гурт N.R.M.

Адкрыццё Oktoberfest’а: новае і вядомае ад Trubetskoy, Pawa i N.R.M.

224
(абноўлена 21:38 12.10.2015)
У першы музычны дзень Oktoberfest’а ў Камарова 25 верасня гурт N.R.M. выйдзе на сцэну з новым музыкам, Trubetskoy сыграе мікс з сваіх найлепшых гітоў, а Pawa рыхтуе адмысловы “піўны” сэт.

МІНСК, 22 вер — Sputnik. Oktoberfest у загарадным комплексе "Камарова", што ў 5 кіламетрах ад Мінску, стартуе ўвечары 25 верасня — апошнія дні бабінага лета. На адкрыцці выступяць гурты Trubetskoy, Pawa i N.R.M., паведамілі Sputnik арганізатары мерапрыемства.

На адкрыцці выступяць Trubetskoy, Pawa i N.R.M.

N.R.M на адкрыцці сыграе праграму, куды ўвойдуць як песні з апошняга альбому "Д.П.Б.Ч", так і галоўная гіты калектыву.

"Вядома ж, нішто не параўнаецца з "Трыма чарапахамі", але мы актыўна граем новыя песні, якія прымаюць не горш за даўнія гіты. Утварыўся такі маналіт старога і новага, так што чакайце моцнага канцэрту", — распавёў лідэр калектыву Піт Паўлаў.

Ён таксама адзначыў, што выступ будзе адметным хаця бы таму, што гуртом будзе граць новы гітарыст, а гэта татальна паўплывае на музыку. "Гэта запрошаны чалавек, імя якога мы пакуль публічна не абвяшчаем", — адзначыў франтмэн N.R.M..

Гурт Pawa свой сэт-ліст рыхтуе з уліку спецыфікі мерапрыемства.

"Мы зробім праграму "пад піва" — забойныя танцы для дзяўчат, каб скокалі вышэй за столю, а хлопцы кубкамі адбівалі рытм па сталах і расплёсківалі соладавы напой. Будуць бязглуздыя і вясёлыя нумары, брутальныя і хаератрасныя. Будзе шмат танцаў, спеваў і дуды", — кажа лідар каманды Юрась Панкевіч.

У трэк-ліст калектыву ўвойдуць фірмовыя канцэртныя нумары "Тарантэла", "Кракавяк", "Зайграй жа дударочку" ды іншыя, у тым ліку з апошняга альбому гурта "Жыта". 

Гурт Trubetskoy таксама робіць стаўку ў Камарова на самыя пазнавальныя канцэртныя нумары.

"Будзе тое, што нашы слухачы пачулі і палюбілі — частка старога, частка новага матэрыялу", — кажа прадусар гурту Яўген Калмыкоў.

Да рэлізу дыску, запланаванага на кастрычнік, гурт яшчэ ўключае ў праграму гіты з рэпертуару "Ляпіса Трубяцкога". Дарэчы, з Oktoberfest у Камарова Trubetskoy едзе на падобнае мерапрыемства з такой жа назвай у Кіеў.

Акрамя музычнай праграмы падчас Oktoberfest'а на тэрыторыі комплексу "Камарова" плануецца багата забаваў і конкурсаў — бірпонг, перацягванне канату, бойка падушкамі, армрэстлінг, валейбол усляпую, гонкі з півам ды іншыя зоны актыўнасці. Гасцей чакае багаты выбар піва і адмысловыя прапановы закусак у найлепшых традыцыях Oktoberfest'а.

Пачатак забаўляльнай праграмы — у 16.00, канцэрт пачнецца ў 18.00. Вядучым канцэрту будзе Ўсевалад Сцебурака.

Кошт квіткоў складае па папярэднім кошце 200 тыс. рублёў (з улікам камісіі апэратара), на ўваходзе — 250 тыс. рублёў.

Прыязджаць у Камарова (5 км. ад МКАД па Слуцкай шашы) можна як на ўласным транспанце, так і на бясплатных маршрутных таксі з д/с Дружная-Камарова, Камарова — д/с Дружная  з 15.30 да 0.00.

Oktoberfest пройдзе пад Мінскам з 25 верасня па 10 кастрычніка. Цягам двух тыдняў на тэрыторыі загараднага комплекса пад Мінскам будуць ладзіцца розныя актыўнасці, а па выходных — канцэрты вядучых беларускіх розных музычных накірункаў.

