Мінскі праспект Незалежнасці можа стаць спадчынай ЮНЕСКА

© Sputnik / Ася Паплаўская"Куфэрак падарожжаў" з Антонам Астаповічам
Куфэрак падарожжаў з Антонам Астаповічам - Sputnik Беларусь
Падпісацца
Інтрыга са спісам ЮНЕСКА, пра якую гаварылі беларускія дыпламаты напярэдадні, была раскрытая ў пятніцу на пасяджэнні Нацыянальнай камісіі.

МІНСК, 10 лют — Sputnik. Мінскі праспект Незалежнасці можа быць унесены ў спіс спадчыны ЮНЕСКА, паведамілі ў пятніцу ў Міністэрстве замежных спраў Беларусі.

10 лютага ў МЗС прайшло чарговае пасяджэнне Нацыянальнай камісіі па справах ЮНЕСКА пад старшынствам міністра Уладзіміра Макея. Камісія прапанавала ўключыць у папярэдні беларускі Спіс сусветнай спадчыны яшчэ адзін аб'ект.

"Нацыянальная камісія па справах ЮНЕСКА падтрымала МЗС і ўнесла ў папярэдні беларускі Спіс сусветнай спадчыны ансамбль праспекта Незалежнасці", — распавялі ў МЗС.

Суразмоўцы агенцтва адзначылі, што аб'ект будзе ўключаны ў намінацыю "Пасляваенная сацыялістычная архітэктура краін Усходняй і Цэнтральнай Еўропы".

Будзе таксама прадоўжана работа па беларускім намінацыйным дасье "Будслаўскі фэст", "Культура дуды", у больш далёкай перспектыве — "Лясное бортніцтва".

Члены камісіі таксама абмеркавалі абранне Беларусі ў Выканаўчы камітэт ЮНЕСКА на 2018-2021 гады.

Возера Нарач - Sputnik Беларусь
Лукашэнка расказаў, што глядзець турыстам у Беларусі

Ансамбль праспекта Незалежнасці — помнік сталінскай архітэктуры. На наданні асаблівага значэння гэтаму архітэктурнаму ансамблю настойваў шэраг беларускіх архітэктараў. Галоўнае ў мінскай архітэктуры тое, што праз архітэктуру можна прасачыць, якія падзеі адбываліся ў краіне, як мяняліся ментальныя канструкты людзей, і усё гэта адлюстравалася ў архітэктуры. Кампазіцыйная цэласнасць цэнтра Мінска, якасць і багацце дэкору яго будынкаў робіць з яго сапраўдны помнік горадабудаўніцтва савецкай эпохі.

У цяперашні час у гэты спіс уключаныя чатыры аб'екты — Белавежская пушча, Мірскі замак, Нясвіжскі палацава-паркавы комплекс, Геадэзічная дуга Струвэ. Нематэрыяльная спадчына прадстаўлена пакуль што адным элементам у Спісе спадчыны, якая патрабуе тэрміновай аховы. Гэта абрад "Цары".

Стужка навiн
0