Эксперт-крыміналіст працуе з падробленымі грашыма

Як падрабляюць новыя беларускія грошы

31
(абноўлена 09:54 25.07.2017)
З моманту дэнамінацыі ў Беларусі прайшоў год, за гэты час ужо было здзейснена больш за 70 спробаў фальшываманецтва. Як адрозніць "ліпавыя" банкноты і што абаронена больш - "драўляны" рубель ці "зялёны" долар?

Вось ужо год, як у нашай краіне пачалі хаджэнне новыя рублі. За гэты час з імі ўжо паспелі здарыцца розныя казусы. Напрыклад, пасля дэнамінацыі Нацбанк вырашыў не выдаваць у абарот 200-кі і 500-кі з-за іх высокага наміналу. А нядаўна выявілася бракаваная 20-ка, на якой адсутнічала траціна неабходных літарных пазначэнняў, аднак экспертыза паказала, што яна сапраўдная.

Дарэчы, аб сапраўднасці. На працягу года не бяздзейнічалі і фальшываманетчыкі. Толькі за гэты перыяд праваахоўнікам стала вядома пра больш чым 70 фактаў падробкі грошай.

Карэспандэнт Sputnik Юлія Балакірава пабывала ў Дзяржаўным камітэце судовых экспертыз Беларусі і даведалася, якія банкноты "зайчыкаў" падрабляюць часцей за ўсё і хто яны — правапарушальнікі.

Грошы націралі воскам

Новыя беларускія рублі, аказваецца, адны з самых абароненых у свеце. А ўсё таму, што пры іх вытворчасці выкарысталі самыя сучасныя і "хітрыя" элементы, якія ў хатніх умовах немагчыма паўтарыць. І на гэта дзяржавай былі выдаткаваныя вялікія грошы.

Технологии защиты купюр все время совершенствуются, но фальшивомонетчики не дремлют
© Sputnik / Виктор Толочко
Тэхналогіі абароны купюр увесь час удасканальваюцца

У Дзяржкамітэце пералічваюць: па-першае, гэта элемент MASK — падвойная карцінка, якая сустракаецца на банкнотах ад 50 рублёў і вышэй у левай частцы асабовага боку. Верхняя яе частка бачная ў адлюстраваным святле, а ніжняя — на прасвет. Па-другое, выкарыстоўваецца краевугольны вадзяны знак у кутах банкноты ў выглядзе дыяганальных палос. Нацбанк вызначыў яго як дадатковы сродак абароны паперы, які рэдка сустракаецца ў іншых валютах.

Аднак як бы моцна грошы ні былі абаронены, іх усё роўна падрабляюць, адзначаюць у Дзяржкамітэце. Фальшываманецтва застаецца адным з небяспечных злачынстваў у сферы эканомікі ва ўсім свеце.

Першы выпадак падробкі банкнот адбыўся праз два тыдні пасля дэнамінацыі. "Ліпавую" 20-ку тады выявілі ў Глыбокім, адтуль жа быў і правапарушальнік.

В ультрафиолетовом свете светятся лишь поддельные купюры - настоящие покрыты специальным защитным составом, это один первых признаков фальшивки
© Sputnik / Виктор Толочко
Ва ўльтрафіялетавым святле свецяцца толькі падробленыя купюры - сапраўдныя пакрытыя адмысловым ахоўным складам, гэта адна з першых прыкмет фальшыўкі

Самым прагным (або спрытным) апынуўся фальшываманетчык з Гомеля. Ён вырабіў 43 падробных 10-рублёўкі. А самымі крэатыўнымі сталі два хлопцы з Фрунзенскага раёна Мінска. Першапачаткова грашовыя білеты былі крыва абрэзаны і без ахоўнай паласы. Пазней фальшываманетчыкі сталі прыляпляць ў якасці яе фальгу. А для надання неабходнай шчыльнасці і характэрнага храбусцення банкноту націралі воскам.

