Рэжысёры змогуць паўдзельнічаць у пітчынгу ідэй у рамках "Лістапада"
(абноўлена 15:42 16.10.2017)
Сярод членаў журы і запрошаных гасцей - спецыялісты з вялікім досведам працы на міжнародным рынку кіно.МІНСК, 16 кас — Sputnik. Пляцоўка кінафестывалю "Лістапад" прапануе рэжысёрам мастацкіх і дакументальных фільмаў паўдзельнічаць у пітчынгу ідэй. Сярод членаў журы і запрошаных гасцей будуць спецыялісты з вопытам работы ў Еўрапейскай кінаіндустрыі.
"Пітчынг Bel:Cinema адбудзецца 6 лістапада ў Галерэі "Арт-Беларусь". Да ўдзелу ў пітчынгу запрашаюцца рэжысёры і прадзюсары са сваімі кінапраектамі. У ходзе мерапрыемства міжнародныя эксперты абмяркуюць работы аўтараў і дадуць практычныя рэкамендацыі", — распавялі арганізатары фестывалю.
У журы будуць прысутнічаць дырэктар індустрыяльнай платформы Meeting point Vilnius Вільнюскага Міжнароднага кінафестывалю Kino Pavasaris Рыта Станелітэ, дырэктар індустрыяльнай платформы МКФ у Карлавых Варах Х'юга Росак і генеральны прадзюсар Адэскага міжнароднага кінафестывалю Юлія Сінькевіч.
Хто з рэжысёраў і работнікаў сферы прыме ўдзел у пітчынгу, стане вядома ў канцы кастрычніка. Кінафестываль "Лістапад" у гэтым годзе пройдзе з 3 па 10 лістапада. Адкрые конкурсную праграму карціна рускага рэжысёра Барыса Хлебнікава "Арытмія", якая атрымала Гран-пры "Кінатаўра-2017".
Тэги:
Светлае, сяброўскае свята: у Мінску адзначылі Дзень Расіі
(абноўлена 00:27 13.06.2021)
Лепшыя самадзейныя расійскія калектывы выступілі ў цэнтры Мінска, акрамя гэтага, мінчане атрымалі запрашэнне наведаць культурную сталіцу Расіі.Сотні мінчан і гасцей сталіцы прыйшлі 12 чэрвеня на свята, прысвечанае Дню Расіі. Традыцыйна такія мерапрыемствы нацыянальных культур праходзяць у Мінску на пляцоўцы каля гарадской Ратушы з траўня па верасень. У мінулым годзе з-за пандэміі каронавіруса не было ніводнай такой урачыстасці, і пасля працяглага перапынку Дзень Расіі аднавіў традыцыю правядзення такіх свят у беларускай сталіцы.
Традыцыйна расіяне прывезлі ў Беларусь самабытныя калектывы, якія парадавалі мінчан выканальніцкім майстэрствам.
А пачаліся мерапрыемствы, прысвечаныя Дню Расіі ва Усіхсвяцкім храме Мінска. У крыпце Храма-помніка ў гонар Усіх Святых і ў памяць аб ахвярах, выратаванні Айчыны нашай паслужыўшых, Надзвычайны і Паўнамоцны пасол Расіі і настаяцель храма протаіерэй Фёдар Поўны заклалі капсулу з зямлёй з месцаў спачынку беларускіх воінаў, якія загінулі ў Крымскай вайне 1853-1856 гадоў.
У храме былі сказаны словы не толькі аб брацкай дружбе двух славянскіх народаў, але і пра важнасць гістарычнай памяці.
Святочны канцэрт
На канцэрт з нагоды Дня Расіі мінчане прыйшлі амаль за гадзіну да пачатку - і да пачатку мерапрыемства не было ніводнага свабоднага месца.
©
Sputnik / Виктор Толочко
Святочны канцэрт у Мінску з нагоды Дня Расіі
Адкрываючы канцэрт, расійскі пасол Яўген Лук'янаў, пажадаў беларусам міра, дабра і росквіту. Кіраўнік дыпмісіі сказаў, што будзе сціслым у прамовах, каб не затрымліваць пачатак канцэрта і дадаў: "Квітней, Беларусь, и да здравствует Россия!".
