Адкрыццё фан-зоны да Еўрабачання-2017 у Кіеве

"Еўрабачанне-2017": скандалы, фаварыты і #МоваЕдзе

38
(абноўлена 13:51 03.05.2017)
Тэлеконкурс 2017 года запомніцца дзвюма рэчамі: самымі гучнымі скандаламі і тым, што ўпершыню на "Еўрабачанні" прагучыць беларуская мова.

Асноўнымі датамі правядзення конкурсу песні "Еўрабачанне" сёлета сталі 9, 11 і 13 мая, але мерапрыемствы ў рамках шоу пачнуцца ўжо з 4 мая: у гэты дзень у Кіеве адкрыецца так званая Еўравёска. Цырымонія ж адкрыцця самога "Еўрабачання" пройдзе 7 мая.

Sputnik узгадаў усе цікавыя факты пра конкурс песні "Еўрабачанне" 2017-га — аб скандалах, песнях, фаварытах, удзеле Расіі і першай у гісторыі шоў кампазыцыі на беларускай мове.

Чаму "Еўрабачанне" пройдзе ў Кіеве?

Права правесці папулярны ў Еўропе конкурс краіна атрымала пасля перамогі ўкраінскай спявачкі Джамалы на "Еўрабачанні-2016" — яна абагнала па суме галасоў тэлегледачоў і членаў прафесійнага журы і аўстралійку Dami Im, і расіяніна Сяргея Лазарава.

У якім менавіта горадзе Украіна правядзе конкурс, доўга было невядома — тэлерадыёкампанія краіны праводзіла конкурс сярод гарадоў, а абвяшчэнне пераможцы адкладалі некалькі разоў. Сярод галоўных прэтэндэнтаў на правядзенне "Еўрабачання" значыліся горад Днепр, Львоў, Адэса і Кіеў.

Пасля доўгага адбору арганізатары назвалі ж такі сталіцу "Еўрабачання-2017" — Кіеў. У горадзе конкурс пройдзе ўжо ў другі раз: дзякуючы перамозе спявачкі Русланы ў 2004-м украінская сталіца прыняла шоу ў 2005-м.

Хто ўдзельнічае ў "Еўрабачанні-2017"?

Усяго ў конкурсе гэтага года прымуць удзел 42 краіны, у тым ліку і Беларусь. Першапачаткова да ўдзелу ў "Еўрабачанні" планаваліся 43 краіны, у выніку праз мяжу прапусцяць прадстаўнікоў толькі 42 дзяржаў. Чаму? Чытайце падрабязнасці ніжэй.

Да ўдзельнікаў леташняга конкурсу цяпер дададуцца Румынія і Партугалія. У трэці раз пазмагаецца за перамогу і Аўстралія — для краіны зрабілі выключэнне з правілаў арганізатары конкурсу.

Фаварытамі "Еўрабачання-2017" букмекеры называюць італьянца Франчэска Габані, які будзе ўдзельнічаць у конкурсе з песняй "Occidentali's Karma". У спісе лідэраў конкурсу гэтага года — балгарын Крысціян Костаў і швед Робін Бенгстан.

Апошні радок у рэйтынгу букмекераў займае спявачка з Сан-Марына Валянціна Манета — яна паедзе на "Еўрабачанне" ўжо ў чацвёрты раз, што з'яўляецца рэкордам для конкурсу.

Беларусь таксама ўдзельнічае ў "Еўрабачанні-2017"?

Рэспубліка прымае ўдзел у конкурсе песні "Еўрабачанне" з 2004 года. Не выключэннем стане і 2017 год. Беларусь прэзентуе на папулярным музычным форуме група NaviBand з песняй "Гісторыя майго жыцця". Дарэчы, беларуская мова ўпершыню будзе прадстаўлена на конкурсе, а каманда артыстаў запусціла ў сацыяльных сетках хэштэг #МоваЕдзе.

