Мантаж экспазіцыі Час і творчасць Льва Бакста, архіўнае фота

У Санкт-Пецярбургу прадставяць выставу "Увесь Бакст"

27
Больш за 50 малюнкаў Бакста, выстаўленыя разам з сапраўднымі сцэнічнымі касцюмамі, якія былі пашытыя ў самым пачатку ХХ стагоддзя, з'яўляюцца сапраўднымі рарытэтамі.

МІНСК, 27 кра — Sputnik. Санкт-Пецярбургскі музей тэатральнага і музычнага мастацтва прадставіць выставу "Увесь Бакст". Больш за 50 малюнкаў мастака, падмацаваныя сцэнічнымі касцюмамі і яго эскізамі, рарытэтнымі фотаздымкамі, паштоўкамі і фарфоравай пластыкай, будуць прадстаўлены ў экспазіцыі. Вернісаж адбудзецца 27 красавіка. Для шырокай публікі выстава будзе адкрыта з 29 красавіка па 20 жніўня. Пра гэта паведамляе РІА "Новости".

Жывапісец, партрэтыст, тэатральны мастак, майстар кніжнай ілюстрацыі, дызайнер інтэр'ераў, стваральнік высокай моды 1910-х гадоў Леў Бакст, вядомы на Захадзе як Леон Бакст, нарадзіўся ў 1866 годзе ў Гродне ў яўрэйскай сям'і, жыў і працаваў у Пецярбургу і Парыжы, быў удзельнікам аб'яднання "Свет мастацтва", знакаміты, перш за ўсё, сваімі тэатральнымі праектамі для "Рускіх сезонаў" Сяргея Дзягілева.

Тэатральныя эскізы

"Назва нашай выставы можа здавацца смелай, але яна цалкам апраўдана. Наш збор — адна з самых буйных калекцый, якая дазваляе паўнавартасна прадставіць творчы шлях знакамітага мастака толькі па ўласных матэрыялах. Мы захоўваем дзясяткі тэатральных эскізаў Бакста, ад самых першых — да спектакля "Сэрца маркізы" 1902 года — да позніх — "Спячая прынцэса" 1921 года", — сказала куратар выставы Алена Грушвіцкая.

Па словах куратара, музей валодае сапраўднымі сцэнічнымі касцюмамі, пашытымі па эскізах мастака, аўтэнтычнымі макетамі дэкарацый, рэдкімі фотаздымкамі.

Эскиз костюма Бакста - картина из коллекции Белгазпромбанка
© Sputnik / Виктор Толочко
Эскіз касцюма Бакста

Музейныя прэм'еры

Музейнай "прэм'ерай" стануць эскізы касцюмаў да балета "Сэрца маркізы". Гэта самая ранняя праца Бакста, выкананая для Эрмітажнага тэатра ў 1902 годзе. У Пецярбургу яны выстаўляюцца ўпершыню. На выставе можна будзе ўбачыць легендарную серыю паштовак, якая была выпушчаная для прайшоўшага з трыумфам балета "Фея лялек". Таксама будзе прадстаўлены сапраўдны сцэнічны касцюм адной з лялек — лялькі-японкі. Дзіўна захаваўся найтанчэйшы шоўк, распісаны рукой Бакста.

Папулярнасць спектакляў, аформленых Бакстам, была настолькі вялікая, што вымушала іншых мастакоў увасабляць яго вобразы ў сваёй творчасці. Такая серыя парцалянавых статуэтак, выпушчаных у 1912 годзе Мэйсэнскай мануфактурай пасля прэм'еры балета "Карнавал". На выставе будзе прадстаўлена некалькі прадметаў з гэтага цыклу, а таксама фігурка балерыны Тамары Красавінай, створаная на Дзяржаўным парцалянавым заводзе ў Петраградзе.

Купальщики на Лидо. Венеция Бакста - из коллекции Белгазпромбанка
© Sputnik / Виктор Толочко
"Купальшчыкі на Лідо. Венецыя" пэндзля Бакста

"Нарцыс" і "Сіні бог"

Асобнай увагі заслугоўваюць знакамітыя эскізы касцюмаў да балета "Нарцыс". Ніводная выстава, прысвечаная "Рускім сезонам", не абыходзіцца без гэтых вытанчаных малюнкаў, якія дэманструюць касцюмы ў віхуры танца.

Некалькі гадоў таму фонды музея папоўніліся шэрагам шэдэўраў з калекцыі Лабанавых-Растоўскіх. На выставе наведвальнікі ўбачаць эскіз касцюма Клеапатры для Іды Рубінштэйн (балет Міхаіла Фокіна "Сіні бог"), а таксама серыю малюнкаў да апошняй працы Дзягілева "Спячая прынцэса" па матывах балета Чайкоўскага "Спячая прыгажуня".

Картина Льва Бакста Девочка в розовом.
Карціна Льва Бакста "Дзяўчынка ў ружовым"

Больш за 50 малюнкаў, выстаўленыя разам з сапраўднымі сцэнічнымі касцюмамі, якія былі пашытыя ў самым пачатку ХХ стагоддзя, з'яўляюцца сапраўднымі рарытэтамі.

