Дзмітрый Падбярэзскі на Rock Profi-2015

Дзмітрый Падбярэзскі: нам ёсць што паказаць Еўропе

292
(абноўлена 14:57 27.10.2017)
Пра сучаснае становішча беларускай музыкі, конкурсы і музычныя калектывы распавядае музычны эксперт Дзмітрый Падбярэзскі.

Аляксандр Жбанаў спецыяльна для Sputnik.

На мінулым тыдні ў Мінску прайшла трэцяя беларуская музычная прэмія Rock Profi- 2015. Там прысутнічаў і беларускі музычны крытык, аўтар "Энцыклапедыі  беларускай папулярнай музыкі", у мінулым музычны рэдактар Беларускага тэлебачання, чалец Беларускай асацыяцыі журналістаў Дзмітрый Падбярэзскі. Ён растлумачыў карэспандэнту Sputnik чаму беларускія музыканты пакуль не збіраюць вялікіх канцэртных пляцовак. 

Rock Profi-2015

Перш за ўсё крытык адзначыў, што вельмі станоўча ставіцца да музычнай прэміі Rock Profi і бачыць у гэтага конкурсу вялікую будучыню. Хаця б і таму, што ў адрозненні ад іншых штогадовых беларускіх музычных цырымоній тут пераможцаў вызначаюць самі музыкі. На яго думку такія конкурсы выключаюць магчымасць публікі налягаць на журналістаў ды крытыкаў і абвінавачваць іх у неаб'ектыўнасці, казаць, што яны, маўляў, вызначаюць сваіх лаўрэятаў згодна з уласнымі густамі.

Музычны гурт TonqiXod
© Sputnik / Николай Куксачёв
Пераможцы Rock Profi-2015 у намінацыі "Дэбют году" гурт Tonqixod

"Тут цалкам іншы падыход — самі музыкі вырашаюць хто ёсць хто. 60 чалавек, якія вызначалі намінантаў сёлета ў цэрымоніі пераможцаў, — гэта ўсё ж-такі паказчык",- распавёў Падбярэзскі.

Найбольш аб'ектыўнымі з усіх беларускіх музычных прэмій суразмоўцы Sputnik падаюцца дзве — Experty.by, якія вызначаюць пераможцаў на падставе выдадзеных дыскаў і цырымонія Rock Profi, дзе галасуюць самі музыкі.

Дзяржаўная палітыка ў беларускай культуры

Карэспандэнт Sputnik запытаў эксперта, чаму, на яго думку, выступленні беларускіх гуртоў не збяраюць вялікіх пляцовак. Падбярэзкі адказаў на пытанне дакладна: "Гэта звязана з адсутнасцю дзяржаўнай палітыкі ў падтрымцы беларускай культуры".

"Наконт гэтага можна разважаць вельмі доўга. Калі практычна ніхто з беларускіх радыёстанцый і тэлеканалаў не прапагандуе беларускую музыку, а знакамітыя 75% вырабляюцца ноччу, то аб якім наведванні канцэртаў і развіцці беларускай музыкі можа ісці гаворка?", — сказаў Падбярэзскі.

"Шчыра кажучы, я ніколі не задаваўся эксперыментам у дзве гадзіны ночы ўлезці на хвалю якой-небудзь беларускай радыёстанцыі і паслухаць, што яны там даюць. Але я цалкам упэўнены: ставяць 20 секунд нейкай беларускай песні і за гэты кошт выконваюць 75% абавязковай трансляцыі".

Падбярэзскі адзначыў, што апошнім часам слухае толькі дзве радыёстанцыі: радыё "Сталіца" і "Радыё-Мінск". Толькі там, на яго думку, беларуская музыка прысутнічае даволі рознабакова і актыўна. "Але калі вы ўключыце Unistar альбо "Рускае радыё" — там вы не пачуеце беларускай музыкі", — упэўнены крытык.

Міжнародны ўзровень

У размове з карэспандэнтам Sputnik эксперт сказаў, што цалкам перакананы у тым, што ў Беларусі ёсць, прычым даволі шмат, музыкаў міжнароднага ўзроўню.

"У нас ёсць, што паказаць Еўропе… Самабытная беларуская музыка, прычым не толькі тая, што звязана з фальклорам. У нас ёсць моцныя блюзавыя і рокавыя калектывы. Фальклор жа з'яўляецца наймацнейшым пунктам беларускай папулярнай музыкі", — распавёў ён.

