Валянцін Елізар'еў на рэпетыцыі

Рэпартаж з сучаснага: як нараджаецца балет

20
(абноўлена 11:21 29.03.2017)
У Мінску 30 сакавіка адкрыецца фотавыстава, якая расказвае пра вядомага харэографа ў нязвыклай іпастасі - некалькі месяцаў малады фатограф здымаў рэпетыцыі маэстра з яго вучнямі.

МІНСК, 29 сак — Sputnik. Заўтра ў Мінску ў галерэі "Універсітэт культуры" адкрыецца выстава "Валянцін Елізар'еў: рэпартаж з цяперашняга часу". Гледачы змогуць убачыць "закадравае" жыццё балета — як праходзяць рэпетыцыі вядомага харэографа, яго працу са студэнтамі ў рэпетыцыйных залах Музычнага тэатра Беларусі.

"Я лічу, што кожны павінен пакінуць пасля сябе вучняў. І гэта не павінна быць копія цябе. Важна развіць іх здольнасці — у гэтым галоўная задача настаўніка. Задача педагога — навучыць іх убачыць нешта сваё ў матэрыяле і паказаць гэта", — распавёў харэограф у мультымедыйным прэс-цэнтры Sputnik.

Аўтар фатаграфій — студэнт адной з мінскіх ВНУ, малады фатограф Мікіта Фядосік.

"Ідэя праекта з'явілася спантанна. Мікіту пашчасціла трапіць на рэпетыцыю Валянціна Мікалаевіча, паназіраць, як маэстра працуе з вучнямі. Узнікла ідэя захаваць гэтую імгненную жэсту педагога. Бо мы ўсе ведаем Елізар'ева як харэографа, а тут ён у новай іпастасі — настаўніка", — распавяла куратар выставы Кацярына Саладуха.

Малады фатограф прызнаўся, што балет зацікавіў яго, калі ён аднойчы ўбачыў пастаноўку "Спартак", а калі падгарнуўся выпадак папрысутнічаць на занятках Елізар'ева, ён ім з задавальненнем скарыстаўся.

"Я зразумеў, што хачу распавесці сваім аднагодкам пра гэтага чалавека, пра мастацтва балета. Я хацеў бы, каб яны паспелі ўбачыць тыя яго спектаклі, якія ідуць у Вялікім тэатры, а тыя, якія ўжо не ідуць — паглядзець у інтэрнэце", — распавёў Мікіта.

Во время репетиции наблюдать за хореографом бывает значительно интересней, чем за артистами баета
© Photo : Никита Федосик
Падчас рэпетыцыі назіраць за харэографам бывае значна цікавей, чым за артыстамі балета

Ён хадзіў да Елізар'ева на заняткі некалькі месяцаў. З тысячы знятых кадраў для выставы было абрана 54. Адбіралі вельмі прыдзірліва, у гэтым Мікіту дапамагаў яго дзед Саша Варламаў.

"Гэта першая выстава ў жыцці Мікіты і першая фотавыстава для мяне", — прызнаўся на прэзентацыі ў МПЦ Sputnik Елізар'еў.

Ён дадаў, што першыя дні, калі малады чалавек стаў хадзіць на рэпетыцыі, ён моцна раздражняў: "Потым я да яго прывык, а цяпер яго як быццам не хапае на занятках". Па словах Елізар'ева, яго падкупіла шчырасць і цікаўнасць маладога фатографа.

"Хацелася паказаць яму свет балета — той свет, які ён не бачыў ніколі, які нябачны і для гледача. Мікіта апынуўся вельмі ўспрымальным — па-мойму, у выставе ёсць нешта зачаравальнае", — распавёў Елізар'еў.

Гэтая выстава — адно з першых мерапрыемстваў напярэдадні юбілею Валянціна Елізар'ева. Сваё 70-годдзе харэограф адзначыць у канцы кастрычніка на сцэне Вялікага тэатра оперы і балета Беларусі двума аўтарскімі пастаноўкамі — новай рэдакцыяй легендарнага "Спартака" і гала-канцэртам зорак сусветнага балета.

Выстава будзе доўжыцца да 13 красавіка, уваход на яе бясплатны.

20
Тэги:
Балет, Жыццё знакамітых людзей, Валянцін Елізар'еў, Мінск
Пасол Дзмітрый Мезенцаў на адкрыцці выставы

Пасол РФ: чым далей Перамога, тым складаней усведамляецца маштаб подзвігу

18
(абноўлена 17:25 27.11.2020)
У беларускай сталіцы адкрылася выстава легендарнага савецкага фотакарэспандэнта Яўгена Халдзея.

МІНСК, 27 ліс - Sputnik. Стварэнне ў Мінску Музея гісторыі Вялікай Айчыннай вайны ў 1944 годзе сведчыць аб тым, што ніхто ў перамозе не сумняваўся, сказаў пасол РФ Дзмітрый Мезенцаў, перадае карэспандэнт Sputnik.

У пятніцу ў Мінску адкрылася выстава, прысвечаная фотаработам савецкага карэспандэнта Яўгена Халдзея. Вядомы фотамайстар праславіўся дзякуючы сваім рэпартажам з франтоў Вялікай Айчыннай. Менавіта яго аўтарству належыць фота з чырвоным сцягам, устаноўленым над Рэйхстагам.