Тры ўзроўні абароны

Перад намі ляжаць дзве падробленыя банкноты — 20 і 50 беларускіх рублёў. Яны самыя папулярныя ў беларускіх падробнікаў. А "малююць" іх звычайна ў хатніх умовах.

Манеты жа падрабіць значна складаней, адзначаюць эксперты, таму фактаў парушэнняў у дачыненні да іх выяўлена не было.

"Раней падрабляць папяровыя грошы было дорага. Тады не было інтэрнэту і паўнавартаснай друкаванай тэхнікі. Для вырабу падробак патрабаваўся сканер і дарагое камп'ютэрнае абсталяванне", — распавядае галоўны эксперт аддзела ўлікаў паліграфічнай прадукцыі Дзяржкамітэта судовых экспертыз Павел Стальмашэнка.

Зараз жа выяву новых "зайчыкаў" можна знайсці ў інтэрнэце і ў любым памеры. Застаецца толькі націснуць на кнопку друкуючай прылады.

Звычайна "ліпавыя" банкноты раздрукоўваюць на прынтэрах. Але цяпер ёсць так званыя шматфункцыянальныя прылады (якія спалучаюць функцыі сканара і друкаркі), якія дазваляюць зрабіць дакладную копію.

Са свайго боку, вытворцы абсталявання і праграмнага забеспячэння спрабуюць перашкаджаць вырабу падробак. Пры спробе раздрукаваць або скапіяваць грашовы білет карыстальніку прыходзіць папярэджанне альбо выява раздрукоўваецца са скажэннямі або часткова. Але фальшываманетчыкі, у сваю чаргу, знаходзяць спосабы абыйсці гэтую абарону.

Сумнявацца ў сапраўднасці грашовых білетаў можа любы чалавек, а вось дакладны "дыягназ" паставіць эксперт.

Современные белорусские деньги надежно защищены от подделки
© Sputnik / Виктор Толочко
Сучасныя беларускія грошы надзейна абаронены ад падробкі

У беларускай валюты ёсць тры ўзроўні абароны, распавядаюць у камітэце. Першы — тэхналагічны, калі пры вытворчасці паперы ўкараняюцца элементы абароны. Гэта валокны, ахоўныя палосы, вадзяныя знакі, якія вы, напэўна, бачылі.

Другі ўзровень абароны — паліграфічны. Выявы наносяцца на паперу рознымі спосабамі друку, надаючы рэльефнасць некаторым элементам, чым звычайна карыстаюцца невідушчыя і людзі са слабым зрокам.

Части совмещающихся цифр номинала нанесены на разные стороны купюры - на свету они идеально совпадают, но не в этот раз - купюра явно поддельная
© Sputnik / Виктор Толочко
Часткі сумяшчаючыхся лічбаў наміналу нанесеныя на розныя бакі купюры - на святло яны ідэальна супадаюць, але не ў гэты раз - купюра відавочна падробленая

Сюды ж можна аднесці і такі элемент, як сумяшчаючыяся лічбы наміналу. На 20-рублёўцы, напрыклад, гэта часткі лічбаў ліку "20", якія размяшчаюцца на пярэднім і адваротным баках. На прасвет яны сумяшчаюцца ў адзін лік без накладанняў і парываў. Злачынцы на гэтым элеменце часта "прагараюць", бо ў хатніх умовах дасягнуць такой дакладнасці сумяшчэння немагчыма.

Трэці ўзровень — фізіка-хімічны. Асобныя выявы на купюры свецяцца ва ўльтрафіялеце, іншыя — маюць магнітны складнік.

На даследаванні ў камітэце правяраюцца ўсе ўзроўні абароны. Для гэтага выкарыстоўваецца высокатэхналагічнае крыміналістычнае абсталяванне (пераважна айчыннай вытворчасці).

У лідэрах — 100-доларавая купюра

Аднак беларускія рублі — не самая распаўсюджаная падробка на тэрыторыі рэспублікі. У гэтым годзе было зарэгістравана больш за 400 фактаў фальшываманецтва, з якіх у большасці выпадкаў размова ішла аб доларах ЗША (каля 200) з-за іх слабай абароны і высокай папулярнасці ў свеце. Часцей за ўсё падрабляюць купюры наміналам 100 долараў.

Главный эксперт отдела учетов полиграфической продукции Госкомитета судебных экспертиз Павел Стальмошенко
© Sputnik / Виктор Толочко
Галоўны эксперт аддзела ўлікаў паліграфічнай прадукцыі Дзяржкамітэта судовых экспертыз Павел Стальмашэнка

Па звестках ГУБЭЗ МУС Беларусі, часцей "ліпавыя" грошы выяўляюць у фінансавых установах і аб'ектах гандлёвай сеткі. А збытчыкамі звычайна аказваюцца грамадзяне, якія не ведаюць пра тое, што купюра падробленая.

"Класічны выпадак — малады чалавек раздрукаваў банкноты, вечарам выскачыў пад краму, купіў нешта ў бабулі, а тая ўжо панесла ў краму", — кажа Павел Стальмашэнка.

Як правіла, вытворцаў падробленых беларускіх рублёў знаходзяць хутка. У якім раёне пачала хаджэнне "ліпавая" банкнота, там і пражывае той, хто яе "вырабіў".

Злачынцамі звычайна аказваюцца маладыя людзі, якія не ўсведамляюць, якое пакаранне ім за гэта пагражае.

"Чым натхнёныя гэтыя людзі, сказаць складана, бо я не псіхолаг. Але як распавёў адзін з мінскіх фальшываманетчыкаў, яму было проста цікава гэта зрабіць", — адзначае Павел Васільевіч.

Деньги - кровь любого государства, и эту кровь во все времена норовили попортить
© Sputnik / Виктор Толочко
Грошы заўжды будуць імкнуцца падрабляць

За цікавасць хлопцу, па ўсёй бачнасці, прыйдзецца заплаціць немаленькі кошт. У Беларусі прадугледжана дастаткова жорсткае пакаранне за гэтае правапарушэнне. У адпаведнасці з артыкулам 221 КК РБ, гэта можа быць пазбаўленне волі на тэрмін ад 2 да 5 гадоў. Калі ж чалавек прыцягваецца паўторна або дзейнічаў у складзе групы асоб, то ад 5 да 15 гадоў з канфіскацыяй маёмасці.

31
Тэги:
фальшивоментничество, подделка денег, валюта, Грошы, Дзяржаўны камітэт судовых экспертыз Беларусі, Нацбанк РБ, Беларусь
Кніга Сэксуальная рэвалюцыя ў Савецкай Беларусі

Нудысты і калектыўныя шлюбы: як ішла сэксуальная рэвалюцыя ў БССР

138
(абноўлена 10:24 08.11.2017)
Прафесар БДУ распавёў шакуючыя факты з гісторыі БССР у 1917-1929 гады.

ГРОДНА, 8 ліс — Sputnik, Іна Грышук. Ці быў сэкс у Савецкай Беларусі і да чаго прывялі рэвалюцыйныя ідэі аб тым, што шлюб і сям'я — галоўныя ворагі на шляху будаўніцтва камунізму, высвятліў прафесар БДУ Аляксандр Гужалоўскі.

Гісторык распавёў Sputnik аб самым вялікім сэксуальным эксперыменце, які разгарнуўся пасля 1917 года. Сваю новую кнігу пад назвай "Сэксуальная рэвалюцыя ў Савецкай Беларусі" прафесар прэзентаваў у Гродне.

Эксперымент па знішчэнні сям'і

"Гэтая кніжка не пра сэкс у тым сэнсе, у якім шмат хто чакаў яе ўбачыць. Я не распавядаю пра сэксуальныя тэхнікі, якія былі ў 20-я гады мінулага стагоддзя. Я гісторык. Мяне цікавіла тое, як улада паспрабавала выкарыстаць самы моцны чалавечы інстынкт і што з гэтага атрымалася", — патлумачыў у пачатку размовы доктар гістарычных навук.