 

 

224
Тэги:
Культурна-масавыя мерапрыемствы, Фестываль, Музычныя жанры, Музыка, Oktoberfest, Мінскі раён, Беларусь, Еўропа, Увесь свет
Жыхары вёскі Пагост Гомельскай вобласці падчас абраду Шчодры вечар

"Шчодрык" у Пагосце: дзе каза рогам, там жыта стогам

37
(абноўлена 15:10 14.01.2021)
Беларускія традыцыі зімой выклікаюць асаблівую цікавасць і не пазбаўлены свайго аўтэнтычнага шарму. Як берагуць свае звычаі на Палессі, разбіраўся Sputnik.

МІНСК, 14 сту – Sputnik. Вёска Пагост - месца ўнікальнае, з аднаго боку бяжыць паўнаводная Прыпяць, з другога закалыхвае ціхая Сцвіга. Здаецца, сама прырода настройвае палешукоў на спрадвечны традыцыйны лад.

Зіма ў вёсцы - час адмысловы. Калі ўся гаспадарка дагледжана, а ўраджай у засеках, надыходзіць пара святаў.

У чым асаблівая разыначка Шчодрага вечара ў Пагосце, даведаўся карэспандэнт Sputnik Станіслаў Андросік.

Маленькі чалавек вялікай справы

Беларускае свята "Шчодрык" заўсёды адзначаюць з 13 на 14 студзеня. Шмат гадоў таму па сутнасці так святкавалі Новы год, але змена календароў адыграла свой злы жарт з датамі. Тады звычай на Палессі выстаяў, а што будзе праз пару гадоў, пакуль незразумела.

Жители деревни Погост Гомельской области во время обряда Щедрый вечер
© Sputnik / Виктор Толочко
"Шчодрык" заўсёды адзначаюць з 13 на 14 студзеня

У Пагосце і нават далёка за мяжой ведаюць Кацярыну Аляксееўну Панчэню, якая не проста дапамагла аднавяскоўцам зберагчы свае традыцыі, але і вывела іх на міжнародны ўзровень, аднак пра гэта пазней.

Жители деревни Погост Гомельской области во время обряда Щедрый вечер
© Sputnik / Виктор Толочко
Прыбірацца Кацярыне Аляксееўне дапамагае новае пакаленне культурных работнікаў

Кацярына Аляксееўна, як і шмат гадоў таму, абавязкова ідзе "шчадраваць". Нам яна прызнаецца, што робіць гэта з трох гадоў, а ёй ужо пераваліла за 80. Раней яна "шчадравала" і па наказе душы, і па працы. Мясцовы дом культуры знаходзіўся пад яе чулым кіраўніцтвам больш за 30 гадоў.

Зараз гады ўжо бяруць сваё, і прыбірацца ганаровай жыхарцы Жыткавіцкага раёна дапамагае новае пакаленне культурных работнікаў.

Неад'емнай часткай "Шчодрыка" застаюцца калядоўшчыкі, і тут Кацярына Аляксееўна выразна дае зразумець: "У нас радзіліся толькі на Шчодрык, а на Раство прыбіраліся калядным строем".

Жители деревни Погост Гомельской области во время обряда Щедрый вечер
© Sputnik / Виктор Толочко
На Каляды ходзяць пераапранутыя рознымі татэмнымі жывёламі і птушкамі - казой, мядзведзем, ваўком, буслом

Сярод ражаных лічацца Мядзведзь, Сарока, Цыганка, Бусел і, вядома, Каза, як галоўны персанаж.

Цікава, што ў іх ліку вы не ўбачыце ні аднаго дарослага, толькі дзяцей розных школьных узростаў.

Жители деревни Погост Гомельской области во время обряда Щедрый вечер
© Sputnik / Виктор Толочко
Дзеці з задавальненнем удзельнічаюць у абрадзе

Аказваецца, так "нашчадкам перадаем, каб не забываліся", патлумачыла Кацярына Аляксееўна. Раней па вёсцы сапраўдныя цягнікі з саней ездзілі "шчадраваць", а цяпер сабраўся толькі маленькі паравозік з дзетак і работніц культурнай сферы.

Жители деревни Погост Гомельской области во время обряда Щедрый вечер
© Sputnik / Виктор Толочко
Сярод ражаных абавязкова ёсць Бусел

Дзякуючы ім, у XXI стагоддзі можна ўбачыць, як беларусы сотні гадоў таму адзначалі надыход Новага года.

