Купальскае кола-2015

"Купальскае кола" прайшло ў "Дудутках"

1134
(абноўлена 15:02 26.01.2016)
Самае народнае беларускае свята адзначылі ў музеі старадаўніх рамёстваў у ноч з 20 на 21 чэрвеня выдатным рок-канцэртам і дэманстрацыяй старажытных абрадаў.

Юлія Хвошч, Sputnik

Купалле — старажытнае свята, якое дайшло да нас з паганскіх часоў, звязана з днём летняга сонцастаяння і традыцыйна адзначаецца ў самую кароткую ноч года, у момант, калі сілы прыроды дасягаюць найвышэйшага росквіту/

Са старажытных часоў менавіта на Купалле людзі аб'ядноўваліся ў супольнасці і калектывы. Гэта і вызначала адзін з накірункаў свята — яднанне. Таксама ў гэты дзень трэба было накіроўваць свае сілы на пошук або здабыццё партнёра — наканаванага.

У "Дудутках" адзначылі летні сонцаварот — фотастужка >>

Фестиваль Купальскае кола
© Sputnik Дмитрий Карлюк
фестываль "Купальскае кола"

Святкаванню Купалля ў старажытных славян адводзілася, як правіла, два дні — дзень напярэдадні сонцаварота (Купальніца) і самая кароткая ноч у годзе — на Купалу. Гэтыя два дні з'яўляліся свайго роду жаночым і мужчынскім часам — калі Купальніца сустракае Купалу.

У гэтую ноч у нашых продкаў пачыналася і Свята кахання. Лічылася, што ў гэты час адносіны паміж людзьмі праходзяць выпрабаванні на трываласць, а адзінокія могуць знайсці сваё шчасце.

Казалі, што нячыстая сіла ладзіла выпрабаванні ў Купальскую ноч для закаханых, але калі на Купальніцу быў праведзены абрад, то нічога дрэннага не здаралася, таму што Купалле — гэта Свята адданасці і шчырага кахання.

Гэтае свята і паспрабавалі аднавіць арганізатары "Купальскага кола" ў музейным комплексе "Дудуткі" 20-га і 21-га чэрвеня.

Культурная арганізацыя

Свежае паветра, спаборніцтвы і анімацыйныя пляцоўкі, выступленні этна-гуртоў перанеслі наведвальнікаў свята на шмат стагоддзяў таму. На мерапрыемстве было ўсё — старажытныя гульні і атракцыёны, дранікі і медавуха, сапраўдная музыка, карагоды і танцы, купальскія абрады на беразе Пцічы.

Сучаснае сплялося з мінулым, "Стары Ольса" з сярэднявечнай музыкай выступалі на адной сцэне з польскімі легендамі металу Vader. Тут кожны знайшоў сваё — хто вадзіў карагоды, хто слэміўся пад цяжкія рыфы. Але ўсіх аб'ядноўвала адно — павага да гісторыі і беларускай культуры.

Усё прайшло добра, без эксцэсаў. Вёў мерапрыемства знакаміты беларускі музыкант і шоу-мэн Аляксандр Памідораў.

Музычны марафон на Купальскім коле
© Sputnik Дзмітрый Карлюк
Музычны марафон на "Купальскім коле"

У цэнтры пляцоўцы размесцілася сцэна, на якой музыканты пачалі граць з самай раніцы. У некалькіх дзесятках метраў ад сцэны ладзіліся атракцыёны, крыху далей размяшчаліся карчма і кулінарыя, якія прапанавалі гасцям стравы нацыянальнай беларускай кухні. Працавалі палаткі з сувенірамі, вырабамі беларускіх майстроў, адзеннем з беларускім арнаментам.

Удзень злева ад сцэны кожны ахвочы мог паўдзельнічаць у старадаўніх забавах — пастраляць з велізарнага лука ці гіганцкай рагаткі, паўдзельнічаць у майстар-класе па фехтаванні, наведаць манетны двор і старадаўнія атракцыёны.