Па словах Гужалоўскага, 1917 год стаў не толькі годам палітычнага перавароту. Практычна адразу ж у СССР пачалася так званая сэксуальная рэвалюцыя. Ужо ў снежні 1917 года Уладзімір Ленін падпісаў два дэкрэты, якія дэкларавалі права жанчын на сэксуальную рэалізацыю, а мужчын пазбавілі права кіраваць сям'ёй.

Праз год з'явіўся Кодэкс аб шлюбе. З аднаго боку, царкоўнае вянчанне страціла юрыдычную сілу, а з другога — максімальна спрасцілася працэдура разводу: каб разысціся, дастаткова было напісаць заяву мужу ці жонцы.

Новая савецкая ўлада падтрымлівала ідэі марксізму аб тым, што сям'я — гэта адна з найважнейшых перашкод на шляху будаўніцтва камунізму. І яны мэтанакіравана пачалі змагацца з ёй.

Профессор БГУ Александр Гужаловский на презентации книги
© Sputnik Инна Гришук
Аляксандр Гужалоўскі вывучае гісторыю Беларусі за савецкім часам

"Усе пагаджаліся, што сям'ю трэба знішчаць. Таму што гэта было буржуазным, варожым. Але мала хто ведаў, што будзе замест яе", — удакладніў Гужалоўскі.

Калектыўныя шлюбы і свабодная любоў

На старонках моладзевых газет і часопісаў абмяркоўвалася такое паняцце, як "калектыўны шлюб". На думку лідараў беларускага камсамола, ён створыць новую жанчыну, якая стане "свабоднай палюбоўніцай, грамадзянкай і маці". Акрамя таго, агульныя жонкі і мужы дапамогуць сфармаваць абыякавае стаўленне да інтымных пытанняў.

Укараніць у жыццё новую форму сужыцця прапанавалі ў так званых дамах-камунах. Пад адным дахам яны маглі збіраць ад чатырох да некалькіх сотняў чалавек. Напрыклад, першая моладзевая камуна ў БССР была створана пад Мінскам у 1919 годзе, яна налічвала каля 500 чалавек. Ідэі калектывізацыі тут давялі да крайнасці — елі з аднаго посуду, па чарзе насілі вопратку.

Часцяком у іх агульным былі не толькі заробленыя грошы і ежа, але інтымныя забавы і дзеці. У 1928 годзе беларускае радыё агучыла мадэль сэксуальных адносін: "Мужчыны і жанчыны могуць вольна сыходзіцца і разыходзіцца. Гэта справа іх пачуццяў".

З часам з'явілася новая палавая мараль, а любоў і рэўнасць прызнаваліся буржуазнымі пачуццямі, якіх не павінна быць у камуністаў. У 1925 годзе прайшоў суд над камсамольцам, які раўнаваў каханую жанчыну да іншых членаў ячэйкі.

Профессор БГУ Александр Гужаловский
© Sputnik Инна Гришук
Прафесар БДУ Аляксандр Гужалоўскі на прэзентацыі кнігі

Каханне па-сяброўскі

У лексікон увайшло паняцце "каханне па-сяброўскі". А на камсамольскіх сходах сур'ёзна абмяркоўвалася, ці могуць камсамольцы карыстацца паслугамі прастытутак. Гужалоўскі апісаў вечары ў Магілёўскім медыцынскім тэхнікуме, галоўнай мэтай правядзення якіх былі менавіта любоўныя ўцехі.

Свабодныя адносіны і легкадумнае разуменне шлюбу прывялі да таго, што камсамолец мог праз два дні пасля рэгістрацыі шлюбу патрабаваць развод, таму што маладая жонка пудрыцца і робіць макіяж, а значыць, апынулася мяшчанкай.

