Вольга Корбут выконвае практыкаванне

Партрэт Вольгі Корбут пэндзля шатландскай мастачкі прададуць на Christie's

15
Арыенціровачны кошт палатна дасягае амаль 40 тысяч долараў, праца сыйдзе з малатка ў рамках аўкцыёну "Пасляваеннае і сучаснае мастацтва".

МІНСК, 26 вер — Sputnik. Найвядомы ў свеце аўкцыённы дом Christie's выставіў на таргі, якія пройдуць 6 кастрычніка, карціну "Вольга Корбут" шатландскай мастачкі Люсі Макензі з эсцімейтам ад 26 да 39 тысяч долараў, паведамляецца на сайце кампаніі. Партрэт вядомай беларускай гімнасткі Вольгі Корбут створаны ў 1998 годзе. На палатне больш за два метры шырынёй і метра па вышыні захаваная не адна з перамог чатырохкратнай алімпійскай чэмпіёнкі, а момант паразы на паралельных брусах. Праца распадаецца на асобныя фрагменты, нібы стоп-кадр, зроблены аб'ектывам фотафініша.

Люси МакКензи, Ольга Корбут
Люсі МакКензі, "Вольга Корбут"

Гімнастка Вольга Корбут здолела закахаць у сябе ўвесь свет. У 1970-я мільёны з заміраннем сэрца сачылі, як яна ў Мюнхене круціла сваю знакамітую пятлю і суперажывалі, калі яна ліла слёзы пасля няўдачы на брусах. У СССР яе празвалі "цудам з коскамі", за мяжой назвалі "sparrow from Minsk" ("верабей з Мінска").

Шатландская мастачка Люсі Макензі жыве і працуе ў Брусэлі, яна прафесар жывапісу ў Акадэміі мастацтваў у Дзюсельдорфе. Партрэт "Вольга Корбут" — адна з першых яе прац.

15
Тэги:
жывапіс, Christie's, Вольга Корбут, Люсі Макензі, Лондан
Гуканне вясны

Тэст: што азначаюць беларускія фразеалагізмы?

1143
(абноўлена 16:02 04.12.2020)
Прайдзіце тэст і даведайцеся, ці зможаце вы правільна падабраць аналаг беларускаму фразеалагізму ў рускай мове.

Фразеалагізмы, якія існуюць у розных мовах свету, часам вельмі падобныя і нават агульныя, калі яны, напрыклад, узятыя са Святога Пісання. Але ў кожнага народа ёсць свае, адметныя трапныя выразы, якія пазначаюць адное і тое ж паняцце, але з дапамогай розных лексічных сродкаў, іншага асацыятыўнага раду.

Прайдзіце тэст на Sputnik і паспрабуйце суаднесці беларускія фразеалагізмы з рускімі.

Вучыце мову разам з намі:

1143
Тэги:
тэст, Беларуская мова
Тэмы:
Вучым беларускую мову
Оскар

Драму Перэльмана "Урокі фарсі" вылучылі на "Оскар" ад Беларусі

35
(абноўлена 18:11 01.12.2020)
Фільм апавядае пра падзеі 1942 гады ў акупаванай Еўропе, у галоўных ролях - Ларс Айдзінгер і Науэль Перэс Біскаярт.

МІНСК, 1 сне - Sputnik. Карціна "Урокі фарсі", знятая рэжысёрам Вадзімам Перэльманам, вылучана на "Оскар" ад Беларусі ў намінацыі "Лепшы фільм на замежнай мове", паведаміла прэс-служба кампаніі "Белыя ночы".

Публіка ўбачыла фільм упершыню на Берлінскім кінафестывалі ў праграме Berlinale Special. Па дадзеных кампаніі Hype Film, якая займаецца продажам правоў на карціну, яе плануюць паказаць больш, чым у 50 краінах свету.

"Фільм Вадзіма Перэльмана "Урокі фарсі" вылучаны на "Оскар"ад Беларусі. Карціна створана ў капрадукцыі Расіі, Германіі і Беларусі, дзе праходзілі здымкі драмы", - распавялі ў прэс-службе.

Пра што фільм "Урокі фарсі"

Па сюжэце, падзеі кіно адбываюцца ў 1942 годзе ў акупаванай Еўропе. Галоўны герой - вязень канцлагера, бельгіец з яўрэйскімі каранямі Жыль Крэм'е - прыкідваецца персам, каб пазбегнуць смяротнага пакарання. У гэтым яму дапамагае антыкварная кніга персідскіх казак, якую ён вымяняў у апошнія хвіліны перад расстрэлам на бутэрброд.

Тым часам повар у канцлагеры, Клаўс Кох, марыць пра тое, як пасля вайны паедзе ў Іран да брата і адчыніць там свой рэстаран. Коху для дасягнення сваёй мэты трэба ведаць фарсі, калегі па канцлагеры, даведаўшыся пра персідскае паходжанне Жыля, адпраўляюць зняволенага вучыць повара новай мове.

"Наша карціна дзіўна актуальная часу. Гэтая глыбокая гісторыя напоўнена трагедыяй, іроніяй, зараджэннем надзеі і дружбы ў самых неверагодных абставінах. Я асабліва шчаслівы магчымасці шырока паказаць наш фільм міжнароднай аўдыторыі", - так адклікаецца аб карціне яе рэжысёр Вадзім Перэльман.

93 цырымонія ўручэння прэмій Амерыканскай кінаакадэміі пройдзе 25 красавіка 2021 года.

35
Тэги:
Беларусь, Оскар (прэмія)