"Пячыце ладкі"

"Шчадрэц колісь звалі - Васілей, Стары Новы год. Гэтя ўжо другая куцця, таму што Раство - першая куцця. На Хрышчэнне будзе трэццяя куцця. Усе абрады ў нас звязаныя са збажыною", - уводзіць у курс справы Кацярына Аляксееўна.

А каб свята атрымалася, па яе словах, трэба прыгаворваць: "Пячыце ладкі, каб цяляты былі гладкі", "пячыце блінцы, каб дзеці былі, як жарабцы".

Па прызнанні самой жанчыны, "ніхто ў гэтя лезці зараз ня хоча, вось і перадаю ўсё Ірыне Торчык".

Жители деревни Погост Гомельской области во время обряда Щедрый вечер
© Sputnik / Виктор Толочко
Каб "Шчодрык" атрымаўся, трэба прыгаворваць: "пячыце ладкі, каб цяляты былі гладкі", "пячыце блінцы, каб дзеці былі, як жарабцы".

А раней па вечарах у Пагосце на "Шчадрэц" усё прыгаворвалі і рыхтаваліся, цяпер і вёска ўжо не тая, таму што людзей у ёй амаль не засталося.

Кацярына Аляксееўна распавядае, што на свята было прынята рабіць запіскі: "Хто, што думае плахое мне, хай бярэ сабе і на першым полыме, як блінцы пякці, спальвалі".

На ўсю краіну адзін

Размовы з журналістамі - гэта адно, але і "шчадраваць" камусьці трэба. Разнамасная чарада весела выкатваецца на вуліцу. На "Шчодрык" трэба абавязкова спяваць гаспадарам хаты, куды прыходзяць калядоўшчыкі.

Жители деревни Погост Гомельской области во время обряда Щедрый вечер
© Sputnik / Виктор Толочко
Галоўная задача - зарадзіць энергіяй, каб у новым годзе і ўраджай быў, і гаспадарка квітнела

Галоўная іх задача - зарадзіць энергіяй, каб у новым годзе і ўраджай быў, і гаспадарка квітнела.

Для гэтага прыгаворваюць "дзе каза рогам, там жыта стогам", ад такой працы Каза хутка стамляецца і падае знясіленая проста ў снег.

Жители деревни Погост Гомельской области во время обряда Щедрый вечер
© Sputnik / Виктор Толочко
Калі Каза стамляецца і падае, гаспадары разумеюць: пара пачаставаць яе за старанні

Такі вось непразрысты намёк гаспадарам, што трэба шчодра пачаставаць за старанні. Лепш за ўсё для гэтага, вядома, падыходзіць сала, але ў вёсцы без лішніх размоў бяруць усё, што даюць.

Жители деревни Погост Гомельской области во время обряда Щедрый вечер
© Sputnik / Виктор Толочко
За песні і танцы гаспадары частуюць калядоўшчыкаў

Так паважная працэсія ходзіць ад двара да двара, пакуль не наступіць цемра, а торба не будзе набіта усялякімі пачастункамі даверху.

Пагост - вёска па-сапраўднаму ўнікальная, мясцовыя святы па заслугах ацанілі на самым высокім узроўні.

Жители деревни Погост Гомельской области во время обряда Щедрый вечер
© Sputnik / Виктор Толочко
Абавязковы атрыбут калядоўшчыкаў - Віфлеемская зорка

Звычай "Юраўскі карагод" атрымаў нават статус нематэрыяльнай гісторыка-культурнай каштоўнасці. Улады па тых часах выдзелілі казачныя 100 мільёнаў рублёў. Праўда, у Пагосце свайго "прыза" не дачакаліся і ўсе грошы роўным пластом разышліся па "культуры" Жыткавіцкага раёна.

Цяпер на чарзе грант ЮНЕСКА, і ў Пагосце перажываюць. Падтрымка мясцоваму Дому культуры павінна была прыйсці ў мінулым годзе, але пандэмія ўнесла свае праўкі ў чаканні палешукоў. Зараз у Пагосце чакаюць гэты грант, каб скласці печку і рыхтаваць пачастункі прама на вачах турыстаў, якія тонкім раўчуком ідуць на Палессе, каб пабачыць на свае вочы тое, чаго больш нідзе ўжо няма.

