Выстава Уладзіміра Слабодчыкава Сублімацыя формы

Выстава Уладзіміра Слабодчыкава адкрылася ў Нацыянальным мастацкім музеі

69
(абноўлена 17:12 28.02.2018)
На выставе прадстаўлена звыш за 60 скультурных твораў з калекцыі Уладзіміра Слабодчыкава і Нацыянальнага мастацкага музея Рэспублікі Беларусь.

МІНСК, 28 лют – Sputnik. Выстава Уладзіміра Слабодчыкава "Сублімацыя формы" адкрылася ў Нацыянальным мастацкім музеі Рэспублікі Беларусь у панядзелак.

На ўрачыстым адкрыцці прысутнічалі дырэктар Нацыянальнага мастацкага музея Уладзімір Пракапцоў, старшыня Беларускага саюза мастакоў Рыгор Сітніца, намеснік старшыні Вілейскага райвыканкама Святлана Дзяруга і рэктар Беларускай дзяржаўнай акадэміі мастацтваў Міхаіл Баразна, якія павіншавалі мастака з адкрыццём выставы.

Рэктар Беларускай дзяржаўнай акадэміі мастацтваў Міхаіл Баразна, намеснік старшыні Вілейскага райвыканкама Святлана Дзяруга, скульптар Уладзімір Слабодчыкаў, старшыня Беларускага саюза мастакоў Рыгор Сітніца, дырэктар Нацыянальнага мастацкага музея Уладзімір Пракапцоў (злева направа)
© Sputnik Анастасия Волчок
Рэктар Беларускай дзяржаўнай акадэміі мастацтваў Міхаіл Баразна, намеснік старшыні Вілейскага райвыканкама Святлана Дзяруга, скульптар Уладзімір Слабодчыкаў, старшыня Беларускага саюза мастакоў Рыгор Сітніца, дырэктар Нацыянальнага мастацкага музея Уладзімір Пракапцоў (злева направа)

Выстава "Сублімацыя формы" – рэтраспектыўная. На ёй прадстаўлена звыш за 60 скультурных твораў з калекцыі Уладзіміра Слабодчыкава і Нацыянальнага мастацкага музея Рэспублікі Беларусь.

Сублімацыя формы – гэта ў першую чаргу спроба пазбавіць форму матэрыяльнасці. Для Слабодчыкава адчуванні, пачуцці, ідэі пераносяцца ў застылую форму, у спынены вобраз, жэст.

Наведвальнікі выставы Сублімацыя формы
© Sputnik Анастасия Волчок
Наведвальнікі выставы "Сублімацыя формы"

Працуючы над сваімі творамі, Уладзімір Слабодчыкаў падбірае неабходную пластычную мову.

Хлопчык на адкрыцці выставы
© Sputnik Анастасия Волчок
Хлопчык на адкрыцці выставы

Ён імкнецца паказаць шматграннасць аб’екта, яго здольнасць увасабляць не канкрэтнае, а абстрактнае або шматвобразнае паняцце.

Мадонна (бронза, 1990 г.)
© Sputnik Анастасия Волчок
"Мадонна" (бронза, 1990 г.)

Аднім з цэнтральных лейтматываў твораў Слабодчыкава з’яўляецца Чалавек як філасофская катэгорыя. Уладзімір Слабодчыкаў распрацаваў сваю ўласную пазнавальную мову скульптуры. Яго творы заўсёды маюць выразны сілуэт.

Скульптура, прысвечаная Марку Шагалу
© Sputnik Анастасия Волчок
Скульптура, прысвечаная Марку Шагалу

Уладзімір Слабодчыкаў – скульптар, які стаў вядомы ў беларускім мастацтве ў пачатку 1970-х і працуе ўжо больш за 40 гадоў. Слабодчыкаў займаецца вельмі разнастайнымі відамі і жанрамі скульптуры – ад нацыянальна-арыентаваных пошукаў да фармальных эксперыментаў. Дыяпазон яго праектаў вельмі шырокі: ад камернай пластыкі да маштабных манументальных помнікаў на радзіме і за мяжой.

З 1975 г. Слабодчыкаў працуе выкладчыкам, з 1989 г. – узначальвае кафедру скульптуры ў Беларускай дзяржаўнай акадэміі мастацтваў. З 1983 г. – член Беларускага саюза мастакоў (у 1988–1989 і 2005–2008 узначальваў секцыю скульптуры). У 2011 годзе ўдастоены звання "Заслужаны дзеяч мастацтваў Рэспублікі Беларусь". Прафесар Слабодчыкаў з’яўляецца Ганаровым членам Расійскай акадэміі мастацтваў і членам Каралеўскага таварыства брытанскіх скульптараў.

69
Тэги:
скульптура, "Сублімацыя формы" (выстава), Нацыянальны мастацкі музей Рэспублікі Беларусь, Уладзімір Слабодчыкаў, Мінск, Беларусь

Дарогамі вайны: перасовачны музей "Цягнік Перамогі" у Мінску - відэа

9
Праект расійскіх і беларускіх чыгуначнікаў прымеркаваны да 80-годдзя пачатку Вялікай Айчыннай вайны, а ў гэтым годзе экспазіцыю ў адным з вагонаў прысвяцілі подзвігу салдат Брэсцкай крэпасці. Глядзіце відэа, як сустракалі састаў у беларускай сталіцы.