Ці маюць рабяты з NaviBand шанцы на выхад у фінал — пытанне складанае: букмекеры то прагназуюць трапленне Беларусі ў фінал "Еўрабачання", то перастаюць верыць у гэта. Фанаты гурта больш пазітыўныя: яны ўпэўненыя ў поспеху улюбёнцаў і чакаюць ад іх высокага выніку пасля галасавання.

Чаму ў "Еўрабачанні-2017" не ўдзельнічае Расія?

Падрыхтоўка да конкурсу "Еўрабачанне-2017" суправаджалася скандалам з-за адмовы дапусціць расійскую канкурсантку Юлію Самойлаву. Служба бяспекі Украіны на тры гады забараніла ёй уезд у краіну пасля выступленняў у Крыме, які Кіеў да гэтага часу лічыць сваёй тэрыторыяй.

Кіраўнік Еўрапейскага вяшчальнага саюза Інгрыд Дэлтэнрэ заявіла, што глыбока шкадуе аб тым, што "Еўрабачанне" выкарыстоўваюць для палітычных гульняў. "Конкурс павінен радаваць мільёны людзей і аб'ядноўваць іх разам, ён не для таго, каб ставіць іх адзін супраць аднаго", — заявіла Дэлтэнрэ.

За ўсю гісторыю конкурсу не было выпадку, каб якую-небудзь краіну не дапускалі да конкурсу. Еўрапейскі вяшчальны саюз (EBU) прапанаваў Расіі трансляваць выступ спявачкі праз спадарожнік або змяніць канкурсанта, на што Масква адказала адмовай. У выніку Еўрапейскі вяшчальны саюз заявіў, што Расія не будзе ўдзельнічаць у конкурсе, а Першы канал прыняў рашэнне адмовіцца ад трансляцыі "Еўрабачання-2017".

Дарэчы, падобны скандал мог распачацца і вакол армянскай удзельніцы "Еўрабачання" Арцвік — яе СБУ таксама западозрыла ў наведванні Крыма, аднак у выніку ў спіс неўязных так і не ўнесла.

Які парадак выступлення ўдзельнікаў конкурсу?

Згодна з вынікамі лёсавання, артысты выступяць на "Еўрабачанні-2017" пад наступнымі нумарамі:

Першы паўфінал "Еўрабачання":

1. Швецыя: Робін Бенгтсан — I can not Go On

2. Грузія: Тамара Гачэчыладзэ — Keep The Faith

3. Аўстралія: Ісая Фаербрэйс — Do not Come Easy

4. Албанія: Ліндзіта — World

5. Бельгія: Бланш — City Lights

6. Чарнагорыя: Слаўко Калезіч — Space

7. Фінляндыя: Норма Джон — Blackbird

8. Азербайджан: Дыяна Гаджыева — Skeletons

9. Партугалія: Сальвадор Сабраў — Amar Pelos Dois

10. Грэцыя: Демі — This is Love

11. Польшча: Кася Мось — "Ліхтарык"

12. Малдова: Sunstroke Project — Hey Mamma

13. Ісландыя: Свала — Paper

14. Чэхія: Марціна Барта — My Turn 1

15. Кіпр: Ховіг — Gravity

16. Арменія: Арцвік — Fly With Me

17. Славенія: Амар Набер — On My Way

18. Латвія: Triana Park — Line

Другі паўфінал "Еўрабачання":

1.Сербія: Ціяна Багічэвіч — In Too Deep

2. Аўстрыя: Натан Трэнт — Running On Air

3. Македонія: Яна Бурческа — Dance Alone

4. Мальта: Клаўдыя Фаніела — Breathlessly

5. Румынія: Ілінка і Алекс Флора — Yodel It!

6. Нідэрланды: OG3NE — Lights and Shadows

7. Венгрыя: Йоцы Папай — Origo

8. Данія: Аня Нісэн — Where I Am

9. Ірландыя: Брэндан Мюрэй — Dying to Try

10. Сан-Марына: Валянціна Манета і Джымі Уілсан — Spirit of the Night

11. Харватыя: Жак Худэк — My Friend

12. Нарвегія: JOWST — Grab The Moment

13. Швейцарыя: Timebelle — Apollo

14. Беларусь: NaviBand — Гісторыя майго жыцця

15. Балгарыя: Крысціян Костаў — Beautiful Mess

16. Літва: Fusedmarc — Rain Of Revolution

17. Эстонія: Койт Томэ і Лаура — Verona

18. Ізраіль: Імры Зів — I Feel Alive

Як і дзе можна глядзець канцэрты "Еўрабачання-2017"?

