Паэт Якуб Колас

Бюст Якуба Коласа з’явіцца ў кітайскім універсітэце замежных моў

29
(абноўлена 17:16 03.04.2018)
Бюст будзе створаны па праекту - пераможцы конкурсу, які арганізуе Міністэрства культуры Беларусі.

МІНСК, 3 кра – Sputnik. Конкус эскізных праектаў бюста Якуба Коласа, які ўсталююць на тэрыторыі Цяньцзінскага ўніверсітэта замежных моў, аб’яўлены Міністэрствам культуры, пра гэта паведамляецца на сайце міністэрства. 

Паўдзельнічаць у конкурсе могуць скульптары і архітэктары з адпаведнай прафесійнай адукацыяй. Заяўкі па форме, прыведзенай на сайце Мінкульта, прымаюцца па 30 красавіка ўключна.

Працы, прадстаўленыя на конкурс, журы разгледзіць на закрытым пасяджэнні не пазней 10 мая. Праекты будуць ацэньвацца з пункту гледжання адпаведнасці ўмовам конкурсу, прафесійнага ўзроўню, арыгінальнасці рашэння і адлюстравання найбольш выразнага вобраза.

Пераможца конкурсу атрымае права на стварэнне бюста.

Цяньцзінь — гэта буйны партовы горад на паўночным усходзе Кітая. Цяньцзінскі ўніверсітэт замежных моў прапануе студэнтам навучанне па больш чым 20 спецыяльнасцях. Сярод моў, якія вывучаюць у гэтай ВНУ, англійская, японская, карэйская, нямецкая, французская, іспанская, руская, арабская, італьянская, партугальская і кітайская.

Беларуская мова ў Кітаі не вывучаецца, аднак краіны ўмацоўваюць супрацоўніцтва па розных напрамках. Нядаўна пасол Беларусі ў Кітаі Кірыл Руды апублікаваў у сацыяльных сетках узор напісання назвы краіны "Беларусь" на кітайскай мове. Дыпламат адзначыў, што такім чынам ён дамагаецца правільнага напісання назвы краіны.

29
Тэги:
бюст, Конкурс, Цяньцзінскі ўніверсітэт замежных моў, Міністэрства культуры РБ, Якуб Колас, Кітай, Беларусь

Былі танцы, стала турэцкая мова: навошта ўдзельніца "Ты супер!" з'язджае ў Расію

11
(абноўлена 09:40 20.10.2020)
Некалькі гадоў таму беларусы заўзелі за Марыю Радзівонаву, калі яна выступала ў конкурсе "Ты супер! Танцы". А цяпер акрамя танцавальных стыляў Маша асвойвае англійскую, турэцкую і карэйскую мовы. І для гэтага з'язджае вучыцца ў Казанскі федэральны ўніверсітэт.

Доўгі час Маша Радзівонава жыла харэаграфіяй. Яна ўдзельнічала ў праекце "Ты супер! Танцы". А цяпер рыхтуецца да пераезду - дзяўчына паступіла ў Казанскі федэральны ўніверсітэт.

"Цяпер мае дні кардынальна адрозніваюцца ад тых, калі я ўдзельнічала ў "Ты супер!". Тады наш дзень пачынаўся з трэніроўкі, потым - абед, мы сустракаліся з зоркамі, затым яшчэ адна трэніроўка, і мы клаліся спаць", - распавядае Маша.

А цяпер яна пагружана ў вучобу. Англійская, турэцкая і карэйская мовы - вось тое, што захапіла Машу Радзівонаву. Танцаваць дзяўчына працягвае, але цяпер на навучанне сыходзіць яшчэ больш часу, чым раней. Дзяўчына марыць працаваць пры турэцкім або паўднёвакарэйскім пасольстве, але наперадзе яшчэ гады заняткаў у Расіі.

Спецыяльнасці "ўсходазнаўства" у Беларусі не аказалася, затое такая выявілася адразу ў пяці расійскіх ВНУ. Марыя выбрала Казанскі федэральны ўніверсітэт.

Пераезду не баіцца, хіба што хвалюецца з-за таго, што прыйдзецца самастойна вырашаць пытанні, з якімі раней дапамагала разбірацца мама. Паход у краму, гатаванне - гэта палохае Машу некалькі больш складанасцяў турэцкай і карэйскай моў. З імі як раз цяжкасцяў не ўзнікае.

Заняткі ва ўніверсітэце ўжо пачаліся, некаторы час займацца даводзілася дыстанцыйна - пары праводзілі анлайн. Нават фізкультура! Праўда, абыходзілася без фізічных практыкаванняў - абыходзілася тэорыяй.

