Кадр з фільма Лістапад

Гран-пры "Лістапада" атрымаў эстонскі фільм "Лістапад"

27
(абноўлена 12:48 11.11.2017)
Ірына Гарбачова з "Арытміі" атрымала прыз за лепшую жаночую ролю, а мужа і жонку з карціны "Кандэларыя" назвалі лепшай парай.

МІНСК, 11 ліс — Sputnik. Гран-пры XXIV кінафестывалю "Лістапад" журы аддала карціне эстонскага рэжысёра Райнэра Сарнэта "Лістапад".

"Мы хваляваліся, ці будзе фільм зразумелы іншым народам, бо гаворка пра эстонскую міфалогію, але мабыць, у нас шмат агульнага", — сказаў рэжысёр карціны. "Лістапад" атрымаў і прыз за лепшае музычнае афармленне.

Украінскі рэжысёр Шарунас Бартас з карцінай "Шаць" стаў лепшым рэжысёрам на думку журы. Фільм "Арытмія" расійскага рэжысёра Барыса Хлебнікава стаў лаўрэатам некалькіх прызоў. Ён атрымаў спецыяльны прыз журы ігравога кіно, спецыяльны прыз Выканаўчага камітэта СНД "Кіно без межаў", адмысловы прыз Мінгарвыканкама.

Ірына Гарбачова, якая сыграла ў карціне ролю Каці, жонкі галоўнага героя, атрымала прыз за лепшую жаночую ролю.

Лепшым дакументальным фільмам журы назвала карціну "Дзіўныя няўдачнікі" рэжысёра з Літвы Арунаса Матэліса. Журы прыняло рашэнне практычна аднадушна, таксама гэтая карціна стала лепшай і на думку гледачоў. Рэжысёр распавёў, што фільм здымаўся дзесяць гадоў, і яго канчатак ўжо было перамогай. Сённяшнія прызы, паводле яго слоў, гэта як сон. Пасля заканчэння фільма рэжысёр ледзь не да паўночы гутарыў з гледачом у вечар паказу.

Карціна распавядае пра велагоншчыкаў, якія звычайна едуць у хвасце калоны, рэжысёр доўга назіраў за імі і вырашыў, што гэтыя людзі годныя, каб пра іх распавялі. "Быць саўдзельнікамі няўдачнікаў дзіўна, але я ўдзячны, што вы палюбілі гэтых мужчын, якія падаюць, устаюць — дзеля іншых", — распавёў рэжысёр.

Гледачы выбралі лепшай карцінай 24-га кінафестывалю "Лістапад" фільм рэжысёра Джоні Хендрыкса Інестросы "Кандэларыя". Фільм распавядае пра пажылую пару Кандэларыі і Гюго, якія раптам захапляюцца здымкай інтымнага відэа. Акцёры, якія здымаліся ў фільме, атрымалі прыз у намінацыі "Лепшая пара".

"Успамінаючы першы фестываль, калі мы сядзелі ў верхняй вопратцы ў кінатэатры "Кастрычнік", нагадаю — тады прыз глядацкіх сімпатый быў прыроўнены да Гран-пры. Зараз катэгорыя фестывалю А мяркуе іншае, але я лічу, што гэтая дэльта паміж аўтарскім і глядацкім кіно павінна скарачацца. Я лічу гэты прыз галоўным, бо ўсе, і рэжысёры аўтарскага кіно, і глядацкага, б'юцца за сімпатыю гледача", — сказаў кіраўнік "Белтэлерадыёкампаніі" Генадзь Давыдзька, уручаючы прыз.

Прыз прэзідэнта за гуманізм і духоўнасць у кіно атрымаў кыргызскі рэжысёр Актан Арым Кубат за фільм "Кентаўр". "Дзякуй прэзыдэнту. Гэты прыз дае мне магчымасць зайсці да майго прэзідэнту і папрасіць грошай на новую карціну", — пажартаваў рэжысёр.

Беларускі рэжысёр Барыс Нікалайчык атрымаў прыз за найлепшы беларускі дакументальны фільм і спецпрыз "Дэбют" ад Нацыянальнага аэрапорта Мінск за фільм "Вакол Беларусі на роварах з маторамі".

"Гадзіну таму стаяў у гаражы і перабіраў ровары з маторамі", — распавёў адзін з аўтараў карціны Раман Свечнікаў.

"Свята кіно і творчасці адбылося, фільмы прадставілі не толькі майстры кіно, але і пачаткоўцы рэжысёры", — рэзюмаваў міністр культуры Юрый Бондар. А лепшым гульнявым беларускім фільмам стала карціна Юліі Шатун "Заўтра", якая даказала, што паказваць і здымаць можна нават кіно без бюджэту.

