https://bel.sputnik.by/20180625/muzej-chemodan-kruglyanskij-rajon-1036205888.html
Музей у адным чамадане - ці гэта магчыма?
Музей у адным чамадане - ці гэта магчыма?
Sputnik Беларусь
Магчыма - гавораць і робяць у Круглянскім раёне. Тут паклалі экспанаты ў стары савецкі чамадан і пайшлі па дварах. 25.06.2018, Sputnik Беларусь
2018-06-25T12:27+0300
2018-06-25T12:27+0300
2022-04-14T15:36+0300
у беларусі
цiкавосткi
культура
беларусь
магілёў
традыцыі
музей
народная творчасць
спадчына
https://cdnn11.img.sputnik.by/img/103620/50/1036205073_0:118:1280:841_1920x0_80_0_0_4946c3f6228b242556175428e9e9ec33.jpg
МАГІЛЁЎ, 25 чэр — Sputnik, Марыя Зуева. Ідэя арганізаваць акцыю "Музей у кожны двор" нарадзілася ў дырэктара Круглянскага гісторыка-краязнаўчага музея Віі Гапаевай. Нядаўна мясцовыя жыхары падарылі музею стары савецкі чамадан. Менавіта ён і падказаў ідэю стварэння незвычайнай выязной экспазіцыі."У нас няма недахопу ў наведвальніках. Да нас часта прыходзяць на экскурсіі школьнікі. Але ў бацькоў не заўсёды ёсць час прывесці да нас дзіця, і мы вырашылі пайсці да дзяцей самі. Проста прайсці па дварах і расказаць пра тое, як жылі нашы продкі", — распавяла Віа Гапаева.Рарытэты ў рарытэцеУ чамадане сабраны прадметы побыту, музычныя інструменты, лялька-абярэгі. Экспанаты датаваны XIX — першай паловай XX стагоддзя. Дзіўныя рэчы — ілюстрацыя звычайнага жыцця беларускай вёскі. Але сучасныя дзеці на пытанне, напрыклад, як прасавалі вопратку нашы продкі, толькі развялі рукамі. Некаторыя і зусім выказалі здагадку, што прабабулі і прадзядулі хадзілі ў пакамечаным.Драўляныя прыстасаванні — рубель і качалкаАднак простыя драўляныя прыстасаванні — рубель і качалка — пераканалі ў адваротным. Дзеці самі паспрабавалі папрасаваць ільняны абрус, і ў іх атрымалася. Займальнай забаўкай стала спроба падняць чыгунок вілкамі. Але асаблівае захапленне ў дзятвы выклікалі трашчоткі, бубны і дудкі. Кожны быў не супраць сыграць у дзіцячым аркестры народных інструментаў."Я вучуся ў музычнай школе, граю на фартэпіяна. Бачыла вельмі шмат розных інструментаў. Але такія — упершыню. Цяпер такога на канцэрце не ўбачыш", — падзялілася дзевяцігадовая Аня.Дзіцячы аркестр народных інструментаў"Фішка" такой выставы, калі ўсе экспанаты дазволена чапаць рукамі, і прыцягвае дзятву. Гэтага няма ў звычайных музеях. Чамаданная экспазіцыя максімальна задавальняе дзіцячую дапытлівасць. Нават сам момант адкрыцця чамадана для гэтай публікі — ужо чараўніцтва і цуд."Нам расказалі, што падкова раней была ў кожным доме. Каб было жыццё шчаслівае, яе вешалі рагамі ўверх. Як чаша багацця атрымлівалася. А на вуліцы — наадварот. Гэта як абарона ад бед", — пахваліўся новымі ведамі васьмігадовы Стас.Круглянская другакласніца ў ролі беларускай сялянкіКруглае — невялікі райцэнтр з насельніцтвам менш за восем тысяч чалавек. За летнія канікулы музей у чамадане пабывае ва ўсіх гарадскіх дварах і завітае да юных жыхароў суседніх вёсак. У Беларусі ўжо ёсць цэлы шэраг незвычайных музеяў. Напрыклад, музей пустой тары ў Ганцавічах, музей ката ў Мінску, музей запалак у Горках. Круглянскі музей у чамадане, лічаць яго стваральнікі, — годны пачатковец у гэтым спісе.
