Галодныя гульні

“Галодныя гульні”: Кітнес Эвердзін ў вышыванцы

243
(абноўлена 12:20 20.11.2015)
Пакуль прыхільнікаў Кітнес Эвердзін па ўсім свеце запрашаюць на 76-я “Галодныя гульні”, Sputnik высветліў, што беларусы таксама здатныя на антыўтопію.

МІНСК, 20 ліс — Sputnik. Беларускія пісьменнікі хоць і не надта здатныя на антыўтопіі і фантастычныя сюжэты, але ж таксама стварылі колькі твораў, якія можа і не заменяць прыхільнікам гісторыю пра Кітнес Эвердзін, але ж няблага яе дапоўняць.

Галодныя гульні
© Photo : pixabay.com
"Галодныя гульні"

"Мова 墨瓦" Віктара Марціновіча

Чацвёрты раман Віктара Марціновіча — "Мова 墨瓦" — выйшаў у верасні 2014 года. Сам аўтар характарызуе жанр "лінгвістычны баявік". Раман стаў амаль ці не галоўнай сучаснай беларускай антыўтопіяй, інтэлектуальным гумарыстычным перакладам сучасных падзей у стылістыцы галівудскага блакбастэра.

Як тлумачыць аўтар, назвай кнігі прынцыпова было абрана слова "мова", якое для кожнага беларуса этычна зараджаным маркерам: тых, хто роўна дыхае да "мовы", у грамадстве няма зусім.

Аўтар анансаваў раман так: "Дзеянне "Мова 墨 瓦" адбываецца ў фантастычнай будучыні. Адлучыўшыся сцяной ад згубіўшай веліч Еўропы, Кітай і Расія ўтварылі квітнеючую саюзную дзяржаву, а цэнтр Мінска ператварыўся ў густанаселены кітайскі квартал. Сюжэт "Мовы" разгортваецца вакол загадкавых каштоўнасцяў — скруткаў, абвешчаных па-за законам. Для адных скруткi — магчымасць атрымаць вострыя адчуванні ў свеце "шопінг-духоўнасці", дзе даступныя амаль любыя задавальненні. Але для іншых яны — сэнс жыцця, нагода для барацьбы і апошняя надзея на выратаванне".

"Карабель" Васіля Гігевіча

Герой аповесці "Карабель" капітан Ёх, што імкнуўся заняць гэтую пасаду, каб даведацца пра галоўную таямніцу Карабля, разумее, што за валоданне гэтым сакрэтам ён заплаціў не толькі здрадай бацькам і каханню, але і ўласнай свабодай. Цяпер Закон Карабля пануе і над ім. У фінале герой, які меў магчымасці стаць бессмяротным, усвядоміў, што яму хочацца іншай бессмяротнасці, не фізічнай.

"Таемны савет будзе ўвесь час кантраляваць тваю работу. Як толькі ты парушыш Закон карабля, ты адразу загінеш. Нябачныя, мы ёсць усюды. Запомні апошняе: ніхто не павінны ведаць таямніцы карабля. Ніхто…" Ну і чым горш за "Запрашаем прыняць удзел у 76-ых "Галодных гульнях"?

Аповесць аформлена ў фармаце дзённіка капітана, пасля прачытання, зразумела, спаліць.

У 2011 годзе Васіль Гігевіч апублікаваў аповесць-утопію — "Страчанае шчасце". "Залаты век" ў аповесці Гігевіча — гэта стан першабытнасці. Аўтар апісвае тыя дні, калі адносіны паміж людзьмі былі немудрагелістыя, пачуцці і вера — моцныя, і прырода была маці, а не матэрыялам для перапрацоўкі. Ідэалам аўтара выступае палеалітычны род, па сутнасці, вялікая сям'я, заснаваная на прынцыпах альтруізму і рэцыпракацыі. Наш час, з пункту гледжання аўтара, характарызуецца маральнай дэградацыяй грамадства і распадам міжчалавечых сувязяў.

"Апошняя павстараль" Алеся Адамовіча

Часам росквіту беларускай антыўтопіі былі 80-я — людзі жылі ў прадчуванні зменаў, то бок, поле для стварэння антыўтопіі склалася надта спрыяльнае.

