Пераможцы конкурсу Заспявай 2.0 гурт Navi

Navi: як адчуваеш, так і рабі

582
(абноўлена 22:00 28.12.2015)
Фіналісты нацыянальнага адбору на “Еўрабачанне-2016”, намінанты беларускай музычнай прэміі “Героі году-2015” распавялі карэспандэнту Sputnik пра шчырасць у творчасці і планы на еўрапейскі песенны конкурс.

Юлія Хвошч, Sputnik.

Гурт Navi быў заснаваны толькі два гады таму — пасля амаль выпадковай сустрэчы Ксеніі Жук і Арцёма Лук'яненка. Так сталася, что абодва музыкі знаходзіліся ў той час у творчым пошуку. Абодва вакаліста ўжо даўно збіраліся змяніць стылістыку, у якой яны гралі да таго часу. Можна сказаць, што калетывы, у якіх раней яны раней працавалі, былі супрацьлеглымі па гучанню і стылістыцы. Спалучыўшы такія розныя напрамкі, яны вырашалі паспрабаваць і спець адну песню дуэтам. Тое, што атрымалася, вельмі спадабалася ўсім — так і з'явіўся праект, які зараз хуткімі тэмпамі набірае папулярнасць.

Музыка павінен заставацца шчырым

Ксюша і Арцём — бадай, самыя пазітыўныя музыкі на сучаснай беларускай сцэне. Іх творчасць напоўнена святлом, а канцэртныя выступленні — бясконцым пазітывам.

Па словах удзельнікаў дуэту, яны ніколі не стваралі для сябе наўмысна нейкі пазітыўны вобраз, а проста дзяквалі вышэйшыя сілы за ўсё, што ёсць навокал, праз сваю музыку.

"Гэта нашае жыццё. У нас такая пэўная пазіцыя — усё, што адбываецца з намі, мы выказываем праз свае песні і настрой на сцэне. Проста мы такія, мы так жывем", — распачынае размову Арцём.

Выступленне гурта Navi на адкрыцці крамы Беларуская прастора
© Sputnik
Выступленне гурта Navi на адкрыцці крамы "Беларуская прастора"

Удзельнікі гурта хорам адзначаюць, што яны цягам усяго часу існавання калектыву рабілі толькі тое, што ім падабалася. І ўпэўнены: для поспеху ў шоў-бізнэсе музыка, перш за ўсё, павінен быць сапраўдным, рабіць шчырую музыку, якая ідзе ад сэрца.

"Мне падаецца, што для таго, каб дасягнуць нейкіх поспехаў у творчасці, асабліва ў музыцы, трэба заставацца сапраўдным. Да прыкладу, мы нічога спецыяльна не робім для сваёй папулярнасці", — адзначае Ксенія.

"Абсалютна. Імкнуціся быць на некага падобным, падладжвацца, сачыць за новымі трэндамі — навошта? Як адчуваеш — так і рабі", — працягвае думку калегі Арцём.

Музыкі адзначаюць, што ўсё, што яны робяць, адбываецца менавіта такім чынам — сапраўдным і натуральным — і лічаць, што гэта лепшае і галоўнае ў творчасці.

Аб'ектыўнасць і крытыка

Удзельнікі гурта адзначаюць, што першае, пра што павінен думаць музыка, калі займаецца творчасцю, гэта музыка, а не грошы.

"Калі ты ставіш сваёй мэтай менавіта творчасць, а не кар'еру, думаеш у першую чаргу пра музыку, а не пра папулярнасць — тады ўсё ў свой час само да цябе прыйдзе", — лічыць Арцём.

"Мы заўжды падкрэсліваем, што музыка не павінен думаць адразу пра камерцыю, а павінен у першую чаргу несці адказнасць за тое, што ен, то бок быць аб'ектыўным да сваёй творчасці", — дадае Ксенія.

Яшчэ аднім складнікам поспеху музыкі лічаць станоўчае стаўленне да крытыкі і адзначаюць, што не трэба баяцца паказаць сябе так, каб яе выклікаць, тым больш крытыка часцяком бывае вельмі суб'ектыўная.

