Фестываль Эпоха рыцарства ў Строчыцах

Рыцарскі фэст пройдзе ў Мсціслаўе

583
(абноўлена 15:50 09.07.2015)
Наведвальнікі ўбачаць гістарычныя рэканструкцыі боек ранняга сярэднявечча і пачуюць гурты “Стары Ольса” і Irdorath.

Юлія Хвошч, Sputnik.

Фестываль рыцарскай культуры пад Мсціслаўем праходзіць не першы год у межах святкавання Дня горада і з'яўляецца адным з найбуйнейшых беларускіх рыцарскіх фэстаў. Мсціслаў нездарма называюць "Маленькім Вільнюсам" ці "беларускім Суздалем" — гэта прыгожы старажытны горад са шматвякавой гісторыяй. Горад быў заснаваны ў пачатку ХІІ стагоддзя.

Асноўныя мерапрыемствы фестывалю пройдуць на Замкавай гары і на Цэнтральнай плошчы горада. Галоўнай адметнасцю гістарычнай часткі фестывалю стане рэканструкцыя боек ранняга сярэднявечча — VII-XII стагоддзяў.  Такі турнір будзе праходзіць у межах фестываля ўпершыню — звычайна ў рыцарскіх гістарычных рэканструкцыях сярэднявечча, якія ладзяцца на тэрыторыі Беларусі, прадстаўлена XIV стагоддзе.

Распарадчыкі-каардынатары фестывалю Алена Ляміна і Дзмітрый Дамаронак распавялі карэспандэнту Sputnik чым гэты фэст адрозніваецца ад іншых і якія сюрпрызы чакаюць наведвальнікаў сёлета.

Пра фестываль

У першую чаргу фестываль арыентаваны на гледача, і гэта фэст не толькі для рыцараў. Ён выступае своеасаблівай інфармацыйнай базай, якой арганізатары імкнуцца падзяліцца з наведвальнікамі мерапрыемства.  Прычым, "гэта тычыцца не толькі гістарычнай рэканструкцыі, але і гісторыі горада наогул".

Сёлета фестываль будзе праводзіцца ў сёмы раз і з кожным годам ён становіцца больш маштабным, вельмі хутка развіваецца. Зараз гэта адзін з найбуйнейшых беларускіх фестываляў гістарычнай рэканструкцыі.   

"Пачынаўся ён з зусім маленькага фестывалю, "фэсту для сяброў", але пачаў вельмі хутка развівацца. Улады горада заўсёды ідуць нам насустрач, яны зацікаўлены ў гэтым фестывалі і робяць усё магчымае, каб ён працягваў сваё існаванне", — распавяла распарадчык-каардынатар фестывалю Алена Ляміна.

Звычайна такія фестывалі жывуць 4-5 гадоў, але фэст пад Мсціслаўем працягвае існваць і развівацца. Арганізатары лічаць, што гэта звязана са станоўчым стаўленнем да мерапрыемства ўладаў горада і саміх жыхароў —  гасцей фэсту заўжды прымаюць вельмі сардэчна, таму наведвальнікі з розных гарадоў Беларусі і суседніх краін з вялікім задавальненнем штогод вятраюцца ў Мсціслаў.

Штогод Мсціслаўскі фестываль праводзіцца ў межах святкавання Дня горада, якое прыпадае на апошнія выходня ліпеня. Сёлета было вырашана крыху змясціць дату правядзення на ранейшую, каб у людзей адбылося адразу два святы — гістарычны і сучасны.  

Адметнасці-2015

Сёлета ў рыцарскім фэсце шмат чаго зменіцца. Чакаюцца новаўвядзенняў і зусім новая канцэпцыя.

 "У гэтым годзе будзе прынцыпова зменена канцэпцыя турніраў. Напрыклад, у фармаце нашага фестывалю мы ніколі раней не праводзілі рэканструкцыі баёвак ранняга сярэднявечча — VII-XII стагоддзяў. Сумеснымі намаганнямі з  удзельнікамі фестывалю была распрацавана канцэпцыя такіх баёвак, і мы паспрабуем зрабіць турнір для ранняга Сярэднявечча", — распавялі каардынатары.

Таксама плануецца правесці новы турнір — захоп замка з дапамогай арміі лучнікаў, так званы лучны бугурт.

"Мы плануем захопліваць замак падпаленымі стрэламі. Гэта своеасаблівае шоу-феерыя як для гледачоў, так і для саміх удзельнікаў", — паведамілі каардынатары.

У межах сёмага фестываля пад Мсціслаўем будзе зладжаны конкурс сярод фаершчыкаў — сярод трох заяўленых каманд будзе праведзены конкурс з узнагародай пераможцаў.