Жители деревни Погост Гомельской области во время обряда Щедрый вечер
© Sputnik / Виктор Толочко
Пагост - вёска па-сапраўднаму ўнікальная, мясцовыя святы па заслугах ацанілі на самым высокім узроўні

Замест эпілогу

У Доме культуры ўсё трымаецца на плячах Ірыны Іванаўны і Ірыны Ціханаўны, якія паціху збіраюць па хатах начынне, зробленае паляшукамі шмат гадоў таму. Тут можна ўбачыць і сапраўдныя кросны, палаці, лавы, і нават самаробны пратэз нагі.

Жители деревни Погост Гомельской области во время обряда Щедрый вечер
© Sputnik / Виктор Толочко
"Не пайду я, пойдуць людзі", - упэўнена Кацярына Аляксееўна

Жыццё, нягледзячы ні на што, б'е ў Пагосце ключом. Кацярына Аляксееўна не маркоціцца і, здаецца, зусім не перажывае, што будзе са "Шчодрыкам" у будучыні. На развітанне яна запэўнівае: "Не пайду я, пойдуць людзі".

37
Тэги:
Традыцыі і абрады, Шчадрэц, Палессе

Супергероі здзіўляюць пацыентаў дзіцячай бальніцы - відэа

15
(абноўлена 14:06 13.01.2021)
Маленькім пацыентам італьянскай бальніцы зладзілі сюрпрыз - іх наведалі супергероі. Глядзіце на відэа, як персанажы мультфільмаў і коміксаў "упалі" з даху.

Для хворых дзяцей, якія знаходзяцца ў педыятрычным аддзяленні бальніцы Сан-Паола ў Мілане, арганізавалі прыемны сюрпрыз.

Капітан Амерыка, Чалавек-павук, Халк, Жалезны чалавек, Бэтмен і Шрэк фактычна ўпалі з даху. Медперсанал і наведвальнікі бальніцы апладзіравалі шоу стоячы.

Героі мультфільмаў і коміксаў павіталі маленькіх пацыентаў з вокнаў палат, а некаторыя нават увайшлі ў педыятрычнае аддзяленне і падарылі маленькім пацыентам падарункі.

За маскамі супергерояў на самай справе хаваліся тэхнікі кампаніі па абслугоўванні і рамонце будынкаў і небаскробаў.

15
Тэги:
Мілан, дзеці, бальніца
Будынак міністэрства замежных спраў РФ

Расія абвясціла пра выхад з Дамовы па адкрытым небе

0
(абноўлена 16:39 15.01.2021)
Пытанне аб удзеле Расіі ў ДАН паўстала восенню мінулага года пасля выхаду з дамовы Злучаных Штатаў.

МІНСК, 15 сту – Sputnik. Расія заявіла пра выхад з Дамовы па адкрытым небе (ДАН), вынікае з паведамлення, апублікаванага на сайце МЗС РФ.

"У сувязі з адсутнасцю прагрэсу ў справе ліквідацыі перашкодаў для працягвання функцыянавання Дамовы ў новых умовах МЗС Расіі ўпаўнаважаны заявіць пра пачатак унутрыдзяржаўных працэдур па выхаду Расійскай Федэрацыі з ДАН", - гаворыцца ў заяве.

"Пасля іх завяршэння адпаведнае апавяшчэнне будзе накіравана дэпазітарыям", - дадалі ў расійскім МЗС.

У міністэрстве нагадалі, што 22 лістапада ЗША "па надуманых падставах" выйшлі з Дамовы па адкрытым небе. У прыватнасці, у Белым доме заяўлялі, што Расія неаднаразова парушала ДАН і выкарыстала яго як інструмент "ваеннага прымусу". У сваю чаргу ў Маскве ўсе абвінавачванні амерыканскага боку адхілялі.

Пасля выхаду ЗША з дамовы, падкрэслілі ў МЗС, быў парушаны баланс інтарэсаў дзяржаў-удзельніц ДАН, "нанесена сур'ёзная шкода яго дзеянню, падарвана роля ДАН як інструмента умацавання даверу і бяспекі".

Расійскі бок выступіў з канкрэтнымі ініцыятывамі па падтрыманні ДАН у новых умовах, але ў Вашынгтоне яны не атрымалі падтрымкі.

Дагавор па адкрытым небе быў падпісаны ў 1992 годзе і стаў адной з мер па ўмацаванні даверу ў Еўропе пасля халоднай вайны. Ён дазваляе краінам-удзельніцам адкрыта збіраць інфармацыю аб узброеных сілах і мерапрыемствах адзін аднаго. Удзельнікамі дамовы да апошняга часу былі 34 дзяржавы.

Чытайце таксама:

0
Тэги:
Расія, МЗС РФ