Выступленне гурта Navi на прэміі Героі году ў Пляцоўка Хол
© Sputnik Юлія Хвошч
Выступленне гурта Navi на прэміі "Героі году" ў "Пляцоўка Хол"

"Але разам з тым яна можа дапамагчы ўбачыць нейкія недахопы ў тваім матэрыяле. Гэта не значыць, што трэба прытрымлівацца нейкіх пэўных крытэрыяў, проста трэба прыслухоўвацца да крытыкі, больш аналізаваць, і гэта можна дапамагчы ў далейшай творчай дзейнасці", — разважае Ксюша.

Пра мову і тэксты

Navi спяваюць як па-руску, так і па-беларуску, а на пытанне, на якой мове лепш пішацца і спяваецца адказваюць, што ніколі спецыяльна не плануюць, на якой мове будзе песня.

"Усе песні ідуць ад сэрца, і мы ніколі спецыяльна не планавалі: вось зараз напішам па-беларуску, а зараз па-руску", — тлумачыць Арцём.

Музыкі адзначаюць, што любая мова, якой яны карыстаюцца для напісання песень, знаёма жыхарам Беларусі. "Людзі і на беларускай мове размаўляюць і добра яе разумеюць, і рускую разумеюць, а калі жадаюць, то і размаўляюць, таму моўнае пытанне наогул не важна! Галоўнае, каб у песні былі чаплаючыя эмоцыі".

Працягваючы гэту думку, суразмоўцы Sputnik адзначаюць, што ў песні не так важны тэкставы складнік ці музычны, як яе эмацыйнасць і ўнутраная напаўняльнасць. Пры гэтым яны дадаюць, што ў іх творчым працэсе няма канкрэтнага размежавання на тое, хто піша музыку, а хто тэксты. "Усё гэта песні Navi".

"Калі мы пішам песні, мы ўкладаем у іх пэўную ідэю і імкнемся каб атрымалася як мага лепей ва ўсіх сэнсах. Не бывае так, каб музыка вырашыў, што тэкст так сабе, таму ён будзе рабіць упор на музыку і спяваць тры куплеты. Я не хачу, каб такое адбывалася", — распавядае Арцём.

"Заўжды хочацца, каб песні неслі ў сабе сэнс, каб людзей гэта чапляла, прымушала ўсміхацца, быць шчаслівымі, пераадольваць цяжкасці".

Адказваючы на пытанне чаму для ўдзела ў песенным конкурсе "Еўрабачанне" была абрана песня менавіта на мове, удзельнікі гурта сказалі, што не мова галоўнае. "На сербскай мове ў свой час перамагла "Малітва", і людзям, якія за яе галасавалі, не важна была мова, на якой яе выконвалі".

"Еўрабачанне" і вялікі сольны канцэрт

У размове з удзельнікамі праекта закранулі і тэму "Еўрабачання". Сёлета Navi трапілі ў фінал нацыянальнага адбору конкурсу, іх песня "Гэта зямля" з'яўляецца адзіным творам на беларускай мове сярод 10 пераможцаў.

"Калі адбудзецца так, што мы будзем прадстаўляць краіну на конкурсе ў наступным годзе, то гэта будзе выдатны шанец пазнаёміць еўрапейскага гледача з нашай прыгожай мелагучнай мовай", — распавядаюць музыкі.

Дарэчы, Navi лічаць, што ў іх ёсць усе шансы паехаць у Стакгольм ад Беларусі. "У нас вялікая колькасць прыхільнікаў, мяркуем, што яны нас падтрымаюць".

Таксама ў планах гурта першы вялікі сольны канцэрт, які адбудзецца 14-га лютага, у Дзень закаханых у сталічным клубе Re: Public.

"Так атрымалася, што гэтыя дзве вялікія для нас падзеі супалі па часе, і мы вельмі перажываем, каб усё адбылося найлепшым чынам. Вось так". 

***

Гурт Navi разглядае музычную дзейнасць як працу, а не як хобі. Акрамя творчасці ўдзельнікі калектыву любяць падарожнічаць і адкрываць для сябе новыя краіны. Ксенія выдатна гатуе, а Арцём захапляецца конным спортам.