Алесь Адамовіч піша "Апошнюю пастараль" (1986), ядзерную антыўтопію, у якой здзяйсняе свой праект — узарваць ядзерную бомбу ў літаратуры раней, чым гэта адбылося ў рэальнасці. Свет, паказаны Адамовічам, гіне ў полымі Трэцяй сусветнай вайны. Дажываюць апошнія дні чалавечай цывілізацыі тры яе прадстаўнікі. Перад абліччам немінучае смерці Мужчына і Жанчына, да якіх пазней далучаецца амерыканскі лётчык, не могуць жыць інакш, чым раней: кахаюцца, ствараюць любоўны трохкутнік, мужчыны ўступаюць у бойку з-за жанчыны, у выніку гінуць усе. Праўда, тэатральная версія "Апошняй пастаралі", створаная рэжысёрам Дзінавым і паказаная на сцэне Рэсубліканскага тэатра нацыянальнай драматургіі "Вольная сцэна", больш аптымістычная, споўненая верай у стваральныя магчымасці чалавека і яго міралюбчую прыроду.

Драма "Соль" Алеся Петрашкевіча

Для аматараў канца свету ў лакальным масштабе. Гіганцкія тэрыконы адпрацаванай пароды, атручаныя вадазборы і грунтовыя воды, салёныя яблыкі і грушы ў вясковым садзе і пагроза прарыву дамбы, якая і спраўджваецца, — вось кошт дабрабыту, які спрабуе здабыць чалавек у бяздумным змаганні з прыродай. За ўмоўнымі дэкарацыямі Любаградчыны праглядаецца рэальны аб'ект, які і меў на ўвазе аўтар, — Салігорскі калійны камбінат.

"Выратуй і памілуй нас, чорны бусел", у якой побыт разбуранага Эдэма паказваецца як жыццё пасля смерці, як пра нараджэнне кволай надзеі пасля таго, як усялякая надзея, здаецца, была незваротна страчаная.

"Да сустрэчы" Віктара Казько

У аповесці "Да сустрэчы…" — гісторыя смерці Майстра. Апроч відавочнай рэмінісцэнцыі з раманам М.Булгакава "Майстар і Маргарыта", твор мае выразную жыццёвую паралель: ён прысвячаецца памяці знакамітага кінарэжысёра Турава. Мастак кажа пра недасканаласць і, магчыма, заганнасць шляху развіцця, абранага цывілізацыяй.

Тут шмат рэалій, якія ўварваліся ў яе проста "з вуліцы": хлопчыка-нямка абвінавачваюць у пастарунку ў выкрыкванні антыўрадавых лозунгаў; дзяўчынка марыць стаць прастытуткай… Прысуд Майстра сучаснікам і свайму часу жорсткі: чалавецтва таксама канае, знаходзіцца ў апошняй стадыі распаду. Ідэал мастацтва — адзінае, што процістаіць у гэтым смутным творы татальнаму бязладдзю.

Адным словам, каб часы суму па Кітнес Эвердзін даліся прасцей, чытайма беларускую антыўтопію. І ды не згасне полымя.

243
Тэги:
Галодныя гульні, Джэніфер Лоўрэнс, Алесь Петрашкевіч, Алесь Адамовіч, Віктар Казько, Васіль Гігевіч, Віктар Марціновіч, Беларусь, Увесь свет
Старшыня ўрада Расіі Міхаіл Мішусцін

Мішусцін: усе нашы міністры працуюць над паляпшэннем адносін з Беларуссю

13
(абноўлена 15:57 16.04.2021)
У беларускі сталіцы расійскі прэм'ер, які прыбыў з афіцыйным візітам, падчас перамоў на вышэйшым узроўні павінен абмеркаваць пытанні двухбаковага супрацоўніцтва з рэспублікай, у тым ліку інтэграцыйную тэматыку.

МІНСК, 16 кра – Sputnik. Расце лічба ўзаемнага тавараабароту, які паступова аднаўляецца, пра гэта заявіў прэм'ер-міністр Расіі Міхаіл Мішусцін падчас перамоў з Аляксандрам Лукашэнкам у Палацы Незалежнасці, перадае карэспандэнт Sputnik.

Па словах Мішусціна, напярэдадні візіту ён абмеркаваў гэтую тэму з прэзідэнтам Расіі Уладзімірам Пуціным. Пры гэтым удакладніў, што падтрымлівае кантакты з кіраўніком беларускага ўрада Раманам Галоўчанкам.

"Усе нашы міністры, прадстаўнікі ведамстваў працуюць як над паляпшэннем нашых адносін, так і над надзённымі праблемамі", - запэўніў кіраўнік расійскага ўрада.

Усё аднаўляецца

Міхаіл Мішусцін звярнуў увагу, што пачаў аднаўляцца ўзаемны тавараабарот, пра што сведчаць лічбы, якія растуць.

"Мы зафіксавалі, што падзенне пасля каронавіруса было значным. Цяпер гэта ўсё аднаўляецца", - удакладніў ён.