Першы паўфінал у рамках "Еўрабачання" пройдзе 9 мая, другі — 11 мая. У другім на сцэну выйдуць і беларускія музыкі NaviBand. За фіналам шоу можна будзе сачыць увечары 13 мая.

У беларусаў ёсць некалькі магчымасцяў сачыць за анлайн-трансляцыяй "Еўрабачання-2017". Так, прамы эфір шоу будзе даступны на афіцыйным сайце конкурсу Eurovision.tv. Акрамя таго, трансляцыю конкурсу правядуць беларускія тэлеканалы "Беларусь 1" і "Беларусь 24", на якіх каментаваць тое, што адбываецца будзе Яўген Перлін.

Sputnik таксама будзе сачыць за становішчам у Кіеве і ходам правядзення "Еўрабачання-2017" — сачыце за абнаўленнямі партала.

38
Тэги:
Конкурс, Naviband, Музыка, Еўрабачанне, Украіна, Беларусь
Тэмы:
Еўрабачанне-2017 (31)
По теме
Еўрабачанне-2017
Лагатып дзіцячага Еўрабачання-2020

Дзіцячае "Еўрабачанне": беларуска Арына Пехцерава стала пятай

17
(абноўлена 09:34 30.11.2020)
Юная выканаўца з Магілёва атрымала 73 балы ад журы і 57 - ад гледачоў, тры краіны аддалі нашай суайчынніцы па 12 балаў.

МІНСК, 30 ліс - Sputnik. Беларуска Арына Пехцерава стала пятай на дзіцячым "Еўрабачанні", фінал музычнага конкурсу прайшоў у нядзелю ў польскай Варшаве ў анлайн-фармаце.

12-гадовая Арына выступіла ў фінале з песняй "Прышэльцы". Разам з ёй удзельнічалі прадстаўніцы яшчэ 11 краін. Журы аддало магіляўчанцы 73 балы, гледачы - 57 балаў.

Па 12 балаў Беларусі аддалі Казахстан, Сербія і Польшча.

Па выніках пераможцай стала францужанка Валянціна Тронель. На другім месцы - удзельніца з Казахстана Каркат Башанава, трэцяя - іспанка Салея.
З-за пандэміі конкурс адбыўся ў анлайн-рэжыме. Усе нумары выконваліся ў студыі ў кожнай краіне-удзельніцы, каб засцерагчы дзяцей і іх каманды ад каронавіруса. Вядучыя "Еўрабачання" з Варшавы вяшчалі на сацыяльнай дыстанцыі адзін ад аднаго.

Самыя гучныя выступы Беларусі на дзіцячым "Еўрабачанні"

Краіна ўдзельнічае ў конкурсе з моманту яго з'яўлення. Першай Беларусь на дзіцячым "Еўрабачанні" прадставіла Вольга Сацюк з песняй "Танцуй". У 2003 годзе яна заняла чацвёртае месца.

Таленты з Беларусі двойчы займалі першыя месцы на знакамітым міжнародным конкурсе - у 2005-м (Ксенія Сітнік з кампазіцыяй "Мы разам) і 2007-м гадах (Аляксей Жыгалковіч - "З сябрамі").

Андрэй Кунец з песняй "Новы дзень" у 2006 годзе ўзяў срэбра "Еўрабачання". Трэцяе месца на конкурсе займалі Лідзія Заблоцкая ("Анёлы дабра", 2011) і Ілля Волкаў ("Спявай са мной", 2013 года).

