Дзень нараджэння клуба Re:Public

Нанканфармізм вам у хату: Будкін адмовіўся пісаць пра Re:public

78
(абноўлена 16:01 13.11.2015)
“Мы ж рокеры і нанканфармісты”, - успомнілі раптам музычныя журналісты і вуснамі Сяргея Будкіна заявілі, што пісаць пра канцэрты клуба Старцава больш не будуць.

Алена Васільева, Sputnik

У анталогію беларускага нанканфармізму цяпер будзе ўпісаная яшчэ адна старонка: журналіст Сяргей Будкін адмовіўся асвятляць мерапрыемствы ў клубе "Ре:паблік" і заклікае музыкаў больш не даваць там канцэртаў.

Канфлікт здарыўся 11 лістапада на канцэрце гурта Nizkiz. Дырэктар Re:Public Андрэй Старцаў, па словах Будкіна, перашкодзіў ажыццяўленню прафесійных абавязкаў самому Будкіну і Яўгену Шапчыцу, якія здымалі сюжэт пра гурт для "Белсата". Камэру загадалі выключыць, мікрафон схаваць, здымкі мерапрыемства не весці.

Скандал тут жа атрымаў вялікі розгалас, у сацсетках спачуваючыя пачалі заступацца, хто за Будкіна, хто за Старцава. Некаторыя вылучаліся і абіралі трэці бок і прапанавалі байкатаваць каго-нібудзь яшчэ — напрыклад, Статкевіча, які таксама нядобра адгукаўся аб журналістах.

Дыскусія ў сеціве нагадвае захапляльны блакбастар, у якім да апошняга не ведаеш, хто сапраўднае зло, а каго падставілі. Ціхай утульнасці абмеркаванню дадаюць каментары Аляксандра Кулінковіча, які ў тыпова рокерскай манеры заклікае ўсіх адкінуць гарачнасць і працягнуць узаемавыгаднае супрацоўніцтва. "Серега, не гони волну, мне там что, концерт отменять?" — задаецца пытаннем легенда беларускага року, дадаючы, што Старцаў, пэўна, знаходўіцца ў той жа сітуацыі, што і ўсе клубы падчас тых самых "чорных спісаў".

Група падтрымкі Будкіна прыгадала "Ре:пабліку" "Крамбамбулю" — у 2012 годзе з магічнай фармулёўкай "вы ж самі ўсё разумееце" тут адмянілі канцэрт Вольскага. Але ж той канцэрт выбачылі, бо "Ре:паблік" за сваю гісторыю арганізаваў столькі якасных канцэртаў, у тым ліку — маладых гуртоў, што яго закрыццё не ўзрадавала б нікога з тых, хто зараз крычыць пра байкот.

Ва ўсялякім разе, гісторыя беларускага байкоту, гэтаксама як і анталогія беларускага нанканфармізма не на баку Будкіна, а пра адмову даваць канцэрты ў клубе пакуль не заявіў ніводны гурт.

78
Тэги:
Андрэй Старцаў, Сяргей Будкін
По теме
Гурт Nizkiz узначаліў рэйтынг беларускіх альбомаў за 2015 год
Nizkiz: у нас няма пакутаў творчасці
Бернардынскі кляштар у Нясвіжы

430-гадовы манастыр бернардзінцаў у Нясвіжы прадалі за 10 долараў

16
(абноўлена 15:35 26.10.2020)
Першапачаткова старадаўні аб'ект ацанілі ў некалькі дзясяткаў тысяч долараў, аднак пакупнікоў не знайшлося.

МІНСК, 26 кас - Sputnik. У Нясвіжы прадалі былы корпус кляштара бернардзінцаў, які захаваўся з XVI-га стагоддзя. Ён тройчы выстаўляўся на аўкцыён. У рэшце рэшт кошт пытання склаў адну базавую велічыню (27 рублёў), распавялі Sputnik у Нясвіжскім райвыканкаме.

"На днях мясцовы інвестар набыў аб'ект, у панядзелак мы выдалі яму рашэнне на праектаванне дадзенага будынка. Новы ўласнік плануе стварыць там музей каменных абразоў. Работы ў хуткім часе пачнуцца", - праінфармаваў Sputnik намеснік старшыні райвыканкама Міхаіл Афанасік.

Паводле яго слоў, будынак мае статус гісторыка-культурнай каштоўнасці. Плошча былой святыні складае 1381 кв.м., у трохпавярховым будынку ёсць электрычнасць, ацяпленне, каналізацыя і вада. Манастыр размяшчаецца ў цэнтры горада па суседстве з фарным касцёлам і уваходам у Нясвіжскі палацава-паркавы комплекс.

Новага гаспадара для будынка шукалі некалькі гадоў, электронныя таргі праводзіліся тройчы. Першапачаткова манастыр хацелі прадаць за 126 тысяч долараў, затым кошт знізілі да 70 тысяч. У рэшце рэшт, планка апусцілася да адной базавай, аб'ект набыў адзіны пакупнік - мясцовы інвестар.

