У Доме Ваньковічаў адбудзецца прэзентацыя буклета, прысвечанага музею

© Sputnik / Виктор ТолочкоУваход у музей "Дом Ваньковічаў"
Уваход у музей Дом Ваньковічаў - Sputnik Беларусь
Падпісацца
Выданне разлічана на шырокае кола чытачоў і ўсіх, хто цікавіцца культурнай спадчынай Беларусі.

МІНСК, 26 лют – Sputnik. Прэзентацыя буклета, прысвечанага Музею Ваньковічаў, адбудзецца ў філіяле Нацыянальнага мастацкага музея Рэспублікі Беларусь "Дом Ваньковічаў. Культура і мастацтва першай паловы XIX века" 28 лютага а 16:00, паведамілі Sputnik у музеі.

Канцэрт групы The Rasmus - Sputnik Беларусь
Сем канцэртаў і вялікі кірмаш: куды пайсці ў будні ў Мінску

Зацікаўленыя культурнай спадчынай Беларусі змогуць даведацца з буклета пра гісторыю стварэння музея, культуру і побыт шляхецкай сядзібы XIX стагоддзя. Таксама ў буклеце будуць прадстаўлены дакументы роду Ваньковічаў, найбольш каштоўныя экспанаты дома-музея.

Падрабязная інфармацыя аб экспазіцыі музея, якая змешчана ў буклеце, дапаўняецца мноствам прыгожых ілюстрацый.

Уваход на мерапрыемства вольны.

Зараз у Доме-музеі Ваньковічаў таксама праходзіць выстава графікі выбітнага рускага мастака Івана Шышкіна. Наведвальнікі музея змогуць пазнаёміцца з яго эцюднымі кампазіцыямі.

Стужка навiн
0