Фестиваль Эпоха рыцарства в Строчицах
© Sputnik Дмитрий Карлюк
Гурт этна-музыкі Lity Taler

Уся праграма фестывалю падзелена на блокі, кожны з якіх мае сваю тэматыку, назву і апазіцыянуюцца як асобны спектакль, якія можна будзе наведаць як выбарачна, так і набыць абанемент і пабачыць усе часткі спектакля адразу.

" Усе спектаклі складаюцца ў адзін вялікі. Гэта як дзеянне аднаго спектакля, які развіваецца паступова — ад ранняга сярэднявечча да самага позняга", — сказала Ляміна.

Музычнае аздабленне фестывалю будуць рабіць гурты этна-музыкі — "Стары ольса", Irdorath, Hardwood, "Млын сонца" і іншыя.

"Галоўны акцэнт сёлета мы зробім на гульню — акрамя фаер-шоу госці мерапрыемства ўбачаць рытуал спалення вядзьмаркі і паўнавартаснае лазарнае шоу", — распавялі каардынатары.

Завершыцца фестываль конкурсам сярод фаершчыкаў і вялікай сярэднявечнай дыскатэкай. Мерапрыемствы працягнуцца ўсю ноч да раніцы нядзелі.

"Мы зрабілі праграму больш шчыльнай для таго, каб людзі змаглі пабачыць усю праграму і спакойна вярнуцца дамоў да панядзелка", — патлумачыла Ляміна.

Праграма мерапрыемства

17 ЛІПЕНЯ

Цэнтральная плошча

  •  20.00 — 21.00 — паказальны выступ ваенна-спартыўнага клуба "Варта" (РФ) і гульні з гледачамі;
  • 21.00 — 21.40 — выступ і майстар-клас для гледачоў па сярэднявечных танцах ад калектыву "Яварына";
  • 22.00 — 23.00 — канцэрт гурта "Hard Wood";
  • 23.00 — 23.20 — фаер-шоу;
  •  23.20 — 24.00 — сярэднявечная дыскатэка.

18 ЛІПЕНЯ

Цэнтральная плошча

  • 10.00 — 11.00 — урачыстае адкрыццё свята (шэсце і прадстаўленне рыцарскіх клубаў); 
  • 22.00 —22.30 — цырымонія ўзнагароджання рыцарскіх клубаў. Танец хадулістаў (вулічны тэат "Вір");
  • 22.30 — 24.00 — выступленне гурта "Млын сонца", неонавае шоу (тэатр "Элементаль"), фаер-шоу ад калектываў "Яварына", "Магратэя" і "Сярэбраны Пегас";
  • 24.00 —Святочны феервек.

Замкавая гара

"Ратныя пацехі ў гонар князя Мсціслаўскага"

  • 11.30 — 12.00 — турнір "Адзін на адзін" (ранняе сярэднявечча — VIII — X стст);
  • 12.00 — 12.30 — рыцарскія конныя пацехі (клуб "Залатая шпора");
  • 12.30 — 13.00 — спектакль "Карабль шутоў" ад вулічнага тэатра "Вір" з удзелам хадулістаў, жанглёраў, фокуснікаў, акрабатаў;
  • 13.00-13.30 — выступленне музычнага гурта "Lity Taler"

(Кошт квіткоў- 30 000 руб.);

"Стрэлы Робін Гуда"

  • 14.00 — 14.40 — выступленне і майстар-клас для гледачоў па сярэднявечным танцам ад калектыва "Яварына";шоу мыльных бурбалак; адборачны турнір лучнікаў;
  • 14.40 — 15.20 — турнір лучнікаў;
  • 15.20 — 16.00 канцэрт акустычнай этна-мадэрн-фолк гурта "BIFOLK" (Гомель);


"У гонар прыгожай дамы…"

  • 16.30 — 17.00 коннае прадстаўленне "Ратуйце карону Вялікага княства" (конна-гістарычны клуб "Залатая шпора");
  • 17.00 —17.30 — турнір троек;
  • 17.30 — 18.00 — выступленне музычнага гурта "Lity Taler";
  • 18.00 — 18.30 — пешы турнір "Шчыт і меч";

"Скрозь час да вытокаў"

  • 19.50 — 20.10 — бугурт "Захоп сцяга";
  • 20.10 — 20.30 — штурм замка;
  • 20.30 — 21.30 — канцэрт гурта "Стары Ольса";

"Колер чараўніцтва"

  • 00.30 — 01.00 — тэатралізаванае прадстаўленне "Спаленне вядзьмаркі";
  • 01.00 — 01.10 — лазарнае шоу;
  • 01.10 —03.00 — канцэрт фольк-гурта "Irdorath" і фольк-фэнтэзі "Наrd Wood", сярэднявечная дыскатэка.