Манахі-бернардзінцы пабудавалі манастыр у 1589 годзе. У 1864-м царскія ўлады скасавалі яго і сталі выкарыстоўваць як храм. У 1900-х тут былі ваенныя казармы, з 1956 па 2002 год тут знаходзіўся штаб навучальнага палка сувязі.

Чытайце таксама:

16
Тэги:
Нясвіж
(0:00 / .00Mb / )

Паўфінал чацвёртага сезона "Ты супер!" - відэа

7
(абноўлена 10:01 26.10.2020)
Папулярны музычны праект "Ты супер!" праводзяць сумесна тэлеканал НТБ і Міжнароднае агенцтва і радыё Sputnik. Глядзіце на відэа паўфінал вакальнага конкурсу.

У цяперашнім сезоне "Ты супер!" удзельнічаюць новыя выканаўцы і фіналісты мінулых сезонаў. Усяго ў конкурсе бяруць удзел 58 дзяцей з Расіі, Грузіі, Азербайджана, Абхазіі, Кыргызстана, Беларусі, Эстоніі, Украіны і Малдовы.

У журы праекта - вядомыя расійскія зоркі: Дыяна Арбеніна, Аляксей Вараб'ёў, спявачка Ёлка і кампазітар Ігар Крутой.

Нагадаем, у першым выпуску шоу прыняла ўдзел беларуска Даша Чарнова, якая да гэтага два разы прымала ўдзел у конкурсе. Адораная выканаўца распавяла і пра тое, як складаецца яе творчая кар'ера.

Міжнародны вакальны праект для дзяцей, якія засталіся без апекі бацькоў, "Ты супер!" праводзяць тэлеканал НТБ сумесна з Міжнародным інфармацыйным агенцтвам і радыё Sputnik пры падтрымцы Міністэрства асветы РФ.

7
Тэги:
"Ты супер", НТБ (тэлеканал)
Беларуская АЭС

Літва супраць пуску БелАЭС: Беларусі ўручылі ноту пратэста

0
(абноўлена 15:15 27.10.2020)
Ад асобы Еўрапейскага саюза Літва заклікала беларускія ўлады прымяніць самыя высокія стандарты бяспекі.

МІНСК, 27 кас - Sputnik. Вільнюс накіраваў Беларусі афіцыйную пазіцыю адносна пуску Беларускай атамнай электрастанцыі. Нота з асуджэннем старту працы БелАЭС размешчана на афіцыйным сайце МЗС Літвы.

У звароце рашуча асуджаецца рашэнне Беларусі пачаць ядзерную рэакцыю на небяспечнай, на думку Літвы, электрастанцыі. Афіцыйны Вільнюс таксама выказаўся супраць таго, што Мінск ігнаруе патрабаванні Еўропы па бяспецы. На думку літоўскага МЗС, такое становішча спраў можа прывесці да пагаршэння адносін паміж Беларуссю і ЕС.

"Што датычыцца ўкаранення стандартаў ядзернай бяспекі і экалагічных патрабаванняў на Беларускай атамнай электрастанцыі, Еўрапейскі саюз аднагалосна выступае на ўзроўні Савета Еўропы, Еўрапейскага парламента і Савета па замежных справах, заклікаючы Беларусь неадкладна ўкараніць самыя высокія стандарты бяспекі, экалагічныя патрабаванні і стрэс-тэсты ЕС", - адзначае міністр замежных спраў Лінас Лінкявічус.

Літоўскія ўлады таксама занепакоеныя неадназначным становішчам спраў з дыялогам з нагоды БелАЭС. "Сітуацыя яшчэ больш ускладнілася. Цяпер наогул незразумела, з кім весці перамовы", паведаміў кіраўнік МЗС Літвы ў інтэрв'ю радыё "Жиню радияс". Лінкявічус звязвае цяжкасці з палітычнай сітуацыяй у Беларусі, улады якой, на яго думку, ператварылі дыялог у маналог. Поствыбарныя пратэсты і мітынгі таксама актыўна абмяркоўваюцца ў Літве, дзе цяпер знаходзіцца экс-кандыдат у прэзідэнты Беларусі Святлана Ціханоўская.

Раней Літва афіцыйна заявіла, што спыніць імпарт электраэнергіі з Беларусі пасля запуску БелАЭС.

Літоўскі сойм у чэрвені 2017 года абвясціў, што Астравецкая атамная электрастанцыя (АЭС) з'яўляецца небяспечнай і ўяўляе пагрозу для нацыянальнай бяспекі Літвы, а таксама для аховы навакольнага асяроддзя і здароўя насельніцтва. Быў прыняты адпаведны закон, якім, у прыватнасці, забаронена купля энергіі з краін, дзе дзейнічаюць небяспечныя АЭС.

Беларуская АЭС - найбуйнейшы расійска-беларускі эканамічны праект, генпадрадчыкам яе будаўніцтва з'яўляецца "Атамбудэкспарт" (уваходзіць у "Расатам"). Запуск першага рэактара папярэдне запланаваны на 7 лістапада бягучага года.

0
Тэги:
БелАЭС, Беларусь, Літва
Тэмы:
Будаўніцтва БелАЭС у Астраўцы