У тыя часы актыўна ўкараняліся ідэі аб тым, што жанчына павінна нароўні з мужчынамі ўдзельнічаць у будаўніцтве камунізму, таму яе трэба вызваляць ад хатніх работ і выхавання дзяцей. Народжаных у камунах малых планавалася выхоўваць калектыўна ў яслях і дзіцячых дамах. Абмяркоўваліся пытанні, ці можа жанчына забраць уласнае дзіця з калектыўных ясляў, калі пакідае камуну.

Савецкія нудысты і "Прэч сорам"

Разбурэнне традыцыйнай мадэлі сямейных адносін прывяло да з'яўлення самых розных сэксуальных эксперыментаў. На старонках газет стогадовай даўнасці можна прачытаць нататкі аб шматжонстве, калі мужчына лічыў нармальным мець жонку і палюбоўніцу. Яшчэ адзін герой таго часу паспеў ажаніцца 13 разоў.

Але больш за ўсё шакавалі свецкае грамадства акцыі грамадства радыкальных нудыстаў "Прэч сорам". Яны лічылі, што з'яўляцца на публіцы аголенымі — гэта праявы дэмакратыі і роўнасці.

Як распавёў Гужалоўскі, свабоду нораваў паказваюць успаміны Якуба Коласа, які летам 1924 года знаходзіўся у Маскве. Ён напісаў сваёй жонцы наступнае: "Штаны купляць не буду, можна і без іх. Я бачыў шмат такіх, хто ходзіць галышом, толькі самая сярэдзіна трохі прычынена".

Мінскія змагары з сорамам не адставалі ад маскоўскіх, яны зрабілі выклік грамадству яшчэ ў 1921 годзе. У самай культурнай частцы гарадскога саду ў Мінску яны наладзілі нудысцкі пляж. Распраналіся на алеі і плавалі ў Свіслачы. У адной з газет сцвярджалася, што на гэты факт ніхто не звяртаў увагі.

Больш шакавальныя карціны назіралі жыхары Віцебска. Чатыры камсамолкі і камсамольца пасля антырэлігійнага сходу адправіліся галышом гуляць па вуліцах горада.

Росквіт прастытуцыі
У Мінску аднавілі рэвалюцыйную абстаноўку 1917 года
© Sputnik Станислав Андросик, Сергей Пушкин В Минске восстановили революционную обстановку 1917 года

На фоне аслабелых нораваў у новым савецкім грамадстве квітнела прастытуцыя, а колькасць жрыц любві з кожным годам павялічвалася.

"На панэлі з'явілася новая катэгорыя прастытутак — разведзеныя жанчыны. Парадаксальна, але гэтаму спрыяў новы Кодэкс законаў Беларускай ССР, які юрыдычна дазваляў мужчыну пасля разводу забраць усю маёмасць. Жанчыны заставаліся без працы і з дзецьмі на руках", — адзначыў Гужалоўскі.

У 20-я гады існавала тры групы прастытутак. Самую масавую прадстаўлялі вулічныя жанчыны, якіх прадавалі суценёры, забіраючы большую частку грошай. На другім месцы былі супрацоўніцы падпольных бардэляў. А ў элітную групу ўваходзілі эстрадныя артысткі, маладыя сакратаркі, якія маглі не толькі задаволіць фізіялагічныя патрэбы мужчын, але і дапамагчы бавіць іх вольны час.

Толькі ў 1927 годзе было раскрыта 446 бардэляў. А сярэдні заробак прастытуткі ў Мінску складаў 100 рублёў у месяц, у сярэднім адна паслуга каштавала 40-50 капеек. Для параўнання: рабочы заводу зарабляў ад 70 да 120 рублёў.

На аборты ідуць, як на паломніцтва

Як патлумачыў Гужалоўскі, новыя ідэі вольных адносін неўзабаве пачалі даваць свае негатыўныя вынікі. Бо яны прасоўваліся ў практычна неадукаваным грамадстве. І галоўнымі ахвярамі сэксуальнай рэвалюцыі сталі жанчыны. 1917-1929 гады сталі часам ўсплёску гвалту, абортаў і з'яўлення пазашлюбных дзяцей.