Але фізічнай актыўнасці Машы хапае і без дадатковых заняткаў спортам. Яна па-ранейшаму танчыць і нават ведае, як аб'яднаць танцы і любоў да карэйскай мовы. Дзяўчыне падабаецца карэйская поп-музыка, менавіта з-за гэтага захаплення яна і ўзялася - самастойна! - вучыць новую мову. Дык чаму бы і не станцаваць пад карэйскія песні? Асабліва калі карэспандэнты Sputnik вельмі ўжо просяць.

Маша магла пераехаць не ў Казань, а ў Маскву - пасля "Ты супер!" ёй прапаноўвалі танчыць у балеце "Тодэс". Але ў расійскай сталіцы яна пабаялася "згубіцца", тым больш, трэба было вяртацца на вучобу дадому.

І хоць застацца ў Маскве Маша тады не адважылася, стыпендыя ад Sputnik аказалася вельмі дарэчы. Грошы спатрэбіліся і для будучага пераезду ў Казань, і для аплаты курсаў замежных моў.

Глядзіце на відэа, як цяпер жыве ўдзельніца конкурсу "Ты супер!", за якую заўзелі беларусы, і як выглядаюць дыстанцыйныя заняткі па турэцкай мове.

11
Тэги:
"Ты супер! Танцы"
Тэмы:
Конкурс НТБ и Sputnik "Ты супер!"

Пяты выпуск чацвёртага сезона "Ты супер!" - відэа

17
(абноўлена 09:20 19.10.2020)
Папулярны музычны праект "Ты супер!" праводзяць сумесна тэлеканал НТБ і Міжнароднае агенцтва і радыё Sputnik. Глядзіце на відэа пяты выпуск вакальнага конкурсу.

У цяперашнім сезоне "Ты супер!" удзельнічаюць новыя выканаўцы і фіналісты мінулых сезонаў. Усяго ў конкурсе бяруць удзел 58 дзяцей з Расіі, Грузіі, Азербайджана, Абхазіі, Кыргызстана, Беларусі, Эстоніі, Украіны і Малдовы.

У журы праекта - вядомыя расійскія зоркі: Дыяна Арбеніна, Аляксей Вараб'ёў, спявачка Ёлка і кампазітар Ігар Крутой.

Нагадаем, у першым выпуску шоу прыняла ўдзел беларуска Даша Чарнова, якая раней двойчы ўдзельнічала ў конкурсе. Таленавітая дзяўчына распавяла і некаторыя падрабязнасці сваёй далейшай творчай кар'еры.

Міжнародны вакальны праект для дзяцей, якія засталіся без апекі бацькоў, "Ты супер!" праводзіцца тэлеканалам НТБ сумесна з Міжнародным інфармацыйным агенцтвам і радыё Sputnik пры падтрымцы Міністэрства асветы РФ.

17
Тэги:
"Ты супер", НТБ (тэлеканал)
Тэмы:
Конкурс НТБ и Sputnik "Ты супер!"
Палац Незалежнасці ў Мінску

У прэзідэнта новы памочнік, а ў Саўміна - кіраўнік апарата

4
(абноўлена 14:44 20.10.2020)
Беларускі лідар у Палацы Незалежнасці сёння прыняў цэлую чараду кадравых рашэнняў, прызначыўшы, у тым ліку, кіраўнікоў мясцовых органаў улады і прадстаўнікоў рэспублікі ў міжнародных арганізацыях.

МІНСК, 20 кас - Sputnik. Аляксандр Лукашэнка прызначыў Леаніда Мартынюка памочнікам прэзідэнта - інспектарам па Магілёўскай вобласці.
Раней новы памочнік кіраўніка дзяржавы працаваў на пасадзе старшыні Бярозаўскага райвыканкама.

Злева направа: Наталля Лапцева, Аляксандр Бахановіч, Наталля Карчэўская
© Photo : Telegram-канал "Пул Первого"

Сёння таксама з'явіўся новы кіраўнік у апарата Савета міністраў - ім стаў Канстанцін Бурак.

Па ўзгадненні з беларускім прэзідэнтам Бярозаўскі райвыканкам узначаліць Сяргей Барташ, а пасаду старшыні Ляхавіцкага райвыканкама заняў Мікалай Мароз.

Прадстаўляць беларускія ўлады ў Арганізацыі па забароне хімічнай зброі па сумяшчальніцтве будзе Андрэй Еўдачэнка. У сваю чаргу Максім Ермаловіч аналагічнай працай будзе займацца пры Міжнароднай марской арганізацыі па сумяшчальніцтве.

Новым намеснікам міністра прыродных рэсурсаў і аховы навакольнага асяроддзя са згоды кіраўніка дзяржавы прызначаны Аляксандр Гарошка.

4
Тэги:
Аляксандр Лукашэнка