Па тэрыторыі ўсёй пляцоўцы гулялі прыгажуні ў вянках і адзеннях старажытных часоў. Не адставалі ад іх і хлопцы. Складалася ўражанне, што ты раптоўна апынуўся ў старажытнай Беларусі. За тэрыторыяй пляцоўкі размесціўся намётавы гарадок для адпачываючых, якія прыехалі адразу на два дні фестываля.

"У плане арганізацыі ўсё праходзіць нармальна, драк ці іншых здарэнняў не заўважана, людзі паводзяць сябе спакойна. Намётавы лагер і пляцоўка пад нашай аховай будзе знаходзіцца да двух гадзін ночы, потым да 9 раніцы ў нас адпачынак", — распавёў карэспандэнту Sputnik адзін з прадстаўнікоў аховы мерапрыемства.

Вельмі ўразіла культура наведвальнікаў — смецця не было, асабліва п'яных таксама, на тэрыторыі фестываля амаль ніхто не паліў.

Музычны марафон

Музычная частка мерапрыемства атрымалася выдатнай. Яна распачылася выступам дуэта Agata у 10:30. Потым адзін за другім на сцэну выходзілі гурты розных музычных кірункаў, але творчасць кожнага з іх так ці інакш была з этна ці фолькавым напрамкам. "Мярэжа", "Млын сонца", Rokash, "Ягорава гара" — наведвальнікі не паспявалі патанчыць пад адзін гурт, як яго змяняў ужо наступны.

"Усё прайшло надзвычай добра. Гэта мой насамрэч адзін з самых любімых фэстаў, сёння сюды давязла сваю маці і маленькую дачку — Маю. І вельмі рада, што ім таксама тут вельмі падабаецца", — распавяла вакалістка Rokash Паліна Дулінец.

Дарэчы маленькіх наведвальнікаў з бацькамі было шмат — яны танчылі разам з дарослымі, кармілі птушак у вал'еры музея.

Маленкія наведвальнікі Купальскага кола
© Sputnik
Маленкія наведвальнікі "Купальскага кола"

Вядоўцам двудзеннага музычнага марафона быў, як і мінулыя гады, знакаміты беларускі музыкант і спявак Аляксандр Памідораў. Ён распавёў карэспандэнту Sputnik пра сваё ўражанне ад мерапрыемтсва.

"У гэтым годзе адбылася прэм'ера "купальскага кола" ў фармаце оупэн-эір у Беларусі. На гэтым фестывалі мы мелі прыклады файных вяртанняў людзей, якія ў свой час кінулі музычную кар'еру, а потым вярнуліся, напрыклад, "Сонцаварот" і Gods Tower. Толькі што вы маглі бачыць выступленне аднаго з маладых, але з найлепшых цяжкіх беларускіх гуртоў Rise In Rage. Гэта сучасная музыка, якая выканана цалкам на сусветным узроўні", — сказаў Памідораў.  

"Купальскае кола", безумоўна, мае свой асабісты музычны кшталт. Тут прадстаўлены розныя музычныя плыні — folk, pagan-metal, нават нешта экстрымальнае — але ўсе гурты граюць з ухілам у "паган-накірунак", — дадаў вядоўца мерапрыемства.

Купальскае вогнішча

Галоўнае месца ў купальскіх абрадах і гульнях займае вогнішча. Са старажытных часоў да яго рыхтаваліся загадзя: збіралі з жытла ўвесь хлам, вывозілі яго на высокі бераг ракі ці возера і кідалі ў купальскі агонь. Лічылася, што разам з непатрэбным рэчамі ў ачышчальным вогнішчы згарала ўсё дрэннае.

У цэнтры вогнішча, на высокай жэрдцы, уздымалася драўлянае кола — сімвал сонца.

