Выстава лялек на віцебскім фэсце экскурсаводаў

Бровар, батлейка і анатомія: чым здзівіў "Фэст экскурсаводаў" у Віцебску

56
(абноўлена 22:15 24.04.2018)
На працягу некалькіх дзён жыхары Віцебска наведалі больш за два дзесяткі бясплатных экскурсій.

Музей міліцыі, духоўная семінарыя, "Дзвінскі бровар" і таямніцы Віцебска. Карэспандэнт Sputnik паглядзеў, як праходзіў "Фэст экскурсаводаў" у горадзе на Дзвіне.

Міжнародны фестываль у Віцебску

Міжнародны дзень помнікаў і гістарычных мясцін адзначаецца ва ўсім свеце 18 красавіка. Да яго прымеркаваны "Фэст экскурсаводаў", які праходзіць у розных краінах свету, далучылася да свята ў 2009 годзе і Беларусь. Падчас фестывалю жадаючыя могуць бясплатна наведаць унікальныя экскурсіі, якія праводзяць ва ўсіх абласных цэнтрах і невялікіх гарадах краіны. Своеасаблівы гістарычны марафон дазваляе па-новаму зірнуць на даўно знаёмыя месцы. У Віцебску Міжнародны фэст правялі ўжо ў дзесяты раз.

"Фэст экскурсаводаў" становіцца больш маштабным з кожным годам. Апошнія тры гады мы супрацоўнічаем з дзяржаўнымі ўстановамі культуры і адукацыі, што пашырае магчымасці для правядзення экскурсій. Акрамя таго, жыхары Віцебска самі прыходзяць да нас з ідэямі новых маршрутаў", — адзначыў куратар праекта ў Віцебску Уладзімір Булаўскі.

Усяго за некалькі дзён у горадзе на Дзвіне прайшло 24 экскурсіі.

Патрапіць на ўсе мерапрыемствы адразу было няпроста. Многія жыхары горада выбіралі па некалькі найбольш упадабаных маршрутаў. Для наведвання шэрагу экскурсій патрэбна была папярэдняя рэгістрацыя, таму што колькасць наведвальнікаў была абмежаваная: напрыклад, у музеі міліцыі, гісторыі трамвая і царкоўна-археалагічны. У духоўную семінарыю і на піўзавод "Дзвінскі бровар" таксама трэба было загадзя запісвацца на экскурсію.

Волшебная лампа Аладдина, которую выставили в фойе театра
© Sputnik / Павел Вур
Чароўная лямпа Аладзіна, якую выставілі ў фае тэатра

"На жаль, не ўсе ўстановы маглі прыняць вялікую колькасць жадаючых. Папярэдняя рэгістрацыя была неабходнай умовай, бо колькасць наведвальнікаў не павінна была перавышаць 30 чалавек. Адзначу, што групы фарміраваліся на працягу першых дзвюх гадзін пасля пачатку рэгістрацыі", — падкрэсліў Булаўскі.

Падчас фестывалю гараджане не толькі пазнаёміліся з гісторыяй Віцебска, але і змаглі бясплатна наведаць музеі і выставы, пра існаванне якіх раней не здагадваліся.

Незвычайныя экскурсіі

"Усёй сям'ёй пабывалі ў анатамічным музеі пры Віцебскай ветакадэміі. Студэнты распавялі шмат цікавых фактаў аб экспанатах, асабліва спадабалася экскурсія дзецям. Пра яе мы прачыталі выпадкова ў інтэрнэце, бо раней нават не ведалі, што такі музей ёсць у нашым горадзе", — распавялі Алена і Сяргей Воўкавы.

Адным з апошніх мерапрыемстваў фэста стала казачнае падарожжа для дзяцей у тэатры "Лялька". Аглядная экскурсія з педагогам-арганізатарам Вольгай Прусак пачалася проста ў холе тэатра.

Разам з бацькамі малыя даведаліся, якія віды лялек можна ўбачыць на сцэне падчас спектакляў. Аднак маленькіх гледачоў больш за ўсё цікавіла не тэарэтычная частка экскурсіі, — дзецям хацелася ўсё памацаць і самім стаць лялькаводамі. І вядомыя персанажы казак і мультфільмаў ажывалі ў іх руках.

