МІНСК, 5 чэр — Sputnik. Фантастычны фільм "Цуд-жанчына" не змог заваяваць першы радок па касавых зборах у Беларусі па выніках мінулага тыдня, паведамілі Sputnik у сталічным "Кінавідэапракаце".
"Цуд-жанчына" — фантастычны фільм пра супергераіню, які выйшаў у пракат у мінулы чацвер. Першапачаткова планавалася, што "Цуд-жанчына" будзе своеасаблівым маніфестам аб моцных прадстаўніцах "слабога полу", аднак пазбегнуць сэксізму стваральнікам карціны не ўдалося.
Па выніках мінулага тыдня толькі ў сталічных дзяржкінатэатрах "Цуд-жанчына" зарабіла каля 70 тысяч рублёў, а наведалі сеансы фільма 22,5 тысячы чалавек. Зрэшты, стужцы не ўдалося абагнаць новых "Піратаў Карыбскага мора" — іх зборы складаюць 215 тысяч рублёў, а паглядзелі камедыю 67,7 тысячы чалавек.
На трэцім месцы па зборах — "Выратавальнікі Малібу" і 16,1 тысячы рублёў, на чацвёртым — мультфільм "Трыа ў пер'і" і 14 тысяч рублёў.
Нягледзячы на ў цэлым нейтральныя водгукі, "Цуд-жанчына" сабрала ў прэм'ерны ўікэнд больш за 200 мільёнаў долараў. Касавыя зборы "Піратаў Карыбскага мора" з улікам гэтых выхадных паспелі пераадолець адзнаку ў 500 мільёнаў долараў.