"Мы аднаўляем і паветраныя зносіны. 30 красавіка з Масквы ў Мінск павінна "паляцець" "Ласточка" (фірменны цягнік - Sputnik). Мы гэта вітаем. Слава Богу каронавірусная інфекцыя адыходзіць", - адзначыў кіраўнік урада РФ.

Ёсць пытанні

Пасля чаго дадаў, што яшчэ ёсць шмат пытанняў. Медыкі папярэджваюць пра рызыкі, якія могуць утрымлівацца ў розных варыяцыях штамаў каронавіруса.

Расійскі прэм'ер выказаў надзею, што сумесныя меры па супрацьдзеянні інфекцыі прынясуць свой плён і асабліва адзначыў, што ў канцы сакавіка ў Беларусі пачаўся выраб расійскай вакцыны "Спутник V".

Інтэграцыя сістэм

"Наша ўзаемадзеянне ў галіне прамысловасці, энергетыкі, транспарту, інфраструктуры, будаўніцтва вельмі актыўнае. 2021 год - гэта год Расіі ў Беларусі, а наступны Беларусі ў Расіі. Нашы культурныя сувязі, абмен прадстаўнікамі культуры, будзе інтэнсіфікаваны", - сказаў ён.

Міхаіл Мішусцін паведаміў, што падпісаў са сваім беларускім калегам Раманам Галоўчанкам адпаведную праграму культурнага супрацоўніцтва.

"Сёння мы паглядзім, як можна інтэграваць нашы сістэмы. Я даўно ведаю беларускіх калег з Мытнай службы, з Падатковай службы. Гэта высокія прафесіяналы. Але нашы сістэмы, паколькі яны ўзаемадзейнічаюць ў пастаянным рэжыме (увесь таваразварот), павінны быць інтэграваныя", - таксама канстатаваў ён.

На яго думку, інтэграцыя будзе на карысць Саюзнай дзяржаве.

"Выгада, а ні ў якім разе нейкія паглынанні. Мы так гэта і бачым. Паспрабавалі разгледзець магчымасці гэтай інтэграцыі на аснове лепшых тэхналогій, якія прапануе і беларускі, і расійскі бок. Сёння пагаворым пра гэта, мы рыхтаваліся з Раманам Аляксандравічам (Галоўчанкам - Sputnik) да гэтай падзеі", - растлумачыў пазіцыю расійскі прэм'ер-міністр.

Чытайце таксама:

13
Тэги:
Урад, Інтэграцыя, рэспубліка, Расія, перамовы, візіт, прэм'ер, сталіца, Беларусь, Адносіны, Міністры, Міхаіл Мішусцін
Тэмы:
Саюзная дзяржава Беларусі і Расіі

Пенсіянерка з Чэлябінска трапіла на сайт італьянскага Vogue - відэа

14
(абноўлена 19:36 14.04.2021)
83-гадовая жанчына зусім не планавала станавіцца мадэллю і вельмі здзівілася, калі даведалася, што яе партрэт з'явіўся на сайце выдання. Глядзіце на відэа, як пенсіянерцы атрымалася патрапіць у электронную версію Vogue.

Жыхарка пасёлка Краснагорскі Чэлябінскай вобласці Лідзія Тучкова ва ўзросце 83 гадоў трапіла ў электронную версію моднага часопіса Vogue пасля сямейнай фотасесіі, прымеркаванай да 8 сакавіка.

Падчас яе пажылая жанчына расчулілася, а фатограф Аляксандра Саматава вырашыла падтрымаць яе.

"Яна ў гэтай сукенцы, завушніцы, жэмчуг, заколачкі. Плакала яна яшчэ. Сунімалі яе. Я ёй казала: "Лідзія Канстанцінаўна, не хвалюйцеся, у вас яшчэ ўсё жыццё наперадзе. Такая фатаграфія атрымалася, таму што Лідзія Канстанцінаўна такая проста... Ад яе святло нейкае, здаецца, выпраменьваецца. Такая добрая душэўная бабуля проста наогул. Калі сфатаграфавала, адразу гляджу, думаю: "Гэтая фатаграфія дакладна павінна ў Vogue патрапіць", - распавяла Саматава.

У выніку загружаны на сайт Vogue фотаздымак ухвалілі мадэратары і апублікавалі на італьянскім сайце часопіса. Пенсіянерка зусім не планавала станавіцца мадэллю і здзівілася, калі даведалася, што яе партрэт з'явіўся на сайце выдання.

Лідзія Канстанцінаўна выказала шчырае здзіўленне, калі яе параўналі з модніцай. "Я нават не ўмею моднічаць. Я просты чалавек", - сказала яна.