У Мінску адкрылася выстава Ленін'17
© Sputnik Станiслаў Андросiк / Аляксандр Шурмелеў

Вучоны адзначыў, што Савецкі Саюз стаў першай у свеце краінай, якая афіцыйна дазволіла рабіць жанчынам аборты без абмежаванняў. Штучнае перапыненне цяжарнасці ў медустановах афіцыйна дазволілі ў 1920 годзе. Рашэнне было вымушанае, паколькі ў краіне не было кантрацэптываў.

"На аборты ідуць, як на паломніцтва ў Кіева-Пячэрскую лаўру", — апісвала працу актывістка адной з медыцынскіх камісій.

Медыцынская статыстыка БССР паказвала, што колькасць абортаў пастаянна расце. У 1925 годзе на 100 народжаных у гарадах дзяцей даводзілася 42,6 абортаў. Яны рабіліся ў дзяржаўных бальніцах без анестэзіі, але бясплатна. Шырока практыкавалася і падпольнае перапыненне цяжарнасці і самааборты. Да адказнасці часцяком прыцягваліся гора-спецыялісты, якія рабілі няўдалыя аперацыі з дапамогай верацяна, цвіка і іншых прадметаў і прычынялі шкоду здароўю жанчын.

Многія мужчыны і жанчыны ішлі на забойства нованароджаных. Першыя — каб не плаціць аліменты, другія — каб не выхоўваць нежаданае дзіця. З'яўлялася ўсё больш маці, якія наўмысна пакідалі дзяцей. У 1923 годзе ў БССР было знойдзена 400 падкідышаў.

Як завяршылася рэвалюцыя

Пасля 1929 года сэксуальная рэвалюцыя завяршылася. Па рашэнні Іосіфа Сталіна, таварыства пачалі вяртаць да стабільнай сям'і і шлюбу, а палавая распуста была ўключана ў спісы злачынстваў. Неўзабаве фрывольныя тэмы цалкам зніклі са старонак газет, часопісаў і кніг.

138
Тэги:
БССР, сексуальная революция, БДУ, Аляксандр Гужалоўскі, Беларусь
По теме
Як злучаны Лютаўская рэвалюцыя і гісторыя самагонаварэння на Беларусі
Гісторыя савецкай цэнзуры: адна няправільная літара коштам жыцця
Алена Анісім

"Таварыства беларускай мовы" ўзначаліла дэпутат парламента

32
(абноўлена 10:59 30.10.2017)
Ранейшы шматгадовы кіраўнік ТБМ Алег Трусаў захаваў за сабой пасаду ганаровага кіраўніка арганізацыі.

МІНСК, 30 кас — Sputnik. Новым кіраўніком "Таварыства беларускай мовы" імя Францішка Скарыны стала дэпутат Палаты прадстаўнікоў Алена Анісім, якая да нядаўняга часу займала пасаду намесніка старшыні ТБМ. Такое рашэнне было прынята на XIII з'ездзе ТБМ.

Анісім была адзіным кандыдатам, і большасць дэлегатаў яе падтрымала.

Ранейшы шматгадовы кіраўнік арганізацыі Алег Трусаў загадзя заявіў аб жаданні пакінуць пасаду і сканцэнтравацца на развіцці беларускамоўнай адукацыі.

"Планую заняцца навукай, абараніць доктарскую дысертацыю, а таксама больш увагі і сіл надаць праекту "Нацыянальны ўніверсітэт". Гэта мой асноўны напрамак дзейнасці ў рамках ТБМ", — распавёў Sputnik Трусаў.

