Як стаць багатым, раскажуць у Рускім тэатры

© Photo : НАДТ им. М.ГорькогоСпектакль "Як стаць багатым?" у Рускім тэатры
Спектакль Як стаць багатым? у Рускім тэатры - Sputnik Беларусь
Падпісацца
Гледачам прапануюць адкрыць сакрэт багацця і правесці вечар у Парыжы па кошце звычайнага тэатральнага білета.

МІНСК, 25 мая — Sputnik. Нацыянальны драматычны тэатр імя Максіма Горкага рыхтуецца да чарговай прэм'еры — гэтым разам на сцэне авантурная камедыя "Як стаць багатым?".

Гледачам прапануюць правесці незабыўны вечар у Парыжы і абяцаюць поўнае апусканне ў багемную атмасферу Манмартра — знаёмства з французскімі дзяўчатамі, мастакамі і маладымі мільянерамі.

© Photo : НАДТ им. М.ГорькогоСпектакль "Як стаць багатым?" у Рускім тэатры
Спектакль Как стать богатым? в Русском театре - Sputnik Беларусь
Спектакль "Як стаць багатым?" у Рускім тэатры

Па словах акцёра Уладзіміра Глотава, які ў пастаноўцы выконвае галоўную ролю, персанажы ў спектаклі размеркаваны такім чынам, што "ў кожнага акцёра стоадсоткавае трапленне ў вобраз".

"Я іграю гісторыю добрага, сумленнага, але, магчыма, залішне мяккага і даверлівага чалавека, мастака, які хоча пісаць карціны, а яго ўцягваюць у авантуру з мэтай зарабляння грошай. Ён ідзе на гэта, каб забяспечваць жанчыну, якую, як яму здаецца, любіць. Майму герою прыходзіцца ламаць сябе, прынцыпамі сваімі паступацца, суцяшаючы сябе тым, што ўсё гэта — дзеля кахання", — распавёў Глотаў.

© Photo : НАДТ им. М.ГорькогоСпектакль "Як стаць багатым?" у Рускім тэатры
Спектакль Как стать богатым? в Русском театре - Sputnik Беларусь
Спектакль "Як стаць багатым?" у Рускім тэатры

Рэжысёр-пастаноўшчык — заслужаны дзеяч мастацтваў Беларусі Сяргей Кавальчык разам з Алай Сарокінай, якая працавала над сцэнаграфіяй і касцюмамі, прадставіў на сцэне пацешную французскую гісторыю. Ім дапамагалі акцёры Таццяна Баўкалава, Алена Пастрэвіч, Віталіна Бідзюк, Вольга Здзярская, Андрэй Захарэвіч, Эмілія Пранскутэ, Дар'я Палякова і Вікторыя Кавальчык.

Прэм'ера спектакля "Як стаць багатым?" пройдзе на сцэне Акадэмічнага тэатра імя Максіма Горкага 26 і 27 мая.

Стужка навiн
0