Усё жыццё жанчына працавала ў бібліятэцы, а ў канцы мінулага года цяжка перахварэла на каронавірус. "Мы, вядома, узрадаваліся, і шок быў трошачкі. Так, гэта не ўнікальная сітуацыя, таму што Vogue публікуе перыядычна працы рускіх фатографаў, але наша ж бабуля, для нас унікальная таму сітуацыя", - прызналася ўнучка Тучковай Яўгенія Чэрнікава.

Чытайце таксама:

14
Тэги:
партрэт, мадэль, Жанчыны, відэа, Vogue, сайт, Чэлябінск, пенсіянерка
Вытворчасць вакцыны Спутник V

Новыя вытворчасці вакцыны "Спутник V" адкрыюць у ЕАЭС

11
(абноўлена 16:32 16.04.2021)
Зараз ідуць перамовы з Кыргызстанам і Арменіяй, у першы час вытворчасць вакцын будзе арыентавана на ўнутраны рынак.

МІНСК, 16 кра – Sputnik. Еўразійская эканамічная камісія зацікаўлена ў адкрыцці новых вытворчасцей расійскай вакцыны "Спутник V" на прасторы Саюза, паведаміў падчас анлайн-тэлемоста ў мультымедыйным прэс-цэнтры Sputnik міністр па прамысловасці і аграпрамысловаму комплексу ЕЭК Артак Камалян.

Паводле яго слоў, цяпер ідуць актыўныя перамовы па наладжванні вытворчасцей прэпарату з двума краінамі - Арменіяй і Кыргызстанам. ЕЭК таксама займаецца гэтым пытаннем.

"Паводле маёй інфармацыі, эканамічныя ведамствы Кыргызстана і Расіі абмяняліся дакументамі. Перамовы працягваюцца. Магчыма, яны некалькі запаволіліся па той прычыне, што цяпер ва ўрадзе Кыргызстана ідуць сур'ёзныя перастаноўкі. Але мы спадзяемся, што пляцоўка для "Спутник V" будзе адкрыта ў гэтай краіне", - падкрэсліў Камалян.

Ён таксама ўдакладніў, што вытворчасць спачатку будзе разлічана для ўнутранага рынку, а ўжо пасля можна будзе наладзіць пастаўкі вакцыны за мяжу.

"Вакцына "Спутник V" карыстаецца вялікім попытам у свеце, многія краіны хочуць атрымаць гэты прэпарат", - дадаў міністр ЕЭК.

Як заявіў Артак Камалян, Арменія зараз знаходзіцца ў завяршальнай стадыі перамоў па вытворчасці расійскай вакцыны.

"Арменія гатова прадаставіць пляцоўку пад вытворчасць 100 тысяч доз у месяц", - адзначыў ён.

Міністр па прамысловасці і аграпрамысловаму комплексу ЕЭК выказаў надзею на больш хуткую рэалізацыю дамоўленасцей.

"Спутник V" у свеце

Расійская вакцына зарэгістравана ў 60 краінах з насельніцтвам звыш 1,5 мільярда чалавек. Па колькасці атрыманых адабрэнняў рэгулятарамі прэпарат займае другое месца ў свеце.

Навуковы часопіс Lancet ў пачатку лютага апублікаваў вынікі трэцяй фазы клінічных даследаванняў вакцыны "Спутник V", якія пацвярджаюць высокую эфектыўнасць і бяспеку прэпарату. У ходзе фазы III клінічных даследаванняў прэпарат "Спутник V" прадэманстраваў высокія паказчыкі імунагеннасці і бяспекі, а эфектыўнасць склала 91,6 працэнта.

"Спутник V" дае поўную абарону ад цяжкіх выпадкаў захворвання новай каронавіруснай інфекцыяй.

Вытворчасць у Беларусі

Першыя вопытныя партыі расійскай вакцыны на "Белмедпрэпаратах" былі выраблены 28 лютага. 25 сакавіка ў Беларусі пачаўся прамысловы выпуск вакцыны па расійскіх тэхналогіях. Першую такую ​​партыю праверыў сам распрацоўшчык - Навуковы цэнтр імя Гамалеі.

Плануецца, што прамысловы выпуск расійскай вакцыны складзе 500 тысяч у месяц. Адна вакцына ўключае ў сябе дзве дозы прэпарату, такім чынам, пасля выпуску першай партыі, прышчапіцца змогуць паўмільёна чалавек.

Чытайце таксама:

11
Тэги:
рынак, Арменія, Кыргызстан, перамовы, ЕАЭС, вакцына "Спутник V", вытворчасць, вакцына
Тэмы:
Расійскія вакцыны ад каронавіруса