МІНСК, 5 жні — Sputnik, Юлія Хвошч. У кастрычніку гурт Trubetskoy выпусціць свой першы альбом, які будзе цалкам адрознівацца ад таго, што калектыў рабіў раней, распавёў карэспандэнту Sputnik дырэктар гурта Яўген Калмыкоў.
Выхад альбому запланаваны на восень, у яго войдуць выключна новыя песні, якія па гучанню будуць значна адрознівацца ад песен гурта "Ляпіс Трубецкой".
"Гэтай восенню гурт абяцаў выпусціць альбом, які будзе вельмі нечаканым. Дыск будзе цалкам адрознівацца ад таго, что рабіў да гэтага Trubetskoy", — сказаў Калмыкоў.
"Мы робім усе стаўкі на гэты альбом таму што з восені гурт больш не будзе выконваць песні з рэпертуару "Ляпіса Трубяцкога". Калі дэбютны альбом выстаіць — планы будуць грандыёзныя, калі не — няхай садзяцца ў студыю і пішуць новы альбом", — адзначыў дырэктар "Трубяцкога".
Мінскі гурт Trubetskoy быў створаны былымі ўдзельнікамі музычных калектываў "Ляпіс Трубяцкой" і "Крамбамбуля" пасля таго, як у марце 2014-га гурт пакінуў лідэр калектыву Сяргей Міхалок. Пачынаючы з сакавіка 2015-га, будучы правапераемнікам "ляпісаў", Trubetskoy выконвае як гіты з рэпертуару гэтай групы (у новых аранжыроўках), так і кампазіцыі ўласнага сачынення.
