Падручнікі

Чытаць Алексіевіч і Чаргінца школьнікі будуць за дзве гадзiны

48
(абноўлена 18:03 21.08.2017)
У курсе рускай літаратуры твор нобелеўскай лаўрэаткі даецца ў рамках тэмы "рускамоўная літаратура Беларусі".

Перад пачаткам навучальнага года 2017/2018 Sputnik прааналізаваў змест вучэбнай праграмы па рускай літаратуры. Так, па новых праграмах школьнікі будуць чытаць творы нобелеўскай лаўрэаткі Святланы Алексіевіч толькі ў канцы 11 класа, усяму Чэхаву надаюць пяць-дзевяць гадзін, а Шэкспір і Сервантэс вынесеныя ў раздзел "для дадатковага чытання".

13 гадзін на Дастаеўскага, 20 — на Талстога

Як "Злачынства і пакаранне" Дастаеўскага, так і "Вайна і мір" Талстога ёсць у праграме — у дзесятым класе.

У праграме павышанага ўзроўню на чытанне і абмеркаванне Дастаеўскага закладзены 13 акадэмічных гадзін, на Талстога — 20. У базавай праграме — пяць і 14 гадзін адпаведна на "абраныя часткі".

Для параўнання, на шэраг твораў Чэхава ў дзесятых класах даецца ў суме дзевяць гадзін: на "Вішнёвы сад", "Дзядзьку Ваню", "Даму з сабачкам" і іншыя тэксты. На базавым узроўні на тыя ж тэксты адводзяць пяць гадзін.

Шолахава ў 11-х класах праходзяць толькі "выбраныя часткі" з "Паднятай цаліны" і "Ціхага дона" — на усё ў базавым узроўні выдзелена пяць гадзін. У праграме павышанага ўзроўню на нобелеўскага лаўрэата адведзена дзесяць гадзін.

Замежная літаратура

У восьмых класах па базавай праграме ў Шэкспіра будуць вывучаць толькі некалькі санетаў, а трагедыя "Рамэа і Джульета" дадзена як "дадатковае чытанне". У той жа час, у 11-м класе па тым жа базавым ўзроўні ёсць тэма інтэрпрэтацыі шэкспіраўскага тэкста ў творы Горына "Чума на абодва вашы дамы!".

На павышаным узроўні ў Шэкспіра будзе таксама вывучацца "Гамлет" — на трагедыю адведзена ў праграме дзве гадзіны.

У праграме базавага ўзроўню таксама прысутнічае "Дон Кіхот" Сервантэса — як дадатковае чытанне.

Акрамя таго, у праграме па літаратуры ёсць творы Мапасана, Генрыха і Томаса Манаў, Драйзера, Сэлінджэра, Голсуорсі, Заля і Флабера — аднак таксама толькі як дадатковае чытанне без наступнага аналізу і разбору.

На Алексіевіч і Чаргінца — 2 гадзіны

Сучасныя рускамоўныя пісьменнікі Беларусі вынесеныя ў асобную тэму, апошнюю ў 11-м класе. Усяго на гэтую тэму ў школах вылучаюць дзве гадзiны — на чытанне і абмеркаванне тэкстаў.

На базавым узроўні выпускнікам прапануюць прачытаць "Апошніх сведак" Алексіевіч, "Сыноў" Чаргінца, "Трэба трываць" Ждана і яшчэ шэраг твораў — за дзве гадзіны. На павышаным узроўні гэтым аўтарам час надаецца таксама, толькі замест "Апошніх сведак" у Алексіевіч чытаюць "Цынкавыя хлопчыкі".

З поўным зместам навучальных праграм па беларускай літаратуры можна азнаёміцца на сайце Нацыянальнага інстытута адукацыі.

48
Тэги:
Літаратура, Святлана Алексіевіч, Мікалай Чаргінец, Беларусь
Тэмы:
Беларуская літаратура (31)
Бернардынскі кляштар у Нясвіжы

430-гадовы манастыр бернардзінцаў у Нясвіжы прадалі за 10 долараў

19
(абноўлена 15:35 26.10.2020)
Першапачаткова старадаўні аб'ект ацанілі ў некалькі дзясяткаў тысяч долараў, аднак пакупнікоў не знайшлося.

МІНСК, 26 кас - Sputnik. У Нясвіжы прадалі былы корпус кляштара бернардзінцаў, які захаваўся з XVI-га стагоддзя. Ён тройчы выстаўляўся на аўкцыён. У рэшце рэшт кошт пытання склаў адну базавую велічыню (27 рублёў), распавялі Sputnik у Нясвіжскім райвыканкаме.

"На днях мясцовы інвестар набыў аб'ект, у панядзелак мы выдалі яму рашэнне на праектаванне дадзенага будынка. Новы ўласнік плануе стварыць там музей каменных абразоў. Работы ў хуткім часе пачнуцца", - праінфармаваў Sputnik намеснік старшыні райвыканкама Міхаіл Афанасік.

