Кацярына Ваданосава

Кацярына Ваданосава заспявае на "Свяце Сонца" хіты і новыя песні

63
(абноўлена 17:03 23.03.2018)
Беларуская спявачка традыцыйна выступіць у суправаджэнні ансамбля "Fantasy Orchestra".

МІНСК, 23 сак — Sputnik. Кацярына Ваданосава і ансамбль "Fantasy Orchestra" рыхтуюць асаблівую праграму да III міжнароднага купальскага  folk-fire фестывалю "Свята Сонца", які пройдзе ў музеі "Дудуткі" 16-17 чэрвеня, паведамілі арганізатары.

Беларуская спявачка, паэт, музыкант і выканаўца не толькі заспявае песні з музычнага альбома "Міфатворчасць", які выйшаў ў 2016 годзе, але і прадставіць новыя песьні.

У сваёй музыцы яна абапіраецца на традыцыі айчыннай народнай культуры, на еўрапейскую музыку эпохі Сярэднявечча, Рэнесанса ды Барока, а таксама на здабыткі музычнай культуры "залатога веку" рок-н-рола ды арт-рока, удала сумяшчаючы іх у кантэксце плыні, якую некаторыя акрэсліваюць як "менестрэль-рок", альбо "фэнтэзі-рок".

Адметнасць ансамбля "Fantasy Orchestra" з'яўляецца выкарыстанне беларускіх цымбал ды электраскрыпкі як салюючых інструментаў і спалучэнне іх з "класічным" рокавым наборам — электрагітарай, бас-гітарай ды ўдарнай устаноўкай.

Кацярына Ваданосава і ансамбль Fantasy Orchestra
© Photo : асабісты архіў Кацярыны Ваданосавай
Кацярына Ваданосава і ансамбль "Fantasy Orchestra"

Пачуць цудоўнае спалучэнне традыцый з сучаснасцю аматары беларускай музыкі змогуць падчас  аднаго з асноўных блокаў праграмы — оpen-air канцэрта. Сярод удзельнікаў ужо абвешчаны госці мінулых фэстаў: беларускія гурты "IRDORATH", "Яварына", "PAWA" і госці з Кіева — "FRAM". Упершыню на сцэну Музея ў Дудутках падымуцца эксперыментатары "Re1ikt".

Адмысловы падарунак для гасцей фестывалю — выступ піцерскіх музыкаў "Тролль Гнет Ель", якія адзначаць на беларускай сцэне сваё паўналецце.

Падрабязнасці можна знайсці на афіцыйным сайце фестывалю ці ў сацыяльнай сетцы "УКантакце".

Поўны спіс удзельнікаў арганізатары — Экстрым-тэатр "Берсерк" і музей "Дудуткі" —  абяцаюць раскрыць на гэтым тыдні.

63
Тэги:
Свята Сонца, ансамбль "Fantasy Orchestra", Экстрым-тэатр "Берсерк", Музейны комплекс "Дудуткі", Кацярына Ваданосава, Дудуткі
Тэмы:
"Свята Сонца 2018" у Дудутках - традыцыйны купальскі open-air (8)
По теме
Фолк-рок, фаер-шоу і купальскія абрады на фестывалі "Свята Сонца"
Гурт "Тролль Гнет Ель" адзначыць паўналецце на "Свяце Сонца" ў Дудутках
Тэатр "Яварына" выступіць на "Свяце Сонца" ў Дудутках
Прэзідэнт Беларусі Аляксандр Лукашэнка

Лукашэнка: нацысцкі бліцкрыг сарваўся ля сцен Брэсцкай цытадэлі

15
(абноўлена 09:24 23.06.2021)
У Брэсцкай крэпасці 22 чэрвеня беларускія ўлады правялі цырымонію, прымеркаваную да Дня ўсенароднай памяці ахвяр вайны.

БРЭСТ, 23 чэр – Sputnik. Немцы 80 гадоў таму хацелі прайсці па нашай зямлі ўрачыстым маршам, заявіў напярэдадні прэзідэнт Беларусі Аляксандр Лукашэнка ў Брэсцкай крэпасці, перадае карэспандэнт Sputnik.

Паводле яго словаў, 22 чэрвеня 1941 года для ўсіх беларусаў дзень памяці і смутку, які падзяліў жыццё на да і пасля.

"На нашу зямлю рушыла ўзброеная бязлітасная армада, якая несла гібель і рабства. Фашысты не шкадавалі ні старых, ні немаўлят. Гэта потым, пасля 9 траўня 45-га, немцы назавуць той чэрвеньскі дзень ракавым для сваёй нацыі", - сказаў Лукашэнка.

Паводле яго слоў, гітлераўскія забойцы хацелі прайсці пераможным маршам, як яны гэта зрабілі ў краінах Еўропы. Фашысты, падкрэсліў Лукашэнка, нават запланавалі пераможны парад на Краснай плошчы ў Маскве.

"Але тут, ля сцен брэсцкай цытадэлі, літаральна ў першыя гадзіны вайны нацысцкі бліцкрыг сарваўся", - сказаў беларускі прэзідэнт.

"Сарваўся, калі ў апошнія хвіліны свайго кароткага жыцця воін надрапаў на сцяне: "Я паміраю, але не здаюся! Бывай, Радзіма!" - падкрэсліў Лукашэнка.

Ён адзначыў, што, на жаль, сёння невядомы імёны многіх абаронцаў крэпасці, і мы не ведаем, дзе яны загінулі і пахаваны. А не так даўно, у красавіку, памёр апошні вядомы абаронца цытадэлі Пётр Кацельнікаў. Лукашэнка асабліва падкрэсліў, што ў памяці народа імя Кацельнікава будзе жыць заўсёды, як і імёны яго баявых таварышаў лейтэнанта Кіжаватава, капітана Зубачова, маёра Гаўрылава і тысяч іншых савецкіх герояў.

"Гэта яны не дазволілі фашыстам узяць цвярдыню над Бугам за восем гадзін. Праз тры тыдні баі пачыналіся ўжо на далёкіх подступах да Смаленска, а Брэсцкая крэпасць працягвала ваяваць", - сказаў на заканчэнне прэзідэнт.

Памяць герояў вайны ўдзельнікі цырымоніі ў Брэсцкай крэпасці ўшанавалі хвілінай маўчання.

Чытайце таксама:

15
Тэги:
улада, Цытадэль, Брэсцкая крэпасць, бліцкрыг, Аляксандр Лукашэнка
(13:11 / 103.61Mb / просмотров видео: 8220)

Пуцін усклаў кветкі да Магілы Невядомага салдата - відэа

14
(абноўлена 17:45 22.06.2021)
Прэзідэнт Расіі Уладзімір Пуцін у Дзень памяці і смутку ўсклаў кветкі да Магілы Невядомага салдата ў Маскве. Падрабязнасці глядзіце на відэа.

Цырымонія прайшла ў аўторак у Аляксандраўскім садзе расійскай сталіцы. У ёй прынялі ўдзел ветэраны Вялікай Айчыннай вайны, міністр абароны Расіі Сяргей Шайгу, мэр Масквы Сяргей Сабянін.

Пасля ўскладання кветак Пуцін выступіў з кароткай прамовай, адзначыўшы, што гісторыя не ведала такога жорсткага генацыду да з'яўлення нацызму.

"Ворагу было мала завалодаць чужой зямлёй. Ён прыйшоў, каб знішчыць наш народ. А тых, хто застанецца - ператварыць у рабоў, пазбавіўшы роднай мовы, традыцый продкаў, нашай культуры", - сказаў прэзідэнт Расіі.

Ён адзначыў, што адказам злу стаў масавы гераізм савецкага народа, адзінства і згуртаванасць людзей, якія прайшлі праз гора, пакуты і смерць.

Дзень памяці і смутку - дзень пачатку Вялікай Айчыннай вайны. У гэтым годзе 22 чэрвеня - васьмідзесятая гадавіна нападзення фашысцкай Германіі на СССР.

Чытайце таксама:

14
Тэги:
Расія, прэзідэнт, відэа, Масква, магіла Невядомага салдата, магіла, кветкі, Уладзімір Пуцін
Віцэ-прэзідэнт НАК Дзмітрый Даўгалёнак

На Алімпіяду ў Токіа адабраліся 96 беларускіх спартсменаў

3
(абноўлена 13:05 23.06.2021)
Больш за ўсё ліцэнзій на Гульні заваявалі лёгкаатлеты, прадстаўнікі веславання на байдарках і каноэ, а таксама плыўцы. Адбор яшчэ не завершаны.

МІНСК, 23 чэр - Sputnik. Дзевяноста шэсць беларускіх спартсменаў (41 мужчына і 55 жанчын) выканалі кваліфікацыйныя нарматывы і патрабаванні, якія даюць права ўдзельнічаць у XXХII летніх Алімпійскіх гульнях, паведамляе прэс-служба Нацыянальнага алімпійскага камітэта Беларусі.

Сёння ў Мінску адбылося пасяджэнне Выканкама НАК, які зацвердзіў склад спартыўнай дэлегацыі Рэспублікі Беларусь на Гульні ў Токіа. Пасяджэнне правёў віцэ-прэзідэнт НАК Дзмітрый Даўгалёнак.

Было адзначана, што спіс тых, хто адправіцца на Алімпіяду, яшчэ не канчатковы: адбор на Гульні працягваюцца. Завяршаюцца кваліфікацыйныя спаборніцтвы ў пляжным валейболе, лёгкай атлетыцы, скачках у ваду. Рысу пад колькасцю заваяваных ліцэнзій можна будзе падвесці 30 чэрвеня.

На сённяшні дзень больш за ўсё пуцёвак на Алімпіяду заваявалі беларускія лёгкаатлеты - 21. На другім месцы размясціліся прадстаўнікі веславання на байдарках і каноэ - 12. 9 ліцэнзій у плыўцоў, 7 - у барцоў вольнага стылю і спартсменак з мастацкай гімнастыкі, 5 - у прадстаўнікоў веславання акадэмічнага .

Таксама на Алімпіяду збіраюцца спартсмены, якія выступаюць у боксе, дзюдо, сучасным пяцібор'і, стральбе з лука, стральбе кулявой (па 3 чалавека ў кожным відзе), веласіпедным спорце (2 спартсмены, якія выступаюць на трэку і 2 на шашы).

Па 2 чалавекі адабраліся ад спартыўнай гімнастыкі, коннага спорту, артыстычнага (сінхроннага) плавання, паруснага спорту, скачкоў на батуце, тэніса, цяжкай атлетыкі. Па адным спартсмене будзе прадстаўлена ў грэка-рымскай барацьбе, настольным тэнісе.

Шэфам беларускай місіі на летніх Алімпійскіх гульнях у Токіа і зімовых у Пекіне будзе Дзмітрый Даўгалёнак.

Алімпіяда ў Токіа

XXXII летнія Алімпійскія гульні адбудуцца ў японскай сталіцы з 23 ліпеня па 8 жніўня 2021 года. Гэта найбуйнейшыя ў свеце спартыўныя спаборніцтвы, у якіх павінны ўзяць удзел каля 11 тысяч спартсменаў больш чым з 200 краін. Яны выступяць у 33 відах спорту і разыграюць 339 камплектаў узнагарод. Гульні павінны былі прайсці летам 2020 года, але былі адкладзены роўна на год з-за пандэміі. Пры гэтым усё роўна было вырашана пакінуць назву "Алімпіяда-2020".

Чытайце таксама:

3
Тэги:
веславанне на байдарках і каноэ, Плаванне, Алімпійскія гульні, спартсмен, Токіа, Алімпіяда