582
Тэги:
Еўрабачанне, Музычныя жанры, Музычны гурт, Стыль жыцця і адпачынак, Музыка, Navi (гурт), Беларусь
Тэмы:
"Героі году - 2015" (6)
Жыхары вёскі Пагост Гомельскай вобласці падчас абраду Шчодры вечар

"Шчодрык" у Пагосце: дзе каза рогам, там жыта стогам

37
(абноўлена 15:10 14.01.2021)
Беларускія традыцыі зімой выклікаюць асаблівую цікавасць і не пазбаўлены свайго аўтэнтычнага шарму. Як берагуць свае звычаі на Палессі, разбіраўся Sputnik.

МІНСК, 14 сту – Sputnik. Вёска Пагост - месца ўнікальнае, з аднаго боку бяжыць паўнаводная Прыпяць, з другога закалыхвае ціхая Сцвіга. Здаецца, сама прырода настройвае палешукоў на спрадвечны традыцыйны лад.

Зіма ў вёсцы - час адмысловы. Калі ўся гаспадарка дагледжана, а ўраджай у засеках, надыходзіць пара святаў.

У чым асаблівая разыначка Шчодрага вечара ў Пагосце, даведаўся карэспандэнт Sputnik Станіслаў Андросік.

Маленькі чалавек вялікай справы

Беларускае свята "Шчодрык" заўсёды адзначаюць з 13 на 14 студзеня. Шмат гадоў таму па сутнасці так святкавалі Новы год, але змена календароў адыграла свой злы жарт з датамі. Тады звычай на Палессі выстаяў, а што будзе праз пару гадоў, пакуль незразумела.

Жители деревни Погост Гомельской области во время обряда Щедрый вечер
© Sputnik / Виктор Толочко
"Шчодрык" заўсёды адзначаюць з 13 на 14 студзеня

У Пагосце і нават далёка за мяжой ведаюць Кацярыну Аляксееўну Панчэню, якая не проста дапамагла аднавяскоўцам зберагчы свае традыцыі, але і вывела іх на міжнародны ўзровень, аднак пра гэта пазней.

Жители деревни Погост Гомельской области во время обряда Щедрый вечер
© Sputnik / Виктор Толочко
Прыбірацца Кацярыне Аляксееўне дапамагае новае пакаленне культурных работнікаў

Кацярына Аляксееўна, як і шмат гадоў таму, абавязкова ідзе "шчадраваць". Нам яна прызнаецца, што робіць гэта з трох гадоў, а ёй ужо пераваліла за 80. Раней яна "шчадравала" і па наказе душы, і па працы. Мясцовы дом культуры знаходзіўся пад яе чулым кіраўніцтвам больш за 30 гадоў.

Зараз гады ўжо бяруць сваё, і прыбірацца ганаровай жыхарцы Жыткавіцкага раёна дапамагае новае пакаленне культурных работнікаў.

Неад'емнай часткай "Шчодрыка" застаюцца калядоўшчыкі, і тут Кацярына Аляксееўна выразна дае зразумець: "У нас радзіліся толькі на Шчодрык, а на Раство прыбіраліся калядным строем".

Жители деревни Погост Гомельской области во время обряда Щедрый вечер
© Sputnik / Виктор Толочко
На Каляды ходзяць пераапранутыя рознымі татэмнымі жывёламі і птушкамі - казой, мядзведзем, ваўком, буслом

Сярод ражаных лічацца Мядзведзь, Сарока, Цыганка, Бусел і, вядома, Каза, як галоўны персанаж.

Цікава, што ў іх ліку вы не ўбачыце ні аднаго дарослага, толькі дзяцей розных школьных узростаў.

Жители деревни Погост Гомельской области во время обряда Щедрый вечер
© Sputnik / Виктор Толочко
Дзеці з задавальненнем удзельнічаюць у абрадзе

Аказваецца, так "нашчадкам перадаем, каб не забываліся", патлумачыла Кацярына Аляксееўна. Раней па вёсцы сапраўдныя цягнікі з саней ездзілі "шчадраваць", а цяпер сабраўся толькі маленькі паравозік з дзетак і работніц культурнай сферы.

Жители деревни Погост Гомельской области во время обряда Щедрый вечер
© Sputnik / Виктор Толочко
Сярод ражаных абавязкова ёсць Бусел

Дзякуючы ім, у XXI стагоддзі можна ўбачыць, як беларусы сотні гадоў таму адзначалі надыход Новага года.

