Шоумэн Вадзім Галыгін і ўдзельніца шоу Ты супер! Насця Краўчэня

Вадзім Галыгін распавёў удзельніцы "Ты супер!" як выйграць конкурс

9
(абноўлена 15:08 23.03.2017)
Вядомы шоумэн падарыў нярвуючайся перад выступам юнай выканаўцы кветкі і пагаварыў з ёй на беларускай мове.

МІНСК, 23 сак — Sputnik. 25 сакавіка гледачы тэлеканала НТБ пазнаёмяцца з новымі канкурсантамі міжнароднага вакальнага конкурсу "Ты супер!", падтрымаць 16-гадовую Насту Краўчэню з Рэспублікі Беларусь прыехаў яе суайчыннік, шоумэн Вадзім Галыгін.

Дзяўчынка вельмі нервавалася перад выступам, таму што больш за год не спявала. Вымушаны перапынак здарыўся пасля таго, як у Насці не стала бабулі — адзінага роднага для яе чалавека. Галыгін падарыў Насце букет кветак і ў сваёй лёгкай нязмушанай манеры камедыйны акцёр прымусіў канкурсантку ўсміхнуцца.

"Выдатна, што ты спявала на беларускай мове. Гэта такая ж пявучая, глыбокая і старажытная мова, як санскрыт!" — сказаў Галыгін.

Ведаючы, што нямногія ў зале разумеюць па-беларуску, Галыгін сказаў дзяўчыне шчырыя пажаданні на роднай мове, якія прызначаны толькі ёй, а таксама падказаў, як выйграць музычны конкурс.

Раней Насця Краўчэня разам з яшчэ адным удзельнікам шоу "Ты супер!" Уладам Ласкутовым з Казахстана пабывалі ў гасцях у Sputnik, дзе паспрабавалі сябе ў якасці радыёвядучых.

Аб падрабязнасцях гэтай сустрэчы гледачы даведаюцца ўжо ў суботу, 25 сакавіка, у 20:00 на тэлеканале НТБ i з прамой трансляцыі на сайтах Sputnik. Праект "Ты супер!" тэлеканала НТБ i міжнароднага інфармацыйнага агенцтва і радыё Sputnik дае шанец таленавітым дзецям, якія засталіся без апекі бацькоў, з Расіі, Абхазіі, Азербайджана, Арменіі, Беларусі, Грузіі, Казахстана, Кыргызстана, Малдовы, Украіны, Эстоніі і Паўднёвай Асеціі заявіць пра сябе.

Ад Беларусі ў конкурсе прымаюць удзел Дар'я Чарнова з Мінска і Анастасія Краўчэня з Калінкавічаў. Дар'я Чарнова ўжо выступіла ў конкурсе — яе выступ можна ўбачыць па спасылцы.

9
Тэги:
дзеці, конкурс, Музыка, "Ты супер", Вадзім Галыгін, Масква
По теме
Конкурс НТБ і Sputnik "Ты - супер!"
Каментары