Карціна мастака Хаіма Суціна Кляштар ордэна капуцынаў у Серэ

Навошта Хаім Суцін маляваў свае карціны голым

74
(абноўлена 14:02 13.01.2017)
У гэты дзень непадалёк ад Мінску нарадзіўся выбітны прадстаўнік "Парыжскай школы" мастак Хаім Суцін.

Хаім Суцін нарадзіўся 13 студзеня 1893 года ў мястэчку Смілавічы, пад Мінскам, у шматдзетнай сям'і габрэйскага краўца.

Вучыўся ў Мінску на фатографа. Пазней паступіў у Рысавальную школу Я. Кругера, а потым і ў Віленскую школу малявання.

Рэлігійныя бацькі негатыўна ставіліся да захаплення сына жывапісам.

У 1913 годзе ён выехаў у Францыю, каб рэалізаваць сваю мару. Як і многія іншыя габрэі, якія прыязджалі ў Францыю з Усходняй Еўропы, Суцін знайшоў прыстанішча ў "Вуллі" — камуне для мастакоў з усяго свету. Там ён працаваў разам з Маркам Шагалам, Мадзільяні і Жакам Ліпшыцам.

Суцін спрабаваў праявіць свой талент па ўсіх напрамках: кубізм, футурызм, дадаізм і сюррэалізм. Адным з галоўных матываў яго творчасці стала адчуванне жыцця як пастаяннай душэўнай болі і ўменне спачуваць.
Пры гэтым у сваёй творчасці звяртаўся толькі да традыцыйнай трыядзе: нацюрморт, пейзаж і партрэт.

Цікавыя факты пра Хаіма Суціна:

  • Сябраваў з Міхаілам Кікоінам
  • Бацькі мастака ў 1941 годзе загінулі ў Смілавіцкім гета
  • Карціна Суціна "Ева" (прадажная цана 1.805.000 долараў), прызнана "самай дарагой карцінай у Беларусі"
  • На пахаванні Суціна прысутнічалі арыстакратка Мары Оранж, мастак Пабла Пікаса, пісьменнік Жан Както і паэт Макс Жакоб.
  • Маляваў свае карціны голым

Аб тым, што Суцін маляваў голым, стала вядома з мемуараў скульптара Восіпа Цадкіна, які жыў разам з Суціным у Манпарнасе. Цадкін узгадваў, што аднойчы вырашыў пазнаёміць Суціна з Мадыльяні, і калі мастакі зайшлі да Хаіма, то ён стаяў зусім голы перад палатном і зачаравана глядзеў на яго, а потым зрабіў некалькі мазкоў. Мадыльяні быў уражаны.

"Табе патрэбна дзяўчына, Хаім, інакш ты прападзеш!" — сказаў італьянец. Суцін рабіў шмат дзіўных рэчаў, але тут дзівацтва не было. Голым Хаім маляваў для таго, как не запэцкаць адзенне. Вольных грошаў на адзенне ў яго не было.

Памёр Суцін у 1943 годзе ў Парыжы пасля працяглай хваробы. Яму была зроблена аперацыя на страўніку, але пачаўся перытаніт і мастак сышоў у пакутах.

Творы мастака прадстаўлены ў найбуйнейшых музейных зборах Еўропы і ЗША. У 1997 г. Эрмітаж (Санкт-Пецярбург) набыў "Аўтапартрэт" Суціна. На радзіме мастака, у Смілавічах, у памяшканні Дома дзіцячай творчасці ў 2008 г. адкрылася экспазіцыя "Прастора Хаіма Суціна" (на сродкі, выдаткаваныя Парыжскім бюро ЮНЕСКА). У Парыжы, недалёка ад вакзала Манпарнас, Суціну ўсталяваны бронзавы помнік скульптара А. Блатаса.

74
Тэги:
Выяўленчае мастацтва, Жыццё знакамітых людзей, Гісторыя, Хаім Суцін, Беларусь
По теме
Карціны Шагала на кончыках пальцаў: выстава для дзяцей са слабым зрокам
Далі і Пікаса вачыма беларускіх мастакоў
Дзяржаўны акадэмічны ансамбль танца Беларусі на адкрыцці XXVII Міжнароднага фестывалю мастацтваў Славянскі базар у Віцебску

Усё будзе выдатна: Мінкульт аб "Славянскім базары"

8
(абноўлена 14:12 14.06.2021)
Некаторыя выканаўцы адмовіліся ўдзельнічаць у юбілейным фестывалі "Славянскі базар" у Віцебску з-за псіхалагічнага ціску на іх у сацсетках па палітычных матывах.

МІНСК, 14 чэр -Sputnik. Адмова некалькіх артыстаў ад удзелу ў "Славянскім базары" ў Віцебску істотна не паўплывае на правядзенне традыцыйнага свята, пра гэта заявіў міністр культуры Беларусі Анатоль Маркевіч у эфіры СТБ.

Ён адзначыў, што яны прынялі такое рашэнне з-за эмацыйнага ціску ў сацсетках, выкліканага палітычнымі матывамі.

Міністр лічыць, што "тут ніякай трагедыі няма".

