Александрыя збярэ сяброў ужо праз месяц

Александрыя збярэ сяброў ужо праз месяц

75
(абноўлена 10:58 06.06.2018)
Тэма малой радзімы на свяце будзе галоўнай, а дабрацца можна будзе на дадатковых цягніках.

МАГІЛЁЎ, 6 чэр — Sputnik, Марыя Зуева. Рэспубліканскае свята "Александрыя збірае сяброў" пройдзе традыцыйна 7-8 ліпеня ў аграгарадку Александрыя Шклоўскага раёна.

Фестываль на беразе Дняпра адбудзецца ў восьмы раз. Як паведаміў журналістам на прэс-канферэнцыі намеснік старшыні Магілёўскага аблвыканкама Андрэй Кунцэвіч, у гэтым годзе "Купалле" пройдзе яшчэ больш маштабна. У сувязі з яго папулярнасцю на месцы правядзення свята пашырана тэрыторыя. Колькасць пасадачных месцаў для гледачоў вырасце з 2,5 да 3,3 тысячы.

У 2018-м "Александрыя" сустрэне гасцей з 7 краін. У рамках фестывалю пройдуць Дні культуры Украіны з працай Сарочынскага кірмашу і выступленнем коннага тэатра "Кіеўская Русь". Таксама адбудзецца канцэрт Нацыянальнага заслужанага ансамбля танца імя Паўла Вірскага і канцэрт артыстаў і калектываў Украіны, сярод якіх — народныя артысты Ціна Караль і Іа Бобул.

Галоўным мерапрыемствам першага дня стане вялікае тэатралізаванае свята "Малая радзіма" на галоўнай канцэртнай пляцоўцы. Плануецца, што ўдзел у ім возьмуць папулярныя выканаўцы з Беларусі, Расіі і Украіны. У прыватнасці, у Александрыю прыедуць Сяргей Трафімаў, ВІА "Синяя птица", гурт "Блестящие", Таісія Павалій, Мікалай Гнацюк.

"Купалле традыцыйна здзіўляе свайго гледача насычанай культурнай праграмай. У гэтым годзе, думаю, кожны таксама зможа знайсці на гэтым свяце сабе мерапрыемства па гусце", — адзначыў Андрэй Кунцэвіч.

На свяце будуць працаваць дзясяткі тэматычных пляцовак. Як заўсёды, разгорнецца горад майстроў. Пройдуць конкурс купальскіх касцюмаў, фестываль фарбаў, прэзентацыя II Еўрапейскіх гульняў, квэст "У пошуках папараць-кветкі". Упершыню ў рамках фестывалю пройдуць прэзентацыі аграэкасядзібаў Беларусі. І ў першы, і ў другі дзень праца пляцовак будзе завяршацца бліжэй да паўночы.

У 2017 годзе свята "Купалле" наведалі больш за 110 тысяч чалавек. У гэтым годзе арганізатары чакаюць яшчэ большай колькасці гасцей. Ужо сёння выбудоўваецца транспартная лагістыка. Дабрацца можна будзе на асабістых аўтамабілях. Зручная паркоўка, паабяцалі ў Магілёўскім аблвыканкаме, змесціць усіх ахвотных. Працаваць будзе грамадскі транспарт з Магілёва. Акрамя рэгулярных рэйсаў, дадасца 18 дадатковых цягнікоў рэгіянальных ліній з абавязковым прыпынкам на станцыі "Копысь".

Даўжыня гандлёвых шэрагаў у гэтым годзе перавысіць адзін кіламетр. На фестывальнай тэрыторыі размесцяцца 139 аб'ектаў гандлю.

Квіткі на галоўныя канцэрты свята "Александрыя збірае сяброў" ужо паступілі ў продаж. Набыць іх можна ў касах Магілёўскай абласной філармоніі, а таксама на інтэрнэт-сайце kvitki.by. Цэны, у параўнанні з леташнімі, выраслі нязначна. Напрыклад, кошт квітка на гала-канцэрт першага дня ў 2017 годзе быў 25 рублёў, у 2018 — 27 рублёў.

75
Тэги:
свята, Купалле, Александрыя, Беларусь
Лагатып дзіцячага Еўрабачання-2020

Дзіцячае "Еўрабачанне": беларуска Арына Пехцерава стала пятай

22
(абноўлена 09:34 30.11.2020)
Юная выканаўца з Магілёва атрымала 73 балы ад журы і 57 - ад гледачоў, тры краіны аддалі нашай суайчынніцы па 12 балаў.

МІНСК, 30 ліс - Sputnik. Беларуска Арына Пехцерава стала пятай на дзіцячым "Еўрабачанні", фінал музычнага конкурсу прайшоў у нядзелю ў польскай Варшаве ў анлайн-фармаце.

12-гадовая Арына выступіла ў фінале з песняй "Прышэльцы". Разам з ёй удзельнічалі прадстаўніцы яшчэ 11 краін. Журы аддало магіляўчанцы 73 балы, гледачы - 57 балаў.

Па 12 балаў Беларусі аддалі Казахстан, Сербія і Польшча.