Падбярэзскі лічыць, што беларусы могуць паказаць на міжнародным узроўні і тое, што на дадзены момант ужо ёсць і ў жанры блюзавай і рок-музыкі.

"На пачатку гэтага стагоддзя я вазіў беларускіх блюзавых выканаўцаў у Польшчу на міжнародныя конкурсы. Цягам пяці гадоў мы два разы ўзялі гран-пры. Прычым, там удзельнічалі краіны з 8-9 еўрапейскіх краін".

Крытык таксама распавёў пра становішча джазавай і блюзавай музыкі ў Беларусі. "У беларускім джазе больш складаная сітуацыя, але і тут ёсць вельмі высокага класа выканаўцы".

У рок-музыцы, на яго думку, праблемы ўзнікаюць у тым, што большасць, асабліва маладых калектываў, наследуюць тое, што ўжо ёсць у Еўропе, што там калісьці гучала і не робяць сваёй уласнай музыкі за рэдкім выключэннем.

Танчыць ці слухаць?

На думку крытыка, інструментальнае беларускае трыа PortMone — прыклад таго, што трэба рабіць беларускім музыкантам і што цягам бліжэйшай пары гадоў гурт праедзе па ўсім свеце. "Таму што яны працуюць на тую публіку, якая здольная слухаць, суперэжываць і адкрываць у гэтым нешта іншае".

Дзмітрый Падбярэзскі
© Photo : budzma.org/Аляксандр Ждановіч
Дзмітрый Падбярэзскі

На  PortMone ходзяць мала людзей, таму што на тыя ж фестывалі ў Вільню ездзіць моладзь, якая ўсё ж такі музыку ўспрымае найперш як пацеху, распавёў крытык. "Гэта не тая моладзь, якая, скажам, у цэнтры Мінска можа прыйсці на канцэрт няхай сабе і папулярнай, але сімфанічнай музыкі… Яны наўрад ці туды прыйдуць. Яны падрастуць і прыйдуць пасля", — дадаў ён.

"З аднаго боку, гэта ўплыў расійскай "папсы": мы прыйшлі на канцэрт, нам трэба проста павесяліцца ды патанчыць. Беларуская аўдыторыя, знаходзячыся пад такім уплывам, проста не прывучана слухаць", —адзначыў эксперт.

 Падбярэзкі лічыць, што большасць беларускай музычнай аўдыторыі ўспрымае музыку як нейкі другасны прадукт. Як той прадукт, які проста ўжываецца — музыка не для слухання, а музыка для пацехі. Менавіта таму, калі з'яўляецца нейкі калектыў з музыкай, у якую трэба ўслыхоўвацца, у беларускай публікі ўзнікае праблема.

"Я не спрабую падзяліць аўдыторыю на тых, хто танчыць (і гэта дрэнна)і тых хто сядзіць і слухае (і гэта добра). Павінна быць самая розная. Ва ўсялякім выпадку вызначальным з'яўляецца фактар выканаўніцкага ўзроўню", — адзначыў эксперт.

292
Тэги:
Узнагароды і прэміі, Стыль жыцця, Стыль жыцця і адпачынак, Музыка, Мастацтва, Увесь свет, Мінск, Беларусь, Еўропа
Тэмы:
Беларуская музыка: ад панку да пост-барду (24)
Рэшткі падмурка гасцініцы Брозі

Цеплатрасай па Шагалу: віцябляне пра разбурэнне склепа гасцініцы Брозі

10
(абноўлена 17:31 27.05.2020)
Зараз пракладку цеплатрасы ў гістарычным цэнтры Віцебска прыпынілі, паколькі спецыялісты вырашаюць, што рабіць з выяўленымі артэфактамі.

ВІЦЕБСК, 27 мая - Sputnik. Падчас планавых работ па пракладцы цеплатрасы ў гістарычным цэнтры Віцебска недалёка ад Уваскрасенскай царквы рабочыя натыкнуліся на рэшткі падмурка гасцініцы Брозі, дзе ў свой час жыла жонка Марка Шагала. Працы прыйшлося спыніць, спецыялісты вырашаюць, што рабіць далей.

Гістарычная даведка

Для пачатку варта разабрацца, якую цікавасць прадстаўляе гасцініца Брозі, іншая назва якой - дом Вітэнберга.

