Беларускі выканаўца IVAN ў другім паўфінале Еўрабачання-2016

Беларус IVAN не прайшоў у фінал "Еўрабачання-2016"

11:07 13.05.2016(абноўлена 13:53 14.05.2016)

Вынікі галасавання краін-удзельніц у паўфіналах стануць вядомыя толькі пасля вызначэння пераможцы конкурсу.

МІНСК, 13 мая — Sputnik. Беларускі прадстаўнік на конкурсе песні "Еўрабачанне-2016" IVAN (Саша Іваноў) не змог прайсці ў фінал па выніках галасавання тэлегледачоў і прафесійнага журы ў чацвер.

У другім паўфінале "Еўрабачання" прымалі ўдзел 18 краін, якія змагаліся за дзесяць "пуцёвак" на паўторны выступ на Globe Arena ў Стакгольме. Згодна з правіламі конкурсу, вызначалі фіналістаў праз галасаванне тэлегледачоў і прафесійнага журы.

У фінал прайшлі наступныя краіны: Латвія, Аўстралія, Украіна, Грузія, Балгарыя, Сербія, Польшча, Ізраіль, Літва і Бельгія. Беларус IVAN з песняй "Help you flу" не змог прайсці ў фінал конкурсу. Вынікі галасавання краін-удзельніц у паўфіналах стануць вядомыя толькі пасля вызначэння пераможцы конкурсу. Букмекеры напярэдадні конкурсу не верылі ў тое, што 21-гадоваму гамельчуку ўдасца скарыць Еўропу.

За ўсю гісторыю ўдзелу Беларусі ў конкурсе прадстаўнікам рэспублікі ўдавалася выходзіць у фінал толькі чатыры разы — дзякуючы Дзмітрыю Калдуну (2007), гурту "3 + 2" (2010), Алёне Ланской (2013 года) і Тэа (2014). Беларусь удзельнічае ў "Еўрабачанні" з 2004 года.

Фінал "Еўрабачання-2016" адбудзецца ў Стакгольме 14 мая.

Тэги:

Еўрабачанне, музычная падзея, Аляксандр Іваноў (Ivan), Стакгольм

Памёр вядомы беларускі мастак і дзеяч культуры Эдуард Агуновіч

11:26 24.09.2020(абноўлена 10:31 24.09.2020)

Член Беларускага саюза мастакоў памёр на 83-м годзе жыцця пасля цяжкай працяглай хваробы.

МІНСК, 24 вер - Sputnik. Пайшоў з жыцця вядомы беларускі мастак, дызайнер і заслужаны дзеяч культуры Беларусі Эдуард Агуновіч, пра гэта паведамілі ў Беларускім саюзе мастакоў.

Мастак, член секцыі "Пагоня" Беларускага саюза мастакоў памёр 23 верасня на 83-м годзе жыцця пасля цяжкай працяглай хваробы. "Беларускі саюз мастакоў шчыра дзеліцца смуткам, які напаткаў сям'ю мастака, і прыносіць самыя глыбокія спачуванні сем'ям, сябрам і блізкім", - гаворыцца ў паведамленні пра смерць Агуновіча.

Развітанне з Эдуардам Агуновіч пройдзе 24 верасня з 14:00 да 15:00 ў рытуальнай зале Мінскай абласной клінічнай бальніцы па aдресу: аграгарадок Лясны, 1 (адразу за Бараўлянах). Пры гэтым пахаваны мастак будзе Эдуард Агуновіч будзе ў сябе на малой радзіме ў Рэчыцы.

Эдуард Агуновіч нарадзіўся ў 1938 годзе ў Рэчыцы. У 1959 годзе скончыў Віцебскае мастацка-графічнае вучылішча, у 1966 - Беларускі дзяржаўны тэатральна-мастацкі інстытут, яго дыпломнай працай сталі ілюстрацыі да народнай паэме "Тарас на Парнасе". З таго моманту мастак актыўна тварыў і ўдзельнічаў у рэспубліканскіх, усесаюзных і міжнародных выставах.

Ён шмат працаваў у кніжнай і станковай графіцы: ілюстраваў паэму "Сымон-музыка" Якуба Коласа, паэму "Прыгоды дзеда Міхеда" Антоля Астрэйкі, афармляў раманы Івана Шамякіна і многія іншыя кнігі.

Агуновіч таксама займаўся афармленнем музейных экспазіцый рознага ўзроўню і профілю. Сярод яго работ - Дом-музей Першага з'езда РСДРП у Мінску, Музей Фелікса Дзяржынскага, Музей Савецка-Польскай садружнасці ў вёсцы Леніна Горкаўскага раёна. Таксама мастак удзельнічаў у размяшчэнні экспазіцыі музея Янкі Купалы ў Мінску і яго філіялах, літаратурным музеі Максіма Багдановіча.

