Скульптуры герояў Белых Рос

Скульптуры герояў "Белых Рос" з'явіліся ў Гродне

24
(абноўлена 18:01 28.05.2018)
Драўляныя копіі Фёдара Філімонавіча Ходаса, яго суседа Цімафея і сабакі па мянушцы Валет усталявалі на месцы здымак фільма.

ГРОДНА, 28 мая — Sputnik. Скульптуры герояў "Белых Рос" усталявалі ў Гродна на месцы здымак легендарнай кінастужкі, паведамляе карэспандэнт Sputnik.

У гродзенскім раёне Дзевятоўка, дзе здымаўся фільм "Белыя Росы", усталявалі скульптуры герояў карціны. Тут размясціліся драўляныя копіі Фёдара Філімонавіча Ходаса, яго суседа Цімафея і нават сабакі па мянушцы Валет.

Скульптуры героев Белых Рос появились в Гродно
© Sputnik / Инна Гришук
Скульптуры герояў "Белых Рос"

Скульптуры размясціліся на скрыжаванні вуліц Дзяржынскага і Курчатава паблізу калодзежа, які таксама фігураваў у кінастужцы.

Здымкі праходзілі ў цэнтральнай частцы Гродна: у мікрараёнах Перасёлка і Дзевятоўка. Цяпер прыватны сектар у раёнах знесены, лакацыя актыўна забудоўваецца шматпавярховым жыллём.

Деревянные копии Федора Филимоновича Ходаса, его соседа Тимофея на месте снесенных в прошлом году домов
© Sputnik / Инна Гришук
Драўляныя копіі Фёдара Філімонавіча Ходаса, яго суседа Цімафея і сабакі па мянушцы Валет

Культавая карціна "Белыя Росы" была знятая рэжысёрам Ігарам Дабралюбавым у 1983 годзе і мела вялікую папулярнасць у Савецкім Саюзе. Галоўныя ролі выканалі Усевалад Санаеў, Мікалай Карачанцаў, Міхаіл Кокшанаў, Генадзь Гарбук і Барыс Новікаў.

24
Тэги:
скульптура, помнік, кіно, "Белыя Росы" (фільм), Гродна, Беларусь
Тэмы:
Лепшыя беларускія фільмы (21)
Каментары