©
Sputnik / Виктор Толочко
Пасол Расіі ў Беларусі Яўген Лук"янаў
Паўночная ягада з Санкт-Пецярбурга
Прагучалі ў Мінску і прывітальныя словы ад губернатара Паўночнай сталіцы Расіі, якія зачытаў намеснік старшыні камітэта па знешніх сувязях Санкт-Пецярбурга Андрэй Хлуткоў. Ён прадставіў самабытны калектыў - дзяржаўны тэатр песні і танца "Морошка" з Санкт-Пецярбурга.
©
Sputnik / Виктор Толочко
Намеснік старшыні камітэта па знешніх сувязях Санкт-Пецярбурга Андрэй Хлуткоў
Паводле яго слоў калектыў ужо пабываў са сваёй канцэртнай праграмай у Гродна, а заўтра пакажа яе жыхарам Бабруйска. Ён таксама запрасіў мінчан наведаць горад на Няве.
©
Sputnik / Виктор Толочко
Святочны канцэрт у Мінску з нагоды Дня Расіі
"Санкт-Пецярбург таксама гасцінны, як і Мінск", - сказаў ён.
Таксама перад мінчанамі і гасцямі беларускай сталіцы выступіў славуты дзяржаўны акадэмічны рускі народны ансамбль імя Людмілы Зыкінай. У яго выкананні прагучалі песні ваенных гадоў, а таксама душэўныя савецкія шлягеры.
©
Sputnik / Виктор Толочко
Выстава каля гарадской Ратушы ў Мінску, прымеркаваная да свята
Мінчане, якія прыйшлі на канцэрт, казалі, што "любяць і захапляюцца расійскімі артыстамі".
©
Sputnik / Виктор Толочко
Святочны канцэрт у Мінску з нагоды Дня Расіі
"Нам заўсёды прыемна бачыць нашых дарагіх расіян у Мінску. Мы ж родныя, у нас адна гісторыя, мы гаворым на адной мове, спяваем адны і тыя ж песні, выхаваны на вялікай літаратуры Пушкіна і Гогаля", - падзялілася ўражаннямі з карэспандэнтам Sputnik карэнная мінчанка Ірына Мікалаеўна.
©
Sputnik / Виктор Толочко
Святочны канцэрт у Мінску ля Ратушы
А яшчэ прыйшоўшыя на свята рабілі сэлфі з расійскім паслом Лук'янавым. "Мы цікавімся жыццём Расіі, мы цікавімся расійскімі навінамі", - распавядае Людміла.
©
Sputnik / Виктор Толочко
Святкаванне Дня Расіі у цэнтры Мінска
Паводле яе слоў, яна расіянка, але 25 гадоў жыве з мужам у Мінску. Захапляючыся святам, якое праходзіць сёння ў Мінску, яна выказала ідэю арганізаваць беларускі "Цягнік Памяці" па прыкладзе таго, які прыбыў у Беларусь з Расіі.
©
Sputnik / Виктор Толочко
Мінчане ў захапленні ад святочнага канцэрта
"Возьмёмся за руки, друзья!"
Пасол Лук'янаў у "кулуарах" свята пагутарыў з прэсай. Вядома, ён успомніў, сваё беларускае юнацтва і выказаўся пра бягучы момант.
"Што для мяне Беларусь? Зараз гэта месца працы. Яшчэ ў студзені я не ведаў пра тое, што прыеду сюды працаваць. (...) тут я правёў сваё малалецтва, вучыўся, і потым успрымаў Беларусь як частку велізарнай краіны - Савецкага Саюза", - расказаў пасол.
©
Sputnik / Виктор Толочко
Пасол Расіі ў Беларусі Яўген Лук"янаў
"Цяпер ёсць незалежная Беларусь, і ёсць незалежная Расія. Але куды мы дзенем стагоддзі агульнай гісторыі і культуры, агульныя каштоўнасці?" - задаў рытарычнае пытанне Лук'янаў.
©
Sputnik / Виктор Толочко
Квітней, Беларусь, и да здравствует Россия!
"Нас хочуць раскалоць і гэта цалкам зразумела, таму што тады мы былі б слабей, тады паасобку намі можна будзе лягчэй кіраваць, - сказаў дыпламат і працытаваў радкі савецкай песні. - "Возьмемся за руки, друзья, чтоб не пропасть поодиночке!".