беларусь
магілёў
Sputnik Беларусь
media@sputniknews.com
+74956456601
MIA „Rosiya Segodnya“
2018
Sputnik Беларусь
media@sputniknews.com
+74956456601
MIA „Rosiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rosiya Segodnya“
Sputnik Беларусь
media@sputniknews.com
+74956456601
MIA „Rosiya Segodnya“
у беларусі, цiкавосткi, культура, беларусь, магілёў, традыцыі, музей, народная творчасць, спадчына
у беларусі, цiкавосткi, культура, беларусь, магілёў, традыцыі, музей, народная творчасць, спадчына
Музей у адным чамадане - ці гэта магчыма?
12:27 25.06.2018 (абноўлена: 15:36 14.04.2022) Магчыма - гавораць і робяць у Круглянскім раёне. Тут паклалі экспанаты ў стары савецкі чамадан і пайшлі па дварах.
МАГІЛЁЎ, 25 чэр — Sputnik, Марыя Зуева. Ідэя арганізаваць акцыю "Музей у кожны двор" нарадзілася ў дырэктара Круглянскага гісторыка-краязнаўчага музея Віі Гапаевай. Нядаўна мясцовыя жыхары падарылі музею стары савецкі чамадан. Менавіта ён і падказаў ідэю стварэння незвычайнай выязной экспазіцыі.
"У нас няма недахопу ў наведвальніках. Да нас часта прыходзяць на экскурсіі школьнікі. Але ў бацькоў не заўсёды ёсць час прывесці да нас дзіця, і мы вырашылі пайсці да дзяцей самі. Проста прайсці па дварах і расказаць пра тое, як жылі нашы продкі", — распавяла Віа Гапаева.
У чамадане сабраны прадметы побыту, музычныя інструменты, лялька-абярэгі. Экспанаты датаваны XIX — першай паловай XX стагоддзя. Дзіўныя рэчы — ілюстрацыя звычайнага жыцця беларускай вёскі. Але сучасныя дзеці на пытанне, напрыклад, як прасавалі вопратку нашы продкі, толькі развялі рукамі. Некаторыя і зусім выказалі здагадку, што прабабулі і прадзядулі хадзілі ў пакамечаным.
Драўляныя прыстасаванні — рубель і качалка
Аднак простыя драўляныя прыстасаванні — рубель і качалка — пераканалі ў адваротным. Дзеці самі паспрабавалі папрасаваць ільняны абрус, і ў іх атрымалася. Займальнай забаўкай стала спроба падняць чыгунок вілкамі. Але асаблівае захапленне ў дзятвы выклікалі трашчоткі, бубны і дудкі. Кожны быў не супраць сыграць у дзіцячым аркестры народных інструментаў.
"Я вучуся ў музычнай школе, граю на фартэпіяна. Бачыла вельмі шмат розных інструментаў. Але такія — упершыню. Цяпер такога на канцэрце не ўбачыш", — падзялілася дзевяцігадовая Аня.
Дзіцячы аркестр народных інструментаў
"Фішка" такой выставы, калі ўсе экспанаты дазволена чапаць рукамі, і прыцягвае дзятву. Гэтага няма ў звычайных музеях. Чамаданная экспазіцыя максімальна задавальняе дзіцячую дапытлівасць. Нават сам момант адкрыцця чамадана для гэтай публікі — ужо чараўніцтва і цуд.
"Нам расказалі, што падкова раней была ў кожным доме. Каб было жыццё шчаслівае, яе вешалі рагамі ўверх. Як чаша багацця атрымлівалася. А на вуліцы — наадварот. Гэта як абарона ад бед", — пахваліўся новымі ведамі васьмігадовы Стас.
Круглянская другакласніца ў ролі беларускай сялянкі
Круглае — невялікі райцэнтр з насельніцтвам менш за восем тысяч чалавек. За летнія канікулы музей у чамадане пабывае ва ўсіх гарадскіх дварах і завітае да юных жыхароў суседніх вёсак. У Беларусі ўжо ёсць цэлы шэраг незвычайных музеяў. Напрыклад, музей пустой тары ў Ганцавічах, музей ката ў Мінску, музей запалак у Горках. Круглянскі музей у чамадане, лічаць яго стваральнікі, — годны пачатковец у гэтым спісе.
