Брытанскі рэжысёр Марцін МакДона і акцёры фільма Тры білборда на мяжы Эбінга, Місуры на Залатым глобусе

У Лос-Анджэлесе ўручылі прэміі "Залаты глобус"

25
(абноўлена 10:45 08.01.2018)
Стужка "Нялюбасць" расійскага рэжысёра Андрэя Звягінцава не змагла абысці канкурэнтаў і атрымаць прэмію за лепшы фільм на замежнай мове.

МІНСК, 8 сту — Sputnik. Цырымонія ўзнагароджання прэміяй "Залаты глобус" адбылася ўначы з нядзелі на панядзелак у Лос-Анджэлесе, ужо вядомыя імёны ўсіх уладальнікаў гэтай прэстыжнай узнагароды.

"Залаты глобус" уручаўся ў ЗША ўжо 75-ы раз — прысуджаюць статуэткі на аснове галасавання кінакрытыкаў штогод. Сярод кінапрэмій ЗША "Залаты глобус" называюць другім па прэстыжнасці пасля "Оскара", а часта — і свайго роду "рэпетыцыяй" самай вядомай прэміі ў свеце.

Трыумфатар — "Тры білборда"

Мабыць, галоўным адкрыццём і пераможцай гэтага "Залатога глобуса" стала драма "Тры білборда на мяжы Эбінга, Місуры" рэжысёра Марціна МакДоны — ён ужо вядомы стужкай "Залегчы на дно ў Бруге".

Фільм атрымаў узнагароду як лепшая стужка ў жанры драма, а таксама статуэтка дасталася і выканаўцы галоўнай ролі ў "Трох білбордах" — Фрэнсіс МакДормак. Адзначылі на прэміі і Сэма Рокуэла за лепшую ролю другога плана ў гэтай жа карціне і сцэнар, напісаны самім Макдонам.

Лепшым фільмам у жанры "камедыя ці мюзікл" названа трагікамедыя "Ледзі Бёрд" — раней яна была ўзнагароджана амерыканскімі кінакрытыкамі. Лепшай актрысай у гэтай катэгорыі стала выканаўца галоўнай ролі Сірша Ронан.

Лепшым рэжысёрам на "Залатым глобусе" названы Гільерма дэль Тора за сваю стужку "Форма вады" — у яе, дарэчы, было больш за ўсё намінацый, але ўзнагароду карціна атрымала толькі адну.

Узнагарода міма Звягінцава

У катэгорыі "Лепшы фільм на замежнай мове" атрымала французска-нямецкая карціна "На мяжы" (у арыгінале — "Aus dem Nichts"). Такім чынам, расійскі рэжысёр Андрэй Звягінцаў з упадабанай крытыкамі стужкай "Нялюбасць" узнагароду не атрымаў.

Лепшым мультфільмам названая анімацыя Pixar "Таямніца Како".

Лепшай актрысай другога плана ў камедыі названая Элісан Джэні за працу ў "Я, Тоня". Аналагічную ўзнагароду сярод мужчын атрымаў Джэймс Франка — за "Гора-творца".

А вось лепшым акцёрам назвалі Гэры Олдмэна — за фільм "Цёмныя часы".

Далей — "Оскар"

Як правіла, пераможцы "Залатога глобуса" лічацца галоўнымі прэтэндэнтамі і на "Оскар", аднак лаўрэаты ўзнагарод досыць часта не супадаюць.

Так, у мінулым годзе мюзікл "Ла-ла Ленд", які зрабіў фурор, літаральна "праляцеў" міма галоўнай узнагароды "Оскара", хоць яго сустракалі апладысментамі на "Залатым глобусе". У 2015-м свой "Глобус" за "Левіяфана" браў Андрэй Звягінцаў, аднак "Оскар" яму тады так і не дастаўся — падобных прыкладаў шмат.

"Кароткія спісы" намінантаў на "Оскар" будуць вядомыя крыху пазней. Аднак ужо відавочна, што бітва за ўзнагароды разгорнецца 1 сакавіка неабыякая.

25
Тэги:
Золотой глобус, кино, Лос-Анджэлес, ЗША
Дзяржаўны літаратурна-мемарыяльны музей Якуба Коласа

Што яднае Якуба Коласа і Амар Хайяма?

13
(абноўлена 15:28 14.05.2021)
18 траўня ў Дзяржаўным літаратурна-мемарыяльны музеі Якуба Коласа адкрыецца часовая эксапзіцыя "Якуб Колас і Амар Хайям: жыццёвая мудрасць у паэтычным слове".

Арганізатарам экспазіцыі разам з музеем з’яўляецца Пасольства Ісламскай Рэспублікі Іран у Рэспубліцы Беларусь.  

У кожнага народа ёсць свае паэты-апосталы, прадказальнікі, вяшчальнікі. У Расіі - А.С. Пушкін, у Англіі - Джордж Гордан Байран, у Іране - Амар Хайям, у Беларусі - Якуб Колас і Янка Купала. Якуб Колас і Амар Хайям - моцныя дамінанты беларускай і іранскай культур. Іх працы - гэта своеасаблівы зборнік філасофскіх думак і падыходаў да рэальнасці, які можа стаць свайго роду інструкцыяй для будучых пакаленняў.

