Удзельнікі Еўрабачання-2017

Сталі вядомыя першыя фіналісты "Еўрабачання-2017"

22
(абноўлена 09:52 10.05.2017)
Відавочныя фаварыты першага паўфіналу "Еўрабачання-2017" - швед Робін Бенгстан (на фота), партугалец Сальвадор Сабрал і армянка Арцвік.

МІНСК, 10 мая — Sputnik. Вынікі першага паўфіналу "Еўрабачання-2017" сталі вядомыя ў Кіеве — па яго выніках у фінал папулярнага шоу праходзяць дзесяць выканаўцаў і груп.

Першы паўфінал "Еўрабачання-2017" пачаўся ў аўторак у 22:00 па мінскім часе. Акрамя 18 канкурсантаў, выступіў на ім і ўкраінскі выканаўца Monatik з англамоўнай версіяй песні "Кружыць". Таксама ў першым паўфінале двойчы выступіла пераможца мінулага "Еўрабачання" Джамала.

Па выніках галасавання тэлегледачоў і членаў прафесійнага журы, з першага паўфіналу далей прайшлі дзесяць артыстаў. У спісе фіналістаў — Робін Бенгстан (Швецыя), Арцвік (Арменія), Сальвадор Сабрал (Паргугалія), Дыяна Гаджыева (Азербайджан), Demy (Грэцыя), Ісая Фірбрэйс (Аўстралія), SunStroke Project (Малдова), Hovig (Кіпр), Кася Мос (Польшча) і Blanche (Бельгія).

Пры гэтым відавочнымі фаварытамі першага паўфіналу былі адразу тры артыста: швед Робін Бенгстан (на фота), партугалец Сальвадор Сабрал і армянка Арцвік. Хто ж атрымаў больш за ўсё балаў у першым паўфінале, стане вядома толькі пасля фіналу — пасля абвяшчэння пераможцы "Еўрабачання" арганізатары назавуць і вынікі па паўфіналам.

За перамогу ў фінале, як чакаецца, сур'ёзная барацьба разгарыцца паміж партугальцам Сабралам, шведам Бенгстанам і італьянцам Франчэска Габані.

Беларускія ўдзельнікі NaviBand выступяць у другім паўфінале "Еўрабачання" 11 мая і таксама будуць змагацца за права выйсці ў фінал конкурсу. У другім паўфінале разам з Беларуссю павінна была ўдзельнічаць і расійская канкурсантка Юлія Самойлава, аднак СБУ забараніла ёй ўезд на тэрыторыю Украіны за наведванне Крыма. Еўрапейскі вяшчальны саюз спрабаваў урэгуляваць гэтае пытанне і называў падобныя крокі ўкраінскіх уладаў абуральнымі, аднак у Кіеве настаялі на сваім. У выніку расійскі "Першы канал" адмовіўся ад удзелу ў "Еўрабачанні-2017" і ад трансляцыі шоу.

22
Тэги:
Naviband, Еўрабачанне, Кіеў, Украіна
По теме
Еўрабачанне-2017
Пераможцам анлайн-галасавання стала фатаграфія журналіста з Прымор'я Юрыя Сміцюка Востраў Урангеля

Фотаконкурс імя Сценіна абвясціў пераможцу анлайн-галасавання

16
(абноўлена 10:45 04.08.2020)
Пераможцаў ва ўсіх намінацыях і Гран-пры конкурсу памяці вядомага фотажурналіста, які загінуў пры выкананні абавязку, журы назаве ў верасні.

МІНСК, 4 жні - Sputnik. Лепшай працай міжнароднага конкурсу імя Андрэя Сценіна на думку інтэрнэт-карыстальнікаў стала адзінкавв фотаздымак журналіста з Прымор'я Юрыя Сміцюка "Востраў Урангеля". На ёй у "натуральным асяроддзі пражывання" захаваны навуковы супрацоўнік і інспектар аднайменнага запаведніка Павел Кулямееў.

Востраў Урангеля - самы паўночны запаведны востраў расійскай Арктыкі. Паўночны Ледавіты акіян дзеліць востраў 180 мерыдыянам практычна напалову, дзякуючы чаму ён знаходзіцца і ў Заходнім і ва Усходнім паўшар'ях нашай планеты. Наведванне запаведніка "Востраў Урангеля" абмежавана, але існуе каля 10 турыстычных маршрутаў летам і восенню. Прысутнасць турыстаў тут дапускаецца толькі ў суправаджэнні рэйнджараў. Яны сочаць за бяспекай турыстаў і, вядома, жывёл, якія насяляюць востраў.

У верасні конкурс імя Андрэя Сценіна абвесціць пераможцаў на сайце stenincontest.ru | stenincontest.com, тады ж у Маскве адкрыецца выстава яго лаўрэатаў. У планах конкурсу даць таксама старт традыцыйнаму роўд-шоу пераможцаў па гарадах свету да канца года.

Міжнародны конкурс фотажурналістыкі імя Андрэя Сценіна - штогадовы конкурс для маладых фотарэпарцёраў ад 18 да 33 гадоў. У 2020 годзе конкурс сабраў больш за 5000 работ з 75 краін свету. З моманту старту конкурсу ў 2014 годзе фотаработы яго пераможцаў выстаўляліся ў Маскве, Кейптаўне, Будапешце, Мадрыдзе, Нью-Дэлі, Мілане, Нью-Ёрку, Анкары, Буэнас-Айрэсе, і іншых гарадах свету. Прыём заявак стартуе штогод 22 снежня, у дзень нараджэння фотакарэспандэнта МІА "Россия сегодня" Андрэя Сценіна, які загінуў пры выкананні прафесійнага абавязку.