Будынак быў пабудаваны ў цэнтры Віцебска ў 1890-х гадах купцом Бейнусам Вітэнбергам. Акрамя самой гасцініцы, у ім размяшчаліся некалькі крамаў, рэстаран з французскай і рускай кухнямі, кегельбан, більярдавая і ювелірная майстэрня Розенфельд. На дачцэ ювеліраў Бэле пасля ажаніўся Марк Шагал. Больш за тое, менавіта ў будынку Вітэнберга Шагалы жылі ў 1915 годзе.

Пасля вайны будынак гасцініцы быў разбураны.

На остатки фундамента гостиницы Брози наткнулись случайно
© Sputnik / Павел Вур
На рэшткі падмурка гасцініцы Брозі натрапілі выпадкова

У 2000-х быў распрацаваны праект па ўзнаўленні дома Вітэнберга на гістарычным падмурку гасцініцы. Але ён так і не быў рэалізаваны, паколькі не знайшлося інвестараў, гатовых укласці сродкі ў гэтак дарагі праект.

У 2010 годзе на месцы гасцініцы ўсталявалі пастамент для коннай статуі князя Альгерда, а сам манумент ўзвялі праз чатыры гады.

Цеплатраса не там

Узгадалі аб важным гістарычным падмурку вясной 2020 года, калі пачалі праводзіць рэканструкцыю ўчастка цеплавых сетак. Яшчэ ў сакавіку міністэрства культуры выдала дазвол на правядзенне работ у гістарычным цэнтры Віцебска з агаворкай, што ўсе працы будуць весціся пад пастаянным кантролем Інстытута гісторыі НАН РБ.

Перад пачаткам рэканструкцыі ў план работ былі ўнесены некаторыя карэкціроўкі, і замест таго, каб ісці па старым рэчышчы цеплатрасы, працоўныя выкапалі траншэю там, дзе раней не праводзілася вывучэнне глебы.

Находкой заинтересовались специалисты, местные блогеры и СМИ - работы пришлось остановить
© Sputnik / Павел Вур
Находкой заинтересовались специалисты, местные блогеры и СМИ - работы пришлось остановить

Пры раскопках на новым месцы ўдалося выявіць не толькі падмурак гасцініцы Брозі, але і металічныя часткі брамы, замкі, кафлі і старадаўнюю цэглу - некаторыя былі з клеймамі.

Знаходкай зацікавіліся спецыялісты, мясцовыя блогеры і СМІ, таму работы давялося спыніць. Пры гэтым рабочыя адзначылі, што на спрэчным участку ўсё роўна даводзіцца весці працы, але далёка ад гістарычнай знаходкі, паколькі тэрміны здачы аб'екта падціскаюць.

"Цяпер усе навакольныя дамы без гарачай вады не толькі з-за планавых адключэнняў, але і з-за рэканструкцыі, і пакуль мы тут не скончым, ваду ім ніхто не дасць. Здаць гэты ўчастак мы павінны 1 чэрвеня, таму экскаватар працягвае расчышчаць зямлю, але ў баку ад знаходкі", - падкрэслілі супрацоўнікі фірмы-падрадчыка.

На пытанне аб тым, што адбудзецца калі навукоўцы не дазволяць працягнуць працу ў бліжэйшы час, рабочыя адказалі: археолагі будуць насіць жыхарам гарачую ваду ў вёдрах.

Работы все равно придется проводить - сроки сдачи объекта поджимают
© Sputnik / Павел Вур
Працы ўсё роўна прыйдзецца праводзіць - тэрміны здачы аб"екта падціскаюць

"Шчыра кажучы, не бачу асаблівай каштоўнасці ў знаходцы: частка склепа, які разваліўся, і ўсё. Гістарычным мурам назваць гэта цяжка. У нас у горадзе ёсць месцы, дзе мур сапраўды выдатна захаваўся і яго добра абыгралі пры рэканструкцыі будынкаў", - выказаў сваё бачанне прадстаўнік падрадчыка.

Не такая ўжо і гісторыя

Гараджане, у сваю чаргу, падзяліліся на тры лагеры. Многія не ацанілі знаходкі.

"Гэта месца было культурнай каштоўнасцю, якая ахоўваецца законам? Наколькі я ведаю, яго засыпалі, зверху паклалі пліткай і забыліся. Акрамя таго, прычым тут жонка Шагала? Яна ж сама не была мастачкай! У Беларусі процьма месцаў, дзе жылі чыесьці жонкі, давайце ўсе іх ахоўваць", - пракаментавала сітуацыю жыхарка Віцебска Алена.

