Купалле ў Вязынке, архіўнае фота

"Свята сонца": жывы агонь і мора музыкі чакае гасцей фестывалю

81
(абноўлена 00:15 13.06.2018)
На этнафэсце можна будзе наведаць майстар-класы, пастраляць з лука і арбалета, падсілкавацца на фудкорце і нават палятаць на паветраным шары.

МІНСК, 12 чэр — Sputnik. "Свята сонца" — этнафестываль, які адкрывае летні сезон у Беларусі, ужо ў трэці раз пройдзе на тэрыторыі музейнага комплексу Дудуткі, у 40 кіламетрах ад Мінска. Галоўная тэма фестывалю — Купалле, а паколькі адзін з сімвалаў гэтага свята — агонь, арганізатары абяцаюць шмат запальнай музыкі і конкурс фаер-шоу.

"Музычная частка будзе ўпершыню праходзіць на дзвюх сцэнах. Першая сцэна працуе з самай раніцы да трох гадзін дня, і потым пачынаецца галоўная, на якой будуць выступаць хэдлайнеры", — распавядае Аляксандр Рак, арганізатар этнафэсту, кіраўнік экстрым-тэатра "Берсерк".

Склад музычных гуртоў, якія выступяць на фестывалі, вельмі разнастайны: са сцэны прагучаць як фолкавыя кампазіцыі, так і рок, этніка, эмбіент. Спіс хэдлайнераў уражвае: Volski, фолк-гурт з Санкт-Пецярбурга "Тролль гнет ель", "Яварына", PAWA, Re1ikt, Кацярына Ваданосава і іншыя.

Фестываль Свята Сонца-2017
© Sputnik Юлія Хвошч
Фестываль "Свята Сонца-2017"

Удзельнік гурта беларускай сярэднявечнай музыкі PAWA Сяргей Шаўчэнка паабяцаў здзівіць новымі песнямі: "Прадставім новыя песні, прадставім новых удзельніц — у нас змяніўся склад. Таксама ў міжсезонне мы папрацавалі з незвычайным для нас аўтарскім матэрыялам, самі пісалі тэксты".

Тэатр "Яварына" выступіць адразу на абедзвюх пляцоўках — і навучыць гасцей фестывалю танцаваць народныя танцы.

"Чым такі від зносін з гледачом эфектыўны — танцы вельмі простыя. Таму нашы танцоры, збіраючы і запрашаючы людзей паўдзельнічаць у нашай праграме, вельмі хутка тлумачаць людзям, як трэба рухацца, як танцаваць, як называецца танец. Можа быць, у працэсе танца распавядаецца гісторыя, як ён ствараўся і калі", — распавядае ўдзельнік тэатра сярэднявечнай культуры "Яварына" Аляксей Барэйша.

Купалье в Вязынке
© Sputnik / Виктор Толочко
Народныя танцы на Купалле

Майстар-класы плануюцца не толькі па танцах — удзельніца фаер-шоу Lunali, які перамог на мінулым "Свяце сонца", Кацярына Шанько паабяцала навучыць упадабаным трукам любога жадаючага.

"У нас будзе выключна жывы агонь, невялікая пяціхвілінная замалёўка, трошкі гумарыстычная, трошкі адцягненая ад тэмы Купалля", — падзялілася Кацярына планамі на будучы фэст.

Акрамя музыкі і майстар-класаў, гасцей этнафэсту чакае мноства іншых актыўных забаў: ужо ў 11 раніцы пачынаюцца публічныя лекцыі, на якіх этнографы раскажуць пра паходжанне і традыцыі салярных святаў. Можна будзе пастраляць з лука і арбалета, падсілкавацца на фудкорце і нават палятаць на паветраным шары.

Скончыцца першы дзень фестывалю традыцыйнымі скачкамі праз вогнішча і шэсцем, прычым агонь для вогнішчаў будзе здабыты ўручную. Жадаючыя застацца на другі дзень фестывалю змогуць разбіць сваю палатку непадалёк ад уваходу на асноўную пляцоўку.

81
Тэги:
Фолк-музыка, Рок-музыка, Фестываль, Свята Сонца, Музейны комплекс "Дудуткі", Аляксандр Рак, Беларусь
Тэмы:
"Свята Сонца 2018" у Дудутках - традыцыйны купальскі open-air (8)
По теме
Хэдлайнерам "Свята сонца" ў Дудутках будзе Лявон Вольскі са сваім гуртом
Гурт "Тролль Гнет Ель" адзначыць паўналецце на "Свяце Сонца" ў Дудутках
Тэатр "Яварына" выступіць на "Свяце Сонца" ў Дудутках
"Свята Сонца 2018" у Дудутках - традыцыйны купальскі open-air
Карціна Хаіма Суціна Ева

Карціны з калекцыі Белгазпрамбанка вярнулі ў галерэю "Арт-Беларусь"

3
(абноўлена 14:25 23.06.2021)
У абноўленай экспазіцыі можна ўбачыць работы Марка Шагала, Хаіма Суціна, Восіпа Цадкіна і многіх іншых, акрамя таго, прадстаўлены шэсць навінак.

МІНСК, 23 чэр - Sputnik. Карціны з калекцыі Белгазпрамбанка з серады, 23 чэрвеня, зноў дэманструюцца ў галерэі "Арт-Беларусь", паведамілі ў прэс-службе банка.

У чэрвені мінулага года ў эфіры тэлеканала "Беларусь 1" паведамілі, што паўтары сотні карцін агульным коштам каля $20 млн "далучылі да справы Белгазпрамбанка". Па словах вядучага Івана Эйсманта, карціны, якія знаходзяцца ў карпаратыўнай калекцыі банка, "рыхтавалі да тэрміновага вывазу з краіны".

