Вуліца Маладзёжная ў Наваполацку

Наваполацк рыхтуецца прыняць статус культурнай сталіцы Беларусі

33
(абноўлена 16:44 19.01.2018)
Творчыя калектывы выступяць на сцэне Палаца культуры ААТ "Нафтан", дзе адбудзецца афіцыйнае адкрыццё акцыі "Культурная сталіца Беларусі".

МІНСК, 19 сту — Sputnik. Адкрыццё акцыі "Культурная сталіца Беларусі" адбудзецца ў Наваполацку 23 студзеня, паведамляе БелТА.

Святочныя мерапрыемствы пройдуць на некалькіх пляцоўках горада. У Цэнтры культуры пакажуць выставу-прэзентацыю "Скарбонка творчасці", навучэнцы і работнікі ўстаноў культуры прадставяць на ёй свае работы. Творчыя калектывы выступяць на сцэне Палаца культуры ААТ "Нафтан", дзе таксама адбудзецца афіцыйнае адкрыццё акцыі "Культурная сталіца Беларусі".

Ва ўрачыстым адкрыцці плануецца ўдзел кіраўніцтва Міністэрства культуры, Віцебскага аблвыканкама і Наваполацкага гарвыканкама.

Акцыя "Культурная сталіца Беларусі" праводзіцца ў дзевяты раз. У цяперашнім годзе культурнай сталіцай краіны стаў Наваполацк, у мінулым годзе званне атрымаў Бабруйск, а ў 2016-ым — Маладзечна. Першым гэтую акцыю прыняў Полацк у 2010-ым.

У гэтым годзе Наваполацку спаўняецца 60 гадоў, гэта адзін з самых маладых гарадоў Беларусі.

У Наваполацку дзейнічае універсітэт, некалькі каледжаў, тут ёсць і кінатэатр, і музей. Сярод важных культурных аб'ектаў — Палац культуры ААТ "Нафтан", гарадскі Палац культуры. Навапалачане і палачане любяць тутэйшы лядовы палац, дзе часам праходзяць выступленні сусветных зорак лёду. Сярод вядомых выхадцаў Наваполацка — мастак Пётр Грывусевіч, які на сваіх карцінах алюстроўвае віды горада.

33
Тэги:
культурная столица, праздник, Наваполацк, Віцебская вобласць, Беларусь
Удзельніца са школы Viradouro на карнавале ў Рыа-дэ-Жанейра, Бразілія

Карнавал у Рыа адмянілі з-за пандэміі каронавіруса

6
(абноўлена 19:25 23.01.2021)
Раней бразільскія ўлады пераносілі карнавал на нявызначаны тэрмін і разлічвалі, што здолеюць правесці мерапрыемства пасля таго, як з'явіцца вакцына ад COVID-19.

МІНСК, 25 сту – Sputnik. Штогадовы карнавал у Рыа-дэ-Жанейра, які павінен быў адбыцца ў лютым 2021, адмянілі, паведаміў мэр горада Эдуарду Паіс.

У верасні мінулага года стала вядома, што мерапрыемства адкладаецца. З-за пандэміі школы самбы не паспелі б падрыхтавацца да правядзення карнавалу-2021 у лютым ні фізічна, ні матэрыяльна.

Увосень арганізатары мерапрыемства выказвалі надзею на тое, што са з'яўленнем вакцыны ад каронавіруса, знакамітае шоу ўсё ж атрымаецца правесці летам.

"Я ніколі не хаваў сваёй страсці да карнавалу і выразнага бачання эканамічнай важнасці гэтай культурнай падзеі для нашага горада. Аднак цяпер няма сэнсу меркаваць, што мы зможам правесці карнавал у ліпені", - напісаў у сваім Twitter Паіс.