Пра неабходнасць стварэння Нацыянальнага ўніверсітэта ўпершыню публічна было заяўлена падчас "Вялікай размовы з прэзідэнтам" у лютым 2017 года. З гэтым пытаннем да прэзідэнта звярнулася цяперашні кіраўнік ТБМ Алена Анісім. Аляксандр Лукашэнка прапанаваў прадумаць гэтае пытанне, паколькі да гэтай ідэі, на яго думку, трэба ставіцца асцярожна і зыходзіць з жадання беларусаў — ці патрэбны ім такі ўніверсітэт, і ці будзе ў яго конкурс.

У ТБМ вырашылі не чакаць дзяржаўнага рашэння і пачалі работы па стварэнні Нацыянальнага ўніверсітэта. У верасні быў зарэгістраваны офіс. Аднак да таго як ВНУ ТБМ пачне прымаць студэнтаў, стваральнікам універсітэта трэба будзе яшчэ зарэгістраваць статут і атрымаць ліцэнзію на права вядзення адукацыйнай дзейнасці.

Адна з рэзалюцыяў, прынятых на праведзеным у нядзелю з'ездзе ТБМ, была прысвечана якраз неабходнасці развіцця вышэйшай беларускамоўнай адукацыі. У яшчэ адной рэзалюцыі гаварылася аб змяненні моўнай палітыкі ў парламенце. ТБМ лічыць важным, каб законы прымаліся адразу на дзвюх дзяржаўных мовах.

Было прынята і некалькі пастаноў. Адна з іх прадугледжвае ўнясенне ў парадак дня сесіі Палаты прадстаўнікоў Нацыянальнага сходу законапраекта "Аб дзяржаўнай падтрымцы беларускай мовы".

Адразу пасля абрання ў Палату прадстаўнікоў Алена Анісім казала ў эфіры радыё Sputnik Беларусь, што мае намер у першую чаргу прасоўваць у парламенце законапраект аб падтрымцы беларускай мовы.

"У гэтым плане я вельмі разлічваю на нашу эліту і спадзяюся на пэўныя колы ў дзяржаўных органах улады. Пераход на выкарыстанне роднай мовы будзе спрыяць эмацыйнаму і духоўнаму ўздыму народа, без якога не можа быць руху наперад", — казала тады новаабраны дэпутат.

32
Тэги:
Беларуская мова, Таварыства беларускай мовы (ТБМ), Алена Анісім, Мінск, Беларусь
Тэмы:
Вучым беларускую мову
Півоні, архіўнае фота

Хмялее чмель, чмялее луг: 10 лепшых вершаў пра лета

13014
(абноўлена 11:33 30.05.2020)
Доўгачаканае лета на парозе - самы час планаваць адпачынак і натхняцца сакавітасцю прыроды. Sputnik зрабіў адмысловую падборку, каб любы жадаючы змог пачытаць вершы пра лета на беларускай мове і палепшыць настрой.

Лета цешыць сонейкам, ап'яняе духмяным водарам траў, аглушае птушыным гоманам. А тут раптам набягуць хмары, пальецца цёплы дождж, мільгане маланка, забурчыць недзе гром – так прыемна ўдыхаць свежае паветра пасля летняй навальніцы!

Вядома ж, такая прыгожая пара не магла застацца не апетай у вершах – шмат беларускіх паэтаў прысвяцілі лету свае творы. У іх каласіцца жыта, казуркі збіраюць нектар са стракатых кветак, паўнаводныя рэкі нясуць свае воды праз палі, блакіныя ад васількоў, а уначы над імі раскідваецца зорны небасхіл, па якому месяц плыве і хаваецца за лёгкія хмаркі.

Чытайце ў падборцы Sputnik, якія вершы пра лета пісалі знакамітыя беларускія пісьменнікі.

13014
Тэги:
вершы на беларускай мове, Лета
Тэмы:
Ад Барадуліна да Хадановіча: вершы на беларускай мове
По теме
Ад Купалы да Хадановіча: беларускія вершы для дзяцей
Бацька, маці і родная мова: 5 лепшых вершаў пра сям'ю
Пра пачуцці па-беларуску: топ-10 вершаў пра каханне