Кагальны калодзеж

  • 19.00 — 19.30 — лучны бугурт "Штурм замка" (уваход вольны).

Для турыстаў арганізаваны намётавыя гарадкі з дастаўкай вады і прадстаўнікамі аховы. Палатачныя месцы і месцы на паркоўцы  будуць бясплатнымі. Пражыванне ў гасцініцы горада — таннае.

Арганізатарамі мерапрыемства сёлета выступаюць Мсціслаўскі раённы выканаўчы  камітэт, ДУА "Цэнтралізаваная клубная сістэма Мсціслаўскага раёна", клуб гістарычнай рэканструкцыі "Саюз вольных ратнікаў".

583
Тэги:
Актыўны адпачынак, Стыль жыцця і адпачынак, Стыль жыцця, Нацыянальная культура, Культурна-масавыя мерапрыемствы, Культурнае развіццё, культура і мастацтва, Культура і адпачынак, Культура, Гісторыя, Магілёўская вобласць, Беларусь, Еўропа, Увесь свет
Тэмы:
Беларусь эпохі Сярэднявечча (13)
Супрэматычная форма Віцебска адправіцца ў нідэрландскі музей

Супрэматычная форма "Віцебска" адправіцца ў нідэрландскі музей

19
(абноўлена 12:01 23.10.2020)
Авангардная форма беларускага футбольнага клуба, створаная па матывах работ Лісіцкага, папоўніць найбуйнейшую калекцыю мастака ў музеі Нідэрландаў.

МІНСК, 23 кас - Sputnik. Футбалісты "Віцебска" перадалі камплекты сваёй супрэматычнай формы нідэрландскаму Van Abbemuseum і музею гісторыі Віцебскага народнага мастацкага вучылішча, паведамілі ў Facebook Цэнтра беларуска-яўрэйскай культурнай спадчыны.

Цырымонія перадачы адбылася 20 кастрычніка. На ёй па відэасувязі прысутнічалі прадстаўнікі музея Ван Абе, у якім знаходзіцца найбуйнейшая калекцыя работ Лісіцкага. Дырэктар музея Чарльз Эшэ і куратар аддзела Рускага мастацтва Уільям Ян Рэндарс адзначылі, што "адным з самых магутных малюнкаў, які Эль Лісіцкі зрабіў у Віцебску, з'яўляецца плакат "Клінам чырвоным бі белых!".

Ідэйным натхняльнікам стварэння адзення стаў гулец "Віцебска" Данііл Чалаў. Форма выпускалася пры падтрымцы брэнда, якім ён валодае са сваімі сябрамі. Па словах Данііла, гэта добрая магчымасць папулярызаваць выдатнае праз футбол.

Спартсмены прымеркавалі выхад формы да 100-годдзя мастацкага аб'яднання "УНОВИС", у які ўваходзіў мастак Эль Лісіцкі. Футбалісты рабілі выбар паміж "Супрэматычная фігурамі" Малевіча і "Клінам чырвоным" Лісіцкага. У выніку спыніліся на другім варыянце, паколькі на плакаце ёсць усе неабходныя фігуры. Па іх словах, ён паказвае рух, што ў футболе неабходна.

Упершыню ў новай форме футбалісты згулялі 4 кастрычніка ў 1/8 Кубка Беларусі супраць "Энергетыка-БДУ", перамогшы мінскую каманду з лікам 1: 0. Тады футбалісты назвалі яе "фартовай". Наступны матч футбалісты "Віцебска" згуляюць у чэмпіянаце Беларусі супраць БАТЭ 24 кастрычніка.

19
Тэги:
Віцебск, Нідэрланды

Вірус "Шчучыншчына": рэакцыя жыхароў райцэнтра на папулярны кліп - відэа

27
(абноўлена 08:47 23.10.2020)
Горад Шчучын раптам праславіўся пасля з'яўлення кліпа ў інтэрнэце. Былая акторка Купалаўскага тэатра праспявала пра райцэнтр, і музычны твор патрапіў у трэнды YouTube.

Афіцыйны відэакліп "Шчучыншчына" ў выкананні Алены ЖалудOk набраў амаль 500 тысяч праглядаў і заняў трэці радок у трэндах YouTube. Журналісты Sputnik вырашылі высветліць, што думаюць пра кліп мясцовыя жыхары і разам з імі паглядзелі вірусны ролік.

