Брытанскі акцёр Бенедыкт Камбербэтч

Лепшыя сусветныя тэатральныя пастаноўкі пакажуць у мінскіх кінатэатрах

116
Спектаклі Метрапалітэн Опера, лонданскіх Каралеўскага тэатра і тэатра “Глобус” будуць транслявацца на мове арыгіналу з рускімі субтытрамі.

МІНСК, 17 сне — Sputnik. Трансляцыю лепшых пастановак сусветна вядомых тэатральных труп пакажуць у студзені ў двух мінскіх кінатэатрах — "Кіеве" і "Цэнтральным" — у межах праекта TheatreHD, паведамілі Sputnik ва УП "Кінавідэапракат" Мінгарвыканкама.

Гледачы змогуць убачыць спектаклі нью-ёркскага Метрапалітэн Опера, Каралеўскага Нацыянальнага тэатра (Лондан), Шэкспіраўскага тэатра "Глобус" (Лондан), Каралеўскай Шэкспіраўскай кампаніі (Стратфорд-на-Эйване) і Вялікага тэатра Масквы. Частка з іх будзе ісці ў запісу, частка — у прамой трансляцыі.

У "Кінавідэапракаце" ўдакладнілі, што спектаклі будуць транслявацца на мове арыгіналу — англійскай і французскай — і дублявацца субтытрамі.

Стартуе праект 5 студзеня спектаклем Каралеўскага Нацыянальнага тэатра "Гамлет: Камбербэтч" з Бэнэдыктам Камбербэтчем у галоўнай ролі. Паказ у запісе адбудзецца ў кінатэатры "Цэнтральны".

16 студзеня ў Цэнтральным арганізуюць прамую трансляцыю оперы "Шукальнікі жэмчугу" ў пастаноўцы Метрапалітэн Опера. Тут жа 19 студзеня можна будзе ўбачыць спектакль лонданскага Нацыянальнага тэатра "Джэйн Эйр".

24 студзеня адразу ў дзвюх залах і ў прамой трансляцыі пакажуць балет "Утаймаванне свавольнай" маскоўскага Вялікага тэатра. 26 студзеня ў "Цэнтральным" можна будзе ўбачыць "Зімовую казку" тэатральнай кампаніі Кэнета Браны. Завершыцца праект 30 студзень прамой трансляцыяй оперы "Турандот" у пастаноўцы Франка Дзефірэлі. Падрабязны расклад спектакляў — на сайце "Кінавідэапракату".

Кошт квіткоў пачынаецца ад 170 тысяч рублёў.

116
Тэги:
Культурна-масавыя мерапрыемствы, Культура, Тэатр, Мінск, Беларусь

Культура