Посол Дмитрий Мезенцев на открытии выставки
© Sputnik / Виктор Толочко
Пасол Дзмітрый Мезенцаў на адкрыцці выставы

Па словах кіраўніка расійскай дыпмісіі да Перамогі ў Расіі, Беларусі і краінах Садружнасці ставяцца з асаблівым хваляваннем.

"Чым далей Перамога, тым складаней усведамляецца маштаб зробленага салдатам, савецкім народам подзвігу", - сказаў Мезенцаў.

Расійскі дыпламат адзначыў, што "зірнуўшы на фатаграфіі Яўгена Халдзея здзіўляе падзейны шэраг унікальнага фотамайстра".

Пры гэтым ён звярнуў увагу, што бягучы год асаблівы ў адносінах Беларусі і Расіі, калі мы пераасэнсоўваем іх гісторыю і значэнне.

"Калі мы знаходзім мужнасць і мудрасць за кефірнымі і мяснымі спрэчкамі, якіх на шчасце становіцца ўсё менш. Я ўпэўнены, што іх будзе так мала, што мы забудзем пра гэта", - падкрэсліў Дзмітрый Мезенцаў.

Пасля чаго дадаў, што "сёння ўзіраючыся ў фатаграфіі Яўгена Халдзея, мы не можам вылучыць, дзе этнічны беларус, дзе рускі, украінец, паляк, яўрэй, азербайджанец, эстонец. І мы не павінны гэтага рабіць, таму што Перамога адзіная - Перамога ўсяго народа, а памяць пра яе непадзельная ў тым ліку дзяржаўнымі межамі і тымі, хто хоча забыцца. А хочуць забыцца тыя, каму сорамна за подласць сваіх продкаў".

Майстар і мастак

У сваю чаргу намеснік міністра культуры РФ Мікалай Аўсіенка заявіў, што для яго вялікі гонар прадстаўляць у Мінску выставу сусветна вядомага майстра Яўгена Халдзея.

На октрытии выставки в музее
© Sputnik / Виктор Толочко
На адкрыцці выставы ў музеі

"Калі б ён жыў сёння, яго б называлі фотамастаком, таму што яго погляд - гэта не рэпарцёр, гэта мастак. Кожная яго фатаграфія - гэта карціна: ёсць свая драматургія, ёсць дзіўная пабудова. Так і хочацца сказаць, што гэта карціна", - асабліва адзначыў намеснік міністра культуры.

Мікалай Аўсіенка шчыра прызнаўся, што немагчыма зразумець, як гэта атрымлівалася ў Яўгена Халдзея.

"Яўген Ананьевіч пражыў 80 гадоў, з якіх 67 гадоў ён прысвяціў фатаграфіі, пачынаючы са свайго самаробнага фотаапарата і заканчваючы вядомай лейкай. Ён прайшоў усімі франтавымі дарогамі. І не толькі сваім сучаснікам, але і нашчадкам даў ўгледзецца ў гэтыя твары", - падкрэсліў прадстаўнік Мінкульта Расіі.

"Выстава дае нам эфект прысутнасці і драматургічна дакладна пабудавана ад першых хвілін вайны 22 чэрвеня 1941 года і да парада Перамогі. Гэта наша з вамі агульная гісторыя", - падсумаваў ён.

18
Тэги:
Вялікая Айчынная вайна (1941-1945), Дзмітрый Мезенцаў
Партрэт Уладзіміра Караткевіча ў музеі ў Оршы

Дзень нараджэння Караткевіча: 6 кніг, якія павінен прачытаць кожны

573
(абноўлена 14:39 25.11.2020)
Імя Уладзіміра Караткевіча звязана не толькі з літаратурай, але і гісторыяй Беларусі, якая знайшла сваё адлюстраванне ў яго творах.

Самы рамантычны беларускі пісьменнік і паэт нарадзіўся 26 лістапада 1930 года ў Оршы. Адукацыю ён атрымаў у Кіеўскім універсітэце і на Вышэйшых літаратурных курсах у Маскве.

Творчасць Уладзіміра Караткевіча прсякнута духам рамантызма і любоўю да беларускай гісторыі. Сярод найбольш вядомых яго твораў "Каласы пад сярпом тваім", "Чорны замак Альшанскі", дзікае паляванне караля Стаха" і "Ладдзя роспачы".

Галоўная заслуга Караткевіча ў тым, што ён падняў у сваіх творах шырокія пласты нацыянальнай гісторыі.

У дзень нараджэння Уладзіміра Караткевіча Sputnik абраў шэсць кніг, якія павінен прачытаць кожны чалавек.

Чытайце таксама: 

573
Тэги:
Жыццё знакамітых людзей, Уладзімір Караткевіч, Орша Віцебскай вобласці, Беларусь
Тэмы:
Беларуская літаратура
Паэт Якуб Колас - Народны паэт Беларускай ССР

Тэст: ці пазнаеце вы беларускіх паэтаў і пісьменнікаў па вачах?

345
(абноўлена 16:49 27.11.2020)
Кажуць, што вочы - люстэрка душы. Прайдзіце тэст і даведайцеся, наколькі добра ведаеце вы беларускіх літаратараў у твар.

Упэўненыя, што беларускую літаратуру вы ведаеце добра, а вось ці пазнаеце вы аўтараў родных твораў па іх позірках? Sputnik прапануе ўважліва зазірнуць у вочы знакамітых літаратурных дзеячаў Беларусі і паспрабаваць успомніць, хто намаляваны на фотаздымку. 

Чытайце таксама:

345
Тэги:
тэст, Беларуская літаратура