Паводле яго слоў, будынак мае статус гісторыка-культурнай каштоўнасці. Плошча былой святыні складае 1381 кв.м., у трохпавярховым будынку ёсць электрычнасць, ацяпленне, каналізацыя і вада. Манастыр размяшчаецца ў цэнтры горада па суседстве з фарным касцёлам і уваходам у Нясвіжскі палацава-паркавы комплекс.

Новага гаспадара для будынка шукалі некалькі гадоў, электронныя таргі праводзіліся тройчы. Першапачаткова манастыр хацелі прадаць за 126 тысяч долараў, затым кошт знізілі да 70 тысяч. У рэшце рэшт, планка апусцілася да адной базавай, аб'ект набыў адзіны пакупнік - мясцовы інвестар.

Манахі-бернардзінцы пабудавалі манастыр у 1589 годзе. У 1864-м царскія ўлады скасавалі яго і сталі выкарыстоўваць як храм. У 1900-х тут былі ваенныя казармы, з 1956 па 2002 год тут знаходзіўся штаб навучальнага палка сувязі.

Чытайце таксама:

19
Тэги:
Нясвіж
(0:00 / .00Mb / )

Паўфінал чацвёртага сезона "Ты супер!" - відэа

9
(абноўлена 10:01 26.10.2020)
Папулярны музычны праект "Ты супер!" праводзяць сумесна тэлеканал НТБ і Міжнароднае агенцтва і радыё Sputnik. Глядзіце на відэа паўфінал вакальнага конкурсу.

У цяперашнім сезоне "Ты супер!" удзельнічаюць новыя выканаўцы і фіналісты мінулых сезонаў. Усяго ў конкурсе бяруць удзел 58 дзяцей з Расіі, Грузіі, Азербайджана, Абхазіі, Кыргызстана, Беларусі, Эстоніі, Украіны і Малдовы.

У журы праекта - вядомыя расійскія зоркі: Дыяна Арбеніна, Аляксей Вараб'ёў, спявачка Ёлка і кампазітар Ігар Крутой.

Нагадаем, у першым выпуску шоу прыняла ўдзел беларуска Даша Чарнова, якая да гэтага два разы прымала ўдзел у конкурсе. Адораная выканаўца распавяла і пра тое, як складаецца яе творчая кар'ера.

Міжнародны вакальны праект для дзяцей, якія засталіся без апекі бацькоў, "Ты супер!" праводзяць тэлеканал НТБ сумесна з Міжнародным інфармацыйным агенцтвам і радыё Sputnik пры падтрымцы Міністэрства асветы РФ.

9
Тэги:
"Ты супер", НТБ (тэлеканал)
Які сёння дзень: 28 кастрычніка 2020 года

Які сёння дзень: 28 кастрычніка 2020 года

0
(абноўлена 09:49 20.10.2020)
Гэты дзень з'яўляецца трыста другім па грыгарыянскім календары, да канца года застаецца 64 дні.

Сёння святкуецца Міжнародны дзень анімацыі. Якія яшчэ падзеі адбыліся 28 кастрычніка і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 28 кастрычніка

  • У 1523 годзе ў Кракаве выйшла з друку паэма Міколы Гусоўскага "Песня пра зубра".
  • У 1925 годзе была створана Пінская каталіцкая дыяцэзія.
  • У 1939 годзе ў Беластоку пачаўся Сход народа Заходняй Беларусі, які прыняў рашэнне пра далучэнне заходнебеларускіх зямель да БССР.
  • У 1945 годзе ў Мінску быў закладзены парк Перамогі.
  • У 1999 годзе была заснаваная Археаграфічная камісія Дзяржаўнага камітэта па архівах і справаводстве Рэспублікі Беларусь, з мэтай сістэматычнага збору і вывучэння архіўных дакументаў.

Хто нарадзіўся 28 кастрычніка

  • 1884 год: Фларыян Ждановіч, тэатральны дзеяч, акцёр, рэжысёр, адзін з заснавальнікаў прафесійнага беларускага тэатра.
  • 1904 год: Парфён Савіцкі, беларускі гісторык.
  • 1922 год: Міхась Даніленка, беларускі пісьменнік

Таксама сёння нарадзіліся заснавальнік камп’ютарнай кампаніі Microsoft Біл Гейтс і амерыканская актрыса Джулія Робертс.

28 кастрычніка ў народным календары

У гэты дзень праваслаўныя вернікі ўспамінаюць вялебнага Яўхіма.

Жанчыны працягвалі займацца сваімі працамі: мяць і церабіць лён, а таксама каноплі, з якіх потым атрымліваліся добрыя вяроўкі.

Калі снег яшчэ не выпаў, чакалі яго і ўзгадвалі: вясна прыйдзе ў той дзень, калі ў кастрычніку выпадзе снег. Калі ў гэты дзень заўважалі насякомых, гэта значыла, што зіма будзе цёплай.

0
Тэги:
Беларусь, народны каляндар, які сёння дзень
Тэмы:
Які сёння дзень: каляндар знакавых падзей