Па выніках пераможцай стала францужанка Валянціна Тронель. На другім месцы - удзельніца з Казахстана Каркат Башанава, трэцяя - іспанка Салея.
З-за пандэміі конкурс адбыўся ў анлайн-рэжыме. Усе нумары выконваліся ў студыі ў кожнай краіне-удзельніцы, каб засцерагчы дзяцей і іх каманды ад каронавіруса. Вядучыя "Еўрабачання" з Варшавы вяшчалі на сацыяльнай дыстанцыі адзін ад аднаго.

Самыя гучныя выступы Беларусі на дзіцячым "Еўрабачанні"

Краіна ўдзельнічае ў конкурсе з моманту яго з'яўлення. Першай Беларусь на дзіцячым "Еўрабачанні" прадставіла Вольга Сацюк з песняй "Танцуй". У 2003 годзе яна заняла чацвёртае месца.

Таленты з Беларусі двойчы займалі першыя месцы на знакамітым міжнародным конкурсе - у 2005-м (Ксенія Сітнік з кампазіцыяй "Мы разам) і 2007-м гадах (Аляксей Жыгалковіч - "З сябрамі").

Андрэй Кунец з песняй "Новы дзень" у 2006 годзе ўзяў срэбра "Еўрабачання". Трэцяе месца на конкурсе займалі Лідзія Заблоцкая ("Анёлы дабра", 2011) і Ілля Волкаў ("Спявай са мной", 2013 года).

22
Тэги:
Беларусь, Дзіцячае Еўрабачанне
Тэмы:
Дзіцячае Еўрабачанне - 2020

Куватка, падарожніца і пялянашка: якія бываюць лялькі-абярэгі

1419
(абноўлена 16:52 27.11.2020)
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
  • Лялькі-абярэгі: долю ды нарачонага наклікаюць, ад хвароб абараняюць
Лялькі-абярэгі займалі важную частку жыцця беларусаў, іх рабілі амаль да кожнай важнай падзеі. Разабрацца ў безлічы беларускіх народных лялек дапаможа фотстужка Sputnik.

Беларусы вельмі трапятліва ставіліся да вырабу лялек-абарэгаў. Для гэтага трэба было абраць пэўны час і нават пэўны настрой. Напрыклад, ляльку "на здароўе" трэба было рабіць на зыходзе месяца. Практычна ўсе астатнія выраблялі на маладзік і абавязкова ў думках пра тое, чаму павінна была паспрыяць лялька.

Забабоны і правілы

Наогул існавала вельмі шмат забабонаў наконт вырабу абярэгаў. Напрыклад, не выкарыстоўвалі ні нажніц, ні іголак — нічога вострага. Тканіну рвалі, а потым ці звязвалі, ці скручвалі. У залежнасці ад гэтага лялькі-абярэгі падзяляліся на "матанкі" і "сталбушкі".

Лялькі-абярэгі не маюць твару. Лічылася, што намаляваўшы твар, ты надаў ляльцы душу, і яна магла ўвабраць нядобрыя думкі чалавека, які нават выпадкова аказаўся побач з майстрыхай, а значыць не аберагаЛА бы, а наадварот, магла нашкодзіць. Акрамя таго лічылася, што калі маляваў твар, значыць займаўся чорнай магіяй.

Вельмі многія лялькі-абярэгі служылі менавіта ад сурокаў, дурнога вока, іх вешалі на самае бачнае месца ля ўваходу, каб зірнуўшы на ляльку, злы чалавек на ёй пакінуў сваю негатыўную энергію.

Ляльку рабілі на працягу аднаго дня, а дакладней за адзін прысест: сабраўся з пазітыўнымі думкамі, натрапіў на настрой і майструй.

Вельмі часта для абярэгаў выкарыстоўвалі тканіну з ужо ношаных сукенак. Лічылася выдатным, што дабро перайшло ў дабро. Адзіная ўмова — абавязкова, незалежна ад таго, які майструецца абярэг, каб прысутнічаў чырвоны колер. Няхай танюткая стужачка пад хусткай ці арнамент на спадніцы, але колер усіх славянскіх абярэгаў абавязкова павінен быць.

Суправаджалі ж лялькі-абярэгі чалавека ўсё жыццё ад самага нараджэння, ці нават раней, паколькі існуе і "Таўстушка" — абярэг цяжарных жанчын.

Жаніхоў прыводзілі, хваробы адводзілі

З дапамогай абярэгаў дзяўчаты шукалі сабе жаніха і чакалі выканання жаданняў, маці адганялі хваробы ад дзяцей, старэйшыя ў родзе жанчыны абаранялі дом ад нячыстай сілы і благога вока.

Дарэчы, пераважную большасць абярэгаў людзі майстравалі выключна для сябе, напрыклад, "Жаданніцу", "Дзесяціручку", ці для сваіх блізкіх, як абярэг "Доля". Некаторыя лялькі, калі яны выконвалі сваю функцыю, напрыклад "На здароўе", спальвалі, а такія, як "Берагіня роду", перадавалі з пакалення ў пакаленне.