Як адзначылі ў музкі, паэзія Якуба Коласа і Амара Хайяма - кульмінацыя іх доўгага і цяжкага шляху да ісціны. І хоць яны жылі ў розны час, у розных краінах, належалі да розных рэлігій, але цэнтрам іх творчасці быў Чалавек-Сусвет. Яны стварылі энцыклапедыю жыцця, мудры кодэкс жыцця ў паэтычнай форме.

Сімвалічна, што ў асабістай бібліятэцы Якуба Коласа знаходзілася кніга Алішэра Наваі - паэта і мысляра, які ствараў свае літаратурныя творы на пэрсідзкай, цюркскай, узбекскай і уйгурскай мовах. Гэтая кніга была прывезена з Ташкента, дзе Якуб Колас разам з сям'ёй быў ў эвакуацыі (1941-1943 гг.). Верагодна, што імя Амара Хайяма было знаёма беларускаму класіку. Больш за тое, філасофскай лірыкай персідскага паэта і філосафа цікавіўся малодшы сын Якуба Коласа Міцкевіч Міхаіл Канстанцінавіч. Ён любіў чытаць Амара Хайяма і адну з кніг персідскага аўтара, перакладзеную на рускую мову, прывёз з Ташкента ў 1970-х гадах.

Дзе: Дзяржаўны літаратурна-мемарыяльны музей Якуба Коласа

Калі: 18 траўня

13
Тэги:
музей, Якуб Колас

Не тое, што вы падумалі: дзіўную скульптуру ўсталявалі ў Германіі відэа

46
(абноўлена 14:22 13.05.2021)
Драўляная статуя, якую ўсталявалі на Рынкавай плошчы нямецкага горада Таргаў, абурыла многіх мясцовых жыхароў. Па задумцы кампазіцыя павінна быць падобная на спаржу. Але калі ўважліва паглядзець - то гэта не зусім "каралева гародніны". Глядзіце відэа.

Сродкі масавай інфармацыі звярнуліся за каментарамі да стваральніка скульптуры "Спаржа" Маркуса Шольца. Ён заявіў, што ў яго кампазіцыі нічога дзіўнага няма, яна павінна заахвоціць жыхароў Таргаў "заставацца ўстойлівымі і быць у добрым настроі" ў часы пандэміі каронавіруса.

Супярэчлівую па задумцы працу майстра прыбіраць з плошчы не сталі. Магчыма, улады гарадка паверылі мастаку. А можа, проста паставіліся да увасобленай ідэі з гумарам.

Ды і спаржа ў Германіі сапраўды вельмі папулярная. У краіне налічваецца амаль 2 тысячы фермерскіх гаспадарак, якія вырошчваюць гэту гародніну. У сярэднім кожны жыхар Германіі з'ядае каля 2 кг спаржы ў год.

Яе адварваюць ці рыхтуюць на пару. "Каралеву гародніны" немцы яшчэ і экспартуюць. Штогадовы абарот складае каля паўмільярда еўра.

Глядзіце таксама:

46
Тэги:
статуя, відэа, Германія, Скульптура
Першая Ласточа адправілася з Мінска ў Маскву з першага пуці станцыі Мінск-Пасажырскі

Хуткасныя цягнікі "Ласточка" за 2 тыдні перавезлі 22 тысячы пасажыраў

7
(абноўлена 17:11 14.05.2021)
Рэйсы Мінск-Масква карыстаюцца высокім попытам, вагоны беларуска-расійскага экспрэса запаўняюцца на 100%

МІНСК, 14 тра - Sputnik. Хуткасныя цягнікі "Ласточка", якія курсіруюць паміж Мінскам і Масквой, за два тыдні перавезлі 22 тысячы пасажыраў, паведаміла прэс-служба РЧ.

Квіткі на праезд у цягніку паміж сталіцамі Беларусі і Расіі выкупляюцца загадзя. Праязныя дакументы на бліжэйшыя рэйсы ўжо набылі 34,5 тысячы чалавек. Паездкі сталі карацей: замест 9 гадзіны маршрут займае менш сямі. Па Беларусі "Ласточка" рухаецца з хуткасцю 140 кіламетраў у гадзіну, па Расіі - 160.

Новы рэйс Мінск - Масква быў адкрыта 30 красавіка. Цягнікі ходзяць па "люстраным" раскладзе: ранішнія з Беларусі і Расіі адпраўляюцца ў 06:20 і прыходзяць у 13:10, вячэрнія стартуюць у 16:00 і прыбываюць а 22:55.

Для харчавання пасажыраў падрыхтавана меню з трыма рацыёнамі. Паветра і ўзровень вільготнасці кантралююць бартавыя сістэмы. Вагоны падзелены на тры класы абслугоўвання: бізнес, эканом і базавы. Для пасажыраў з абмежаванымі магчымасцямі прадугледжаны спецыяльныя месцы.

Чытайце таксама:

7
Тэги:
Масква, Мінск, пасажыр, "Ласточка", цягнік