27
Тэги:
выстава, мастакі, Жыццё знакамітых людзей, Леон Бакст, Санкт-Пецярбург
Удзельнік Ты супер! 60+ Аляксей Іванавіч Хазееў

Пенсіянер з Гомеля: праект "Ты супер! 60+" выконвае дзіцячую мару

8
(абноўлена 20:24 14.05.2021)
На тэлеканале НТБ стартуе новы музычны праект "Ты супер! 60+". У шоў прымуць удзел таленавітыя людзі ва ўзросце ад 60 гадоў, якія засталіся без падтрымкі родных і блізкіх.

Сярод 45 канкурсантаў чацвёра - з Беларусі. Карэспандэнт Sputnik Марыя Навуменка пагутарыла з удзельнікам праекта з Гомеля 68-гадовым Аляксеем Іванавічам Хазеевым і даведалася, адкуль у яго ўзнікла любоў да музыкі.

Душой адчуў, што трэба спяваць

Аляксей Іванавіч на "Ты супер!" рэалізуе мару дзяцінства - праспяваць на вялікай сцэне.

"Я нарадзіўся ў невялікай вёсачцы ў Гомельскай вобласці. З дзяцінства з заміраннем сэрца слухаў музыку, вучыў папулярныя ў тыя гады песні Мусліма Магамаева, Мікалая Сліченкі. І, вядома ж, уяўляў, як я выступаю на сцэне, а побач грае аркестр", - прызнаецца ён.

Аляксей Іванавіч скончыў тэхнікум у Гомелі, пяць гадоў служыў на касмадроме Плесецк ў Архангельскай вобласці, а затым больш за 20 гадоў прапрацаваў на Гомсельмашы - займаўся выпускам збожжа- і кормаўборачных камбайнаў.

"Я ганаруся тым, што камбайны ў палях - гэта вынік маёй працы. А спяваў я заўсёды для сябе, на хатніх вячорках. Калісьці тэхнолаг ў цэху мне сказаў: "Не тут табе трэба працаваць, ты павінен быць на сцэне!", - успамінае Хазееў.

Вось і адправіўся Аляксей Іванавіч на сцэну, калі выйшаў на пенсію.

"Я душой адчуў, як быццам мне Бог сказаў: "Ідзі і спявай". І я прыйшоў у мясцовы хор і стаў там салістам", - распавядае суразмоўца Sputnik.

"Калі ў гледачоў гараць вочы - гэта так натхняе. Калі слухач атрымлівае задавальненне - гэта шчасце для артыста. Калі ў мяне гэта атрымаецца тут, на праекце, то я буду вельмі рады", - дадае ён.

На пытанне "Ці жадае перамогі ў конкурсе?" у Аляксея Іванавіча філасофскі адказ: "Які салдат не марыць стаць генералам, а як складзецца - час пакажа!".

Аб праекце "Ты супер! 60+"

Участник Ты супер! 60+ Алексей Иванович Хозеев
© Photo : PR НТВ
Удзельнік "Ты супер! 60+" Аляксей Іванавіч Хазееў

Адправіць заяўку на ўдзел у шоў мог любы чалавек, які пазбаўлены падтрымкі самых блізкіх сваякоў - дзяцей, унукаў, ва ўзросце ад 60 гадоў з Расіі і краін СНД. Кастынг праекта ўжо завершаны. У першым сезоне новага шоў возьмуць удзел 45 канкурсантаў: самаму маладому - 60 гадоў, а самаму сталаму - 87. Сярод іх - палкоўнік МУС у адстаўцы, урач-оталарынголаг, ткачыхі, хімікі, хатнія гаспадыні і прадстаўнікі іншых прафесій, а таксама прафесійныя музыкі, сярод якіх ёсць тыя, хто спяваў у хоры Марыінскага тэатра і тыя, хто скончыў кансерваторыю і РАМ ім.Гнесіных.

Правілы праекта простыя: у кожным выпуску на сцэну будуць выходзіць ўдзельнікі і выконваць кампазіцыі. У зону чакання пройдуць тыя, хто атрымае тры ці чатыры "так" ад членаў журы: калі ніхто з іх не націсне на зялёную кнопку або націсне ўсяго адзін, а таксама калі галасы падзеляцца 2/2, то удзельнік пакідае праект. У фінале кожнай праграмы журы назаве імёны тых, хто праходзіць далей. Конкурс будзе складацца з двух этапаў: адборачны тур і фінал.

Вядучымі праекта стануць Вадзім Такмянёў і Анастасія Пак. Імёны членаў журы будуць абвешчаныя пазней.

"Ты супер! 60+" будзе праводзіцца тэлеканалам НТБ сумесна з Міжнародным інфармацыйным агенцтвам і радыё Sputnik.

8
Тэги:
"Ты супер! 60+", праект, Гомель, Пенсіянеры
Дзяржаўны літаратурна-мемарыяльны музей Якуба Коласа

Што яднае Якуба Коласа і Амар Хайяма?

20
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове".

Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.  

У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.

Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.

Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.

Дзе: Дзяржаўны літаратурна-мемарыяльны музей Якуба Коласа

Калі: 18 траўня

20
Тэги:
музей, Якуб Колас