Чытайце таксама:
- Гонар за спадчыну: Пуцін павіншаваў суайчыннікаў з Днём Расіі
- Загартаваныя адносіны: Лукашэнка павіншаваў Пуціна і расіян з Днём Расіі
- Расіян павіншавалі з Днём Расіі з космасу
Тэги:
Як у Мінску адсвяткавалі Дзень Расіі - фота
(абноўлена 23:25 12.06.2021)
Дзень шматнацыянальнай Расіі адзначаецца ў суседняй краіне з 1992 года, калі Вярхоўны савет Расійскай Федэрацыі выдаў пастанову аб прысваенні святочнага статусу даце прыняцця Дэкларацыі аб дзяржаўным суверэнітэце Расійскай Федэрацыі. Сучасная назва - Дзень Расіі - свята атрымала ў 1998-м годзе.
Традыцыйна гэты дзень святкуюць і ў Беларусі - народнымі гуляннямі, святочнымі канцэртамі і афіцыйнымі мерапрыемствамі. У гэты раз урачыстасці пачаліся апоўдні ва Усіхсвяцкім храме Мінска цырымоніяй размяшчэння ў крыпце храма зямлі з месцаў гібелі беларусаў у Крымскай вайне 1853-1856 гадоў з удзелам расійскага пасла ў Беларусі Яўгена Лук'янава.
Працягнулі святкаванне адкрыццё выставы расійскіх і беларускіх мастакоў у арт-прасторы Cafe de fleur на плошчы Свабоды, а затым у Мінскай ратушы пачаўся шматгадзінны канцэрт расійскіх ансамбляў нацыянальных дыяспар, вечарам на сцэне іх змянілі тэатр песні і танца "Морошка" з Санкт-Пецярбурга і дзяржансамбль "Россия" імя Людмілы Зыкінай.
Чытайце таксама:
- Гонар за спадчыну: Пуцін павіншаваў суайчыннікаў з Днём Расіі
- Загартаваныя адносіны: Лукашэнка павіншаваў Пуціна і расіян з Днём Расіі
- Расіян павіншавалі з Днём Расіі з космасу
- Беларусы пра Расію: што жыхары Мінска думаюць пра краіну-суседку
© Sputnik / Виктор ТолочкоУ гэты раз святкаванне Дня Расіі адкрыла ўрачыстая цырымонія ва Усіхсвяцкім храме Мінска, сюды даставілі зямлю з месцаў гібелі беларусаў у Крымскай вайне.
© Sputnik / Виктор ТолочкоПасол Расіі ў Беларусі Яўген Лук'янаў і настаяцель Усіхсвяцкага храма ў Мінску, протаіерэй Фёдар Поўны
© Sputnik / Виктор ТолочкоУ крыпце Усіхсвяцкага храма ў Мінску будзе знаходзіцца зямля з Севастопаля, дзе ў 1853-1856 гадах загінулі беларусы, якія ваявалі ў Крымскай вайне.
© Sputnik / Виктор ТолочкоРасія і Беларусь павінны абараняць нашу гістарычную памяць і нікому не дазваляць запляміць, замараць або "зафоташопіць" нашы перамогі, перакананы пасол РФ у Беларусі Яўген Лук'янаў.
© Sputnik / Виктор ТолочкоПротаіерэй Фёдар Поўны правёў для расійскага дыпламата экскурсію па Усіхсвяцкім храме.
© Sputnik / Виктор ТолочкоУ цырымоніі разам з дыпламатамі і святарамі прынялі ўдзел ветэраны, а таксама беларусы Крыма.
© Sputnik / Виктор ТолочкоКіраўнік расійскай дыпмісіі ў Мінску асабіста ўстанавіў у крыпце капсулу з зямлёй з месцаў гібелі беларусаў у Крымскай вайне.
© Sputnik / Виктор ТолочкоУсіхсвяцкі храм з'яўляецца адным з велічных храмаў беларускай сталіцы. Алтар храма асвяціў Свяцейшы Патрыярх Усяе Русі Кірыл некалькі гадоў таму падчас свайго патрыяршага візіту ў Мінск.
© Sputnik / Виктор ТолочкоСімвалічна, што закладка капсулы ў памяць аб загінуўшых беларусах пры першай асадзе Севастопаля адбылася менавіта ў Дзень Расіі, адзначыў настаяцель Усіхсвяцкага храма протаіерэй Фёдар Поўны.
© Sputnik / Виктор ТолочкоСвяточныя мерапрыемствы з нагоды Дня Расіі бліжэй да вечара перанесліся ў цэнтр беларускай сталіцы.
