МІНСК, 29 кра — Sputnik. У маскоўскім парку "Сакольнікі" з 28 красавіка па 2 мая 2016 года праходзіць выстава-кірмаш "Скарбы Поўначы — 2016", паведамляецца на сайце The Arctic. У выставе бяруць удзел больш за 400 майстроў традыцыйных мастацкіх промыслаў, прафесійныя і самадзейныя артысты, прадстаўнікі суполак карэнных малалікіх народаў Поўначы, Сібіры і Далёкага Усходу.
У экспазіцыі прадстаўлены макеты нацыянальнага жытла, юкольніка, прызначанага для сушкі пластоў рыбы. Юкола з'яўляецца асновай нацыянальнай кухні ніўхскага народа. З калекцыі Сахалінскага абласнога мастацкага музея на "Скарбы Поўначы" прадстаўлены карціны з рыбінай скуры, пано, прадметы нацыянальнага адзення.
Для наведвальнікаў адкрыецца "Горад Майстроў", у якім гасцей чакаюць разнастайныя майстар-класы па народных рамёствах: разьба па дрэве, костцы і каменю, інкрустацыя металам, косткай, напаўкаштоўнымі камянямі, ручны роспіс і набіванне тканін, апрацоўка скуры і футра; жывапіс на скуры і бяросце; пляценне паясоў; бісерапляценне.
На адкрытай паркавай пляцоўцы будзе дэманстравацца этнічная экспазіцыя "Паўночнае стойбішча", дзе размесцяцца хантыйскія, нянецкія, эвенкійскія чумы, чукоцкая яранга ".
У межах выставы традыцыйна адбудуцца 11-ы Усерасійскі фестываль творчасці народаў Поўначы, Сібіры і Далёкага Усходу РФ "Качэўе Поўначы" і 4-ы Фестываль этнічнай моды народаў Поўначы "Палярны стыль". А на вулічнай сцэне — суботняе свята "Народы Поўначы запрашаюць сяброў!".
Таксама прадугледжана шырокая дзелавая праграма, у якой пройдуць прэзентацыі рэгіянальных экспазіцый, творчыя сустрэчы, круглыя сталы і канферэнцыі па актуальнай праблематыцы карэнных малалікіх народаў Поўначы, Сібіры і Далёкага Усходу Расійскай Федэрацыі.