"Пячыце ладкі"

"Шчадрэц колісь звалі - Васілей, Стары Новы год. Гэтя ўжо другая куцця, таму што Раство - першая куцця. На Хрышчэнне будзе трэццяя куцця. Усе абрады ў нас звязаныя са збажыною", - уводзіць у курс справы Кацярына Аляксееўна.

А каб свята атрымалася, па яе словах, трэба прыгаворваць: "Пячыце ладкі, каб цяляты былі гладкі", "пячыце блінцы, каб дзеці былі, як жарабцы".

Па прызнанні самой жанчыны, "ніхто ў гэтя лезці зараз ня хоча, вось і перадаю ўсё Ірыне Торчык".

Жители деревни Погост Гомельской области во время обряда Щедрый вечер
© Sputnik / Виктор Толочко
Каб "Шчодрык" атрымаўся, трэба прыгаворваць: "пячыце ладкі, каб цяляты былі гладкі", "пячыце блінцы, каб дзеці былі, як жарабцы".

А раней па вечарах у Пагосце на "Шчадрэц" усё прыгаворвалі і рыхтаваліся, цяпер і вёска ўжо не тая, таму што людзей у ёй амаль не засталося.

Кацярына Аляксееўна распавядае, што на свята было прынята рабіць запіскі: "Хто, што думае плахое мне, хай бярэ сабе і на першым полыме, як блінцы пякці, спальвалі".

На ўсю краіну адзін

Размовы з журналістамі - гэта адно, але і "шчадраваць" камусьці трэба. Разнамасная чарада весела выкатваецца на вуліцу. На "Шчодрык" трэба абавязкова спяваць гаспадарам хаты, куды прыходзяць калядоўшчыкі.

Жители деревни Погост Гомельской области во время обряда Щедрый вечер
© Sputnik / Виктор Толочко
Галоўная задача - зарадзіць энергіяй, каб у новым годзе і ўраджай быў, і гаспадарка квітнела

Галоўная іх задача - зарадзіць энергіяй, каб у новым годзе і ўраджай быў, і гаспадарка квітнела.

Для гэтага прыгаворваюць "дзе каза рогам, там жыта стогам", ад такой працы Каза хутка стамляецца і падае знясіленая проста ў снег.

Жители деревни Погост Гомельской области во время обряда Щедрый вечер
© Sputnik / Виктор Толочко
Калі Каза стамляецца і падае, гаспадары разумеюць: пара пачаставаць яе за старанні

Такі вось непразрысты намёк гаспадарам, што трэба шчодра пачаставаць за старанні. Лепш за ўсё для гэтага, вядома, падыходзіць сала, але ў вёсцы без лішніх размоў бяруць усё, што даюць.

Жители деревни Погост Гомельской области во время обряда Щедрый вечер
© Sputnik / Виктор Толочко
За песні і танцы гаспадары частуюць калядоўшчыкаў

Так паважная працэсія ходзіць ад двара да двара, пакуль не наступіць цемра, а торба не будзе набіта усялякімі пачастункамі даверху.

Пагост - вёска па-сапраўднаму ўнікальная, мясцовыя святы па заслугах ацанілі на самым высокім узроўні.

Жители деревни Погост Гомельской области во время обряда Щедрый вечер
© Sputnik / Виктор Толочко
Абавязковы атрыбут калядоўшчыкаў - Віфлеемская зорка

Звычай "Юраўскі карагод" атрымаў нават статус нематэрыяльнай гісторыка-культурнай каштоўнасці. Улады па тых часах выдзелілі казачныя 100 мільёнаў рублёў. Праўда, у Пагосце свайго "прыза" не дачакаліся і ўсе грошы роўным пластом разышліся па "культуры" Жыткавіцкага раёна.

Цяпер на чарзе грант ЮНЕСКА, і ў Пагосце перажываюць. Падтрымка мясцоваму Дому культуры павінна была прыйсці ў мінулым годзе, але пандэмія ўнесла свае праўкі ў чаканні палешукоў. Зараз у Пагосце чакаюць гэты грант, каб скласці печку і рыхтаваць пачастункі прама на вачах турыстаў, якія тонкім раўчуком ідуць на Палессе, каб пабачыць на свае вочы тое, чаго больш нідзе ўжо няма.

