"Нялюбасць" Звягінцава намінавалі на прэмію BAFTA

© Photo : УП "Киновидеопрокат"Кадр з фільма "Нялюбасць" Андрэя Звягінцава
Кадр з фільма Нялюбасць Андрэя Звягінцава - Sputnik Беларусь
Падпісацца
Расійскую кінастужку ўжо намінавалі на "Залаты глобус", аднак яна не атрымала прыз.

МІНСК, 9 сту — Sputnik. Фільм "Нялюбасць" рэжысёра Андрэя Звягінцава намінавалі на прэмію Брытанскай акадэміі кіно і тэлебачання (BAFTA) у катэгорыі "Лепшы фільм на замежнай мове", паведамілі арганізатары кінапрэміі на афіцыйным сайце.

Брытанскі рэжысёр Марцін МакДона і акцёры фільма Тры білборда на мяжы Эбінга, Місуры на Залатым глобусе - Sputnik Беларусь
У Лос-Анджэлесе ўручылі прэміі "Залаты глобус"

Акрамя карціны "Нялюбасць" намінантамі сталі фільмы "Спачатку яны забілі майго бацьку" Анджэліны Джолі, "Служанка" Пак Чхан-ука, "Прадавец" Асгхара Фарада, і "Яна" Пола Верховена.

У снежні "Нялюбасць" намінавалі на "Залаты глобус", аднак карціна саступіла ўзнагароду нямецкай драме "На мяжы" з Дайан Кругер у галоўнай ролі. Стужка ў арыгінале называецца "Aus dem Nichts". Па сюжэту гераіня Кругер страчвае ў выніку тэракта ўльтрарадыкалаў сваю сям'ю, і яе мэтай становіцца помста радыкалам.

Фільм "Нялюбасць" расійскага кінарэжысёра Андрэя Звягінцава таксама нядаўна патрапіў у "кароткі спіс" намінантаў сярод лепшых замежных фільмаў прэміі "Оскар".

Ужо 23 студзеня з шорт-ліста амерыканскія кінаакадэмікі адбяруць асноўных намінантаў, сярод якіх і абяруць пераможцу прэміі.

Стужка навiн
0