17
Тэги:
Беларусь, Дзіцячае Еўрабачанне
Тэмы:
Дзіцячае Еўрабачанне - 2020

Куватка, падарожніца і пялянашка: якія бываюць лялькі-абярэгі

1415
(абноўлена 16:52 27.11.2020)
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
Лялькі-абярэгі займалі важную частку жыцця беларусаў, іх рабілі амаль да кожнай важнай падзеі. Разабрацца ў безлічы беларускіх народных лялек дапаможа фотстужка Sputnik.

Беларусы вельмі трапятліва ставіліся да вырабу лялек-абарэгаў. Для гэтага трэба было абраць пэўны час і нават пэўны настрой. Напрыклад, ляльку "на здароўе" трэба было рабіць на зыходзе месяца. Практычна ўсе астатнія выраблялі на маладзік і абавязкова ў думках пра тое, чаму павінна была паспрыяць лялька.

Забабоны і правілы

Наогул існавала вельмі шмат забабонаў наконт вырабу абярэгаў. Напрыклад, не выкарыстоўвалі ні нажніц, ні іголак — нічога вострага. Тканіну рвалі, а потым ці звязвалі, ці скручвалі. У залежнасці ад гэтага лялькі-абярэгі падзяляліся на "матанкі" і "сталбушкі".

Лялькі-абярэгі не маюць твару. Лічылася, што намаляваўшы твар, ты надаў ляльцы душу, і яна магла ўвабраць нядобрыя думкі чалавека, які нават выпадкова аказаўся побач з майстрыхай, а значыць не аберагаЛА бы, а наадварот, магла нашкодзіць. Акрамя таго лічылася, што калі маляваў твар, значыць займаўся чорнай магіяй.

Вельмі многія лялькі-абярэгі служылі менавіта ад сурокаў, дурнога вока, іх вешалі на самае бачнае месца ля ўваходу, каб зірнуўшы на ляльку, злы чалавек на ёй пакінуў сваю негатыўную энергію.

Ляльку рабілі на працягу аднаго дня, а дакладней за адзін прысест: сабраўся з пазітыўнымі думкамі, натрапіў на настрой і майструй.

Вельмі часта для абярэгаў выкарыстоўвалі тканіну з ужо ношаных сукенак. Лічылася выдатным, што дабро перайшло ў дабро. Адзіная ўмова — абавязкова, незалежна ад таго, які майструецца абярэг, каб прысутнічаў чырвоны колер. Няхай танюткая стужачка пад хусткай ці арнамент на спадніцы, але колер усіх славянскіх абярэгаў абавязкова павінен быць.

Суправаджалі ж лялькі-абярэгі чалавека ўсё жыццё ад самага нараджэння, ці нават раней, паколькі існуе і "Таўстушка" — абярэг цяжарных жанчын.

Жаніхоў прыводзілі, хваробы адводзілі

З дапамогай абярэгаў дзяўчаты шукалі сабе жаніха і чакалі выканання жаданняў, маці адганялі хваробы ад дзяцей, старэйшыя ў родзе жанчыны абаранялі дом ад нячыстай сілы і благога вока.

Дарэчы, пераважную большасць абярэгаў людзі майстравалі выключна для сябе, напрыклад, "Жаданніцу", "Дзесяціручку", ці для сваіх блізкіх, як абярэг "Доля". Некаторыя лялькі, калі яны выконвалі сваю функцыю, напрыклад "На здароўе", спальвалі, а такія, як "Берагіня роду", перадавалі з пакалення ў пакаленне.

А вось строгіх патрабаванняў наконт убрання лялек-абярэгаў няма, яны могуць быць апрануты выключна на густ майстрыхі, толькі, канечне, з выкарыстаннем чырвонага колеру. Галоўнае — гэта думкі, з якімі вырабляецца лялька.

