Афіша развітальнага тура Gregorian

Ад Duran Duran да Metallica: топ-5 кавераў ад Gregorian

94
(абноўлена 20:28 19.12.2015)
8 сакавіка ў сталічным Палацы спорту выступіць нямецкі гурт Gregorian – унікальны праект, вядомы сваімі кавер-версіямі сусветных гітоў у стылістыцы грыгарыянскіх харалаў.

МІНСК, 19 сне — Sputnik. Калектыў прыедзе ў Мінск са сваім маштабным шоў у межах развітальнага тура.

Прапануем вашай увазе 5 найпапулярнейшых кавер-кампазіцый паводле статыстыкі Youtube, якія маюць усе шанцы прагучаць у Мінску.

  1. Voyage (Desireless)

Рэдкі выпадак — сучасная песня на французскай мове, якая напрыканцы 80-х выйшла за межы франкамоўнай прасторы, скарыўшы ўсю Еўропу, уключаючы Вялікабрытанію і нават СССР. Самая папулярная кампазіцыя Gregorian на YouTube, адзін з галоўных радыёгітом групы.

2.Nothing Else Matters (Metallica)

Стылістыка Gregorian дазваляе арганічна аб'ядноўваць у адной праграме лепшыя сусветныя гіты з цалкам розных стыляў. Адна з галоўных песень гурта Metallica і адна з самых папулярных рок-балад планеты Зямля гучыць у гэтай версіі вельмі паветрана і эмацыйна.

3.Losing My Religion (R.E.M.)

Найвядомейшая песня R.E.M. была напісана выпадкова — гітарыст Пітэр Бак набыў мандаліну і вучыўся на ёй граць, паралельна запісваючы свае практыкаванні. Так з'явіўся асноўны рыф. Фраза, якая стала назвай песні, у Паўднёвай Амерыцы азначае стан непадзеленага кахання. У версіі Gregorian кампазіцыя таксама стала радыёгітом.

4.Wish You Were Here (Pink Floyd)

Легендарная песня Pink Floyd, якая стала адной з самых пачуццёвых рок-кампазіцый усіх часоў. У канцэртнай версіі Gregorian гучыць цытра — струнны шчыпковы інструмент XVIII стагоддзя.

5.Ordinary World (Duran Duran)

Загалоўны сінгл "Вясельнага альбома" (1993) Duran Duran, які вярнуў гурту сусветную славу. Песня пра тое, як складана жыць у звычайным свеце без кахання і сяброўства.

Бонус-трек: Moment Of Peace

Акрамя кавераў ў рэпертуары Gregorian ёсць некалькі выдатных уласных твораў, напісаных прадзюсарам гурта Франкам Пэтэрсанам. І трэба адзначыць, што па папулярнасці яны паспяхова супернічаюць з кавер-версіямі. Да прыкладу, "Moment Of Peace" з'яўляецца самым папулярным відэаролікам калектыва на YouTube.

Нямецкі гурт Gregorian выступіць у Мінскім Палацы спорту 8 сакавіка з праграмай "The Final Chapter", пачатак а 19-й гадзіне, кошт квіткоў складае ад 470 тыс. да 1 млн 20 тыс. рублёў. 

94
Тэги:
музычная падзея, Культурна-масавыя мерапрыемствы, Музычныя жанры, Музычны гурт, Gregorian, Беларусь
Тэмы:
Развітанне з Gregorian (5)
Гуканне вясны

Тэст: што азначаюць беларускія фразеалагізмы?

1143
(абноўлена 16:02 04.12.2020)
Прайдзіце тэст і даведайцеся, ці зможаце вы правільна падабраць аналаг беларускаму фразеалагізму ў рускай мове.

Фразеалагізмы, якія існуюць у розных мовах свету, часам вельмі падобныя і нават агульныя, калі яны, напрыклад, узятыя са Святога Пісання. Але ў кожнага народа ёсць свае, адметныя трапныя выразы, якія пазначаюць адное і тое ж паняцце, але з дапамогай розных лексічных сродкаў, іншага асацыятыўнага раду.

Прайдзіце тэст на Sputnik і паспрабуйце суаднесці беларускія фразеалагізмы з рускімі.

Вучыце мову разам з намі:

1143
Тэги:
тэст, Беларуская мова
Тэмы:
Вучым беларускую мову
Оскар

Драму Перэльмана "Урокі фарсі" вылучылі на "Оскар" ад Беларусі

35
(абноўлена 18:11 01.12.2020)
Фільм апавядае пра падзеі 1942 гады ў акупаванай Еўропе, у галоўных ролях - Ларс Айдзінгер і Науэль Перэс Біскаярт.

МІНСК, 1 сне - Sputnik. Карціна "Урокі фарсі", знятая рэжысёрам Вадзімам Перэльманам, вылучана на "Оскар" ад Беларусі ў намінацыі "Лепшы фільм на замежнай мове", паведаміла прэс-служба кампаніі "Белыя ночы".

Публіка ўбачыла фільм упершыню на Берлінскім кінафестывалі ў праграме Berlinale Special. Па дадзеных кампаніі Hype Film, якая займаецца продажам правоў на карціну, яе плануюць паказаць больш, чым у 50 краінах свету.

"Фільм Вадзіма Перэльмана "Урокі фарсі" вылучаны на "Оскар"ад Беларусі. Карціна створана ў капрадукцыі Расіі, Германіі і Беларусі, дзе праходзілі здымкі драмы", - распавялі ў прэс-службе.

Пра што фільм "Урокі фарсі"

Па сюжэце, падзеі кіно адбываюцца ў 1942 годзе ў акупаванай Еўропе. Галоўны герой - вязень канцлагера, бельгіец з яўрэйскімі каранямі Жыль Крэм'е - прыкідваецца персам, каб пазбегнуць смяротнага пакарання. У гэтым яму дапамагае антыкварная кніга персідскіх казак, якую ён вымяняў у апошнія хвіліны перад расстрэлам на бутэрброд.

Тым часам повар у канцлагеры, Клаўс Кох, марыць пра тое, як пасля вайны паедзе ў Іран да брата і адчыніць там свой рэстаран. Коху для дасягнення сваёй мэты трэба ведаць фарсі, калегі па канцлагеры, даведаўшыся пра персідскае паходжанне Жыля, адпраўляюць зняволенага вучыць повара новай мове.

"Наша карціна дзіўна актуальная часу. Гэтая глыбокая гісторыя напоўнена трагедыяй, іроніяй, зараджэннем надзеі і дружбы ў самых неверагодных абставінах. Я асабліва шчаслівы магчымасці шырока паказаць наш фільм міжнароднай аўдыторыі", - так адклікаецца аб карціне яе рэжысёр Вадзім Перэльман.

93 цырымонія ўручэння прэмій Амерыканскай кінаакадэміі пройдзе 25 красавіка 2021 года.

35
Тэги:
Беларусь, Оскар (прэмія)