Реконструкция достаточно масштабна и идет на нескольких улицах
© Sputnik / Павел Вур
Рэканструкцыя досыць маштабная і ідзе на некалькіх вуліцах

Другая частка гараджан лічыць, што любую гістарычную каштоўнасць трэба ахоўваць, а тым больш месцы, звязаныя з імем мастака, які ўславіў Віцебск на ўвесь свет.

Ёсць і трэцяя частка жыхароў Віцебска, гатовых ацаніць гістарычную значнасць знаходкі, але пры гэтым яны хочуць, каб своечасова далі гарачую ваду.

"Шагал, зразумела, вядомы мастак, і я не супраць таго, каб знойдзены падмурак вывучалі, але не на шкоду маёй сям'і. І хацелася б даведацца, што будуць далей рабіць з знаходкай: вывучаць ці зноў закапаюць?" - заўважыў жыхар аднаго з навакольных дамоў Сяргей.

І сапраўды: што рабіць з гістарычнай знаходкай?

Цяпер на месцы раскопак працуюць археолагі, якія фатаграфуюць, дакументуюць і вывучаюць знойдзеныя артэфакты.

10
Тэги:
археалагічныя знаходкі, Віцебск
Скарб знойдзены падчас будаўнічых работ

"Называць скарбам рана": цікавыя прадметы знайшлі ў старадаўнім склепе Гродна

13
(абноўлена 15:30 26.05.2020)
Падчас работ на падмурках старажытнага будынка ў Гродне археолагі знайшлі гадзіннікі, медалі, манеты і іншыя рэчы, якім больш за сто гадоў.

ГРОДНА, 26 мая - Sputnik, Іна Грышук. Старадаўнія гадзіннікі, партабак, пару памятных медалёў, кулон, а таксама больш за дзясятак розных манет перыяду Рэчы Паспалітай і Расійскай імперыі знайшлі на тэрыторыі па вуліцы Замкавай у цэнтры Гродна.

Цікавыя знаходкі выявілі падчас работ, якія праходзяць на невялікім участку па вуліцы Замкавая паміж былым Палацам тэкстыльшчыкаў і Домам быту. Тут плануецца будаўніцтва копіі комплексу будынкаў, якія былі знесены ў савецкі час.

Гадзіннік, манеты, медалі

На гэтым баку вуліцы Замкавай вядомыя па інвентарах і планах так званы Дом рыбака (Дом з рыбкай), датаваны XVI-XVII стагоддзямі і прылеглыя да яго будынка другой паловы XVIII стагоддзя. У 2019 годзе на тэрыторыі праходзілі археалагічныя раскопкі. Знаходкі не былі заключаны ў адну агульную ёмістасць, хоць і быў знойдзены невялікі скураны футарал з дзвюх частак.

"Усе прадметы знайшлі ў межах аднаго шурфа ў захаваным склепе будынка XVIII стагоддзя, які стаяў побач з Домам рыбака, але крыху на захад, бліжэй да дома №12. У пазамінулым стагоддзі ў доме працавала піцейная ўстанова - шынок. Усе знойдзеныя рэчы выяўлены ніжэй за ўзровень каменнага падмурка склепа дома. У асноўным, гэта прадметы асабістага карыстання і невялікая нумізматычны сход. Магчыма, былі схаваныя ў 20-30-я гады XX стагоддзя, мяркуючы па намінале манет", - распавяла археолаг кандыдат гістарычных навук Наталля Пачобут, якая вядзе археалагічны нагляд на аб'екце па вуліцы Замкавай.

Аб скарбе гаварыць пакуль рана

Самыя цікавыя з знаходак - двое кішэнных гадзіннікаў, медалі, а таксама добрай захаванасці некалькі срэбных рублёў часоў Расійскай імперыі першай паловы XIX стагоддзя. Большасць прадметаў акісленыя і патрабуюць спецыяльнай чысткі пад мікраскопам, ультрагукам, трэба падбіраць склады для чысткі. Напрыклад, адзін са знойдзенных гадзіннікаў, моцна сапсаваны карозіяй - пабіты корпус, скрозь карозію можна разгледзець ўнутраны механізм.

"Манеты не ляжалі ў адной ёмістасці, тым не менш, не выключана, што яны звязаны і складаюць адзіны комплекс.

Пасля камеральнай і навуковай апрацоўкі ўсе прадметы з апісаннямі і фатаграфіямі будуць мною апублікаваныя і размешчаныя ў агульным доступе", - кажа археолаг.

Можна зрабіць першае ў Гродне кафэ-музей

Спецыяліст адзначае, што знойдзеныя прадметы ў будучыні могуць стаць часткай экспазіцыі інтэр'ераў будучага кафэ, бо кафэ-музеі папулярныя ў Еўропе.

"Дзякуючы раскопкам на Замкавай у Гродне з'явілася такая ж унікальная магчымасць арганізаваць уласнае кафэ-музей, якое дапаможа паказаць атмасферу, культуру харчавання і жыцця гродзенцаў таго часу", - дзеліцца сваім бачаннем далейшага выкарыстання адкрытага гістарычнага аб'екта археолаг.

Інвестар, які займаецца рэканструкцыяй, пайшоў на непрадбачаныя дадатковыя фінансавыя выдаткі, каб выяўленыя старадаўнія памяшканні добрай захаванасці, дзе знайшлі ўсе прадметы, якія не былі разбураны ва ўгоду будоўлі, а закансерваваны і захаваны для наступнага выкарыстання. Яны ўвойдуць у перыметр будучага будынка.

У афармленне інтэр'еру кафэ плануецца ўключыць і некаторыя прадметы са знойдзенага прадметна-рэчавай комплексу. Акрамя таго, археолаг уласнаручна ўжо адрэстаўраваў больш за дзясятак прадметаў сталовага посуду - паліўных місак, талерак, гаршкоў, збаноў XVIII-XIX стагоддзяў для стварэння атмасферыва ўстанове.

Залаты скарб быў на суседняй вуліцы

Цікавыя знаходкі і скарбы даволі частая з'ява пры рэканструкцыі старадаўніх будынкаў у цэнтры Гродна. Адзін з самых цікавых і буйных скарбаў быў знойдзены ў доме вясной 2018 года на вуліцы 2-й Працоўнай, якая знаходзіцца прыкладна ў двухстах метрах ад будоўлі на Замкавай, 12. У скрыначцы з-пад тытуню, якая больш за 70 гадоў праляжала пад бэлькай столі яўрэйскага дома, апынуліся залатыя манеты Расійскай імперыі і міжваеннага польскага перыяду, кольцы, завушніцы, зліткі агульнай вагой каля 500 грамаў.

Скарб з вуліцы Працоўнай ацанілі ў 20 тысяч долараў, гэтую суму падзялілі паміж ўласнікам будынка і трыма будаўнікамі, якія знайшлі шкатулку з золатам. Сам скарб быў перададзены ў Гродзенскі гісторыка-археалагічны музей.

13
Тэги:
археалагічныя знаходкі, Гродна
Колькасць заражаных каронавірусам у Беларусі наблізілася да 40 тысяч

Колькасць заражаных каронавірусам у Беларусі наблізілася да 40 тысяч

4
Па дадзеных Міністэрства аховы здароўя, колькасць тых, хто паправіўся і выпісаны ўжо дасягнула 16 660 чалавек.

МІНСК, 28 мая - Sputnik. Колькасць выяўленых выпадкаў каронавіруса ў Беларусі дасягнула 39 858, паведамілі сёння ў прэс-службе Міністэрства аховы здароўя рэспублікі.

Да раніцы чацвярга ў Беларусі праведзена, па афіцыйных дадзеных, 499 249 тэстаў на каронавірус. За суткі іх зроблена яшчэ 13,7 тысячы.

Выяўлена 39 858 чалавек са станоўчым тэстам на COVID-19. За суткі іх колькасць павялічылася на 902.

Паправіліся і выпісаныя ўжо 16 660 пацыентаў - на 737 чалавек больш, чым напярэдадні. Памерлі 219 чалавек, у якіх, як адзначае Міністэрства аховы здароўя, быў шэраг хранічных захворванняў. За суткі дадалося пяць смяротных вынікаў.

Апошнія тыдні штодня ў Беларусі паведамляецца аб прыблізна 900 новых выпадках каронавіруса, а таксама аб 5-7 смерцях.

Нагадаем, першы выпадак каронавіруса быў выяўлены ў Беларусі роўна тры месяцы таму. Як развівалася сітуацыя - чытайце ў праекце Sputnik.

4
Тэги:
каронавірус, Беларусь
Тэмы:
Каронавірус COVID-19