МІНСК, 4 сту — Sputnik. Стваральнік сусвету "Зорных войнаў" Джордж Лукас параўнаў кампанію Disney, што набыла ў яго права на вытворчасць фільмаў, з "белымі рабаўладальнікамі".
"Гэтыя фільмы — мае дзеці. Я любіў іх, я стварыў іх, я быў вельмі цесна з імі звязаны. І вось я прадаў іх белым рабаўладальнікам", — сказаў Лукас ў інтэрв'ю Чарлі Роўзу.
Лукас таксама распавёў пра рознагалоссі з Disney. На думку рэжысёра, "Зорныя войны" — гэта "сямейная мыльная опера". Яна расказвае пра праблемы "бацькоў і дзяцей", аднак Disney вырашылі зрабіць "што-небудзь для фанатаў".
"Яны хацелі зрабіць рэтрафільм. Мне гэта не падабаецца. У кожным фільме я стараўся зрабіць нешта новае", — сказаў Лукас.
Таму Лукас вырашыў не ўдзельнічаць у працы над працягам "Зорных войнаў". "Усё зводзіцца да простага жыццёвага правіла: калі ты з кімсьці расстаешся, першае правіла — ніякіх званкоў. Другое — ня набліжайся да дома гэтага чалавека", — сказаў рэжысёр.