У райцэнтры слова "Шчучыншчына" ўмелі вымаўляць без запінкі яшчэ да таго, як гэта стала мэйнстрымам. Аб вірусным відэа і песні ў выкананні былых акцёраў Купалаўскага тэатра ў Шчучыне ведаюць амаль усе, у каго ёсць смартфон. Як высветлілася, у адных кліп выклікаюць смех, у іншых - крыўду, у трэціх - сур'ёзныя разважанні.

Малады будаўнік з райцэнтра прызнаўся, што ролік глядзеў, аднаго раза яму было дастаткова. А ягоны напарнік, мужчына перадпенсійнага ўзросту, пагадзіўся паглядзець кліп разам з намі, але асаблівых эмоцый ён у яго не выклікаў.

Прадавец прыватнай крамы штор Алена пачынае заразліва смяяцца, як толькі чуе слова Шчучыншчына.

"Гэта вельмі смешна. Я не хачу пакрыўдзіць аўтараў роліка, можа, яны гэта сур'ёзна здымалі", - дзеліцца уражаннем ад прагледжанага жанчына і паказвае тыя, што плачуць ад смеху смайлікі ў тэлефоне, якія адпраўляла сяброўцы з Мінска адразу пасля прагляду кліпа.

У работніцы мясцовага кафэ ролік выклікаў непрыемныя пачуцці: "Я не зразумела, гэта прыкол або пародыя на нешта. Гэта абы што. А горад у нас вельмі добры. Ціхі, спакойны, зручны для жыцця. Школа, сад, праца ўсё побач . Калі нешта трэба, можна ў Мінск ці Гродна з'ездзіць".

Работнік мясцовага цэнтра культуры і народнай творчасці Генадзь, які мантаваў новую экспазіцыю ў музейным пакоі, прыйшоў да высновы, што новы кліп Шчучыну зрабіў добры піяр.

"Вельмі мала кліпаў аб Шчучыншчыне. Гэты ролік усе абмяркоўваюць, каментуюць, ён стаў падставай для жартаў, гэта вялікі плюс нашаму гораду.

Гэта такі стыль, як сцёб, яго не ўсе разумеюць. Людзі старэй хочуць бачыць людзей у гальштуках пад патрыятычныя песні. Тут дакучлівы матыў, відэашэраг трапіў у дзясятку", - разважае Генадзь, але дадае, што стваральнікі роліка дапусцілі фактычную памылку: у Шчучынскім раёне няма вёскі Ляды - ёсць населены пункт Лядск, які разам з іншымі 40 аб'ектамі нанесены на карту турыстычных славутасцяў рэгіёну.

27

Як даць адпор праціўніку: прыёмы ад чэмпіёна свету Чынгіза Алазава - відэа

0
(абноўлена 09:20 22.10.2020)
Чэмпіён свету па тайскім боксе і К-1 прадэманстраваў простыя прыёмы самаабароны, якія ў небяспечнай сітуацыі дапамогуць і жанчынам, і мужчынам. Глядзіце на відэа Sputnik, як раіць абараняцца Чынгіз Алазаў.

Нават ненавучаны чалавек, які ніколі не займаўся адзінаборствамі, зможа даць адпор суперніку ў выпадку небяспекі. Самым эфектыўным прыёмам для жанчын і мужчын будзе ўдар у пах.

"Чалавек не чакае, і сустракаем яго аплявухай. Гэта, напэўна, будзе эфектыўна для дзяўчат. Для мужчын можна зрабіць удар кулаком. Які б чалавек ні быў падрыхтаваны, ён не чакае ўдару ў пах, ствараецца дыскамфорт, і можна нанесці ўжо наступны ўдар. І пасля гэтага, вядома, трэба бегчы", - распавядае Чынгіз.

Гэты ж прыём можна скамбінаваць з ударам каленам або ударам нагі, як па футбольным мячыку.

"Ты можаш нанесці ўдар правай нагой у пах, чалавек нахіляецца. Ты можаш стукнуць каленам у галаву. Але калі не ўмееце біць каленам у галаву можна стукнуць рукой, правай ці левай", - дэманструе баец.

Жанчынам на выпадак самаабароны Чынгіз раіць карыстацца газавым балончыкам. Ён займае не так шмат месца ў сумцы, але нават гэты від грамадзянскай зброі дапаможа выратавацца і ад небяспечнага чалавека, і ад агрэсіўнай жывёлы. Нават выгляд газавага балончыка можа стварыць пагрозу зламысніку.

Мужчынам баец прапануе абясшкодзіць суперніка спецыяльным захопам. А прафесійным спартсменам і зусім Чынгіз рэкамендуе пазбягаць канфліктаў.
Прыёмы самаабароны ад чэмпіёна свету глядзіце на відэа Sputnik.

0