Стваральнікі перасовачнай экспазіцыі абяцаюць такі эфект прысутнасці, якога няма ні ў адным стацыянарным музеі пра Вялікую Айчынную вайну. "Цягнік Перамогі" літаральна ахінае наведвальніка подыхам падзей таго часу. Шлях - гэта пераход з аднаго вагона ў іншы. Гады да пачатку вайны - Вялікая Айчынная - і доўгачаканая Перамога.

З 12 вагонаў дзевяць - экспазіцыйныя. Замест вокнаў - экраны з відэа, перазнятым па хроніцы ваенных гадоў. І адчуванне, што ты бачыш рэальную карцінку за акном. Па ўсім маршруце наведвальнікаў суправаджае аўдыягід.

"Праект імерсіўны, ён унікальны тым, што наведвальнік аказваецца ўсярэдзіне экспазіцыі. І можа кранаць прадметы. Слухаць аўдыёаповяд машыністкі Лідзіі, гэта зборны вобраз, які створаны на падставе гісторый рэальных жанчын, якія працавалі на чыгунцы ў гады вайны", - распавядае каардынатар каманды "Неўскі баталіст" Маргарыта Папова.

Каб дамагчыся эфекту прысутнасці, стваральнікі экспазіцыі задзейнічалі гукавыя эфекты, шматлікія праектары і экраны высокай выразнасці. Тэатральны свет, галаграмы, датчыкі прысутнасці, фоташпалеры. А яшчэ сотні фігур. Прычым амаль ва ўсіх ёсць рэальныя прататыпы. Стваралі скульптуры па фота ваенных гадоў. Рэалістычнасці дадаюць і прадметы побыту, рэквізіт. Да прыкладу, зброя таго часу, салдацкая форма.

"У мяне проста няма слоў. Я лічу, што і лекцый не трэба пра вайну. Трэба маладых людзей сюды прывесці, каб яны проста паглядзелі. Вайна ў натуры. Хто не чуў пра вайну, ён тут усё зразумее", - перакананы ветэран Вялікай Айчыннай вайны Іван Сінельшчыкаў.

Гісторыя "Цягніка Перамогі"

Праект "Цягнік Перамогі" - сацыяльны. З гэтай экспазіцыяй толькі ў расійскіх гарадах пазнаёміліся ўжо больш за 90 тыс чалавек. Як мяркуюць у БЧ, у Беларусі паглядзець унікальную выставу зможа каля 15 тыс чалавек. Праўда, толькі па запрашальных білетах, ужо вельмі моцны ажыятаж выклікаў "Цягнік Перамогі".

У Мінску на чыгуначным вакзале выстава прабудзе тры дні. Пасля састаў адправіцца ў Оршу, дзе прабудзе з 14 па 15 чэрвеня, 16-17 чэрвеня яго ўбачаць жыхары Віцебска, пасля састаў спыніцца ў Полацку, а 19-20 чысла ён будзе даступны для жыхароў Гродна. Асаблівае месца ў маршруце з 21 па 24 чэрвеня зойме Брэст, гамяльчане змогуць пабываць у музеі 25-26 чэрвеня, а завершыцца паказ экспазіцыі ў Магілёве 27-28 чэрвеня.

На сайце праекта поездпобеды.рф ацаніць экспазіцыю можна ан-лайн.

Глядзіце таксама:

9
Тэги:
сталіца, Брэсцкая крэпасць, подзвіг, Вялікая Айчынная вайна, праект, відэа, Мінск, "Цягнік Перамогі", музей, Вайна, дарогі
На канцэрт у гонар Дня Расіі радаваць мінчан і гасцей сталіцы прыехалі шматлікія артысты

Выстава карцін, песні, танцы - у Мінску адсвяткуюць Дзень Расіі

50
(абноўлена 17:28 10.06.2021)
Арганізатарам святочных мерапрыемстваў выступае пасольства Расійскай Федэрацыі ў Рэспубліцы Беларусь.

МІНСК, 10 чэр - Sputnik. Свята, прысвечанае Дню Расіі, пройдзе ў Мінску 12 чэрвеня.

Мерапрыемствы адкрыюцца апоўдні цырымоніяй размяшчэння ў крыпце храма-помніка ў гонар Усіх Святых і ў памяць аб ахвярах, якія выратаванню Айчыны нашай паслужылі, зямлі з месцаў спачынку беларускіх воінаў, якія загінулі ў бітвах Крымскай вайны 1853-1856 гадоў.

У 15:00 у арт-прасторы Cafe de fleur на плошчы Свабоды адкрыецца выстава расійскіх і беларускіх мастакоў "Час квітнення". Па ацэнцы мастацтвазнаўцаў, у лёгкай і гасціннай атмасферы гледачы змогуць эмацыйна пагрузіцца ў свет мастацтва.