Жители деревни Погост Гомельской области во время обряда Щедрый вечер
© Sputnik / Виктор Толочко
Пагост - вёска па-сапраўднаму ўнікальная, мясцовыя святы па заслугах ацанілі на самым высокім узроўні

Замест эпілогу

У Доме культуры ўсё трымаецца на плячах Ірыны Іванаўны і Ірыны Ціханаўны, якія паціху збіраюць па хатах начынне, зробленае паляшукамі шмат гадоў таму. Тут можна ўбачыць і сапраўдныя кросны, палаці, лавы, і нават самаробны пратэз нагі.

Жители деревни Погост Гомельской области во время обряда Щедрый вечер
© Sputnik / Виктор Толочко
"Не пайду я, пойдуць людзі", - упэўнена Кацярына Аляксееўна

Жыццё, нягледзячы ні на што, б'е ў Пагосце ключом. Кацярына Аляксееўна не маркоціцца і, здаецца, зусім не перажывае, што будзе са "Шчодрыкам" у будучыні. На развітанне яна запэўнівае: "Не пайду я, пойдуць людзі".

37
Тэги:
Традыцыі і абрады, Шчадрэц, Палессе

Супергероі здзіўляюць пацыентаў дзіцячай бальніцы - відэа

15
(абноўлена 14:06 13.01.2021)
Маленькім пацыентам італьянскай бальніцы зладзілі сюрпрыз - іх наведалі супергероі. Глядзіце на відэа, як персанажы мультфільмаў і коміксаў "упалі" з даху.

Для хворых дзяцей, якія знаходзяцца ў педыятрычным аддзяленні бальніцы Сан-Паола ў Мілане, арганізавалі прыемны сюрпрыз.

Капітан Амерыка, Чалавек-павук, Халк, Жалезны чалавек, Бэтмен і Шрэк фактычна ўпалі з даху. Медперсанал і наведвальнікі бальніцы апладзіравалі шоу стоячы.

Героі мультфільмаў і коміксаў павіталі маленькіх пацыентаў з вокнаў палат, а некаторыя нават увайшлі ў педыятрычнае аддзяленне і падарылі маленькім пацыентам падарункі.

За маскамі супергерояў на самай справе хаваліся тэхнікі кампаніі па абслугоўванні і рамонце будынкаў і небаскробаў.

15
Тэги:
Мілан, дзеці, бальніца
Вакцынацыя ад COVID-19

Парагвай зарэгістраваў расійскую вакцыну "Спутник V"

0
(абноўлена 17:48 15.01.2021)
У Паўднёвай Амерыцы прэпаратам ад каронавіруса ўжо прышчапляюць насельніцтва Аргенціны, Балівіі, Венесуэлы і Бразіліі.

МІНСК, 15 сту – Sputnik. Міністэрства аховы здароўя Парагвая зарэгістравала вакцыну супраць COVID-19 "Спутник V", паведаміў у пятніцу Расійскі фонд прамых інвестыцый (РФПІ).

Вакцыну зарэгістравалі ў рамках паскоранай працэдуры, без правядзення дадатковых клінічных даследаванняў на тэрыторыі дзяржавы. Аналагічным чынам прэпарат быў зарэгістраваны раней у Аргенціне, Балівіі, Сербіі, Алжыры, Палестыне і Венесуэле.

Пастаўкі ў Парагвай забяспечаць дзякуючы міжнародным партнёрам РФПІ ў Індыі, Кітаі, Паўднёвай Карэі і іншых краінах.

Паводле слоў гендырэктара фонду Кірыла Дзмітрыева, многія краіны Лацінскай Амерыкі зацікаўлены ў расійскай вакцыне. Ён спадзяецца, што ў бліжэйшы час "Спутник V" атрымае адабрэнне ў шэрагу іншых дзяржаў рэгіёна.

Міністэрства аховы здароўя Расіі ў жніўні зарэгістравала першую ў свеце вакцыну для прафілактыкі COVID-19, распрацаваную цэнтрам імя Гамалеі, яна атрымала назву "Спутник V". Дырэктар цэнтра Аляксандр Гінцбург раней сказаў, што бяспека вакцыны цалкам даказаная, а эфектыўнасць "Спутник V" склала 91,4%.

Чытайце таксама:

0
Тэги:
Вакцынацыя, каронавірус