Падрыхтоўка, якую патрабуе шоў, на дадзены момант немагчыма, растлумачыў мэр і дадаў, што ў наступным годзе, пасля праходжання вакцынацыі, Рыа-дэ-Жанейро зможа "адсвяткаваць жыццё і нашу культуру з усёй інтэнсіўнасцю, якую заслугоўваем".

Карнавал у Рыа-дэ-Жанейра традыцыйна праводзіцца з пятніцы па аўторак перад Вялікім постам.

Бразілія стала адной з самых пацярпелых ад каронавіруса краін у свеце. Па апошніх дадзеных, захварэлі на COVID-19 больш за 8,6 мільёна жыхароў краіны, памерлі 214 тысяч чалавек. Краіна знаходзіцца на другім месцы ў свеце па колькасці смяротных зыходаў у хворых на каронавірус і на трэцім па колькасці заражэнняў.

Чытайце таксама:

6
Тэги:
Рыа-дэ-Жанейра, карнавал, каронавірус
Патэрна - падземны калідор у форце

Як выглядае абноўлены музей "Пяты форт" у Брэсце

5
(абноўлена 16:59 23.01.2021)
Работы па рэстаўрацыі і музеефікацыі праводзіліся з чэрвеня па снежань 2020 на сродкі Саюзнай дзяржавы Расіі і Беларусі.

БРЭСТ, 25 сту – Sputnik, Святлана Яцанюк. У Брэсце урачыста адкрыўся абноўлены музей Пяты форт - філіял мемарыяльнага комплексу "Брэсцкая крэпасць-герой".

Пятый форт - филиал мемориального комплекса Брестская крепость-герой
© Sputnik Светлана Яценюк
Пяты форт - філіял мемарыяльнага комплексу "Брэсцкая крэпасць-герой"

Падчас рэстаўрацыйных работ былі ачышчаны ад моху і бруду фасады казармы і гаржавы капанір. Сцены вычышчанага форта абаранілі спецыяльным кансервавальным складам, каб не разбуралася цэгла. Пра тое, што гэта Пяты форт, цяпер кажа і рымская лічба V на ўваходзе ў левай частцы гаржавой казармы.

Музей рассказывает и об участии крепости в Первой мировой войне
© Sputnik Светлана Яценюк
Музей распавядае і пра ўдзел крэпасці ў Першай сусветнай вайне

Акрамя рэстаўрацыі ў рамках праекта была створана новая экспазіцыя. Яна размясцілася ў гаржавой казарме і займае шэсць казематаў. Музей расказвае пра гісторыю фартыфікацыі на беларускіх землях, пра мадэрнізацыю Брэст-Літоўскай крэпасці, аб будаўніцтве фартоў і аб удзеле крэпасці ў Першай сусветнай вайне. Таксама ёсць залы з элементамі рэканструкцыі: яны наглядна паказваюць, як выглядалі памяшканні форта - жылыя казематы, канцылярыя, цэйхгаўз, умывальня.

В рамках проекта была создана новая экспозиция
© Sputnik Светлана Яценюк
У рамках праекта была створана новая экспазіцыя

На адкрыццё Пятага форта прыбылі міністр культуры Беларусі Анатоль Маркевіч, прадстаўнікі гарадской улады, кіраўніцтва Мемарыяльнага комплексу "Брэсцкая крэпасць" і іншыя ганаровыя госці. Як распавёў загадчык музея Пяты форт Аляксандр Каркатадзе, за 20 гадоў існавання гэтага аб'екта ў якасці музея яго ў агульнай складанасці наведала крыху больш за 100 тысяч чалавек.

Заведующий филиалом Музей 5-й форт Александр Коркотадзе на фоне стены с римской цифрой V
© Sputnik Светлана Яценюк
Загадчык філіяла "Музей 5-ы форт" Аляксандр Каркатадзе на фоне сцяны з рымскай лічбай V

У мэра горада Аляксандра Рагачука ёсць надзея і мэта ў разы павялічыць наведванне гэтага аб'екта.