© Sputnik / Виктор ТолочкоНа плошчы каля гарадской Ратушы была арганізавана мастацкая і фотавыстава.
© Sputnik / Виктор ТолочкоУдзельніцы святочнага канцэрта рэпеціруюць перад выхадам на сцэну.
© Sputnik / Виктор ТолочкоГосцем свята стаў пасол РФ у Беларусі Яўген Лук'янаў.
© Sputnik / Виктор ТолочкоСвяточны канцэрт каля Ратушы наведалі некалькі сотняў мінчан і гасцей сталіцы.
© Sputnik / Виктор ТолочкоПасол Расіі, адкрываючы канцэрт, пажадаў беларусам міра, дабра і працвітання.
© Sputnik / Виктор Толочко"Квітней, Беларусь, и да здравствует Россия!" - прывітаў гасцей і ўдзельнікаў святочнага канцэрта пасол Расіі ў Беларусі Яўген Лук'янаў.
© Sputnik / Виктор ТолочкоСвяточны канцэрт у Мінску з нагоды Дня Расіі.
© Sputnik / Виктор ТолочкоУ канцэрце прынялі ўдзел самадзейныя ансамблі нацыянальных дыяспар народаў Расіі.
© Sputnik / Виктор ТолочкоЦудоўны настрой панаваў у гэты вечар у цэнтры Мінска, і гледачы, не саромеючыся, пускаліся ў скокі.
© Sputnik / Виктор ТолочкоІншыя ж уважліва назіралі за выступленнямі артыстаў.
© Sputnik / Виктор ТолочкоВыступленне артыстаў на канцэрце да Дня Расіі ў Мінску.
© Sputnik / Виктор ТолочкоМінчане, якія прыйшлі на канцэрт, казалі, што любяць і захапляюцца расійскімі артыстамі.
Тэги:
Не больш за 60 тысяч: Эр-Рыяд дазволіць хадж-2021 толькі прышчэпленым пілігрымам
(абноўлена 19:37 12.06.2021)
У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.МІНСК, 13 чэр – Sputnik. У Саудаўскай Аравіі дазволяць 60 тысячам падданых і рэзідэнтаў краіны, якія зрабілі прышчэпку супраць каронавіруса (COVID-19), здзейсніць у бягучым годзе хадж, дадзенае паведамленне распаўсюдзілі сёння дзяржСМІ каралеўства.
Паведамленняў аб тым, што мусульмане з іншых краін могуць здзейсніць паломніцтва да святых месцаў ісламу, пакуль не было. Звычайна на хадж збіраюцца некалькі мільёнаў мусульман. Беларускія мусульмане раней, да пандэміі каронавіруса, таксама рэгулярна наведвалі Меку.
"У святле таго, што ўвесь свет становіцца сведкам развіцця пандэміі каронавіруса і з'яўлення яго новых мутацый, (...) прынята рашэнне абмежаваць рамкі правядзення рытуалаў хаджа. Агульная колькасць паломнікаў - падданых і рэзідэнтаў краіны любой нацыянальнасці - будзе складаць 60 тысяч", - гаворыцца ў распаўсюджаным паведамленні.
Акрамя гэтага, у хадж змогуць адправіцца толькі асобы ад 18 да 65 гадоў, якія зрабілі прышчэпку ад каронавіруса ў адпаведнасці з патрабаваннямі каралеўства. У гэтым годзе вялікі хадж да святынь ісламу, у якім зноў дазволена прымаць удзел замежнікам, выпадае на 17-22 ліпеня.
Паводле апошніх звестак, у каралеўстве з насельніцтвам 34,2 млн чалавек ад пачатку пандэміі былі зарэгістраваны 463 703 выпадкі COVID-19, 7 537 пацыентаў памерлі ад наступстваў заражэння.
З 2010 года хадж да святынь ісламу здзейснілі не менш за 150 мільёнаў чалавек. У 2020 годзе з-за пандэміі паломніцтва ў Меку ўпершыню ў сучаснай гісторыі было абмежавана, дазволілі толькі тысячы мусульман, і толькі падданым Саудаўскай Аравіі.
Чытайце таксама:
- Фотафакт: часовы "дах" у Будслаўскім касцёле
- Помнік мітрапаліту Філарэту з'явіцца ў Мінску
- Бразільцы будуюць яшчэ адну статую Хрыста - і яна будзе вышэй ранейшай
Тэги:
Тэмы: