Ісус Хрыстос

Вочы, якія глядзяць у душу: у Мінску адкрылася выстава Ісачова

171
(абноўлена 18:04 22.03.2018)
Сярод прадстаўленых на выставе карцін - знакамітыя палотны "Ісус Хрыстос", "Дрыяда", "Ізіда".

МІНСК, 22 сак — Sputnik. Выстава жывапісных і графічных работ Аляксандра Ісачова "Ля забытых алтароў" адкрылася ў мінскай галерэі "Арцель". Яна прымеркавана да 30-годдзя выставы мастака ў палацы Прафсаюзаў — людзі тады выстойвалі вялізныя чэргі, каб зірнуць на творы Ісачова.

На выставе прадстаўлены каля 70 эскізаў і карцін з калекцыі Алега Арлова. Мастак, музыкант, калекцыянер твораў мастацтва, ён з пачатку нулявых гадоў збірае работы Аляксандра Ісачова і гаворыць, што ў тым, як складалася яго калекцыя, ёсць нешта містычнае.

Трыпціх Магія: Індыя, Еўропа, Сярэднявечча
© Sputnik / Анастасия Волчок
Трыпціх Магія: "Індыя", "Еўропа", "Сярэднявечча"

Так, літаральна месяц таму яму ўдалося купіць часткі страчанай карціны "Магія" — яны на працягу 35 гадоў захоўваліся ў жыхара Рэчыцы.

Калекцыянер Алег Арлоў месяц таму набыў фрагмент карціны Магія
© Sputnik / Анастасия Волчок
Калекцыянер Алег Арлоў месяц таму набыў фрагмент карціны "Магія"

Таксама на выставе можна ўбачыць фрагмент няскончанай карціны "Дыяніс", разарванай папалам самім мастаком.

Дыяніс, фрагмент
© Sputnik / Анастасия Волчок
"Дыяніс", фрагмент

Выстава "Ля забытых алтароў" — 17-я па ліку ў Беларусі. Кожны раз выстава твораў Ісачова прыцягвае мноства аматараў мастацтва.

"Я бачыў, як людзі плачуць, стоячы перад карцінамі", — распавёў Алег Арлоў.

Прарок, Лот, Цар Саламон
© Sputnik / Анастасия Волчок
"Прарок", "Лот", "Цар Саламон"

У сваёй творчасці Аляксандр Ісачоў звяртаўся да рэлігійнай і міфалагічнай тэматыкі. Сярод прадстаўленых на выставе карцін — знакамітыя палотны "Ісус Хрыстос", "Дрыяда", "Ізіда".

Акно, Ізіда
© Sputnik / Анастасия Волчок
"Акно", "Ізіда"

Па словах Алега Арлова, жывапіс Ісачова ні аднаго чалавека не пакідае абыякавым: хтосьці хваліць мастака, які рана пакінуў гэты свет, хтосьці, у асноўным людзі з прафесійнай мастацкай адукацыяй, называе яго творы кічам. Але нельга не прызнаць, што Ісачоў, які год не дажыў да ўзросту Хрыста, што сумна і строга пазірае на наведвальнікаў галерэі з яго карцін, пакінуў гіганцкую культурную спадчыну, палотны Ісачова знаходзяцца ў прыватных калекцыях па ўсім свеце, і нават два экс-прэзідэнта — Жак Шырак і Рональд Рэйган — захоўваюць карціны рэчыцкага мастака.

Жывапіс Ісачова нікога не пакідае абыякавым
© Sputnik / Анастасия Волчок
Жывапіс Ісачова нікога не пакідае абыякавым

Жыццю і творчасці Аляксандра Ісачова прысвечаны шматлікія артыкулы — не толькі ў прэсе, але і ў акадэмічных выданнях, выпушчана некалькі каталогаў яго твораў, а ў 1987 годзе на кінастудыі "Беларусьфільм" выйшаў паўнаметражны дакументальны фільм "Не плачце па мне…" рэжысёра Анатоля Алая, асноўная частка якога была знятая падчас першай выставы мастака.

Алег Арлоў дэманструе каталог твораў Ісачова. На стале - падручнік гісторыі Беларусі за 9 клас, дзе мастаку прысвечаны параграф
© Sputnik / Анастасия Волчок
Алег Арлоў дэманструе каталог твораў Ісачова. На стале - падручнік гісторыі Беларусі за 9 клас, дзе мастаку прысвечаны параграф

Аляксандр Ісачоў нарадзіўся 11 студзеня 1955 года ў пасёлку Азарычы Калінкавіцкага раёна Гомельскай вобласці. У пачатку 70-х гадоў жыў у Ленінградзе, дзе ствараў абстрактныя і сюррэалістычныя карціны і ўдзельнічаў у выставах мясцовага андэграўнду. У сярэдзіне 1970-х Ісачоў вярнуўся ў Рэчыцу, дзе і стварыў свае асноўныя творы. Ён напісаў мноства ікон для Рэчыцкай царквы, распісаў храм у Мазыры. 5 снежня 1987 года (праз тры днi пасля заканчэння першай у сваім жыцці персанальнай выставы ў Рэчыцы, якую наведала каля 20 тысяч гледачоў) Ісачоў памёр ад сардэчнага прыступу каля мальберта ў сваёй майстэрні. За свае 32 гады Аляксандр Ісачоў стварыў каля 500 жывапісных карцін і тысячы графічных работ.

171
Тэги:
выстава, жывапіс, мастацкая галерэя "Арцель", Аляксандр Ісачоў, Мінск, Беларусь

Абрад "Ваджэнне і пахаванне Стралы" па традыцыі прайшоў у вёсцы Стаўбун

43
(абноўлена 15:49 01.06.2020)
  • Абрад Ваджэнне і пахаванне Стралы зараз праводзіцца толькі ў дзвюх беларускіх вёсках. Знаходзяцца яны на Гомельшчыне.
  • У гэтым годзе фотакарэспандэнт Альфрэд Мікус патрапіў у вёску Стаўбун.
  • Абрад праводзіцца на Ушэсце - саракавы дзень пасля Вялікадня. Галоўная мэта таямнічых дзеянняў - каб вясновыя навальніцы з дажджамі і агністымі стрэламі маланак не нашкодзілі людзям, а былі павернуты ў поле і садзейнічалі паспяванню ўраджаю.
  • Жанчыны водзяць карагоды, спяваюць песні і паступова рухаюцца ў бок поля, каб сваімі песнямі адвесці пагрозу пажараў ад пасеваў і накіраваць на іх энергію сонца і дождж.
  • У Веткаўскім раёне ёсць вёскі, дзе толькі адна-дзве спявачкі на Ушэсце спяваюць стрэльныя песні, пасылаючы ў неба гэты таямнічы незвычайны кліч-мальбу.
  • Галоўнай стрэльнай песняй лічылася тая, у якой утрымліваўся зварот-маленне да нябеснай стыхіі.
  • Як пушчу стралу дай уздоўж вёскі, ох і вой люлі, дай уздоўж сяла... упоперак вуліцы.
  • Абавязкова на полі трэба было пакачацца па зямлі і закапаць тое, што лічылася сімвалам стралы.
  • Сімвалам Стралы ў кожнай вёсцы былі свае рэчы - манеты, упрыгажэнні, каласкі.
  • У некаторых вёсках закапвалі ляльку з травы і анучы, якая сімвалізавала вясну.
  • Лічыцца, што карані ў свята паганскія, а стралою раней называлі маланку - сімвал Перуна.
  • Акрамя Гомельшчыны абрад праводзілі раней на поўначы Украіны і захадзе Браншчыны.
  • Кожная гаспадыня зрывала сем каласкоў, адносіла іх да хаты і ў якасці абярэгу захоўвала ў Чырвоным куце за абразом.
  • Традыцыя згасае, абрад ужо цалкам нідзе не праводзіцца, але ён яшчэ важны жыхарам сам сабою і гучаннем вясновых песень і карагодаў.
  • Быццам бы яны напаўняюць жыццё сэнсам, вучаць падпарадкоўвацца законам прыроды і адчуваць сябе яе неад'емнай часткай.
  • Пасля абрада ў вёсцы ладзілі застолле, дзе збіраліся ўсе яго удзельнікі.
Народнае беларускае свята Ушэсця не мае пэўнай даты - яно прыпадае на саракавы дзень пасля Вялікадня. Звычайна на Ушэсце на Беларусі ладзілі таямічы абрад, традыцыя правядзення якога захавалася толькі ў некалькіх беларускіх вёсках.

Абрад "Ваджэнне і пахаванне Стралы" традыцыйна ладзілі на Беларусі на Ушэсце - свята, якое прыпадае на саракавы дзень пасля Вялікадня. Сёння ён праводзіцца толькі у некалькіх вёсках Веткаўскага і Чачэрскага раёна на Гомельшчыне.

Напрыклад, у 2005 годзе гэтаму абраду ў вёсцы Казацкія Балсуны надалі статус нематэрыяльнай культурнай спадчыны краіны.

На гэты раз фотакарэспандэнт sputnik Альфрэд Мікус патрапіў на ваджэнне Стралы ў вёсцы Стаўбун. З-за эпідэміялагічнага становішча сюды не запрашалі вялікай колькасці гасцей і правялі абрад толькі ў коле блізкіх людзей.

Глядзіце ў фотастужцы Sputnik, як на Беларусі захоўваюць традыцыю аднаго з самых таямнічых і архаічных абрадаў.