Іх канфіскавалі, з тых часоў карціны не выстаўляліся.

"23 чэрвеня галерэя "Арт-Беларусь" зноў прадставіць увазе аматараў мастацтва работы з карпаратыўнай калекцыі ААТ "Белгазпрамбанк". Творы жывапісу, графікі, скульптуры, дэкаратыўна-прыкладнога мастацтва, кніжнага друку - усяго больш за 50 арт-аб'ектаў. Новая экспазіцыя прысвечана гісторыі беларускай культуры перыяду XVI-XX стст", - паведаміла ў сераду прэс-служба банка.

Удакладняецца, што ў абноўленай экспазіцыі можна ўбачыць работы Марка Шагала, Хаіма Суціна, Восіпа Цадкіна і многіх іншых, акрамя таго, прадстаўлены шэсць навінак - работы ўдзельнікаў УНОВИС ( "Утвердители нового искусства»- творчае аб'яднанне, створанае ў 1920-1923 гадах у Віцебскім Народным мастацкім вучылішчы пад кіраўніцтвам Казіміра Малевіча): Яўгеніі Магарыл, Дзмітрыя Саннікава, Яўхіма Рояка, Льва Юдзіна.

Карпаратыўная калекцыя Белгазпрамбанка

У карпаратыўнай калекцыі Белгазпрамбанка было прадстаўлена пяць работ Марка Шагала, сярод іх - чатыры жывапісных палатна. Гэта адзіныя жывапісныя карціны знакамітага мастака, якія ёсць у краіне.

У калекцыі таксама знаходзяцца адзіныя творы Хаіма Суціна ў Беларусі. Адна з работ, "Ева" з'яўляецца самым дарагім творам выяўленчага мастацтва ў Беларусі.

Сярод карцін у карпаратыўнай калекцыі банка - "Партрэт княгіні Ірыны Абаленскай" Савелія Сорына. Віктар Бабарыка, на той момант старшыня праўлення банка, асабіста сустракаўся з княгіняй. Ёй тады было больш за 90 гадоў, Бабарыка спадзяваўся запрасіць яе з Лондана, дзе яна пражывала, у Мінск, каб наведвальнікі выставы змаглі на свае вочы ўбачыць тую, каго адлюстраваў на сваім палатне Сорын.

Чытайце таксама:

3
Тэги:
Восіп Цадкін, Хаім Суцін, Марк Шагал, Галерэя "Арт-Беларусь", Белгазпрамбанк, карціны
Прэзідэнт Беларусі Аляксандр Лукашэнка

Лукашэнка: нацысцкі бліцкрыг сарваўся ля сцен Брэсцкай цытадэлі

15
(абноўлена 09:24 23.06.2021)
У Брэсцкай крэпасці 22 чэрвеня беларускія ўлады правялі цырымонію, прымеркаваную да Дня ўсенароднай памяці ахвяр вайны.

БРЭСТ, 23 чэр – Sputnik. Немцы 80 гадоў таму хацелі прайсці па нашай зямлі ўрачыстым маршам, заявіў напярэдадні прэзідэнт Беларусі Аляксандр Лукашэнка ў Брэсцкай крэпасці, перадае карэспандэнт Sputnik.

Паводле яго словаў, 22 чэрвеня 1941 года для ўсіх беларусаў дзень памяці і смутку, які падзяліў жыццё на да і пасля.

"На нашу зямлю рушыла ўзброеная бязлітасная армада, якая несла гібель і рабства. Фашысты не шкадавалі ні старых, ні немаўлят. Гэта потым, пасля 9 траўня 45-га, немцы назавуць той чэрвеньскі дзень ракавым для сваёй нацыі", - сказаў Лукашэнка.

Паводле яго слоў, гітлераўскія забойцы хацелі прайсці пераможным маршам, як яны гэта зрабілі ў краінах Еўропы. Фашысты, падкрэсліў Лукашэнка, нават запланавалі пераможны парад на Краснай плошчы ў Маскве.

"Але тут, ля сцен брэсцкай цытадэлі, літаральна ў першыя гадзіны вайны нацысцкі бліцкрыг сарваўся", - сказаў беларускі прэзідэнт.

"Сарваўся, калі ў апошнія хвіліны свайго кароткага жыцця воін надрапаў на сцяне: "Я паміраю, але не здаюся! Бывай, Радзіма!" - падкрэсліў Лукашэнка.

Ён адзначыў, што, на жаль, сёння невядомы імёны многіх абаронцаў крэпасці, і мы не ведаем, дзе яны загінулі і пахаваны. А не так даўно, у красавіку, памёр апошні вядомы абаронца цытадэлі Пётр Кацельнікаў. Лукашэнка асабліва падкрэсліў, што ў памяці народа імя Кацельнікава будзе жыць заўсёды, як і імёны яго баявых таварышаў лейтэнанта Кіжаватава, капітана Зубачова, маёра Гаўрылава і тысяч іншых савецкіх герояў.

"Гэта яны не дазволілі фашыстам узяць цвярдыню над Бугам за восем гадзін. Праз тры тыдні баі пачыналіся ўжо на далёкіх подступах да Смаленска, а Брэсцкая крэпасць працягвала ваяваць", - сказаў на заканчэнне прэзідэнт.

Памяць герояў вайны ўдзельнікі цырымоніі ў Брэсцкай крэпасці ўшанавалі хвілінай маўчання.

Чытайце таксама:

15
Тэги:
улада, Цытадэль, Брэсцкая крэпасць, бліцкрыг, Аляксандр Лукашэнка