"Адмовіліся літаральна лічаныя артысты. Яны ніякага надвор'я не зрабілі ў адносінах да фестывалю ў дрэнным сэнсе слова", - дадаў ён.

Маркевіч упэўнены, што юбілейны, 30-ы фестываль адбудзецца і будзе яркім. На яго думку, гэты музычны форум "мацнее з году ў год дзякуючы гледачам, якія наведваюць яго".

Ён дадаў, што на ўдзел у свяце паступілі заяўкі больш чым з 30 краін.

"Гэта яскравае пацверджанне таму, што ніякія знешнія сілы нам абсалютна не страшныя. Усё будзе выдатна", - падкрэсліў кіраўнік ведамства.

Нагадаем, што Міжнародны фестываль мастацтваў "Славянскі базар", падчас якога праходзяць конкурсы эстрадных выканаўцаў, запланаваны на 14-19 ліпеня.

Пасля апублікавання афішы канцэртаў шэраг артыстаў атрымалі ў сваіх акаўнтах у сацсетках звароты з заклікамі не прымаць удзел у мерапрыемстве з-за палітычнага становішча ў рэспубліцы. Некаторыя з іх адмовіліся ад сваіх выступленняў.

Чытайце таксама:

8
Тэги:
сацсеткі, артыст, Славянскі базар у Віцебску, Міністэрства культуры РБ

У Кітаі робатаў навучылі іграць на музычных інструментах - відэа

14
(абноўлена 18:47 12.06.2021)
У выніку атрымаўся сапраўдны аркестр, які назвалі MOJA. Робаты ўжо правялі некалькі выступленняў на аніміраванай сцэне - глядзіце відэа.

Тэхнікі калібруюць і настройваюць інструменты для робатаў, якія затым ужо выступаюць на сцэне. У наборы ў робамузыкантаў - бамбукавая флейта, кітайская арфа, пайгу, а таксама барабаны.

Стварылі такі незвычайны музычны калектыў студэнты і выкладчыкі пекінскага Універсітэта Цінхуа. Як яны кажуць, каб паказаць сувязь паміж гісторыяй і тэхналогіямі. Аказваецца, гэта цалкам спалучальна.

У мінулым аркестр робатаў разам са студэнтамі ўніверсітэта ставіў спектаклі ва ўніверсітэце. І гэта таксама мела вялікі поспех.

Глядзіце таксама:

14
Тэги:
сцэна, выступленне, аркестр, відэа, музычны інструмент, робат, Кітай

У Маскве ўвялі абмежаванні з-за пагаршэння сітуацыі з COVID-19 відэа

0
(абноўлена 14:50 14.06.2021)
Да 20 чэрвеня ў сталіцы Расіі прыпынілі працу заапаркі, фудкорты і дзіцячыя гульнявыя пакоі. Рэстараны, кафэ, бары і клубы не будуць абслугоўваць гасцей у начны час з 23:00 да 06:00. Глядзіце на відэа, як каронавірус адабраў забавы ў масквічоў.

У расійскай сталіцы з 13 па 20 чэрвеня ўведзены дадатковыя абмежаванні ў сувязі з пагаршэннем эпідэміялагічнай сітуацыі. Пра гэта мэр Масквы Сяргей Сабянін абвясціў у суботу.

Згодна з пастановай, работа заапаркаў, фудкорты ў гандлёвых цэнтрах, а таксама дзіцячых гульнявых пакояў будзе прыпыненая.

На кадрах закрыты Маскоўскі заапарк, непрацуючыя атракцыёны ў Цэнтральным парку культуры і адпачынку імя Горкага, а таксама агароджаныя тэрыторыі кафэ і рэстаранаў унутры будынка Цэнтральнага рынку.

Маскоўскія рэстараны, кафэ, бары і клубы спынілі абслугоўванне наведвальнікаў у начны час з 23:00 да 06:00. На кадрах, знятых увечары 13 чэрвеня, натоўпы жыхароў і гасцей сталіцы стаяць каля закрытых устаноў на Патрыяршых сажалках.

Яраслаўль
© Sputnik / Алексей Куденко

На працягу пазначанага перыяду арганізацыям грамадскага харчавання дазваляецца абслугоўваць наведвальнікаў навынас. Названыя абмежаванні распаўсюджваюцца і на іншыя забаўляльныя ўстановы: караоке, боўлінг і дыскатэкі.

Акрамя таго, Сабянін падпісаў указ аб працягу непрацоўных дзён у перыяд з 15 па 19 чэрвеня з захаваннем заработнай платы. Таксама працадаўцам рэкамендавана перавесці не менш за траціну супрацоўнікаў на аддалены рэжым працы.

Паводле дадзеных аператыўнага штаба, на 13 чэрвеня ў Маскве за суткі выявілі 7 704 новыя выпадкі заражэння COVID-19, што з'яўляецца максімумам з 14 студзеня бягучага года.

Глядзіце таксама:

0
Тэги:
Рэстараны, заапарк, Расія, сталіца, відэа, COVID-19, абмежаванне, Масква
Тэмы:
Каронавірус COVID-19