверсітэта ўпершыню публічна было заяўлена падчас "Вялікай размовы з прэзідэнтам" у лютым 2017 года. З гэтым пытаннем да прэзідэнта звярнулася цяперашні кіраўнік ТБМ Алена Анісім. Аляксандр Лукашэнка прапанаваў прадумаць гэтае пытанне, паколькі да гэтай ідэі, на яго думку, трэба ставіцца асцярожна і зыходзіць з жадання беларусаў — ці патрэбны ім такі ўніверсітэт, і ці будзе ў яго конкурс.

У ТБМ вырашылі не чакаць дзяржаўнага рашэння і пачалі работы па стварэнні Нацыянальнага ўніверсітэта. У верасні быў зарэгістраваны офіс. Аднак да таго як ВНУ ТБМ пачне прымаць студэнтаў, стваральнікам універсітэта трэба будзе яшчэ зарэгістраваць статут і атрымаць ліцэнзію на права вядзення адукацыйнай дзейнасці.

Адна з рэзалюцыяў, прынятых на праведзеным у нядзелю з'ездзе ТБМ, была прысвечана якраз неабходнасці развіцця вышэйшай беларускамоўнай адукацыі. У яшчэ адной рэзалюцыі гаварылася аб змяненні моўнай палітыкі ў парламенце. ТБМ лічыць важным, каб законы прымаліся адразу на дзвюх дзяржаўных мовах.

Было прынята і некалькі пастаноў. Адна з іх прадугледжвае ўнясенне ў парадак дня сесіі Палаты прадстаўнікоў Нацыянальнага сходу законапраекта "Аб дзяржаўнай падтрымцы беларускай мовы".

Адразу пасля абрання ў Палату прадстаўнікоў Алена Анісім казала ў эфіры радыё Sputnik Беларусь, што мае намер у першую чаргу прасоўваць у парламенце законапраект аб падтрымцы беларускай мовы.

"У гэтым плане я вельмі разлічваю на нашу эліту і спадзяюся на пэўныя колы ў дзяржаўных органах улады. Пераход на выкарыстанне роднай мовы будзе спрыяць эмацыйнаму і духоўнаму ўздыму народа, без якога не можа быць руху наперад", — казала тады новаабраны дэпутат.

32
Тэги:
Беларуская мова, Таварыства беларускай мовы (ТБМ), Алена Анісім, Мінск, Беларусь
Тэмы:
Вучым беларускую мову
Дзеці купаюцца ў фантане

Калі ў Беларусь вернецца спёка? Дакладны прагноз надвор'я да канца тыдня

0
(абноўлена 16:25 03.08.2020)
Цяпло захаваецца ў краіне да самага канца тыдня: у выхадныя будзе цяплець да + 30°С, а ападкі чакаюцца толькі ў асобных раёнах.

МІНСК, 3 жні - Sputnik. Цёплае надвор'е пратрымаецца ў Беларусі да канца гэтага тыдня, пра гэта сведчаць дадзеныя прагнозу рэспубліканскага гідраметцэнтра.

У краіне захоўваецца халаднаватае надвор'е з сярэднясутачнай тэмпературай паветра ў асноўным на 1-4°С ніжэйшай за кліматычную норму, аднак ужо заўтра чакаецца пацяпленне.

"4 жніўня (у аўторак) цёплае паветра распаўсюдзіцца на ўсю краіну, стануць цяплей і ночы. На фоне павышанага атмасфернага ціску ў многіх раёнах будзе без ападкаў", - паведамілі сіноптыкі.

Кароткачасовыя дажджы з навальніцамі магчымыя ўдзень толькі на захадзе Беларусі, дзе на надвор'е паўплывае малаактыўны франтальны раздзел, месцамі можа дзьмуць парывісты вецер. Уначы будзе +11 .. + 17°С, удзень пацяплее да +24 .. + 29°С (і да +30 .. + 32°С па паўднёвым захадзе рэспублікі).

"У наступныя двое сутак (5 і 6 жніўня) на фоне вобласці павышанага атмасфернага ціску атмасферны фронт будзе павольна перамяшчацца з тэрыторыі Польшчы ў паўночна-ўсходнім напрамку", - праінфармавалі ў Белгідрамеце.

Так, у сераду будзе воблачна з праясненнямі. Удзень у цэнтральных раёнах краіны пройдуць кароткачасовыя дажджы, у асобных раёнах прагрымяць навальніцы ў суправаджэнні парывістага ветру. Тэмпература ўначы не выйдзе за межы +13 .. + 18°С, удзень паветра прагрэецца да +21 .. + 27°С (а па паўднёвым усходзе - да +28 .. + 31°С).

Кароткія летнія навальнічныя дажджы чакаюцца і ў чацвер, але толькі месцамі па краіне. Ранняй раніцай у нізкіх месцах і паблізу вадаёмаў могуць згушчацца непрацяглыя туманы. Уначы чакаецца не халадней за +11 .. + 18°С, удзень - максімум да +23 .. + 31°С у залежнасці ад рэгіёна.

Прагноз надвор'я на пятніцу і выхадныя

Цяпло захаваецца ў Беларусі да самага канца тыдня. У пятніцу, 7 жніўня, будзе пераважна без ападкаў, кароткачасовыя дажджы могуць прайсці толькі месцамі па поўдні Брэстчыны і Гомельшчыны. У начныя гадзіны тэмпература знізіцца да +8 .. + 15°С, пасля абеду будзе цяплець да +22 .. + 31°С.

Будучы ўікэнд таксама будзе цёплым і практычна сухім. У суботу раніцай згусцеюць слабыя туманы, а дажджы прагназуюцца толькі ў асобных раёнах удзень. А ў нядзелю і зусім будзе пераважна без ападкаў. Тэмпература начамі будзе знаходзіцца ў межах +8 .. + 15°С, у другой палове дня 8 і 9 жніўня цяплець будзе максімум да +22 .. + 29°С.

Паводле дадзеных доўгатэрміновага прагноза на Gismeteo, першая палова жніўня ў Беларусі будзе цёплай, аднак ужо ў сярэдзіне другой дэкады пачнецца слабое пахаладанне, якое будзе толькі ўзмацняцца з набліжэннем восені. Але не варта забываць, што доўгатэрміновыя прагнозы часта не спраўджваюцца.

0
Тэги:
Прагноз надвор'я, Беларусь