1415
  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Крупенічка" і "Багач" спрыялі дастатку ў хаце і ставіліся ў чырвоным куце. Насыпалі ў вузельчыкі крупу ці зерне, якія вясной развязвалі і першым на ўчастак высявалі менавіта гэта зерне, каб мець добры ўраджай.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    Абярэг "На здароўе" робіцца з ільну. І чым меней жыла гэтая лялька – тым лепш. Так-так, бо калі яе майстравалі, загадвалі, каб яна забрала на сябе ўсю немач чалавека, а калі ён папраўляўся – ляльку спальвалі.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Берагіня роду" ахоўвала ўвесь род і ставілася ў хаце ў чырвоным куце. За поясам гэтая лялька мела мяшочкі з зернем і грошыкамі, каб усе члены роду жылі ў дастатку.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Дабрабытніца". Назва лялькі гаворыць сама за сябе – несці багацце, дабрабыт сям’і, у яе аснове заўсёды кладзецца манета.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Жаданніцу" нікому не паказвалі, захоўвалі ў сваім пакоі побач з люстэркам. Загадваючы пажаданні, яе ўпрыгожвалі чарговай стужкай, пацеркамі, кветачкамі.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Званочак" – вястун добрых вестак. Званочкі маглі быць як у руках лялькі, так і замест ножак.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Кубышка-траўніца" напаўнялася мятай, чаборам, ліпай, самымі рознымі травамі, у залежнасці ад захворвання. Яны спрыялі выздараўленню пры прастудзе, паколькі змагаліся з мікробамі, мацавалі сон, знімалі галаўны боль.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Куватка" ці "Спавітушка" клалася ў калыску малога ці вешалася над ёй, каб злыя духі, калі прыйдуць па душу немаўляці, пераблыталі і ўсяліліся ў ляльку.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "На ўдалае замужжа". Гэтая лялька мела самую даўгую шыю, паколькі яна рабілася з гальштукаў, кожны з якіх меў свой колер і адпавядаў рысам характару будучага мужа. Гальштукаў было не меней сямі, павязваючы іх, дзяўчаты прагаворвалі, якім павінен быць жаніх. Гэтая лялька была без рук, каб муж на руках насіў і ўсю работу рабіў. Калі дзяўчына выстаўляла ляльку на вакно, значыць была гатова да замужжа.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Неразлучкікаў" дарылі маладым на вяселле, каб яны заўжды былі разам, захоўвалі ў сям’і лад. Гэту ляльку-абярэг можна дарыць парам і на юбілейныя вяселлі.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Радасцея" – абярэг добрага настрою і радасці. Ручкі гэтай лялькі заўсёды глядзяць ўгару.

Тэги:
Народныя традыцыі, Лялькі

Вынікі конкурснага праекта Еўразійскага банка развіцця для барацьбы з COVID-19

0
У панядзелак, 30 лістапада, у 12:00 у мультымедыйным прэс-цэнтры Sputnik Беларусь у фармаце тэлемосту Масква - Ерэван - Мінск - Нур-Султан прайшла анлайн-прэс-канферэнцыя намесніка старшыні Праўлення ЕАБР Тыграна Саркісяна.

Тэма брыфінгу - вынікі, арганізаванага Фондам лічбавых ініцыятыў конкурсу на лепшыя лічбавыя рашэнні па супрацьдзеянні распаўсюджванню і пераадоленню негатыўных наступстваў пандэміі каронавіруснай інфекцыі COVID-19 на еўразійскай прасторы.

Конкурс стаў першай ініцыятывай створанага ў гэтым годзе Фонду, а пра яго старт было афіцыйна абвешчана на пачатку верасня менавіта на пляцоўцы інфармацыйнага агенцтва Sputnik.

Новы праект Фонду - "Падарожнічаю без COVID-19", абмеркаванне якога прайшло 9 кастрычніка на пасяджэнні Еўразійскай міжурадавага савета ў Ерэване ў рамках разгляду кіраўнікамі ўрадаў краін ЕАЭС пытання аб санітарна-эпідэміялагічнай сітуацыі і аднаўленні пасажырскіх зносін у Еўразійскім эканамічным саюзе.

"Конкурс выклікаў вялікую цікавасць на еўразійскай прасторы. Паступіла вялікая колькасць заявак (больш за 160), што патрабуе дадатковага часу на іх ацэнку. Пра вынікі конкурсу ЕАБР абавязкова шырока праінфармуе", - паведамілі ў прэс-службе банка.

0