Фестываль Эпоха рыцарства-2017

Інтэрактыўна-псіхалагічны тэатр адкрыецца ў Мінску

17
(абноўлена 10:12 15.08.2017)
Тут кожны глядач зможа стаць акцёрам ці пераўвасобіцца ў класічных герояў ― ад булгакаўскай Маргарыты да гамераўскага Адысея. У рэпертуары тэатра — адразу 12 класічных твораў.

МІНСК, 15 жні — Sputnik. Новы квэст-тэатр "Узлом рэальнасці", на стыку мастацтва і псіхалогіі, запрацуе на пачатку верасня на базе Палаца культуры Мінскага аўтамабільнага завода і Нацыянальнага цэнтра сучасных мастацтваў, паведамілі ў НЦСМ.

Галоўныя мэты праекта — дазволіць выступіць на сцэне людзям, якія не навучаліся акцёрскаму майстэрству ў ВНУ, і даць ім магчымасць, памяняўшы ход сюжэту тэатральнай драмы, зразумець, як паводзіць сябе ў крытычных сітуацыях, лепш пазнаць сябе і навакольных.

"У працэсе кожнага спектакля, па меры ўключэння ў арыгінальную рэжысёрскую задуму, удзельнікам-акцёрам дазваляецца перамяшчацца па сцэне, танцаваць, спяваць, пераапранацца — словам, імправізаваць як душы заўгодна", — распавялі ў НЦСМ.

Там таксама адзначылі, што параўноўваць "Узлом рэальнасці" з форум-тэатрам не зусім карэктна. У апошнім гледачы задзейнічаны толькі ў частцы пастаноўкі, а тут адыгрываюць ролю ад пачатку і да канца. Больш таго — прымяраюць на сябе розныя амплуа.

Аналагаў такога фармату ў Беларусі няма. Гэта цалкам інтэрактыўны спектакль, ад завязкі да кульмінацыі, дзе гледачы, яны ж акцёры, прымяраюць на сябе вобразы знаёмых герояў. Дзякуючы такому пераўвасабленню яны перажываюць сітуацыю глыбей, чым калі б проста глядзелі пастаноўку, вырашаюць канфлікты і знаходзяць выхад з драматычных калізій.

Першыя пастаноўкі, у ліку якіх "Траянскі сіндром" і "Лятучы галандзец", у ДК МАЗ пачнуцца ўжо ў верасні і на працягу года будуць удасканальвацца на базе НЦСМ з прыцягненнем спецыялістаў у розных галінах мастацтваў. 

17
Тэги:
тэатр, НЦСМ, Беларусь
Гуканне вясны

Тэст: што азначаюць беларускія фразеалагізмы?

1143
(абноўлена 16:02 04.12.2020)
Прайдзіце тэст і даведайцеся, ці зможаце вы правільна падабраць аналаг беларускаму фразеалагізму ў рускай мове.

Фразеалагізмы, якія існуюць у розных мовах свету, часам вельмі падобныя і нават агульныя, калі яны, напрыклад, узятыя са Святога Пісання. Але ў кожнага народа ёсць свае, адметныя трапныя выразы, якія пазначаюць адное і тое ж паняцце, але з дапамогай розных лексічных сродкаў, іншага асацыятыўнага раду.

Прайдзіце тэст на Sputnik і паспрабуйце суаднесці беларускія фразеалагізмы з рускімі.

Вучыце мову разам з намі:

1143
Тэги:
тэст, Беларуская мова
Тэмы:
Вучым беларускую мову
Оскар

Драму Перэльмана "Урокі фарсі" вылучылі на "Оскар" ад Беларусі

35
(абноўлена 18:11 01.12.2020)
Фільм апавядае пра падзеі 1942 гады ў акупаванай Еўропе, у галоўных ролях - Ларс Айдзінгер і Науэль Перэс Біскаярт.

МІНСК, 1 сне - Sputnik. Карціна "Урокі фарсі", знятая рэжысёрам Вадзімам Перэльманам, вылучана на "Оскар" ад Беларусі ў намінацыі "Лепшы фільм на замежнай мове", паведаміла прэс-служба кампаніі "Белыя ночы".

Публіка ўбачыла фільм упершыню на Берлінскім кінафестывалі ў праграме Berlinale Special. Па дадзеных кампаніі Hype Film, якая займаецца продажам правоў на карціну, яе плануюць паказаць больш, чым у 50 краінах свету.

"Фільм Вадзіма Перэльмана "Урокі фарсі" вылучаны на "Оскар"ад Беларусі. Карціна створана ў капрадукцыі Расіі, Германіі і Беларусі, дзе праходзілі здымкі драмы", - распавялі ў прэс-службе.

Пра што фільм "Урокі фарсі"

Па сюжэце, падзеі кіно адбываюцца ў 1942 годзе ў акупаванай Еўропе. Галоўны герой - вязень канцлагера, бельгіец з яўрэйскімі каранямі Жыль Крэм'е - прыкідваецца персам, каб пазбегнуць смяротнага пакарання. У гэтым яму дапамагае антыкварная кніга персідскіх казак, якую ён вымяняў у апошнія хвіліны перад расстрэлам на бутэрброд.

Тым часам повар у канцлагеры, Клаўс Кох, марыць пра тое, як пасля вайны паедзе ў Іран да брата і адчыніць там свой рэстаран. Коху для дасягнення сваёй мэты трэба ведаць фарсі, калегі па канцлагеры, даведаўшыся пра персідскае паходжанне Жыля, адпраўляюць зняволенага вучыць повара новай мове.

"Наша карціна дзіўна актуальная часу. Гэтая глыбокая гісторыя напоўнена трагедыяй, іроніяй, зараджэннем надзеі і дружбы ў самых неверагодных абставінах. Я асабліва шчаслівы магчымасці шырока паказаць наш фільм міжнароднай аўдыторыі", - так адклікаецца аб карціне яе рэжысёр Вадзім Перэльман.

93 цырымонія ўручэння прэмій Амерыканскай кінаакадэміі пройдзе 25 красавіка 2021 года.

35
Тэги:
Беларусь, Оскар (прэмія)