Паэт Ніл Гілевіч

Ніл Гілевіч: шануйце мову сваёй краіны

226
(абноўлена 13:18 30.03.2016)
Класік беларускай літаратуры віншуе ўсіх беларусаў са святам роднай мовы і жадае, каб любові да мовы ў Беларусі стала больш.

МІНСК, 18 сак — Sputnik. Дзень роднай мовы адзначаецца сёння ў Беларусі, рэдакцыя Sputnik павіншавала з гэтым святам і наведала чалавека, які мае да яго самае непасрэднае дачыненне, — Ніла Гілевіча.

Народны паэт Беларусі, сапраўдны класік беларускай літаратуры Ніл Сымонавіч Гілевіч прысвяціў роднай мове ўсе жыццё. Нягледзячы на шаноўны ўзрост, пісьменнік выглядае бадзерым, жартуе… На жаль, карэспандэнт Sputnik не змог грунтоўна паразмаўляць з пісьменнікам, бо Ніл Сымонавіч у апошні час не вельмі добра сябе адчувае, але некалькі слоў аб роднай мове, творчасці Гілевіч на сустрэчы ўсё ж такі сказаў.

Ніл Сымонавіч перадаў чытачам Sputnik віншаванні са святам і пажадаў, каб кожны любіў і шанаваў мову сваёй краіны.

Писатель Нил Гилевич
© Sputnik / Виктор Толочко
пісьменнік ніл гілевіч

"Вось у мяне на паліцы стаіць дваццацітрохтомавік маіх твораў, я яго выдаў за ўласны кошт. Кожны том прасякнуты каханнем да беларускай мовы. Усе 23 тамы надрукаваны невялікім тыражом — 100, а то і 50 асобнікаў. Гэта не тысяча і нават не пяцьсот. Але я спадзяюся, што знойдуцца тыя, хто данясе яго людзям, і, магчыма, любові да беларускай мовы стане крыху больш", — сказаў Гілевіч.

Sputnik жадае Нілу Сымонавічу здароўя, добрага настрою і доўгіх гадоў жыцця, зычыць пісьменніку вялікую падзяку за яго ўклад у развіцце беларусскай літаратуры.

226
Тэги:
Ніл Гілевіч, Беларусь
Тэмы:
Апошні Народны паэт Беларусі (11)
Каментары