Музычны фестывальTuborg Greenfest у Санкт-Пецярбургу
© Sputnik / Аляксей Данічаў

Пасля выступа апошняга гурта, на досвітку, раптоўна загучала старажытная дуда, забілі музыкі ў барабан, арганізатары падпалілі і паднялі ўверх чатыры паходні.

Усе, хто знаходзіўся на тэрыторыі фестываля, выстраіліся ў шэраг і рушылі за межы комплекса, да ракі Пціч.

Так пачалася самая цікавая і таямнічая частка мерапрыемства. Пад гукі старажытных інструментаў ахвочыя паўдзельнічаць у абрадах прайшлі праз вёску некалькі кіламетраў да ракі. На лузе запалілі купальскае вогнішча, сталі спяваць і вадзіць вялікія карагоды. Потым ладзіліся старадаўнія гульні, хлопцы скакалі праз агонь.

На заканчэнні гульняў моладзь пускала на ваду вяночкі, на якія задумвала будучыню свайго роду і лёсу.

Купальскае вогнішча на досвітку
© Sputnik
Купальскае вогнішча на досвітку

Так беларусы сустрэлі летні сонцаварот.

А наперадзе наведвальнікаў фестываля чакаў другі дзень свята з гуртамі Exegutor, "Палац", ZNICH, DZIECIUKI, "Кашлаты вох" і іншымі.

1134
Тэги:
Актыўны адпачынак, Музычныя жанры, Стыль жыцця, Стыль жыцця і адпачынак, Гісторыя, Музыка, Купальскае кола, Мінскі раён, Беларусь, Еўропа, Увесь свет
Тэмы:
Фестывальнае лета-2015 (27)

Гарачая лаціна і бальная класіка: відовішчныя танцы ў фотаздымках

47
(абноўлена 23:25 23.02.2021)
  • Турнір па бальных танцах
  • Турнір па бальных танцах
  • Турнір па бальных танцах
  • Лацінаамерыканскі танец
  • Макіяж для выступлення
  • Танцор рыхтуецца да выступлення
  • Лацінаамерыканскі танец
  • Лацінаамерыканскі танец
  • Лацінаамерыканскі танец
  • Удзельнікі турніру
  • Турнір па бальных танцах
  • Лацінаамерыканскі танец
  • Лацінаамерыканскі танец
  • Лацінаамерыканскі танец
  • Лацінаамерыканскі танец
  • Турнір па бальных танцах
  • Турнір па бальных танцах
  • Балельшчыкі турніру
  • Турнір па бальных танцах
  • Танцавальны клуб Сігма адзначае 35-годдзе
  • Турнір па бальных танцах
  • Турнір па бальных танцах
У сталіцы Беларусі, нягледзячы на эпідэміялагічныя абмежаванні, з вялікім поспехам прайшоў міжнародны турнір па спартыўных бальных танцах Minsk Open.

Спаборніцтвы прайшлі сярод спартсменаў-аматараў усіх узроставых катэгорый. Як падкрэслілі арганізатары, Minsk Open удалося зрабіць сапраўды адкрытым турнірам, на якім былі рады танцорам любых федэрацый. Усяго ў сталічным клубе "Фалькон" выступілі больш за 800 пар з Расіі, Беларусі і Украіны.

Старшыня Беларускага рэспубліканскага танцавальнага саюза Аляксандр Казыра застаўся задаволены, што ўдалося захаваць міжнародны характар ​​спаборніцтваў і якасную іх арганізацыю: выдатная прасторная зала, якаснае святло, вытанчанае афармленне, жывая музыка ад аркестра Boris Myagkov Band, прафесійная судзейская брыгада і, вядома ж, незвычайная атмасфера свету танца.

Для фіналістаў IDSU Grand Prix Adult Latin, Standard быў разыграны салідны прызавы фонд.

