Міністр культуры расказаў пра свае чаканні ад "Беларусьфільма"

© Sputnik / Ирина БукасКінастудыя "Беларусьфільм"
Кінастудыя Беларусьфільм - Sputnik Беларусь
Падпісацца
Пасля рэканструкцыі, упэўнены Бондар, студыя "Беларусьфільм" стала адной з самых магутных кінафабрык.

МІНСК, 6 ліс — Sputnik. Нацыянальная кінастудыя "Беларусьфільм" павінна стаць сучаснай кінафабрыкай са зразумелымі, празрыстымі і выгаднымі ўмовамі для кінапрадзюсараў, заявіў у эфіры тэлеканала "БелРос" міністр культуры рэспублікі Юрый Бондар.

Стары замак у Гродне - Sputnik Беларусь
Стары замак у Гродне чакае рэстаўрацыя ў стыле Гучы

Рэканструкцыя кінастудыі працягваецца з 2009 года і павінна завяршыцца ўжо 7 лістапада — да дня 100-годдзя рэвалюцыі. Напярэдадні знакавай падзеі аб сваіх чаканнях ад "Беларусьфільма" распавёў і міністр культуры.

"Сёння створана наймагутная кінафабрыка не толькі на постсавецкай прасторы, але і наогул у Заходняй Еўропе", — заявіў Бондар.

Паводле яго слоў, кінастудыя абсталявана сучаснымі павільёнамі, а тэхнічная база дазваляе запісваць аўдыё і відэа "ў галівудскім фармаце". "Гэтая кінафабрыка павінна быць загружана замовамі", — упэўнены міністр.

Разбуранае тэхнікай гарадзішча Жалезнага веку - Sputnik Беларусь
Пад Вілейкай разбураюць гарадзішча Жалезнага веку

"Не хацеў бы выглядаць фантастам або летуценнікам, але сучасную кінафабрыку са зразумелымі, празрыстымі і выгаднымі ўмовамі на постсавецкай прасторы мы б хацелі стварыць", — заявіў кіраўнік Мінкульта.

Адной з галоўных мэтаў у развіцці айчыннага кіно Бондар назваў стварэнне нацыянальнага кінапрадукта — каб фільмы ствараліся на базе айчыннага аўтара, з прыцягненнем беларускіх акцёраў і сіламі рэспубліканскай кінастудыі.

Чытайце таксама рэпартаж Sputnik з абноўленай кінастудыі напярэдадні адкрыцця >>

Стужка навiн
0