А вось строгіх патрабаванняў наконт убрання лялек-абярэгаў няма, яны могуць быць апрануты выключна на густ майстрыхі, толькі, канечне, з выкарыстаннем чырвонага колеру. Галоўнае — гэта думкі, з якімі вырабляецца лялька.

1419
  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Крупенічка" і "Багач" спрыялі дастатку ў хаце і ставіліся ў чырвоным куце. Насыпалі ў вузельчыкі крупу ці зерне, якія вясной развязвалі і першым на ўчастак высявалі менавіта гэта зерне, каб мець добры ўраджай.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    Абярэг "На здароўе" робіцца з ільну. І чым меней жыла гэтая лялька – тым лепш. Так-так, бо калі яе майстравалі, загадвалі, каб яна забрала на сябе ўсю немач чалавека, а калі ён папраўляўся – ляльку спальвалі.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Берагіня роду" ахоўвала ўвесь род і ставілася ў хаце ў чырвоным куце. За поясам гэтая лялька мела мяшочкі з зернем і грошыкамі, каб усе члены роду жылі ў дастатку.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Дабрабытніца". Назва лялькі гаворыць сама за сябе – несці багацце, дабрабыт сям’і, у яе аснове заўсёды кладзецца манета.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Жаданніцу" нікому не паказвалі, захоўвалі ў сваім пакоі побач з люстэркам. Загадваючы пажаданні, яе ўпрыгожвалі чарговай стужкай, пацеркамі, кветачкамі.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Званочак" – вястун добрых вестак. Званочкі маглі быць як у руках лялькі, так і замест ножак.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Кубышка-траўніца" напаўнялася мятай, чаборам, ліпай, самымі рознымі травамі, у залежнасці ад захворвання. Яны спрыялі выздараўленню пры прастудзе, паколькі змагаліся з мікробамі, мацавалі сон, знімалі галаўны боль.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Куватка" ці "Спавітушка" клалася ў калыску малога ці вешалася над ёй, каб злыя духі, калі прыйдуць па душу немаўляці, пераблыталі і ўсяліліся ў ляльку.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "На ўдалае замужжа". Гэтая лялька мела самую даўгую шыю, паколькі яна рабілася з гальштукаў, кожны з якіх меў свой колер і адпавядаў рысам характару будучага мужа. Гальштукаў было не меней сямі, павязваючы іх, дзяўчаты прагаворвалі, якім павінен быць жаніх. Гэтая лялька была без рук, каб муж на руках насіў і ўсю работу рабіў. Калі дзяўчына выстаўляла ляльку на вакно, значыць была гатова да замужжа.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Неразлучкікаў" дарылі маладым на вяселле, каб яны заўжды былі разам, захоўвалі ў сям’і лад. Гэту ляльку-абярэг можна дарыць парам і на юбілейныя вяселлі.

  • Лялькі-абярэгі: долю ды нарачонага наклікаюць, ад хвароб абараняюць
    © Sputnik Вольга Караленка

    "Радасцея" – абярэг добрага настрою і радасці. Ручкі гэтай лялькі заўсёды глядзяць ўгару.

Тэги:
Народныя традыцыі, Лялькі
Снегапад у Мінску

Які сёння дзень: 1 снежня 2020 года

0
(абноўлена 10:21 30.11.2020)
Гэты дзень з'яўляецца трыста трыццаць шостым па грыгарыянскім календары, да канца года застаецца 30 дзён.

У гэты дзень адзначаецца Сусветны дзень барацьбы са СНІД. Якія яшчэ падзеі адбыліся 1 снежня і чым азнаменаваны гэты дзень у народным календары, чытайце ў спраўцы Sputnik.

Гістарычныя падзеі 1 снежня

  • У 1920 годзе ва Універсітэце Стэфана Баторыя ў Вільні створаны Беларускі студэнцкі саюз.
  • У 2004 годзе быў зацверджаны герб і сцяг г. Дзятлава.

Хто нарадзіўся 1 снежня

  • 1919 год: Уладзімір Дамарад, беларускі графік.
  • 1939 год: Уладзімір Пятровіч Платонаў, беларускі матэматык.

Таксама сёння нарадзіліся расійскі гісторык, пісьменнік, паэт Мікалай Карамзін і рускі паэт Валерый Брусаў.

1 снежня ў народным календары

Сёння праваслаўныя вернікі шануюць памяць святых пакутнікаў Платона і Рамана. Ім маліліся пра паляпшэнне матэрыяльнага стану.

Таксама святыя лічыліся прадвеснікамі зімы. У народзе існавала прымаўка: "Платон ды Раман кажуць зіму нам". Калі гэты дзень быў цёплы, то і зіму чакалі цёплую.

Калі 1 снежня дзьмуў моцны вецер, зіма таксама абяцала быць ветранай і снежнай. А вось варона, якая ходзіць на Платона па двары, прадказвае адлігу.

0
Тэги:
народны каляндар, які сёння дзень
Тэмы:
Які сёння дзень: каляндар знакавых падзей