Разыначкай стала святкаванне ў рамках спаборніцтваў танцавальным клубам "Сігма" свайго юбілею. Павіншаваць трэнераў, мабыць, самага паспяховага беларускага спартыўнага аб'яднання ў свеце танцаў прыехалі і дзейсныя спартсмены, і тыя, што ўжо скончылі кар'еру. Велізарны торт з лічбамі "35" быў урачыста прадэманстраваны прама на танцавальнай пляцоўцы.

Але галоўнай узнагародай для ўсіх гасцей спаборніцтваў стала магчымасць нарэшце пагутарыць з калегамі і аднавіць спартыўную практыку. Мінск як ніколі засумаваў па буйных міжнародных турнірах.

47
  • Турнір па бальных танцах
    © Sputnik / Виктор Толочко

    У сталічным клубе "Фалькон" у мінулыя выхадныя прайшоў відовішчны Minsk Open.

  • Турнір па бальных танцах
    © Sputnik / Виктор Толочко

    У рамках спаборніцтваў па спартыўных і бальных танцах выступілі больш за 800 пар.

  • Турнір па бальных танцах
    © Sputnik / Виктор Толочко

    Спаборніцтвы прайшлі сярод спартсменаў-аматараў усіх узроставых катэгорый.

  • Лацінаамерыканскі танец
    © Sputnik / Виктор Толочко

    Як падкрэслілі арганізатары, Minsk Open удалося зрабіць сапраўды адкрытым турнірам, на якім былі рады танцорам любых федэрацый.

  • Макіяж для выступлення
    © Sputnik / Виктор Толочко

    Турнір па спартыўных бальных танцах выклікаў вялікую цікавасць сярод удзельнікаў і гледачоў: усе засумавалі па танцах.

  • Танцор рыхтуецца да выступлення
    © Sputnik / Виктор Толочко

    Усе ўдзельнікі спаборніцтваў старанна рыхтаваліся да выступленняў.

  • Лацінаамерыканскі танец
    © Sputnik / Виктор Толочко

    А для фіналістаў IDSU Grand Prix Adult Latin, Standard - салідны прызавы фонд.

  • Лацінаамерыканскі танец
    © Sputnik / Виктор Толочко

    У танцавальным саюзе засталіся задаволены не толькі "геаграфіяй" пар, якія прыехалі, і маштабам турніру, але і якаснай арганізацыяй саміх спаборніцтваў.

  • Лацінаамерыканскі танец
    © Sputnik / Виктор Толочко

    Выдатная прасторная зала, якаснае святло, вытанчанае афармленне, жывая музыка ад аркестра Boris Myagkov Band, прафесійная судзейская брыгада і, вядома ж, незвычайная атмасфера свету танца.

  • Удзельнікі турніру
    © Sputnik / Виктор Толочко

    Удзельнікі турніру з задавальненнем назіраюць за праграмай.

  • Турнір па бальных танцах
    © Sputnik / Виктор Толочко

    У еўрапейскую праграму спартыўнага бальнага танца ўваходзяць: павольны вальс (Бостан), квікстэп (хуткі факстрот), венскі вальс, танга, павольны факстрот.

  • Лацінаамерыканскі танец
    © Sputnik / Виктор Толочко

    У лацінаамерыканскую праграму - самба, ча-ча-ча, румба, пасадобль, джайв.

  • Лацінаамерыканскі танец
    © Sputnik / Виктор Толочко

    Для лацінаамерыканскіх танцаў конкурсныя сукенкі дам, як правіла, кароткія, вельмі адкрытыя і абліпальныя.

  • Лацінаамерыканскі танец
    © Sputnik / Виктор Толочко

    Сучасны конкурсны касцюм кавалераў таксама досыць абліпальны, падкрэслівае мужныя лініі цела.

  • Лацінаамерыканскі танец
    © Sputnik / Виктор Толочко

    Лацінаамерыканскія танцы - адзін з самых прыгожых і палымяных відаў танца.

  • Турнір па бальных танцах
    © Sputnik / Виктор Толочко

    Але самае дзівоснае - гэта бальныя танцы, прычым у самай юнай групе.

