Студыя Міхалкова здыме фільм пра баскетбольны матч СССР-ЗША 1972

© Sputnik / Владимир Вяткин / Перайсці ў медыябанкБаскетбольны мяч
Баскетбольны мяч - Sputnik Беларусь
Падпісацца
Рэжысёрам выступіць Антон Мегердзічэў, пачатак здымак запланаваны на лета бягучага года.

МІНСК, 29 кра — Sputnik. Студыя "ТриТэ" Мікіты Міхалкова здыме фільм "Рух уверх" аб легендарным матчы Алімпіяды 1972 года ў Мюнхене, дзе зборная СССР па баскетболе атрымала перамогу над амерыканцамі, паведамляе РИА "Новости" са спасылкай на словы генеральнага дырэктара кінакампаніі "Студыя ТриТэ" Леаніда Верашчагіна.

Расійскі акцёр Даніла Казлоўскі - Sputnik Беларусь
Даніла Казлоўскі згуляе футбаліста ў фільме да ЧС-2018

На Гульнях-1972 зборная СССР у драматычнай канцоўцы фінальнага матчу супраць каманды ЗША атрымала перамогу з лікам 51:50. Амерыканцы, якія ў Мюнхене ўпершыню не здолелі стаць чэмпіёнамі Алімпійскіх гульняў па баскетболе, адмовіліся прызнаваць вынік матчу з-за спрэчнага судзейства, і не выйшлі на цырымонію ўзнагароджання.

"Спартыўныя перамогі не менш важныя, чым любыя іншыя. Гэта перамогі духа, краіны, народа. Выйгрыш нашых баскетбалістаў у фінале алімпійскага турніру ў Мюнхене ў 1972 годзе назаўжды змяніў спартыўную гісторыю", — сказаў Верашчагін.

Жанр карціны, са слоў прадзюсара, — вострасюжэтная спартыўная драма, а ў цэнтры сюжэту ляжыць чалавечая драма.

"І тут асабістая найглыбейшая драма трэнера Уладзіміра Кандрашына, які кінуў на алтар перамогі ўсё, што ў яго было, і ў канчатковым выніку стварыў лепшую баскетбольную каманду на планеце", — дадаў Верашчагін.

Рэжысёрам карціны выступіць Антон Мегердзічэў ("Метро", "Цёмны свет", "Бой з ценем-2: Рэванш"), з якім ужо заключаны кантракт. Сярод прэтэндэнтаў на галоўныя ролі — Уладзімір Машкоў, Сяргей Пускепаліс і іншыя. Як распавёў прадзюсер, стваральнікі фільма кансультуюцца з сваякамі спартсменаў, у прыватнасці, з сынам баскетбаліста Сяргея Бялова. Пачатак здымак запланавана на лета бягучага года.

Стужка навiн
0