27
Тэги:
кинофестиваль, кино, "Лістапад" (кінафестываль), Мінск, Беларусь
Тэмы:
XXIV Мінскі міжнародны кінафестываль "Лістапад" (14)
Салісты ансамбля Песняры Анатоль Кашапараў і Леанід Барткевіч

"Класіку трэба берагчы": Кашапараў не стрымаў эмоцый у памяць аб Барткевічы

55
(абноўлена 13:17 14.04.2021)
Усім, хто датычны да класікі, трэба цёплае стаўленне, перакананы саліст залатога складу "Песняроў" Анатоль Кашапараў; на яго думку, у лёсе яго сябра і калегі Леаніда Барткевіча сваю ролю адыграў, у тым ліку, і недахоп увагі з боку дзяржавы.
"Классику надо оберегать": Кашепаров не сдержал эмоций в память о Борткевиче

Саліст залатога складу "Песняроў" Анатоль Кашапараў цяпер знаходзіцца ў ЗША, у гутарцы з вядучым радыё Sputnik Вячаславам Шарапавым ён падзяліўся асабістымі ўспамінамі пра Леаніда Барткевіча, які памёр напярэдадні ў адной з мінскіх бальніц.

"Чарговы самародак сышоў з нашага калектыву. Шмат зайздроснікаў, на жаль, жыццё такое, што нас стала атачаць шмат нядобрых людзей. Я думаю, што недахоп увагі, можа, нават ад нашай рэспублікі да ўсіх. Крыўдна. За дзяржаву крыўдна", - падзяліўся сваім меркаваннем Кашапараў.

"Лёня быў... Ён быццам ў гэтым жыцці хацеў папоўніць тое, чаго яму не хапала. Ён быў вялікі фантазёр, шмат ствараў. Але гэта адбывалася не ад таго, што ён хацеў нейкага зла або намеру, а проста ад недахопу не тое што ўвагі, ну нельга так ставіцца, разумееце. Усё ж такі калектыў быў і застаўся, і ў далейшым былі нядрэнныя напрацоўкі. Нельга так рабіць. На жаль, сышоў чарговы чалавек пасля Мулявіна. Проста так нельга. І ў цішыні, і ўсё .. Ён казаў, што кватэру далі і зямлю выдзелілі. Гэта ўсё пашанцавала, ён на маладой быў жанаты, ім як маладым сем'ям далі", - распавёў Кашапараў.

Суразмоўца Sputnik расказаў, што напярэдадні прачнуўся вельмі рана і доўга не мог спаць пасля таго, як атрымаў мноства званкоў. "Усё-ўсё перадумаў: і чаму так адбываецца, чаму вакол столькі шмат злых людзей, я ведаю, што яны былі супраць Барткевіча і застаюцца супраць мяне, але гэта мяне не турбуе, гэта як сцяну ілбом прабіваць", прызнаўся Кашапараў.

"Мне сапраўды вельмі балюча, што сышоў чалавек", - на гэтай фразе чуваць, як суразмоўца Sputnik плача.

"Я не скажу, што таленавітых няма, вядома ж, яны вакол. Але трэба вось гэта святое, класіку гэтую трэба ахоўваць. І хто быў датычны да гэтай класікі, да гэтага святога, да іх трэба таксама цёплае стаўленне, не трэба гэтых злых слоў, не трэба нічога. Людзі, супакойцеся, кароткае жыццё. Вы бачыце, як гэта ўсё сканчаецца. Планаў наладзяць, а ўсё гэта ... ", - сказаў Кашапараў.

Саліст "Песняроў" падзяліўся ўспамінамі: "У тыя часы многа чаго не было, шмотак не хапала добрых, дзесьці ў крамах не зусім усё было, але была вось гэтая душэўнасць. Прыходзіш ў госці, і стол адразу накрываўся . Вось гэтага цяпер няма, людзі сталі як робаты ", сказаў ён.

"З Лёнем былі і раней сябрамі, вядома, у апошнія гады ён адкрыўся трошкі з іншага боку. Царства яму нябеснае, вельмі шкада, што я ў сілу абставінаў не магу зараз у Мінск трапіць", - дадаў Кашапараў.

Цырымонія развітання з заслужаным артыстам Леанідам Барткевічам пройдзе ў чацвер, 15 красавіка, грамадзянская паніхіда плануецца ў будынку Белдзяржфілармоніі ў Мінску, пахаванне пройдзе на Усходніх могілках у сталіцы. Аб смерці вядомага артыста стала вядома ў аўторак 13 красавіка, Леанід Барткевіч памёр у бальніцы ад ускладненняў пасля цукровага дыябету, не дажыўшы крыху больш за месяц да 72-га дня нараджэння.

Чытайце таксама:

55
Тэги:
дзяржава, "Песняры", Ленід Барткевіч, Анатоль Кашапараў
Яўген Цілічэеў у кінастужцы Ідзі і глядзі

Памёр акцёр, які сыграў у кінастужцы "Ідзі і глядзі"

38
(абноўлена 13:01 14.04.2021)
Савецкі і заслужаны артыст Расіі Яўген Цілічэеў памёр у Санкт-Пецярбургу на 75 годзе жыцця.

МІНСК, 14 кра – Sputnik. Пайшоў з жыцця саліст Санкт-Пецярбургскага дзяржаўнага тэатра музычнай камедыі Яўген Цілічэеў. Спачуванні родным і блізкім апублікаваны на сайце ўстановы культуры.

Тэатру акцёр аддаў амаль 50 гадоў, за якія паспеў прымерыць на сябе больш за 60 роляў. Артыст нарадзіўся 1 чэрвеня 1946 года. У 1972-м - скончыў Ленінградскі інстытут тэатра, музыкі і кінематаграфіі. Гуляў у кіно ў такіх фільмах, як "Царевич Проша", "Труффальдино из Бергамо", "Семь нот". Доўгі час быў вядучым дзіцячай тэлеперадачы "Сказка за сказкой".

Беларускаму гледачу артыст запомніўся па кінастужцы Элема Клімава "Ідзі і глядзі". У інтэрв'ю Sputnik у 2018 годзе акцёр распавядаў, як яму дасталася роля латышскага паліцая.

"Калі я гуляю адмоўных персанажаў, мне ўсё роўна спачуваюць. Памятаю, мы пераагучвалі эпізод, у якім майго персанажа разам з астатнімі палоннымі немцамі і калабарацыяністамі расстрэльваюць партызаны. Клімаў павярнуўся да мяне і сказаў: "Вось сволач, Жэнька, цябе яшчэ і шкада, гада!" - дзяліўся Цілічэеў.

У тэатры артыста ўспамінаюць як майстра аперэты, які мог з першага з'яўлення на сцэне завалодаць увагай гледачоў.

"Артыст фантастычна валодаў дарам імправізацыі. Любая яго рэпліка выклікала дружны смех гледачоў. Азарт і кураж, з якімі Яўген Сяргеевіч выходзіў на сцэну, імгненна звярталі на сябе ўвагу гледачоў - артыст запамінаўся адразу. Здавалася, што акцёру ўсё даецца лёгка і нязмушана, а ў яго гульні няма ні найменшага намёку на пошласць. Цілічэеў - адзін з лепшых пецярбургскіх комікаў, хто валодаў шчаслівай уласцівасцю весяліць людзей і дарыць ім радасць адной сваёй прысутнасцю", - гаворыцца ў тэксце спачуванняў.

У апошнія гады артыст часта скардзіўся на здароўе ва ўласцівай яму манеры: не без лёгкай іроніі да сябе.

Дату і месца развітання з Яўгенам Цілічэевым паведамяць пазней.

Чытайце таксама:

38
Тэги:
жыццё, Санкт-Пецярбург, Яўген Цілічэеў, артыст, "Ідзі і глядзі" (фільм), кінастужка, акцёр
Будаўніцтва газаправода Паўночны паток - 2 у Германіі

"Паўночны паток - 2" запрацуе ўжо гэтым летам - дэпутат

10
(абноўлена 17:56 15.04.2021)
Працэс паскорыўся пасля таго, як да будаўніцтва газаправода ў акваторыі Балтыйскага мора далучылася судна-трубаўкладчык "Акадэмік Чэрскі".

МІНСК, 15 кра – Sputnik. Германія зможа атрымаць газ па "Паўночным патоку - 2" не пазней за лета 2021-га, лічыць кіраўнік камітэта Дзярждумы РФ па энергетыцы, каардынатар дэпутацкай групы па сувязях з нямецкім бундэстагам Павел Завальны.

"Усё ідзе да таго, што мы не пазней лета павінны ўсе працы скончыць", - сказаў ён на сустрэчы дэпутатаў Дзярждумы з калегамі з бундэстага.

Паводле слоў дэпутата, ёсць шанс, што абедзве "ніткі" газаправода будуць выкладзены ўжо ў чэрвені, калі не перашкодзяць замежныя судны: такія прэцэдэнты ўжо былі.

"Ёсць надзея, што Германія па гэтым газаправодзе можа атрымаць першы газ", - сказаў на заканчэнне ён.

Як ідзе будаўніцтва газаправода "Паўночны паток - 2"

Па дадзеных на 31 сакавіка, "Паўночны паток - 2" пабудаваны ўжо на 95%, застаецца ўкласці усяго 121 кіламетр ад агульнай працягласці газаправода па двух нітках. Такую інфармацыю апублікаваў аператар праекта Nord Stream 2 AG (100%-ая даччыная кампанія "Газпрома" - Sputnik).

Праект "Паўночны паток - 2" прадугледжвае будаўніцтва двух нітак газаправода ад узбярэжжа Расіі да Германіі праз Балтыйскае мора. Агульная магутнасць складзе да 55 мільярдаў кубаметраў у год. Газаправод пройдзе праз тэрытарыяльныя зоны Фінляндыі, Швецыі і Даніі.

ЗША рэгулярна пагражаюць санкцыямі кампаніям, якія ўдзельнічаюць у будаўніцтве газаправода. Вашынгтон прасоўвае ў ЕС уласны звадкаваны прыродны газ, а таму спрабуе не дапусціць завяршэння будаўніцтва расійскай магістралі.

Чытайце таксама:

10
Тэги:
Балтыйскае мора, газаправод, дэпутат, "Паўночны паток - 2"