  • Турнір па бальных танцах
    © Sputnik / Виктор Толочко

    Звычайна дзеці пачынаюць займацца танцамі з 4 гадоў.

  • Балельшчыкі турніру
    © Sputnik / Виктор Толочко

    Мамы - самыя актыўныя балельшчыкі.

  • Турнір па бальных танцах
    © Sputnik / Виктор Толочко

    З 4 да 7 гадоў у дзяцей фарміруецца пачуццё рытму, яны лёгка паддаюцца расцяжцы, фарміруецца правільная пастава і навык валодання сваім целам.

  • Танцавальны клуб Сігма адзначае 35-годдзе
    © Sputnik / Виктор Толочко

    Разыначкай стала святкаванне ў рамках спаборніцтваў танцавальным клубам "Сігма" свайго юбілею. Павіншаваць трэнераў, мабыць, самага паспяховага беларускага спартыўнага аб'яднання ў свеце танцаў прыехалі і дзейсныя спартсмены, і тыя, што ўжо скончылі кар'еру. Велізарны торт з лічбамі "35" быў урачыста прадэманстраваны прама на танцавальнай пляцоўцы.

  • Турнір па бальных танцах
    © Sputnik / Виктор Толочко

    Прынцып школы просты: танцаваць можа кожны, і ўсё роўна, колькі вам гадоў. З моманту свайго заснавання ў 1986 годзе школа-студыя "Сігма" выгадавала не адно пакаленне прафесійных танцораў і аматараў.

  • Турнір па бальных танцах
    © Sputnik / Виктор Толочко

    Але галоўнай узнагародай для ўсіх гасцей спаборніцтваў стала магчымасць нарэшце пагутарыць з калегамі і аднавіць спартыўную практыку. Мінск як ніколі засумаваў па буйных міжнародных турнірах.

Тэги:
турнір, Беларусь, фотаздымкі, бальныя танцы, танцы
Рыгор Барадулін

"Чалавек не знікае так": успамінаем Рыгора Барадуліна

2086
(абноўлена 09:29 25.02.2021)
У гэты дзень нарадзіўся народны паэт Беларусі Рыгор Барадулін. Sputnik узгадвае шлях жыцця выбітнага творцы.

МІНСК, 24 лют — Sputnik. Рыгор Барадулін нарадзіўся на хутары Верасоўка, скончыў школу ва Ушачах і філфак БДУ. Працаваў рэдактарам у розных выданнях і шмат пісаў, выпусціў каля 70 зборнікаў паэзіі. Барадулін шмат часу аддаваў і перакладчыцкай дзейнасці. Дзякуючы яму, на беларускай мове выйшлі "Слова пра паход Ігараў", творы Федэрыка Гарсія Лоркі, Шэкспіра, Байрана, Ясеніна, Амара Хайма.

Першыя вершы Барадуліна з'явіліся ў друку, калі ён ужо вучыўся ў старэйшых класах — у 1953 годзе ў газеце "Чырвоная змена" (пад псеўданімам А.Чабор). А таксама ў шматтыражнай газеце БДУ "За сталінскія кадры".

Поэт Рыгор Бородулин с женой Валентиной
© Sputnik / Евгений Коктыш
Рыгор Барадулін з жонкай Валянцінай

Першы зборнік вершаў паэта "Маладзік над стэпам" выйшаў у 1959 годзе. Галоўныя тэмы паэзіі — вайна, духоўнасць і таленавітасць беларускага народа, праблемы пасляваеннага часу. У 1961 годзе выйшаў другі зборнік паэзіі — "Рунець, красаваць, налівацца!", а ў 1963 трэці — "Нагбом".

У апошніх зборніках паэта пераважаюць духоўныя і біблейскія матывы. У 2005 годзе выйшаў зборнік малітоўнай паэзіі "Ксты".