Глядзіце таксама:

  • Як прайшоў абрад "Ваджэнне і пахаванне Стралы" ў вёсцы Валасовічы – фота
  • Традыцыя жыве: на Палессі зноў зладзілі "Юраўскі карагод"

43
  • Абрад Ваджэнне і пахаванне Стралы зараз праводзіцца толькі ў дзвюх беларускіх вёсках. Знаходзяцца яны на Гомельшчыне.
    © Sputnik Альфрэд Мікус

    Абрад "Ваджэнне і пахаванне Стралы" зараз праводзіцца толькі ў дзвюх беларускіх вёсках. Знаходзяцца яны на Гомельшчыне.

  • У гэтым годзе фотакарэспандэнт Альфрэд Мікус патрапіў у вёску Стаўбун.
    © Sputnik Альфрэд Мікус

    У гэтым годзе фотакарэспандэнт Альфрэд Мікус патрапіў у вёску Стаўбун.

  • Абрад праводзіцца на Ушэсце - саракавы дзень пасля Вялікадня. Галоўная мэта таямнічых дзеянняў - каб вясновыя навальніцы з дажджамі і агністымі стрэламі маланак не нашкодзілі людзям, а былі павернуты ў поле і садзейнічалі паспяванню ўраджаю.
    © Sputnik Альфрэд Мікус

    Абрад праводзіцца на Ушэсце - саракавы дзень пасля Вялікадня. Галоўная мэта таямнічых дзеянняў - каб вясновыя навальніцы з дажджамі і агністымі стрэламі маланак не нашкодзілі людзям, а былі павернуты ў поле і садзейнічалі паспяванню ўраджаю.

  • Жанчыны водзяць карагоды, спяваюць песні і паступова рухаюцца ў бок поля, каб сваімі песнямі адвесці пагрозу пажараў ад пасеваў і накіраваць на іх энергію сонца і дождж.
    © Sputnik Альфрэд Мікус

    Жанчыны водзяць карагоды, спяваюць песні і паступова рухаюцца ў бок поля, каб сваімі песнямі адвесці пагрозу пажараў ад пасеваў і накіраваць на іх энергію сонца і дождж.

  • У Веткаўскім раёне ёсць вёскі, дзе толькі адна-дзве спявачкі на Ушэсце спяваюць стрэльныя песні, пасылаючы ў неба гэты таямнічы незвычайны кліч-мальбу.
    © Sputnik Альфрэд Мікус

    У Веткаўскім раёне ёсць вёскі, дзе толькі адна-дзве спявачкі на Ушэсце спяваюць стрэльныя песні, пасылаючы ў неба гэты таямнічы незвычайны кліч-мальбу.

  • Галоўнай стрэльнай песняй лічылася тая, у якой утрымліваўся зварот-маленне да нябеснай стыхіі.
    © Sputnik Альфрэд Мікус

    Галоўнай "стрэльнай" песняй лічылася тая, у якой утрымліваўся зварот-маленне да нябеснай стыхіі.

  • Як пушчу стралу дай уздоўж вёскі, ох і вой люлі, дай уздоўж сяла... упоперак вуліцы.
    © Sputnik Альфрэд Мікус

    "Як пушчу стралу дай уздоўж вёскі, ох і вой люлі, дай уздоўж сяла... упоперак вуліцы".

  • Абавязкова на полі трэба было пакачацца па зямлі і закапаць тое, што лічылася сімвалам стралы.
    © Sputnik Альфрэд Мікус

    Абавязкова на полі трэба было пакачацца па зямлі і закапаць тое, што лічылася сімвалам стралы.

  • Сімвалам Стралы ў кожнай вёсцы былі свае рэчы - манеты, упрыгажэнні, каласкі.
    © Sputnik Альфрэд Мікус

    Сімвалам Стралы ў кожнай вёсцы былі свае рэчы - манеты, упрыгажэнні, каласкі.

  • У некаторых вёсках закапвалі ляльку з травы і анучы, якая сімвалізавала вясну.
    © Sputnik Альфрэд Мікус

    У некаторых вёсках закапвалі ляльку з травы і анучы, якая сімвалізавала вясну.

  • Лічыцца, што карані ў свята паганскія, а стралою раней называлі маланку - сімвал Перуна.
    © Sputnik Альфрэд Мікус

    Лічыцца, што карані ў свята паганскія, а стралою раней называлі маланку - сімвал Перуна.

  • Акрамя Гомельшчыны абрад праводзілі раней на поўначы Украіны і захадзе Браншчыны.
    © Sputnik Альфрэд Мікус

    Акрамя Гомельшчыны абрад праводзілі раней на поўначы Украіны і захадзе Браншчыны.

  • Кожная гаспадыня зрывала сем каласкоў, адносіла іх да хаты і ў якасці абярэгу захоўвала ў Чырвоным куце за абразом.

    Кожная гаспадыня зрывала сем каласкоў, адносіла іх да хаты і ў якасці абярэгу захоўвала ў Чырвоным куце за абразом.

  • Традыцыя згасае, абрад ужо цалкам нідзе не праводзіцца, але ён яшчэ важны жыхарам сам сабою і гучаннем вясновых песень і карагодаў.
    © Sputnik Альфрэд Мікус

    Традыцыя згасае, абрад ужо цалкам нідзе не праводзіцца, але ён яшчэ важны жыхарам сам сабою і гучаннем вясновых песень і карагодаў.

  • Быццам бы яны напаўняюць жыццё сэнсам, вучаць падпарадкоўвацца законам прыроды і адчуваць сябе яе неад'емнай часткай.
    © Sputnik Альфрэд Мікус

    Быццам бы яны напаўняюць жыццё сэнсам, вучаць падпарадкоўвацца законам прыроды і адчуваць сябе яе неад'емнай часткай.

  • Пасля абрада ў вёсцы ладзілі застолле, дзе збіраліся ўсе яго удзельнікі.
    © Sputnik Альфрэд Мікус

    Пасля абрада ў вёсцы ладзілі застолле, дзе збіраліся ўсе яго удзельнікі.

Тэги:
Беларусь, Традыцыі і абрады
Тэмы:
Спадчына: традыцыі і вераванні нашых продкаў
Дзіцячыя вершы: пра прыроду, сям'ю і школу

Дзіцячыя вершы: пра прыроду, сям'ю і школу

16605
(абноўлена 12:44 30.05.2020)
Чытайце вершы дзя дзяцей на беларускай мове ў падборцы Sputnik. Тут толькі самае лепшае і натхняльнае.

У Міжнародны дзень абароны дзяцей Sputnik прапануе падборку лепшых дзіцячых вершаў на беларускай мове. У вершах сучасных паэтаў і класікаў паўстае выява дзяцінства, агульная для ўсіх: сябры, жывёлы і птушачкі, любімая сям'я, новыя адкрыцці і школьныя бязладзіцы.

Наведаць чароўную краіну дзяцінства і ўспомніць любімыя вершы можна таксама па спасылцы, а калі вам падабаюцца загадкі, Sputnik ужо рабіў падборку нескладаных пытанняў, якія можна задаваць самым маленькім.

Вершы пра маму, бацьку і сям'ю нікога не пакінуць абыякавымі. Пачытайце таксама беларускія народныя прыказкі пра дзяцей – абяцаем, некаторыя з іх вас сапраўды здзівяць.

Чытайце таксама:

16605
Тэги:
Беларуская мова, Вершы
Тэмы:
Ад Барадуліна да Хадановіча: вершы на беларускай мове
Маланка ў небе, архіўнае фота

Штармпапярэджанне з-за навальніц і шквалістага ветру ў Беларусі зацягваецца

0
(абноўлена 17:27 03.06.2020)
У бліжэйшыя дні надвор'е будзе няўстойлівым: чакаюцца ападкі, месцамі - навальніцы і вецер, але тэмпература паветра ў дзённыя гадзіны будзе дасягаць +15 .. + 25°С.

МІНСК, 3 чэр - Sputnik. Штармпапярэджанне абвешчана з-за непагодлівага надвор'я ў Беларусі на вечар серады і чацвер, адпаведная інфармацыя размешчана на сайце рэспубліканскага гідраметцэнтра.

"Сёння, 3 чэрвеня, у перыяд з 15 да 21 гадзіны на большай частцы тэрыторыі чакаюцца навальніцы, пры навальніцах месцамі шквалістае ўзмацненне ветру парывамі да 15-20 метраў у секунду, у асобных раёнах град, моцныя ліўні", - папярэджвае Белгідрамет. Абвешчаны аранжавы ўзровень небяспекі.

Паводле інфармацыі сіноптыкаў, непагадзь у сераду чакаецца і ў сталіцы: можа прогреметь навальніца з моцнымі ліўнямі месцамі па горадзе і шквалістым узмацненнем ветру.

"Увага! 4 чэрвеня (у чацвер) у асобных раёнах рэспублікі чакаюцца навальніцы", - паведамілі сіноптыкі. У гэты дзень у сувязі з прагнозам на тэрыторыі краіны абвешчаны жоўты ўзровень небяспекі.

Па дадзеных Белгідрамета, у бліжэйшыя дні надвор'е будзе няўстойлівым: чакаюцца ападкі, месцамі - навальніцы і вецер, тэмпература паветра ў дзённыя гадзіны будзе дасягаць +15 .. + 25°С у залежнасці ад рэгіёна.

0
Тэги:
Беларусь, Надвор'е