У 15:30 каля Мінскай гарадской ратушы пачнецца канцэрт самадзейных ансамбляў нацыянальных дыяспар народаў Расіі.

На гэтай жа сцэнічнай пляцоўцы з 20:00 да 22:30 пройдзе канцэрт Дзяржаўнага тэатра песні і танца "Марошка" з Санкт-Пецярбурга, а таксама Дзяржаўнага акадэмічнага рускага народнага ансамбля "Расія" імя Людмілы Зыкінай.

Анансуючы маючыя адбыцца мерапрыемствы на прэс-канферэнцыі ў мультымедыйным прэс-цэнтры Sputnik Беларусь, пасол Расійскай Федэрацыі ў Беларусі Яўген Лук'янаў сардэчна запрасіў мінчан і гасцей беларускай сталіцы прыйсці на свята, тым больш што "нам абяцалі добрае надвор'е".

Дзень Расіі

У 1990 годзе 12 чэрвеня першы З'езд народных дэпутатаў РСФСР прыняў Дэкларацыю аб дзяржаўным суверэнітэце Расіі, у якой было абвешчана вяршэнства Канстытуцыі Расіі і яе законаў.

11 чэрвеня 1992 года Вярхоўны савет РФ выдаў пастанову аб прысваенні даце 12 чэрвеня статусу святочнага непрацоўнага дня. 25 верасня 1992 года у Кодэкс законаў аб працы РФ былі ўнесены адпаведныя змены.

Указам прэзідэнта Расіі Барыса Ельцына ад 2 чэрвеня 1994 гады Дзень прыняцця Дэкларацыі аб дзяржаўным суверэнітэце РСФСР быў абвешчаны дзяржаўным святам.

Афіцыйная назва "Дзень Расіі" замацавалася за святам у 2002 годзе, калі ў сілу ўступіў новы Працоўны кодэкс Расійскай Федэрацыі, у якім былі прапісаны новыя святочныя дні і выхадныя.

Дзень Расіі традыцыйна адзначаецца масавымі народнымі гуляннямі, спартыўнымі мерапрыемствамі і канцэртамі.

50
Тэги:
Дзень Расіі, Мінск, танцы, песні, Выстава карцін
Прэзідэнт РФ Уладзімір Пуцін

Гонар за спадчыну: Пуцін павіншаваў суайчыннікаў з Днём Расіі

10
(абноўлена 14:06 12.06.2021)
Дзень Расіі, па словах прэзідэнта, сімвалізуе не толькі сучаснае развіццё краіны, але і найбагацейшая спадчына, створаная многімі пакаленнямі продкаў.

Уладзімір Пуцін павіншаваў расіян з Днём Расіі. Віншаванне грамадзянам краіны ад расійскага лідэра прагучала ў суботу на цырымоніі ўручэння дзяржаўных прэмій і ўзнагароджання герояў працы.

"Рады вітаць вас у Крамлі і, перш за ўсё, павіншаваць прысутных у гэтай зале, усіх грамадзян нашай краіны са святам, з Днём Расіі", - заявіў расійскі лідэр.

Па словах прэзідэнта, Дзень Расіі "азначае не толькі сучаснае развіццё айчыны, але і ўвесь яе шматвяковы, бесперапынны шлях, веліч яе гісторыі, яе здзяйсненняў, перамог і дасягненняў". Гэта найбагацейшая спадчына стваралася многімі пакаленнямі нашых продкаў, падкрэсліў Пуцін.

"Іх працоўныя і ратныя подзвігі, бясконцая адданасць радзіме выклікаюць павагу і гонар, імкненне быць годнымі іх гераічных лёсаў, захоўваць, сцвярджаць у сваім жыцці завешчаныя нам каштоўнасці, якія і сёння маюць каласальнае значэнне для ўсяго нашага руху наперад", - дадаў расійскі лідэр.

Адно з першых віншаванняў расійскаму лідэру і народу краіны раніцай было накіравана з Беларусі.

Аляксандр Лукашэнка ў віншавальнай тэлеграме назваў Расійскую Федэрацыю "вялікай краінай з унікальнай гісторыяй і бясцэннай культурнай спадчынай" і выказаў упэўненасць, што беларуска-расійскія адносіны, "загартаваныя ў супрацьстаянні сучасным пагрозам", будуць прырастаць новымі перспектыўнымі напрамкамі супрацоўніцтва ў інтарэсах абедзвюх краін і народаў.

Віншаванні з нагоды Дня Расіі накіравала таксама кіраўнік верхняй палаты беларускага парламента Наталля Качанава, віншавальныя словы адрасаваны кіраўніку Савета Федэрацыі Валянціне Мацвіенка, старшыні Дзярждумы Вячаславу Валодзіну, а таксама дзяржсакратару Саюзнай дзяржавы Дзмітрыю Мезенцаву і надзвычайнаму і паўнамоцнаму паслу Расіі ў Беларусі Яўгену Лук'янаву.

Чытайце таксама:

10
Тэги:
продкі, спадчына, краіна, развіццё, прэзідэнт, Дзень Расіі, суайчыннік, Уладзімір Пуцін, гонар