Акрамя гэтага аўтар вялікай колькасці сатырычных і гумарыстычных твораў. Стварыў вялікую колькасць эпіграм на дзеячаў беларускай літаратуры і мастацтва. У 1987 годзе выйшла кніга "Парастак Радкоў, галінка вяршыць", якая складалася з літаратурна-крытычных артыкулаў і эсэ паэта.

Родная мова з'яўлялася адной з тэмаў творчасці Барадуліна. Ад маці яму перадалася незвычайная чуйнасць да мовы. Вуснае багацце народнай творчасьці, засвоенае з дзяцінства, стала добрай асновай творчай індывідуальнасьці паэта.

Джон Кунстадтэр, Алесь Камоцкі, Рыгор Барадулін (злева направа)
© Photo : "Беларуская прастора"
Джон Кунстадтэр, Алесь Камоцкі, Рыгор Барадулін (злева направа)

Чэрпаючы з народных запасаў моўнай культуры, паэт адкрыў неабмежаваныя магчымасці словаформаў і спалучэнняў слоў, вярнуў забытым словам першародную свежасьць. Жывое маўленне ў творчасці Барадуліна выйшла за рамкі ўсталяваных літаратурных канонаў.

Рыгора Барадуліна не стала 2 сакавіка 2014 года, у Даравальную нядзелю. Напярэдадні адзначыў свой дзень нараджэння і 53 гады сумеснага жыцця з жонкай Валянцінай Міхайлаўнай. Да яе былі звернутыя апошнія словы паэта: "Якая ж ты ў мяне прыгожая!". Пахавалі Барадуліна на роднай Ушаччыне побач з маці.  

Чалавек не ўзнікае так —
Ён збываецца, адбываецца
Як ратай,
Як дзівак,
Як мастак,
Ад якога свет адбіваецца.

Чалавек не знікае так,
Бы ў кішэні вякоў пятак.
Ён сціраецца аб дарогі,
Разбіваецца аб адчаі,
Пераходзіць ва ўсе трывогі
Веку,
Што яго прыручае.

Перш чым вочы заслоняць векам,
Чалавек хоча стаць чалавекам.

2086
Тэги:
Паэзія, падзеі і даты, Характэрныя факты, Літаратура, Смерць публічных людзей, Культура, Жыццё знакамітых людзей, Музыка, Рыгор Барадулін, Беларусь
Тэмы:
Беларуская літаратура
Які сёння дзень: 26 лютага

Які сёння дзень: 26 лютага 2021 года

0
(абноўлена 17:29 21.02.2021)
Гэты дзень з'яўляецца пяцьдзесят сёмым па грыгарыянскім календары, таму да канца года засталося 308 дзён.

Якія падзеі адбыліся 26 лютага і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 26 лютага

  • У 1932 годзе ў Мінску пачала выдавацца газета "Літаратура і мастацтва".
  • У 1992 годзе Беларусь і Фінляндыя ўстанавілі дыпламатычныя адносіны.

Хто нарадзіўся 25 лютага

  • 1912 год: Уладзімір Карпаў, беларускі пісьменнік.
  • 1918 год: Пётр Машэраў, кіраўнік Беларускай ССР.
  • 1929 год: Георгій Колас, беларускі пісьменнік.

Таксама сёння нарадзіліся французскі пісьменнік Віктор Гюго і рускі пісьменнік Аляксандр Праханаў.

26 лютага ў народным календары

Сёння праваслаўныя вернікі шануюць памяць вялебнага Марцініана Палесцінскага, якога ў народзе называюць Мартын, і Стэфана Неманя, або ў народзе – Сцяпана.

Святому Мартыну моляцца пра збаўленне ад спакусаў, асабліва – жаночых. Таксама гэты дзень лічыўся добрым, каб прыбраць у хаце – гэта абяцала дабрабыт і ўдачу ў справах.

Калі снег у гэты дзень пачаў раставаць, вясна будзе цёплая. Пахмурны дзень, наадварот, абвяшчае пра познюю і халодную вясну.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей