Книги в книжном магазине, архивное фото

Заяўкі на Прэмію Цёткі прымаюцца да 31 студзеня

35
(абноўлена 15:41 22.12.2017)
Прапанаваць кнігу на конкурс могуць усе жадаючыя, у тым ліку і ўдзячныя чытачы.

МІНСК, 22 сне — Sputnik. Стартаваў трэці сезон Прэміі Цёткі, якая прысуджаецца за лепшую кнігу для дзяцей і падлеткаў. Заяўкі прымаюцца да 31 студзеня 2018 года, паведамілі арганізатары.

Пераможцы вызначаюцца па дзвюх намінацыях: лепшы твор для дзяцей і падлеткаў і лепшае мастацкае афармленне кнігі. На конкурс прымаюцца кнігі 2017 года на беларускай мове. У кожнай намінацыі спецыяльнае журы вызначыць па аднаму пераможцу, якія атрымаюць 2 тыс. долараў.  

У 2016 годзе прэмію Цёткі атрымалі пісьменніца Надзея Ясмінска і мастачка Кацярына Дубовік з кнігай "Сем ружаў", у 2017 годзе — Уладзімір Арлоў і Павел Татарнікаў з кнігай "Айчына: маляўнічая гісторыя. Ад Рагнеды да Касцюшкі".

Прапанаваць кнігу на конкурс могуць выдавецтвы, члены журы, аргкамітэт прэміі, сам аўтар ці мастак і нават любы зацікаўлены чытач. Для гэтага трэба запоўніць форму на сайце ciotka.by.

35
Тэги:
детские книги, литературная премия, Алаіза Пашкевіч (Цётка), Беларусь
Бернардынскі кляштар у Нясвіжы

430-гадовы манастыр бернардзінцаў у Нясвіжы прадалі за 10 долараў

19
(абноўлена 15:35 26.10.2020)
Першапачаткова старадаўні аб'ект ацанілі ў некалькі дзясяткаў тысяч долараў, аднак пакупнікоў не знайшлося.

МІНСК, 26 кас - Sputnik. У Нясвіжы прадалі былы корпус кляштара бернардзінцаў, які захаваўся з XVI-га стагоддзя. Ён тройчы выстаўляўся на аўкцыён. У рэшце рэшт кошт пытання склаў адну базавую велічыню (27 рублёў), распавялі Sputnik у Нясвіжскім райвыканкаме.

"На днях мясцовы інвестар набыў аб'ект, у панядзелак мы выдалі яму рашэнне на праектаванне дадзенага будынка. Новы ўласнік плануе стварыць там музей каменных абразоў. Работы ў хуткім часе пачнуцца", - праінфармаваў Sputnik намеснік старшыні райвыканкама Міхаіл Афанасік.

Паводле яго слоў, будынак мае статус гісторыка-культурнай каштоўнасці. Плошча былой святыні складае 1381 кв.м., у трохпавярховым будынку ёсць электрычнасць, ацяпленне, каналізацыя і вада. Манастыр размяшчаецца ў цэнтры горада па суседстве з фарным касцёлам і уваходам у Нясвіжскі палацава-паркавы комплекс.

Новага гаспадара для будынка шукалі некалькі гадоў, электронныя таргі праводзіліся тройчы. Першапачаткова манастыр хацелі прадаць за 126 тысяч долараў, затым кошт знізілі да 70 тысяч. У рэшце рэшт, планка апусцілася да адной базавай, аб'ект набыў адзіны пакупнік - мясцовы інвестар.

Манахі-бернардзінцы пабудавалі манастыр у 1589 годзе. У 1864-м царскія ўлады скасавалі яго і сталі выкарыстоўваць як храм. У 1900-х тут былі ваенныя казармы, з 1956 па 2002 год тут знаходзіўся штаб навучальнага палка сувязі.

Чытайце таксама:

19
Тэги:
Нясвіж
(0:00 / .00Mb / )

Паўфінал чацвёртага сезона "Ты супер!" - відэа

9
(абноўлена 10:01 26.10.2020)
Папулярны музычны праект "Ты супер!" праводзяць сумесна тэлеканал НТБ і Міжнароднае агенцтва і радыё Sputnik. Глядзіце на відэа паўфінал вакальнага конкурсу.

У цяперашнім сезоне "Ты супер!" удзельнічаюць новыя выканаўцы і фіналісты мінулых сезонаў. Усяго ў конкурсе бяруць удзел 58 дзяцей з Расіі, Грузіі, Азербайджана, Абхазіі, Кыргызстана, Беларусі, Эстоніі, Украіны і Малдовы.

У журы праекта - вядомыя расійскія зоркі: Дыяна Арбеніна, Аляксей Вараб'ёў, спявачка Ёлка і кампазітар Ігар Крутой.

Нагадаем, у першым выпуску шоу прыняла ўдзел беларуска Даша Чарнова, якая да гэтага два разы прымала ўдзел у конкурсе. Адораная выканаўца распавяла і пра тое, як складаецца яе творчая кар'ера.

Міжнародны вакальны праект для дзяцей, якія засталіся без апекі бацькоў, "Ты супер!" праводзяць тэлеканал НТБ сумесна з Міжнародным інфармацыйным агенцтвам і радыё Sputnik пры падтрымцы Міністэрства асветы РФ.

9
Тэги:
"Ты супер", НТБ (тэлеканал)

Байдэн выступіў за пашырэнне санкцый супраць акружэння Лукашэнкі

0
Кандыдат у прэзідэнты ЗША паабяцаў, што ў выпадку перамогі на выбарах сам будзе абмяркоўваць з еўрапейскімі партнёрамі распрацоўку плана эканамічнай падтрымкі Беларусі.

МІНСК, 28 кас - Sputnik. Кандыдат у прэзідэнты ЗША ад дэмакратаў Джо Байдэн заклікаў міжнародную супольнасць пашырыць санкцыі супраць акружэння кіраўніка Беларусі Аляксандра Лукашэнкі, гаворыцца ў пісьмовай заяве палітыка.

Паводле яго слоў, прынятых на дадзены момант санкцый у дачыненні да беларускіх чыноўнікаў, якія маюць дачыненне да жорсткага падаўленьня пратэстаў, не дастаткова.

"Міжнародная супольнасць павінна значна пашырыць санкцыі супраць падручных Лукашэнки і замарозіць афшорныя рахункі, дзе яны трымаюць сваё скрадзенае багацце. У якасці прэзідэнта я таксама буду працаваць з нашымі еўрапейскімі партнёрамі і саюзнікамі над распрацоўкай плана эканамічнай падтрымкі сапраўды суверэннай, дэмакратычнай Беларусі", - падкрэсліў Байдэн.

Кандыдат на пасаду кіраўніка Белага дома падкрэсліў, што асуджае парушэнні правоў чалавека, "якія здзейсніў рэжым Лукашэнкі". Джо Байдэн таксама заявіў, што працягне разам з экс-кандыдатам у прэзідэнты Беларусі Святланай Ціханоўскай і ўдзельнікамі пратэстных акцый у Беларусі заклікаць дзейнага Прэзідэнта РБ да мірнай перадачы ўлады, вызвалення ўсіх палітычных зняволеных і правядзення новых свабодных і справядлівых выбараў.

Нагадаем, што ўсеагульныя выбары ў ЗША, дзе будзе абірацца ў тым ліку і кіраўнік дзяржавы, пройдуць 3 лістапада. Па папярэдніх дадзеных апытанняў, Байдэн па папулярнасці апярэджвае дзеючага прэзідэнта рэспубліканца Дональда Трампа.

0