Карта Эферыі

Аўтар “Сямі камянёў”: не хапае беларускамоўнага фэнтэзі

253
(абноўлена 14:50 28.10.2015)
Беларускім дзецям відавочна не хапала беларускамоўнага фэнтэзі, і Аляксей Шэйн залатаў тую прагаліну ў літаратуры.

МІНСК, 27 кас — Sputnik. Раман "Сем камянёў" з галоўным героем Ясем, што трапляе па ўсіх канонах фэнтэзі ў краіну Эферыю, каб раскрыць таямніцу "Сямі камянёў", будзе прэзентаваны сёння ў Маладзечна.

"Ёсць пэўныя каноны, на якія можна арыентавацца пры напісанні фэнтэзі. У кнізе я паспрабаваў рабіць адсылкі да беларускай міфалогіі, але ж болей паралелей з сучаснай Беларуссю. І нават імя Ясь было выкарыстана мною з мэтай, каб чытач здагадаўся, з якой краіны герой патрапіў у чароўную дзяржаву Эферыю", — тлумачыць асаблівасці беларускамоўнага фэнтэзі аўтар.

Аляксей Шэйн пісаў кнігу з разлікам на падлеткавую аўдыторыю — планавалася, што чароўныя краіны і хлопчык Ясь, якога ў летапісах называюць "Дастойны", спадабаецца дванаццацігадовым. Між тым пісьменнік кажа, што і малодшым дзецям, і нават людзям значна сталейшага ўзроўню фэнтэзі спадабалася.

"Дзеці знойдуць закручаны сюжэт, а дарослыя — адсылкі да Бібліі і складаныя метафары", — тлумачыць аўтар.

Шэйн упэўнены, што беларускамоўнай літаратуры для падлеткаў у краіне відавочна не хапае — акрамя "Палескіх рабінзонаў" цяжка нешта ўспомніць. "Хацелася, каб беларускамоўным падлеткам таксама было што чытаць, дарэчы, на рускую мову кніга ўжо перакладзеная, перакладаецца на чэшскую мову", — распавядае пра лёс кнігі Шэйн.

Хутка пісьменнік ад'язджае на міжнародны фестываль фэнтэзі ва Украіне. Магчыма, па выніках паездкі кніга знойдзе свайго выдаўца на ўкраінскай мове.

Успамінаючы пра беларускамоўных аўтараў фэнтэзі, Шэйн прыгадвае твор Ксеніі Шталенковай "Адваротны бок люстэрка".

"Па сюжэце герой трапляе праз люстэрка ў Вільню 16 стагоддзя, варта ўспомніць і раманы Людмілы Рублеўскай "Авантуры студыёзуса Вырвіча". Але ж уласна фэнтэзійных раманаў у нас амаль не было створана", — распавядае пісьменнік.

Калі: сёння, а 18 гадзіне.

Дзе: Маладзечна, Чыстая, 26.

253
Тэги:
"Сем камянёў", Аляксей Шэйн, Маладзечна, Беларусь, Увесь свет
Дзяржаўны літаратурна-мемарыяльны музей Якуба Коласа

Што яднае Якуба Коласа і Амар Хайяма?

18
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове".

Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.  

У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.

Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.

Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.

Дзе: Дзяржаўны літаратурна-мемарыяльны музей Якуба Коласа

Калі: 18 траўня

18
Тэги:
музей, Якуб Колас

Не тое, што вы падумалі: дзіўную скульптуру ўсталявалі ў Германіі відэа

48
(абноўлена 14:22 13.05.2021)
Драўляная статуя, якую ўсталявалі на Рынкавай плошчы нямецкага горада Таргаў, абурыла многіх мясцовых жыхароў. Па задумцы кампазіцыя павінна быць падобная на спаржу. Але калі ўважліва паглядзець - то гэта не зусім "каралева гародніны". Глядзіце відэа.

Сродкі масавай інфармацыі звярнуліся за каментарамі да стваральніка скульптуры "Спаржа" Маркуса Шольца. Ён заявіў, што ў яго кампазіцыі нічога дзіўнага няма, яна павінна заахвоціць жыхароў Таргаў "заставацца ўстойлівымі і быць у добрым настроі" ў часы пандэміі каронавіруса.

Супярэчлівую па задумцы працу майстра прыбіраць з плошчы не сталі. Магчыма, улады гарадка паверылі мастаку. А можа, проста паставіліся да увасобленай ідэі з гумарам.

Ды і спаржа ў Германіі сапраўды вельмі папулярная. У краіне налічваецца амаль 2 тысячы фермерскіх гаспадарак, якія вырошчваюць гэту гародніну. У сярэднім кожны жыхар Германіі з'ядае каля 2 кг спаржы ў год.

Яе адварваюць ці рыхтуюць на пару. "Каралеву гародніны" немцы яшчэ і экспартуюць. Штогадовы абарот складае каля паўмільярда еўра.

Глядзіце таксама:

48
Тэги:
статуя, відэа, Германія, Скульптура
Які сёння дзень: 15 мая

Які сёння дзень: 15 траўня 2021 года

0
(абноўлена 18:04 13.05.2021)
Гэты дзень з'яўляецца сто трыццаць шостым па грыгарыянскім календары, да канца года засталося 230 дзён.

Сёння адзначаецца Дзень сям'і. Якія яшчэ падзеі адбыліся 15 мая і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 15 траўня

  • У 1905 годзе ў газеце "Северно-Западный край" упершыню надрукаваны верш Я. Купалы "Мужык".
  • У 1971 годзе ў Лондане адкрыліся Беларуская бібліятэка і музей імя Францыска Скарыны.

Хто нарадзіўся 15 траўня

  • 1912 год: Анатоль Іверс, беларускі паэт.
  • 1916 год: Ніна Тарас, беларуская пісьменніца.
  • 1936 год: Барыс Сачанка, беларускі пісьменнік, перакладчык і выдавец.
  • 1941 год: Мікалай Абабурка, беларускі мовазнавец.
  • 1954 год: Наталля Чорнагалова, беларускі мастак-неаэкспрэсіяніст.

Таксама сёння нарадзіліся французскі навуковец-фізік П’ер Кюры і пісьменнік Міхаіл Булгакаў.

15 траўня ў народным календары

Сёння праваслаўныя вернікі шануюць памяць нявінна забітых князёў Барыса і Глеба - малодшых сыноў князя Уладзіміра - хрысціцеля Русі.

Гэты дзень ў народзе празвалі салаўіным – менавіта ў сярэдзіне мая пачынаюць пець першыя салаўі. Калі 15 траўня чулі салаўя, гэта было добрай прыкметай – ураджай хлеба будзе багаты.

Па салаўіных спевах таксама можна прадказаць надвор'е. Салаўі заўсёды маўчаць перад дажджом і навальніцай, а калі чакаецца добрае надвор'е, птушка можа спяваць усю ноч.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей