МІНСК, 30 мая — Sputnik. Міжнародны фестываль-конкурс нацыянальных культур, фальклору і сучаснага мастацтва "Платформа" пройдзе ў Мінску з 17 па 21 чэрвеня.
Маштаб гэтай падзеі здольны здзівіць нават тых, хто лічыць, што бачыў ужо нямала годных праектаў у творчым асяроддзі.
"Платформа" — гэта адзіная пляцоўка для творчасці. Тут тры самыя галоўныя жанры: харэаграфія, вакал і фальклор — могуць існаваць у цалкам розных формах.
Арганізатары — Усерасійскі фестывальны рух "Тэрыторыя талентаў" — абяцаюць, што на фестывалі будзе панаваць душэўная атмасфера. Бо складана заставацца абыякавым да творчасці, якая была блізкай калісьці нашым продкам, складана не ўбачыць тыя ніткі, якія беражліва захоўваюцца стагоддзямі. І складана заставацца абыякавымі, бачачы цалкам новыя формы творчасці.
У фестывалі заяўлены 980 удзельнікаў, 35 дэлегацый з Казані, Мінска, Валакаламска, Хабараўска, Паўднёва-Сахалінска, Ніжняга Ноўгарада, Сочы, Кіраўска, Курска, Горназаводска, Бранска, Кастрамы, Цверы і інш.
Фестываль "Платформа" пройдзе ў Палацы Рэспублікі. Прыняць удзел у харэаграфічным конкурсе змогуць як самадзейныя, так і прафесійныя калектывы. Узрост удзельнікаў — ад 6 да 80 гадоў.
Ацэньваць прафесійную падрыхтоўку канкурсантаў будуць міжнароднае журы, у складзе якога эксперты з розных краін. Акрамя конкурсных праглядаў удзельнікаў чакаюць прафесійныя індывідуальныя рэкамендацыі ад членаў судзейскай камісіі і круглыя сталы.
Падрабязнасці правядзення фестывалю "Платформа" можна знайсці на сайце арганізатараў.