"Мы даўно ходзім на спектаклі "Лялькі" ўсёй сям'ёй. Вельмі выдатна, што сёння атрымалася самім патрымаць лялек і нават паспрабаваць імі кіраваць. Дачка ў захапленні ад ката Леапольда, яна з задавальненнем з ім гуляла і з цікавасцю даведалася, як ствараюцца пастаноўкі на сцэне", — паведаміла наведвальніца Святлана.

Сапраўдным адкрыццём для дзяцей стала драўляная батлейка. Пра гэты народны лялечны тэатр многія хлопчыкі і дзяўчынкі чулі ўпершыню. І нягледзячы на тое, што чапаць унікальны выраб не дазвалялі, на бліскучую двухпавярховую скрыню ў выглядзе сцэны са здзіўленнем паглядалі і малыя, і бацькі.

Батлейка, стоящая в холле Ляльки
© Sputnik / Павел Вур
Батлейка, якая стаіць у холе "Лялькі"

"Наша батлейка — вобраз аўтэнтычнай магілёўскай батлейкі XVIII стагоддзя. Выраблена яна ў 1996 годзе мастаком Аляксандрам Сідаравым", — патлумачыла ўдзельніца фэста Вольга Прусак.

Старшие ребята показывают младшим куклы
© Sputnik / Павел Вур
Дзеці з захапленнем разглядалі лялек

Завяршыўся фэст позна ўвечары экскурсіяй ад каардынатара праекта Уладзіміра Булаўскага — "Легенды і міфы Віцебска", на якую сабралася больш за сотню гараджан. Усяго ж на фестывалі пабывала не менш за тысячу жыхароў і гасцей горада.

56
Тэги:
экскурсія, батлейка, дзеці, Выстава, Віцебск

Паглядзіце на палескага майстра, які можа паўтарыць скрыпку Гварнеры

16
(абноўлена 09:14 31.07.2020)
Андрэй Шкледа можа зрабіць любы музычны інструмент. Паглядзіце і паслухайце, як ён грае на беларускім традыцыйным інструменце - дудзе. І гэта далёка не адзінае, што можа майстар.

Палескі майстар Андрэй Шкледа можа зрабіць любы музычны інструмент. Па заданні беларускага прэзідэнта ён паўтарыў скрыпку легендарнага італьянца Гварнеры 1673 года выпуску. Ад гітары для фільма Мікіты Міхалкова да клавесіна ў інтэр'еры Мірскага замка - усё гэта ёсць у партфоліа майстра.

Выраб інструмента - задача не з танных, у кошт уваходзіць і парода дрэва, і аздабленне. Для вырабу меха дуды выкарыстоўваюць натуральную бычыную скуру.

За адзін толькі мех даводзіцца аддаць каля трыццаці долараў.

"За некаторымі пародамі дрэва я спецыяльна ездзіў за мяжу. Шэсць гадоў таму паехаў у Карпаты, там знайшоў велізарны клён, якому было сорак пяць гадоў. У дудзе, напрыклад, патрэбны яшчэ і метал: яго вадкім прама ў дрэва заліваюць - атрымліваецца прыгожы арнамент" , - кажа майстар.

Дудар звычайна грае максімум паўгадзіны, інакш можна страціць прытомнасць. Затое іншы нацыянальны інструмент - рыля - падыходзіць любому. Каб дастаць гук, досыць круціць кола. У пары з дудой выходзіць ідэальны акампанемент для беларускіх песень.

А вось на гармонікі на Палессе не гралі - гэты музычны інструмент прыйшоў да нас з Расіі. Глядзіце на відэа, як гучыць сапраўдная беларуская дуда - і не блытайце яе з шатландскай дудой.

16
Тэги:
традыцыі, Беларусь, музыка
Прэмія Эмі

Названыя прэтэндэнты на прэмію "Эмі"

16
(абноўлена 09:32 29.07.2020)
Цырымонія ўручэння "Эмі" пройдзе 20 верасня, у гэтым годзе з-за пандэміі каронавіруса яна будзе праведзена ў віртуальным рэжыме.

МІНСК, 29 ліп - Sputnik. Амерыканская тэлевізійная акадэмія назвала прэтэндэнтаў на прэмію "Эмі".

Галоўнымі прэтэндэнтамі па ліку намінацый сёлета стаў серыял тэлеканала HBO "Захавальнікі", які прэтэндуе адразу на 26 статуэтак. На другім месцы серыял "Дзіўная місіс Мейзэл" - 20 намінацый, а на трэцім - серыял "Озарк" з 18 намінацыямі.

У намінацыі "лепшы драматычны серыял" названы серыялы "Карона", "Аповед служанкі", "Лепш тэлефануйце Солу", "Озарк", "Забіваючы Еву", "Мандалорэц", "Нашчадкі" і "Вельмі дзіўныя справы".

На лепшую ролю першага плана прэтэндуюць Джэніфер Эністан, Алівія Колман, Зендая, Стыў Карэл, Браян Кокс, Джэрэмі Стронг, Крысціна Эплгейт, Рэйчал Броснахэн, Майкл Дуглас і іншыя акцёры.

72-я цырымонія ўручэння "Эмі" пройдзе 20 верасня, яе вядучым у чарговы раз стане комік Джымі Кімэл. У гэтым годзе з-за пандэміі каронавіруса яна будзе праходзіць у віртуальным рэжыме.

"Эмі" ўручаецца заснаванай ў 1946 годзе Акадэміяй тэлевізійных мастацтваў і навук і лічыцца адной з самых прэстыжных узнагарод за працу на тэлеэкране. Яна ўручаецца ў дзясятках намінацый, у тым ліку за лепшы драматычны і камедыйны серыялы, лепшым акцёрам і акторкам у серыялах ў гэтых жанрах, за лепшыя праграмы і забаўляльныя шоу. Адзначаюцца музычнае і гукавое афармленне, прычоскі, грым, рэдагаванне, святло. Лёс узнагароды вызначаюць каля 23 тысяч членаў тэлеакадэміі.

16
Тэги:
Кіно, прэмія
Кіраўнік СААЗ: ёсць асцярогі, што вакцыны ад COVID, якая працуе, а не будзе

Кіраўнік СААЗ: ёсць асцярогі, што вакцыны ад COVID, якая працуе, не будзе

0
(абноўлена 10:38 04.08.2020)
Эксперты перакананыя, што адмяняць каранцін рана: людзі па ўсім свеце павінны як мінімум выконваць масачны рэжым і дыстанцыявацца.

МІНСК, 4 жні - Sputnik. Няма ніякай гарантыі, што распрацоўка дзеючай вакцыны ад каронавіруса новага тыпу завершыцца паспяхова, пра гэта кіраўнік Сусветнай арганізацыі аховы здароўя (СААЗ) Тэдрас Аданам Гебрэесус папярэдзіў падчас віртуальнага брыфінгу з штаб-кватэры ў Жэневе.

Гендырэктар СААЗ заявіў, што каронавірус стаў самай сур'ёзнай медыцынскай праблемай з пачатку XX-га стагоддзя, аднак міжнародная барацьба з ім таксама "была беспрэцэдэнтнай"; разам з тым, нявызначанасць застаецца.

"Ёсць апасенні, што ў нас можа не быць вакцыны, якая працуе, або што яна будзе абараняць толькі на працягу некалькіх месяцаў, не болей. Аднак мы не даведаемся гэтага, пакуль мы не скончым клінічныя выпрабаванні", - цытуе Гебрэесуса Reuters.

Паводле яго слоў, цяпер адразу некалькі прэпаратаў знаходзяцца на стадыі масавых тэстаў, праца над імі блізкая да завяршэння.

"Мы ўсе спадзяемся атрымаць некалькі эфектыўных вакцын, якія дапамогуць прадухіліць заражэнне людзей. Але на дадзены момант "срэбнай кулі" не існуе і, магчыма, яна не з'явіцца", - рэзюмаваў ён.

Кіраўнік СААЗ, а таксама дырэктар арганізацыі па надзвычайных сітуацыях Майк Раян заклікалі краіны няўхільна выконваць меры засцярогі. На думку спецыялістаў, адмяняць каранцін рана: людзі па ўсім свеце павінны як мінімум выконваць масачны рэжым, дыстанцыявацца і памятаць пра асабістую гігіену.

У арганізацыі паведамілі таксама, што група па папярэднім расследаванні завяршыла сваю місію ў Кітаі: закладзена аснова для далейшай работы па выяўленню паходжання каронавіруса.

0
Тэги:
СААЗ, каронавірус
Тэмы:
Каронавірус COVID-19