Усё жыццё Эдуард Агуновіч падтрымліваў цесную сувязь з роднай Рэчыцай. У 1995 годзе там па яго праекце была пабудавана капліца святой Еўфрасінні Полацкай, якая стала візітнай карткай горада.

Тэги:

Смерць публічных людзей, Беларусь

Усё па традыцыях: у Дукоры адзначылі Багач

13:25 22.09.2020(абноўлена 13:36 22.09.2020)

Працаваць на свята багатага ўраджаю строга забаронена, таму госці ад душы танчылі і весяліліся.

Багач у народным календары прымеркаваны да свята збору ўраджаю. Назву сваю ён атрымаў, бо лічылася, што менавіта ў гэтыя дні у добрых гаспадароў у хаце "усяго багата". На святкаванне Багача ў Дукорскім маёнтку патрапіў фатограф Sputnik Альфрэд Мікус.

Багач - гэта адмысловы лубок з зернем

На свята жыхары вёскі збіраліся грамадой

Для святкавання Багача ўсе жыхары старадаўняй беларускай вёскі збіраліся талакой і рабілі адмысловы лубок з зернем, у сярэдзіну якога ўстаўлялі свечку. У гэты лубок, які атрымаў сваю назву ад наймення свята, кожны вясковец прыносіў па жменьцы зерня з новага ўраджаю. Лубок з запаленай свечкай праносілі абавязкова па ўсёй вёсцы. Усе гэтыя дзеянні былі скіраваныя на захаванне дабрабыту, ураджайнасці, плоднасці жывёлы і сямейнага ладу.

Багач абавязкова праносілі па ўсёй вёсцы

Кожны вясковец дадаваў у лубок зерне з новага ўраджаю

Напрыканцы Багач размяшчалі пад абразамі на покуці хаты гаспадароў, якіх грамада ў гэтым годзе абірала лепшымі.

Падчас святкавання Багача ўсім сялянам увогуле забаранялася працаваць: яны хадзілі ў госці адзін да аднаго, ладзілі кірмашы і гулянні, танчылі і спявалі.

госці ў Дукоры вучыліся розным майстэрствам

І хоць працаваць на Багач забаронена, але ж вучыцца ніхто не забараняў!

Выдатны майстар навучыць каго заўгодна

Не засталіся ў баку ад гэтай традыцыі і госці Дукорскага маёнтка. Пад музыку гуртоў Стары Ольса і PAWA і беларускага народнага ансамбля "Вербіца" яны ад душы есяліліся і скакалі, а таксама вучыліся майстэрству керамікі, разьбы па дрэве, пляценню лапцей, ткацтву і вырабу лялек.

Тэги:

Народныя традыцыі, Багач

Кангрэс УЕФА перанеслі з Беларусі ў Швейцарыю

17:57 24.09.2020(абноўлена 16:45 24.09.2020)

Беларусь упершыню ў гісторыі павінна была прыняць Кангрэс УЕФА ў сакавіку 2021-га, але сёння было прынята рашэнне аб пераносе мерапрыемства.

МІНСК, 24 вер - Sputnik. Кангрэс УЕФА ў 2021 годзе пройдзе ў Швейцарыі, а не ў Беларусі, як планавалася раней, заявіў прэзідэнт арганізацыі Александэр Чэферын.

🇨🇭 All corporate UEFA meetings in the next six months will be hosted in Switzerland.

Consequently, the #UEFAExCo meetings of December 2020 and March 2021, and the #UEFACongress of March 2021, which was originally planned to be held in Belarus, will be moved to Switzerland.
— UEFA (@UEFA) September 24, 2020

Выканкам УЕФА ў сакавіку прыняў рашэнне аб правядзенні пасяджэння вышэйшага органа еўрапейскага футбольнага саюза ў Мінску вясной будучага года.

"Кангрэса УЕФА ў сакавіку 2021 года ў Мінску не будзе, ён пройдзе ў Швейцарыі", - сказаў Чэферын на прэс-канферэнцыі па выніках выканкама УЕФА ў Будапешце.

Акрамя таго, было прынята рашэнне аб тым, што ўсе карпаратыўныя сустрэчы арганізацыі ў бліжэйшыя паўгода пройдуць у Швейцарыі. Таксама ў Швейцарыі пройдуць пасяджэнні выканкама УЕФА, запланаваныя на снежань 2020 года і сакавік 2021 года.

Тэги:

Швейцарыя, Беларусь, УЕФА