Міжнароднымі інфармацыйнымі партнёрамі конкурсу сталі: інфармацыйнае агенцтва і радыё Sputnik, інфармацыйнае агенцтва Askanews, медыяхолдынг Independent Media, інфармацыйнае агенцтва Notimex, агенцтва навінаў ANA, тэлеканал і партал RT, Shanghai United Media Group (SUMG), інтэрнэт-партал газеты China Daily, інтэрнэт- партал The Paper, медыясетка Al Mayadeen, інфармацыйнае агенцтва Prensa Latina, інфармацыйнае агенцтва News1, інтэрнэт-партал DBW, партал навінаў Brasil247. У статусе галіновых партнёраў конкурс падтрымліваюць: часопіс "National Geographic Расія", партал Russian Photo, партал Photo-study.ru, Фоташкола "Акадэмія фатаграфіі", інфармацыйны партал YOung JOurnalists, часопіс Fotoargenta, Клуб фотажурналістыкі Нью-Дэлі, часопіс Enfoque Visual, часопіс LF Magazine, міжнародная пляцоўка-партнёр - фестываль PhotON.

16
Тэги:
Міжнародны конкурс фотажурналістыкі імя Андрэя Сценіна

Паглядзіце на палескага майстра, які можа паўтарыць скрыпку Гварнеры

17
(абноўлена 09:14 31.07.2020)
Андрэй Шкледа можа зрабіць любы музычны інструмент. Паглядзіце і паслухайце, як ён грае на беларускім традыцыйным інструменце - дудзе. І гэта далёка не адзінае, што можа майстар.

Палескі майстар Андрэй Шкледа можа зрабіць любы музычны інструмент. Па заданні беларускага прэзідэнта ён паўтарыў скрыпку легендарнага італьянца Гварнеры 1673 года выпуску. Ад гітары для фільма Мікіты Міхалкова да клавесіна ў інтэр'еры Мірскага замка - усё гэта ёсць у партфоліа майстра.

Выраб інструмента - задача не з танных, у кошт уваходзіць і парода дрэва, і аздабленне. Для вырабу меха дуды выкарыстоўваюць натуральную бычыную скуру.

За адзін толькі мех даводзіцца аддаць каля трыццаці долараў.

"За некаторымі пародамі дрэва я спецыяльна ездзіў за мяжу. Шэсць гадоў таму паехаў у Карпаты, там знайшоў велізарны клён, якому было сорак пяць гадоў. У дудзе, напрыклад, патрэбны яшчэ і метал: яго вадкім прама ў дрэва заліваюць - атрымліваецца прыгожы арнамент" , - кажа майстар.

Дудар звычайна грае максімум паўгадзіны, інакш можна страціць прытомнасць. Затое іншы нацыянальны інструмент - рыля - падыходзіць любому. Каб дастаць гук, досыць круціць кола. У пары з дудой выходзіць ідэальны акампанемент для беларускіх песень.

А вось на гармонікі на Палессе не гралі - гэты музычны інструмент прыйшоў да нас з Расіі. Глядзіце на відэа, як гучыць сапраўдная беларуская дуда - і не блытайце яе з шатландскай дудой.

17
Тэги:
традыцыі, Беларусь, музыка
Долары ЗША

Беларусь запазычвала ў ЕФСР 2,5 млрд долараў

1
(абноўлена 09:05 05.08.2020)
Беларусь - асноўны пазычальнік сродкаў ЕФСР: з 2011-га краіне фонд выдаў два крэдыты для бюджэтнай падтрымкі на суму пяць мільярдаў долараў.

МІНСК, 5 жні - Sputnik. Беларусь па прадстаўленых Еўразійскім фондам стабілізацыі і развіцця (ЕФСР) крэдытах запазычвалася 2,5 мільярда долараў ЗША, паведаміла РІА "Новости" са спасылкай на прэс-службу Мінфіна РФ.

Беларусь - асноўны пазычальнік сродкаў ЕФСР: з 2011-га краіне фонд выдаў два крэдыты для бюджэтнай падтрымкі на суму пяць мільярдаў долараў.

"Рэшта запазычанасці па раней прадастаўленых крэдытах складае 2,56 мільярда долараў", - паведамілі ў расійскім Мінфіне.

У 2016-м крэдыт Беларусі фонд прадаставіў у кошт квоты Расіі ў арганізацыі ў сувязі з тым, што да моманту звароту за фіндапамогай ліміт рэспублікі быў цалкам вычарпаны.

Паводле інфармацыі Мінфіна Беларусі, цяпер знешні дзяржаўны доўг краіны складае 18 мільярдаў долараў: з пачатку года ён павялічыўся на 5,3%.

ЕФСР - гэта рэгіянальны фінансавы фонд для падтрымкі эканомік яе дзяржаў-удзельніц. Асноўная крыніца паступлення сродкаў у арганізацыю - гэта ўнёскі Расіі (амаль 90%).

1
Тэги:
Расія, Беларусь