"Патэнцыял Пятага форта - не тыя 100 тысяч, якія за 20 гадоў тут пабывалі. Я вам гарантую 100 тысяч у год", - выказвае ён сваё меркаванне.

Мэр города рассчитывает на 100 тысяч посетителей в год
© Sputnik Светлана Яценюк
Мэр горада разлічвае на 100 тысяч наведвальнікаў у год

Мэр горада паабяцаў узяць на сябе абавязацельствы па добраўпарадкаванні прылеглай тэрыторыі. Ужо ідзе будаўніцтва дарогі да музея. І будзе наведзены парадак ля ўваходу. Таксама Аляксандр Сцяпанавіч адзначыў, што да музея ў будучыні пусцяць грамадскі транспарт, так як цяпер сюды даволі праблематычна дабрацца без машыны.

5
Тэги:
Брэсцкая крэпасць, Брэст
Тэмы:
Саюзная дзяржава Беларусі і Расіі
Агенцтва Sputnik

Sputnik запускае ў Telegram навінавы канал на англійскай мове

5
(абноўлена 13:27 25.01.2021)
Англамоўны Telegram-канал будзе публікаваць навіны аб усіх буйных падзеях, якія адбываюцца ў свеце, у рэжыме 24/7.

МІНСК, 25 сту - Sputnik. Інфармацыйнае агенцтва Sputnik запускае новы інфармацыйны канал на англійскай мове ў Telegram. Sputnik развівае свае навінавыя сэрвісы з дапамогай мультымедыйных магчымасцей Telegram для асвятлення палітыкі, бізнесу, топавых сусветных эканамічных тэндэнцый, навін па абароне і бяспецы, космасу, ахове здароўя і іншых тэмах для шырокай аўдыторыі.

Канал будзе публікаваць тэкставыя паведамленні, фота і графічныя малюнкі, відэа, аўдыё, статыстыку і графікі, каб прадастаўляць чытачу самыя свежыя навіны з усяго свету, галоўныя навіны дня, навіны з Расіі, кур'ёзныя здарэнні, а таксама зазіраць за кулісы сусветных спраў. Мы прапануем чытачу вытрымкі з нашых самых цікавых эксклюзіўных інтэрв'ю з вышэйшымі службовымі асобамі ўрадаў розных краін, прадстаўнікамі бізнесу, палітыкамі, лідэрамі грамадскай думкі, аналітыкамі і экспертамі.

Карэспандэнты Sputnik будуць паведамляць чытачу ў прамым эфіры 24/7 аб усіх буйных сусветных падзеях, пачынаючы ад дзяржаўных візітаў да акцый пратэсту, тэрарыстычных нападаў і ўспышак інфекцый.

Вы можаце знайсці Sputnik ў Telegram і падпісацца на наш акаўнт па адрасе @sputniknewsint, а калі вас цікавіць самая аператыўная інфармацыя з Беларусі, фота і відэа з месца падзей - падпісвайцеся на @SPUTNIKBY.

Інфармацыйнае агенцтва Sputnik з'яўляецца часткай найбуйнейшага расійскага сродка масавай інфармацыі - "Россия сегодня". Нашы навінавыя стужкі, якія публікуюцца на розных мовах (англійскай, рускай, арабскай, кітайскай, іспанскай і фарсі), прадастаўляюць унікальныя магчымасці для глабальнай аўдыторыі.

Sputnik вырабляе ўласны мультымедыйны кантэнт і вяшчае на больш чым 30 мовах. Акрамя таго, радыё Sputnik забяспечвае больш за 800 гадзін радыёпраграм кожны дзень, якія ахопліваюць больш за 130 гарадоў у 34 краінах свету. Эксклюзіўны кантэнт для навінавых стужак таксама прадастаўляюць рэгіянальныя рэдакцыі (медыяцэнтры) у Вашынгтоне, Каіры, Пекіне і Монтавідэа.

Чытайце таксама:

5
Тэги:
Telegram, Sputnik